الأمل المفتون ((قصة سعودية))

الأمل المفتون.. للكاتبة **كلي شموخ**

بطلة هذه القصة هي بنت إسمها ((حيـــاة)) عمرها 20سنه في سنه ثاني جامعه قسم حاسب آلي..
حبوووووبه مره طيوبه الكل يوصف طيبتها بالسذاجه بس هي مو مهتمه.. جميله حييييييييل لاهي طويله ولاهي قصيره ولاهي نحيفه ولاهي سمينه كل شي فيها حلو(حشا ملاك صايره(.. المهم عندها إختين لمياء أكبر منها (21سنه) والهنوف أصغر منها (14سنه( وعندهاأخو نايف (19سنه(.. أوووه نسيت أقولكم عن أختها الثالثه هدى (20سنه) إهي مو أختها بالضبط هي خالتها أخت أمها بس عندها مو بس عندها عندهم كلهم زي أختهم متربيه معاهم من كانو صغار كان أختها ساره (أم حياة) هي المسؤوله عنها.. لا تخافون أمها وأبوها عايشين..بس لأنها كبر بناتها صايره إهي المسؤوله عنها..
عائله رووعه ولافي الخيال..كل واحد منهم يموت عالثاني..عادي يضحي بحياته عشان يرضي أخوه أو أخته..وخاصة لمياء وحياة ..بعدين بتعرفون ليش قلت هالكلام..
امهم ربتهم على هالشى من صغرهم عودتهم يحبون كل الناس مو بس إخوانهم..

الفصل الأول
الجزء الأول
لمياء في هالوقت كان عمرها (8سنوات) وحياة (7سنوات) ونايف (6سنوات) والهنوف (3سنوات)
لمياء: يووووه ياماما بسرعه لبسيني بابا بيجي ألحين وانا توني ما لبست.. أجل ما عندك بنت إلا هنوف ياليتك ماجبتيها
الأم(ساره):لومه حبيبتي لا تقولين كذا عن أختك بعدين أنت كبيره تعرفين تلبسين بنفسك خليني ألحين ألبس أختك..أبي أتفرغ حق نفسي ولا روحي حق عمتك وداد وخذي معاك أختك حياة..يالله فكيني من حشرتك..
لمياء:خلاص مابي أحد يلبسني أصلا مو لابسه بجلس ببجامتي وأقابل أبوي بكشرتي..وتنزل دموعها وتجلس تبكي
ساره ما تقدر تتحمل دموع لمياء وتترك نواف على السرير وتروح تحظن بنتها وتسمحها: خلاص ياماما ماتسوى دموعك هاتي لبسك أشوف..
وتلبس ساره بنتها..إلاحياة داخله عليهم والله لايوريكم من طولة اللسان (كانت شوي ملسونه وش شوي إلا كل طولة اللسان متجمعه فيها(
حياة داخله عليهم من الحمام كانت تتروش:لاوووووالله على كيفك أهو تبين تقطيني على عمه وداد وانت قاعده تلبسين الآنسه هنيه ليش لاأكون ماني بنتك ولا ماني بنتك إلا أكيد جايبيني من الشارع أقول وش فيكم مو مهتمين فيني ..لاياماما تكفين لا تقولين إني ماني بنتكم..عادي بتحمل بس ما تقطوني في الشارع..
أمهاوهي تطالعها مستغربه من هالكلام:أموووت وأعرف أنتي منين تجيبين هالكلام.
لمياء:أعلللللم؟؟؟؟؟
حياة:حبييبتي لومه أختي..
ويقطع كلامهم دخلة نايف عليهم..إلاتقولون جاي من مقبره..أمه تشوفه شوي ويغمى عليها..
لمياء وحياة بصوت واحد:وعععععععععععععععععععععع وش هالقرف
يطالع أمه وهو مستحي..ماما إسمعيني والله إن عبودبن ناصر رإهو اللي موصخني كب علي تراب وكبيت عليه..أحسن أحسن..
ساره:شاطر وليدي ماقصرت..حسبي الله عليك من ولد ماصدقت أنظف الشقه تجي وتوصخها رح إذلف رح الحمام أروشك..إيه هذا جزا اللي تجيب عيال..ياعيال وصخو وأنتي يالأم تحملي..يالله قدامي..
