مسجات عتاااااب....روووووووعه

بسم الله الرحمن الرحيم


السلام عليكم ورحمه الله وبركاته



تــدري من انـا ؟ ؟؟


انا الـصديق اللـي صديـقه تناساه

صابر على الحــزات مــثل الاصــايل

انـا حكــايه طولهـا الــف مأســآه

تسخـر من الاحــزان رغم الهـــوايل

انا الوحــيد اللي زمـــانه تحــداه

فــــاقد عــزيز وحيلتــــه بالرســــايل .

..

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

..
ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

..

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...

..

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

..

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

..

مع السلامه

مانبي غير
فرقااك

دامك مقفي
مالنا
فيك
قدره

..
كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني
..

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

..

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟
..
أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

..
عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

..
لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!

..
انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه
..
تخيل يوم عانقني خيالك..خاطري وش قال..؟؟
تخيل قــبـــــل أسولف...
نشدني عنك وجداني!!!
..
نشدني لــــــيــــــــــــــــــن خلاني
مدينة هزها زلزال!!
تــــخــــيـــــل ما هدأ حتى لقاك
((بوسط شرياني))

..
خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي
..
نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه
..

حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه

..
مصدر حيــــــــاتي عزتي واعذرينـــي
مقدر اواصل بالهوى حـــــــــاني الراس
صحيح حبك نقـــــــطة الضعف فـــــــــيني
مانكرت لــكن عــــــزتي مالــــــها قـــــــياس

..
قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي

..
عتبرني حلم عابـر في حياتك

اعتبر حبي سحــابة في سماك

اعتبرني من بقايــا ذكرياتك

اعتبرني شخص مـا يرغب لقاك

ابتعد واجمع مع غيري شتاتك

يوم صــار الغير هو غاية هواك

التسلي بالمشاعر من صفاتك

يـــا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

..

الظاهر انه يسعدك جرح الاحباب
اشوف جرحي كل يوم تزيدة ..
تجرح ولا تخشى ولا عندك اسباب ..
تمشي على كيفك ونفسك عنيدة ..
ما ودي اشكي منك واشغلك بعتاب
بس نــــــــــار القهر صارت شديدة..

..
يازين خربت بعد فرقاك الاوضاع
واختلت الاحوال .. والحال رثه
اشيل قلب ٍ بين الاضلاع ..ينزاع
من حر شوق ٍ في ضلوعي يبثه
ماطاعني ينساك ياعذب الاطباع
ولاصبر .. وانا على الصبر احثه
والظاهر اني (بانكبه) كان ماطاع
واواعدك واودعك .. لجل اغثه
اما يجنب عن غرامك وينصاع
والا يعود داخل الصدر .. جثه

..

ياطير بلغ صاحبي كان تلقاه
ياطير عن فرقاي ياما نهيته
ياطير عقبه مقعد الطيب عفناه
والهم بين ضلوع صدري طويته
ياطير ذا منزله وذاك ماطاه
وهذا مراحه وذا يوم التقيته
ياطير هذي قصتي كان تلقاه
عطه القصيد كان مرك وجيته

..


الا ياخوي لاتسأل.. عن اللي حطم أحلامي
عن الدمعة عن النظرة الحزينه

والعنا والآآآآآه

عن البسمة أو الإحساس.. أو الشقا اللي فأيامي

ترا في دمعتي قصة وأنافي قصتي مأساة

أشوف الظلم بعيوني ..يعذب قلبي الظامي
أشوف الكره معميهم وكلن ملتهي بدنياه
أشوف الكل هاجرني ويقرب لحظة إعدامي

أنا والله لي قلبٍ حنانه هو ( سبب بلواه )

..


جا يودعني يحسبنى قـد الـوداع
هو بقى بي حيل حتى اجمعـه
شب في روحي جنون وإندفاع
ومدت عروقي يديهـا تمنعـه
قال :احبك ، وابتدا الغيم اجتماع
قلت:احبك ، والمطر في اضلعه
ترشف عيونه دموعي بالتيـاع
وتعطش عيوني وتشرب ادمعه
يوم قفا وانطفى ذاك الشعـاع
طار قلبي من ضلوعي يتبعـه
قلبي اللي كلما يلقـاه ضـاع
كلما يغفـي بحضنـه روّعـه
وين أوجّه ؟ كل وجهاتي ضياع
كل احاسيسي توجّهنـي معـه

000
00
0

 

 

حلو جدااا

مشكورة يا الغالية على المسجات الحلوة

تسلمين

 

 

حلوو جدا
تسلمين اختي



سلام

 

 

العفو حبايبي


لاعدمنا طلتكم العطره

دمتم بحفظ الله ......

تحياتي لكم .....

 

 

تسلــــــــــــــــــمين يالغاليه
الله لا يحرمنا منك

 

 

الله يسلمك

اختي ملعقه

لاعدمنا ردودك العطره

دمت بود...

تحيتي لك..