¼™»¥§~ قصيدة الام ®~§¥«¼

قصيدة الام ..


هذي القصيده واااااايد حلووووه .. مهما كتبنا من هالقصايد ترى والله ما بنقدر نوفي قدر الام

تقول القصيدة :

قصيدتــــي زاد بعيونـي جمالهـــا .. واخذت انقي بالمعانــي جزالــــها
واكتب معانيها من الشوق والغلا .. لأمي وانا اصغر شاعر من عيالها
كتبتـــها في غربتي يوم رحلتـــي .. لما طرالــي بالسفــرمــا طرالـــها
أمي وانا بوصف لها من زود حبها.. وأن حكيت لها قصيدي حكالهـــا
أمـي لهـــا بالقلب والجوف منزلــة.. مكانــــة ً ماكــل محبــوب نالــها
أقرب من ظلالي وانا وسط غربتي.. وانا ترى أقرب لها من ظلالهــا
ماشافت أعيوني من الناس غيرهـا.. ولاخلق رب الخلايــق مثالهـــــا
أغلا بشـر في جملـة الناس كلهــم.. وأكرم من ايدين المزون وهمالهــا
أتبع رضــاها وارتجي زود قربها.. واللي طلبته من حياتي وصالــهــا
الصدق مرساها والاشواق بحرها..والعطف واحساس الغلا راس مالها
أهيــم فيــها وابتســم يــوم قلبــها.. يسـال وانا قلبي يجاوب ســؤالهــــا
وأن اطلبتني شي..فزيت مندفــــع..أمــوت انــا وأحمــل تعبـــها بدالهـا
واصبر على الدنيا والاحزان والتعب..واحمل على متني فطاحل جبالها
واسهر واعذب راحة القلب بالشقــا.. واعيش اعاني بس يرتــاح بالــها
تربية ابــوي اللي على الطيب بذكره..اللــي وهبنــي للحيــاه ومجالـــها
نور لي ادروبي و انا طفــل مبتدي.. حتى تركني واحـــد من رجالــهـا
الوالدين اولى بالأحســان لجلهـــم.. وأولى بتكريم النفــوس وعدالـــها
أقولــها و انا على الله متـــــــــــكل.. والله عليم بقدرتي واحتمــالهــا
ياكلمــةٍ أغلــى من النـــاس كلـــهم.. ياشمــس بقلبــي بعيــد زوالـــها
يافرحةٍ تملي لي الكون باكمــلــه.. ياشجــرة ً تكبــر ويكبــر ظلالــها
تضحك لي الدنيا ليا شفت زوالها.. مثل السما تزها بطلـــة هلالهــــا
والبعد عنها ياهل العـرف ما أقدره.. لاشك ناري زايده بأشتعالـــــها
ماعيـش ببلاد ولاهيـب بأرضهــا.. ولابي عيوني كان ماهي قبالهــا

""أرض تدوس امي بالاقدام رملها.. أموت فيهـا واندفــن في رمالهـا""

اتمنى انها عجبتكم القصيدة .. و اشكر هالشاعر المبدع على هالقصيدة
منقــــــــــــــــــــولة

 

 

هاذي القصيده طبعاً لمحبوبي الشاعر الرائع حامد زيد .. وهي حقيقةً من اجمل الكلمات العذبه والرائعه التي رأيتها تنكتب عن الامهات ..

ويستاهلون امهاتنه طول الله بعمرهم ..

""أرض تدوس امي بالاقدام رملها.. أموت فيهـا واندفــن في رمالهـا"" انا اشهد ..

تحياتي لج اختي..

 

 

يعطيج العافيه

اختي شوووووووق الامارات

على هذا الاختيار

فعلا كما قلتي .. مهما كتبنا من هالقصايد ترى والله ما بنقدر نوفي قدر الام

يعطيج العافيه .. ولا تحرمينا من مواضيعج

 

 

صح لسانك
احلى الشعار سمعته لسمع القصيده الصغيره

الحلم
انا ماني حلم عابر
وتبي تفسير
انا قصة قلب صابر
على ظلمك وتقصيره

 

 

صح لســـــــــــــانج اختي ....

ويعطيج الف عافية على هالقصيدة الحلوة المنقولة....

ويكفي انه الي كاتبها الشاعر حامد زيد ... المبدع في اشعاره الجميلة ....


وما قصرتي اختي على القصيدة والى الامااااااام


تحياتي لج: عاشـ الاخوه ـقة