وتدخله الحمام وتروشه..لمياءكانت مطقمه إهي وحياة كانو دايما يطقمون.. لبسو لبس كان شاريه لهم أبوهم قبل مايسافر.لبسوا تنوره زيتيه مشجره بأبيض قصيره ومعاها بلوزه ابيض ولابسين شراب أبيض قصير وجزمه زيتي كان شكلهم حلو مره كانو فرحانين مره بالبس الجديد وفرحتهم الأكبر بوصول أبوهم اللي بيرجع بعد غيبة أسبوعين كامله كان يشتغل بأرامكو ومطرشينه دوره إسبوعين بهولندا..المهم نزلت لمياء تحت لهلها تبي توريهم كشختها أما حياة جلست مع خوانها الصغار(مسويه حرمه على بالها) ..بعدمانزلت لمياء وهي على الدرج شافت منظر عمرها مارح تنساه في حياتها..شافت جدتها نوره تبكي وأمها شيخه(وحده من جداتهم)رابطه راسها ومنزله عيونها في الأرض وكأنها تبكي وزوجة عمها ماتبي تطالع فيها..خافت لمياء وطلعت لأمها وقالتلها عن اللي شافته..ساره نغزها قلبها لكن ماعطت الموضوع أي إهتمام لأنها كانت لاهيه بزوجها اللي على وصول..
ماهي إلادقايق ووداد جايه.
وداد وعيونها مليانه دموع:ساره أمي تبيك تحت
ساره بخوف: عسا ماشر لمياء تقول إنها تصيح فيه شي؟؟؟؟
وداد:لا مافيه شي تعرفين امي قلقانه شوي على سعود ماتخلي عنها هالمحاتاه تعرفينها تحاتي الكل..بسرعه انزلي شوفي وش تبي؟
جلست وداد مع الصغار تبي تمنع لمياء وحياة من إنهم ينزلون بس لمياء إنفلتت بسرعه من يدها وصارت تركض بسرعه تخاف لاتمسكها وتبي بعد تشوف وش فيهم يبكون..على صغرها بس كان عقلها اكبر منها ماصدقت عمتها يوم قالت هالكلام..
نزلت ساره إلا تشوف الوضع مب تمام العالم ربشه والكل يبكي قالت وش فيكم وش صاير أحد فيه شي بس ماكانت تتوقع إن الإجابه راح تكون كذا
قالولها إن سعود (زوجها) صار عليه حادث على طريق الرياض_الدمام لكن إهي ماتدري شصار عليه إهي من سمعت حادث أغمى عليها
شوي سمعو خوانها الخبر وجاو موبس إخوانها اللي جاو كل العائله من سمعوا الخبر تجمعو في بيت ابو سعود..
وجااااااااااااااا الخبر إنه توفى…………………….
الخبر نزل على الكل زي الصاعقه زي الزلزال الكل يقعد يبكي رجاجيل وحريم.. مو مصدقين سعود راح وهو بعز شبابه وترك وراه أربع أطفال..
ساره ما وعت إلا على يدين ابو سعود وهي على جبينها كان يقرا عليها عساها تقوم.. وقامت ساره وقالولها الخبر وحظنت خالها وقعدت تبكي لا يا سعود لا تخليني وتروح لا ياسعود عيالك محتاجيلك تكفى ياسعود وشلون أعيش من بعدك خذني معك ياسعود لا تخليني وحيده آآآآه يانفاذ الدار من بعدك ياسعود ويا قلب ساره يالله يارب رحمتك ورضاك يالله
وخالها يبكي … ما يدري يبكي على سعود ولا على ساره..
يبكي سعود أكبر عياله سنده وعونه في حياته..سعود اللي قضى حياته كلها يخدم أبوه وامه كان يدرس ويشتغل في نفس الوقت الين ماصار عندهم هالخير الي أهم فيه..
يبكي سعود اللي راح وخلى وراه أربع أطفال..يبكي الهنوف الي راح تطلع الدنيا وهي ماشافت ابوها..
يبكي ساره اللي ترملت بعز شبابها..يبكي ساره اللي عاشت معاهم على الحلوه والمره ولا عمرها تذمرت ولاقالت شي موزين
إلا حس ابو سعود في عمره وقام يهدي ساره ويقويها وهو نفسه محتاج من يصبره ويقويه وصار يذكرها بالله وان الموت حق على الإنسان وان هذا مصيرنا تاليتنا التراب… بس ألا ياسامع……
طلع أبو سعود منهم وهو دمعته على خده ضايقه فيه الدنيا..ومن شاف اخوه أبوفيصل راح فيــــــها
اما لمياء ياعمري من سمعت أنه صاير عليه حادث طلعت بسرعه عالدرج وصارت تبكي بس بعد المغرب سمحت ولا كأن شي صار كان على بالها انه بالمستشفى وبيرجع لهم ويوم صار العزى سلمت على وحده من الي يعزون وقالتلها..آآآآآآه الله يرحم أبوك ويدخله الجنه..
درت انه خلاص مب راجع وصارت تبكي تبكي الين ما نامت وهي تبكي (على انها صغيره بس كانت تفهم كل شي حواليها فلا تستصغرون عقول الاطفال ترى يفهمون أحسن من الكبار(
اما حياة ماكانت تفهم كثير زي لمياء كانت تشوف أمها تبكي وجدتها تبكي الكل كان يبكي بس مو عارفه ليش..الكل مهتم فيهم يبوسهم ولا يأكلهم ويدعي لهم ولأبوهم..بس موداريه سبب هالإهتمام.هي تذكرت ان ابوها ماجاء ياربي وش فيه تاحر والكل يبكي..
قالتلها لمياء ان ابوهم مات بس اهي ماعطتها وجه..اهي أكيد تكذب ابوي بيجي الحين اهو واعدني يجيب لي عروسه معه صح ياماما صح..وضمتها امها وقعدت تبكي ..في هااللحظه حست حياة ان ابوها صدق مات خلاص فارقها ماعاد رح تشوفه للابد وجلست تبكي في حظن امها..
يووووووه نسيت أقولكم عن حالة الام..أكيد عارفين شلون بتصير حالتها..أم سعود أهي اول من درى بالخبر..كانت جالسه بالصاله عند التلفون ورن ورفعته على طول تحسبه سعود يقولها أنه وصل..بس طلع العكس تماما
ام سعود:مرحبا
المتصل:هذا بيت سعود بن نايف
ام سعود:أيه ياوليدي وصلت..عسا ماشر
المتصل:طيب أبي واحد من العيال
ام سعود:خير ياولدي سعود فيه شي قولي أنا أمه
المتصل:ياخاله انت مؤمنه وعارفه ربك وعارفه ان الموت عليناحق
قطعته ام سعود..يامك قول سعود فيه شي لاتقعدتقول هالكلام تراك أرعبتني
المتصل:ياخاله سعود يطلبك الحل
أم سعود صنمت في مكانها ماتدري وش تسوي ولاتدري وش تقول ماطاحت ولا دمعه من عينه ولا صاحت ولا صارلها أي ردة فعل
بعد شوي دخل ولدهاناصر الكبير اللي تحت سعود وخاف يوم شاف امه على هالحال وشاف جنبها سماعة التلفون طايحه ورفع السماعه الالقى رجال على الخط
ناصر:ألو
المتصل:هلا اخوي ..
ناصر:حياك اخوي فيه شي
المتصل:أيه فيه..سعود بن نايف سوى حادث من ساعه على طريق الرياض_الدمام.. ونقلناه المستشفى هو وياخويه بس للأسف مالحقنا عليه توفى قبل لايوصل المستشفى
ناصر:وش تقول يالشيخ فالك طيب ان شاء الله
المتصل:هذااللي حصل وجثته عندنا بالمستشفى وبكلمكم وقت ثاني أعطيكم الرقم
ناصر من قال فالك طيب وهو طارح السماعه بدون مايحس ويلتفت حق أمه اللي لقاها غايبه ويصحيها..لاتروحين يمه يكفي سعود راح وخلانا..يمه تكفين تراك بالدنيا ..والام في حالة مايعلم بها ألا الله
ودخل أبو سعود وعرف بالسالفه ومن سمعها وهو طايح على ركبته ويبكي بحرقه ومن قلبه..الين ماتذكر الله وجلس يهدي في مرته وولده..
دروا كل العائله مابقى الا خوان سعود واخته نجلاء اللي بالرياض ..وباقي اهم شي ساره زوجته شلون بيقولون لها الخبر وشلون بتتحمله
أيام العزى بالخبر""""""""""
طبعا دروا خوان سعود كلهم(فهد؛خالد)وجاو من أول يوم بس نجلاء ماجات الا ثاني يوم لانها تعبت يوم درت بالخبر وخاصة كانت حامل جاها هبوط في الضغط ودخلوها المستشفى
ومن دخلت عليهم عادو موال اليوم اللي قبله..
خلصت أيام العزى الثلاث وماجلس احد في الشرقيه كلها والرياض الا جا يعزيهم في موتة سعود اللي هزت الخبر الا الشرقيه كلها..الكل كان يدعيله ويترحم عليه وهذا الشي اللي كان مريح ابوه إنه مات والكل راضي عنه
ساره يوم عن يوم الحمدالله تصير أحسن وتتقبل الوضع الجديد الين ماقدرت انها تسلىفي يوم من الأيام طلع لها ابوسعود وهم يسولفون..قالت ساره
ساره:خالي والله مادري وش اقولك ابي اطلب منك طلب بس مستحيه
ابو سعود:طلبي يابعدقلبي قولي اللي في خاطرك
ساره:ابي اسكن عند اهلي بعد الحداد
ابو سعود:افا ليه يابنيتي احنا مقصرين عليك في شي
ساره:ينقطع لسان اللي يقول هالكلام بس أنا ودي اروح عند اهلي ارتاح عندهم كم سنه..ماعاد اقدر اجلس في هالمكان كل زاويه منه تذكرني بسعود تعبت ياعمي والله تعبت..ويقطع البكي كلامها..وراحت تبكي في حظن عمها
ابو سعود:خلاص يابوك على راحتك سوي اللي تبينه
ارتاحت ساره بعد كلام وردوا يسولفون مره ثانيه..وقالت له انها تبي تقدم على وظيفه ..وفرح ابوسعود لهالقرار..احسن لها تطلع وتروح وتجي وتغير هالجو اللي عايشته.

الجزء الثاني
بعد عشر شهور من وفاة سعود توظفت ساره في مدسه وبعدها بشهرين راحت تسكن عند أهلها..وكانت كل يوم اربعاء تروح بيت اهل سعود..وربت عيالها واختها هدى اللي من عمر حياة احسن تربيه وعلمتهم انه كل ماذكروا ابوهم يترحمون عليه..
الكل كان يحسدها على هالتربيه..كانو يقولون هذا واهي لحالها ربتهم كذا اجل لو ابوهم عايش كيف بيصيرون..
كانت حريصه على هالشي ملتبيهم يقولون اهملت عيالها وماوراهم رجال وماعرفت تربيهم..
وبعد سنه ونص تقدم لها واحد يبي يتزوجها..طبعا اهي رفظت ومارضت تكون لحد غير سعود..بس اهي لاقت ظغوطات كبيره من امها وابوها..
ام عبد الرحمن(ام ساره): يا بنيتي انت توك شابه وحرام انك تظيعين عمرك كذا
ساره:الله اكبريايمه تسمين جلستي مع عيالي وتربيتي لهم تظيعة عمر
ام عبدالرحمن:انا ماقصدت كذا بس….
ساره:اسمعي يمه عشان ترتاحين ولاعاد تفتحين معاي الموضوع مره ثانيه..عهدعلي اني ماكون لغير سعود ولا احد يلمس شعره من راسي غير سعود..
وبعد اربع سنوات كبروا العيال وبنالهم جدهم فله جنبهم.. وكلم ساره عشان يقولها وعلى طول وافقت مع انها كانت مرتاحه عند اهلها بس ماتبي عيالها يتربون بعيد عن أهلهم..فرح ابو سعود من ساره وراح يبشر ام سعود اللي شوي وتطير من الفرحه.. خلاص بيردون عيال سعود وبيكونون قريبين منهم..خلاص كل يوم راح يشوفونهم.. وبالفعل بعد اسبوع من هالكلام راحت ساره وعيالها لبيتهم..كان بيت جنان متوصين فيه
طلعوا كلهم يتفرجون عالغرف وساره توزعها عليهم..
قدام الدرج على طول صالة كنب وعالجنب الغرفه الرئيسيه اللي هي غرفة ساره وجنبها غرفة نايف ومن عالجنب الثاني غرفتين وحده للمياء ووحده لحياة والهنوف..وغرفتين زياده للضيوف كانو فرحانين كثير بهالبيت وامهم فرحانه لفرحة عيالها..

الفصل الثاني
الجزء الاول
بعد ثمان سنوات كبروا العيال ولمياء صار عمرها (21سنه)وهي تدرس تعليم خاص سنه ثالث..وحياة وهدى عمرهم (20سنه)سنه ثاني حاسب آلي.. ونايف عمره (19سنه)سنه اولى بترول ومعادن..اماالهنوف فعمرها 14سنه بثاني متوسط..
الخوان كل ماكبروا كل ماتكبر علاقتهم مع بعض..وخاصة لمياء وحياة وهدى..
خلونا نتكلم عن لمياء شوي
لمياء زي ماقلتلكم جميلله ورقيقه اهي اجمل خواتها..خفيفة دم مرررره مرحه .الكل كان يحبها..كانت كتومه ماتحب تشكي لاحد
تقدملها ولد خالها عبدالله بس مارضت تبي تكمل دراستها اول بعدين تفكر في الزواج…مولعه في شي اسمه نت وبعدين بقولكم وش اللي محببها فيه..
اما هدى فيها كثير من صفات لمياء بس كانت مرحححححه اكثر وماعليها من احد اللي في قلبها على لسانها..وهي بعد كانت جمييله..
اما حياة قد تكلمت عنها من قبل بس اللي ماقلته لكم ان حياة كانت عندها صديقه غاليه حيييييييييل على قلبها تعدها توأمها تحبها موت كانت ترتاح لها كثير اللي اهي امل بنت خالها عبدالرحمن..
حياة وامل وهدى كلهم بجامعه وحده وكلهم كانو نفس التخصص سنه ثاني حاسب آلي كانت نهاية السنه ..ايام الإمتحانات يوم الثلاثاء آخر يوم…جات امل متأخره على الكليه والبنات يحاتونها باقي خمس دقايق على الإمتحان واهي تو ماجات طلعت حياة جوالها تبي تكلمها الا وهي تسمع صوت امل تقولها: خلاص خلاص جيت
ويلتفتون لها هدى وحياة الا هذي مو امل اللي يعرفونها ظاربه الرقم القياسي في الكشخه ..طبعا ما جاهم وقت يسألونها عن سبب هالكشخه.. بدا الإمتحان وكل وحده راحت قاعتها..
طلعوا فرحانين كان الإمتحان مره سهل (ختامهامسك(
هدى:امول وين حياة ماطلعت
امل وحياة كانو بقاعه وحده…
امل:الا طلعت قبلي بس مادري وين راحت
جات حياة وقالت لهم انها كانت تكلم امها تطمنها على امتحانها..وكلمت لمياء تشوف وش اخبارها…
هدى:امل قلبي حاس ان فيه شي بسرعه يالله اعترفي وش مخبيه علينا
حياة: أي والله وش هالكشخه ياأموله تقولين عروس
امل:وش دراك..امس تو انخطبت
هدى:كللللللللللللللللللش من هو ومتى وكيف؟؟؟؟؟؟؟؟؟؟؟؟؟
امل:اسكتي الله يخسك فظحتيني قدام البننات
حياة:اكييييييييد بندر صح
امل:ايه بندر…يوه يا بنات احس باطير من الفرحه واخيرا باخذه بيكون لي لوحدي
حياة وهدى:الله يتم عليك فرحتك
حياة:ومتى الزواج؟؟؟
امل:والله مادري بس الملكه يوم الخميس ويوم الملكه بيتحدد كل شيي
وجلسوا يسولفون عن الملكه وترتيباتها وش راح يسوون وش وماسوووون الى ان جا وقت الطلعه..
كلن راح بيته..واول ماوصلت حياة حطت راسها وماحست في نفسها الا وهي نايمه من التعب وارهاق الإمتحانات….
قامت تصلي العصر ورجعت تنام مره ثانيه..وقامت تصلي المغرب وتبي ترجع تنام مره ثانيه بس تذكرت امها اللي ماشافتها اليوم الا وهي تقومها للصلاة ونزلت تحت ولقتهم جالسين الا لمياء باقي عليها يوم وتخلص اما نايف مخلص من يومين اما الهنوف لسا مابدت
وجلست مع امها اللي من زمان ماجلست معاها وظلوا يسولفون وقالتلها حياة عن خطبة امل…
حياة:يمه دريتي امل بنت خالي انخطبت
ساره:ايه داريه من زمان من قبل مايتكلمون
حياة: لاوالله وليش ماقلتيلي؟؟؟
ساره:وليش اقولك وهو ماصار شي بعد
قطع كلامهم صوت التلفون وهو يرن ..ردت الهنوف لقت المتصل امل تبي حياة وخذت امها التلفون وباركتلها..وبعدها كلمت حياة
حياة:هلا..هلا والله بعروستنا
امل وصوتهامتغير:هلا فيك حياة.
حياة: أموله حبيبتي وش فيك……فديت عمرك كل هذا عشانك بتفارقيني…
لا أموله قولي صدق وش فيك؟؟؟؟
أمل: خايفه ياحياة والله أحس بيصير شي مو زين في الملكه
حياة:اش دعوه أمل تفاءلي خير…ان شاء مب صاير الاكل شي زين…خليك من هالسوالف ألحين وش رح تلبسين في ملكتك
أمل:صدق ذكرتيني انا مكلمتك ابي أقولك وش رايك نروح السوق بكره.. فستاني الزين حق عرس عمي محمد مع سمر خويت اختي فاتن ومستحيه أقولها جيبيه توها ماخذته..
حياة:ولا يهمك خلاص بكره ان شاء الله نروح السوق ونشتريلك فستان أنا توني شايفه فستان معرض يجنن بس أرخي ريالك شكله غالي ..خلاص أنا بخليك ألحين بروح أبشر لمياء ماقلتلها عن السالفه ..يالله مع السلامه
أمل:حياك الله الغاليه
وتروح حياة لاختها لمياء وتبشرها بملكة أمل
حياة:القوه ياغاليه
لمياء:هلا الله يقويك
حياة:هاخلصتي
لمياء:وش خلصت توني بديت
حياة:طيب تبين تسمعين أخبار زينه ولا لا
لمياء:أي والله تكفين من زمان عن الأخبار الزينه
حياة:طيب….. أمممممممممممممم..خلاص بطلت مارح أقول
لمياء:حياة يالخايسه قولي ماوراي إلا أنتي بكره علي إمتحان وانت قاعده مشاء الله عليك ماخذه راحتك في السوالف………..
حياة:خلاص..خلاص..بتاكلني…أمل بنت خالي عبدالرحمن ملكتها الخميس
لمياء:حلفي…مسرع وش فيهم مستعجلين تونا مابدينا الإجازه
حياة:وش يسوون ببندر طاير على العرس
لمياء:اللــــــه بندر اللي خطبها يابختك ياأمل بيتحقق حلمك… اللي يبينا عيت النفس تبغيه واللي نبيه عيا البخت لا يجيبه
حياة:ان شاء الله بيجيبه ونفرح فيك ونفتك من هالوجه
لمياء:تلاحظين انك طولتي السالفه..يالله قومي ظفي وجهك خليني أذاكر
وتطلع حياة من عند أختها وهي تضحك منها وتدعيلها بالتوفيق وترد حق أمها حبيبتها وتقولها عن روحتهم السوق…
ومر اليوم حوسه يفكرون وش راح يلبسون ووش راح يسوون…ومن الكوافيره الللي بينادونها حق أمل..نامو وهم يفكرون فهاليوم…
صحت حياة على صوت جوالها الساعه عشر الصبح شافت الرقم لقته أمل
حياة: هلا أمل
أمل:نايمه بالترابه وأنا أقول أكيد بلقاها تستناني ألحين
حياة:الله ياخذ بليسك الساعه توها عشر..لاتكونين تبين تروحين السوق من ألحين
أمل:موأنتي اللي قايله نروح السوق بكره
حياة:ايه قلت..بس ماقلت نروح من صباح الله خير
أمل:تكفين حياة من لي غيرك فتون مارضت تروح معي ملي الا أنتي..وبعدين احسن وقت الحين السوق فاضي ومافيه أحد.خلينا ناخذ راحتنا
حياة:يالله الله يعيني عليك..كم عندي من أموله كلها وحده ومطلعه روحي.. بس تعالي من بيودينا
أمل:من فيه غيره يعني…أخوي خزام
حياة:وحمود معكم ولا لحالكم
أمل:لا لحالنا مالي خلق هالبزر ألحين
حياة:لاتقولين خزام بينزل معانا…ترى مارح أروح اذا كان بينزل
امل:الله يهديك حياة..بياكلك
حياة:لا بس مالي خلق تفاهاته
امل:ماكثر كلامك خلصينا بسرعه ترا إحنا ألحين في الشارع اللي ورا بيتكم
وسكرت حياة من أمل وكلمت أمها في الدوام تقولها..ثم راحت تقوم نايف يروح معاها بس معطاها وجه طردها من غرفته..ومالها الا انها تركب مع خزام وتتحمله..
دق جوالها مره ثانيه الا هي بعد أمل
حياة:وجع ان شاء الله وش بعد تبين..
خزام طلع اهو اللي عالخط: حشا مانت بنت عمتي الناس يقولون صباح الخير صباح الورد..وانت تدعين على خلق الله..
حياة وجهها الوان من الفشله: هلا خزام صباح الخير معليش على بالي أمل
خزام:صباح الورد والفل والياسمين
حياة فخاطرها..مالت عليك من ولد: هاه خزام جيتوا
خزام:ايه فديتك اطلعي احنا عند باب بيتكم
حياة:يالله بالبس عباتي واطلع
كانت حياة وخواتها حريصين مررره على حجابهم امهم مربيتهم على هالشي انهم يكونون درر مايشوفهم الا اللي يستاهلهم
طلعت حياة وكانت لابسه برقع ومغطيه عيونها بالطرحه كان عيونها جنان تطيح الطير من السما
ركبت السياره وجلست ورا خزام وأمل جنبه..كان طول الوقت يناظر فيها في المرايه اللي قدامه..بس آآآآه الطرحه مغطيه عيونها لو انها تفتحها شوي.. بس الا يافاتحها..حياة عرفت ان خزام يناظر فيها..وهذا الشي اللي كرها انها تركب معاه..انه من يشوف بنت ياكلها بنظراته…بس كانت نظراته كانت قويه لو انه غير حياةكان تأثرت بس حياة قويه مو أي شي يأثر فيها..
حياة:السلام عليكم
أمل وخزام:هلا عليكم السلام
خزام:هلا بالغاليه بنت الغاليه
حياة في خاطرها..ياملللللللللقك..هلا فيك خزام
خزام:وين تبون.أي سوق أوديكم
أمل:حياة وين الفستان اللي تقولين
حياة:في الجمعه سنتر
خزام:خلاص نروح للجمعه وقدامكم ساعتين على اذان الظهر فبسرعه خلصوا أغراضكم
وصلوا السوق ونزلوا البنات ونزل معاهم خزام وكانت حياة مغطيه عيونها اما أمل فكانت فاتحتها..وكانت حياة مولعه تبي تفتح بس اهي عارفه ان هذا منى عين خزام فعناد مب فاتحتها..بس ماتحملت ماعرفت تتفرج زين قالت لأمل تقوله يطلع يروح أي مكان ولا ينتظرهم عند باب المحل لين يخلصون ..اهو فرح زين جات منهم كان جوعان يبي يفطر بس اذا راح كلوه بلسانهم فراح وخلاهم بروحهم..
خلصوا مقاظيهم بس مو كلها اتفقوا تروح أمل العصر تخلص باقي أغراظها كلمت أمل خزام وجاهم هوووووا
كانت يدينهم مليانه أكياس تقولون شايلين السوق كله لا وبعد ماخلصوا..
كان كل وحده فيهم شايله في يدينها كوم أكياس..وجا خزام وحياة نست تغطي عينها وأصلا مو قادره من الأكياس اللي بيدينها..
وخزام من جا وهو يناظر فيها مستغرب يارررررربي وش فيها ماغطت عيونها خليني أشبع منها أكيد الحين بتغطيهم..وركبوا السياره وهي لسا ما غطتهم.. وخزام عيونه على المرايه يتفكر في ذي العيون اللي سحرته ياربي ياليتني مارحت منهم فتحت عيونها عند الرجاجيل شلون خليتهم يشوفون ذا العيون…
قربوا من عند بيت حياة اللي كان مسنده راسها على المرتبه ومغمظه عيونها كان شكلها عذاااااااااب وقالت لها أمل انهم قربوا من بيتهم وعدلت جلستها وصارت ترتب في الأكياس تطلع أكياسها من أكياس أمل..
وشغل خزام أغنية محمد عبده ((البراقع((
ماهقيت ان البراقع يفتنني **** لين شفت بعض النفوذ مبرقعات
الله أكبر ياعيون ناظرني **** ناعسات فاتنات ســاحرات
حياة من سمعت الأغنيه حست في عمرها وتذكرت انها ماغطت عيونها وناظرت في خزام اللي كان يناظرها في المرايه وخزته بنظره خلته يكره نفسه وغطت عيونها..
خزام حز في خاطره الحركه بس رد فكر في عيونها اللي دوخته..وصلوا البيت لقوا نايف عند الباب يبي يطلع ونزل خزام يسلم عليه وقاله يتغدى عندهم وحياة تحلطم وش هالبلشه بعد بيتغدا بس خزام مارضى بحجة ان أمه تنتظرهم عالغدى..ارتاحت حياة يوم اعتذر ودخلت داخل البيت ولقت امها واخوانها كلهم جالسين ومعاهم خالتها هدى..وصلت وتغدت وطلعت غرفتها وجاتها لمياءاللي توها مخلصه امتحاناتها ومحد قدها..وخالتها هدى بغرفتها وقعدوا يتفرجون عالأغراض اللي اشترتها..
هدى:حياة ماقلتي لي من وداكم
حياة:خزام ولد خالي عبد الرحمن
هدى:اخصصصص من قدك ياشيخه راكبه مع خزام
حياة: وععععععع تكفين ياخزام والله لو انه واحد من آل سعود الله يعزهم
ياي يا مثقله على قلبي لا وبعد مشغلي ماهقيت ان البراقع يفتنني شايف نفسه يمون الأخ
لمياء:أحلا وش السالفه مشغلك أغنيه وبراقع ومدري أيش لا شكله الولد رايح فيها
هدى:آآآه ياحياة حظك كانه فكر فيك أمنيتي آخذ واحد زيه
لمياء: لا والله لايفكر في أختي خلها تكمل دراستها بعدين يفكر فيا على راحته
هدى: عدااال ياللي تحظر الدكتوراه…لايخطبها والله ان توافق بلا دراسه بلاهم
حياة:أووووه خلاص فكوني اللي يشوفكم يقول هذا خاطب وخالص..وبعدين لو مافيه على الأرض رجال إلا اهو ماخذيته..ماعاد بقى الا هي انا آخذ خزاموه
هدى:تكفييييين ياإليزا بيث اصلا تحمدي ربك اذا فكر انه يفكر فيك
حياة:خلاص عاد هدى غيروا الموضوع…ولا أقولكم خلاص اطلعوا أبي أنام
لمياء:أعنبوك من بنت ماتشبعين نوم حياتك كلها نوم في نوم
حياة:والله على كيفي أشبع ولا ماأشبع شي راجع لي..وخلاص مابي قرقر كتير يالله برا برا
وطلعوا البنات ونامت حياة على طول من دون أي تفكير
خزام..ولد عبدالرحمن أخو ساره يعني خال حياة..درس سبع سنين في جامعة البترول والمعادن اهو ألحين باقيله ترم ويخلص..ماشاء الله عليه شاب عارف ربه أبوه معتمد عليه في كل شي اهو اللي قايم بأمه وخواته لأن أبوه طبيعة عمله تخليه دايم مسافر..محبوووب من كل العائله..صحيح عيونه زايغه شوي بس مب عيب..بس مادري وش فيها عليه حياة..كان خفيف دم طيب ..كان اهو وبندر خطيب أمل زي الأخوان……..
كان يهتم كثير في عمته ساره وعيالها…وخاصة حياة…دايم يسأل عنها ومايدري ليه من يشوفها يحب يطفشها اويتحرش فيها بمعنى أصح..هو مايحبها بمعنى حب بس يمكن فكر انه يحبها بس خايف من التجربه او مايبي يشغل نفسه بهاالأشياء لانه آخر ترم ومايبي شي يشوش عليه…
من جاو من السوق وهو ساكت سرحاااان في عيون الحبيب وبعد حاز في خاطره نظرة حياة..
أمل وختها فاتن يتغامزون على خزام..وأمل قالت لها عن اللي صار في السياره
فاتن:آآآآآآآآآآآآآآآه انا أشهد إن الحب عذاب
خزام ماعطى فاتن وجه ويطالع أمل:قوليلي ألحين نفسي أعرف أهي وش شايفه نفسها عليه عشان ذا العيون مالت عليها وعلى عيونها………..
أمل تضحك من خزام:ياعمري يحق لها تشوف نفسها حياتي بعدين أنت تستاهل أي شي يسوا فيك…يمه منك أنت ماشفت نفسك وانت تناظر فيها تقول ماشفت خير
خزام تحسف عالكلام:بس تصدقين عيونها عذاب.هذا العيون بس كذا أجل الباقي شلون
فاتن:يووووووه تجنن ماشفتها
أمل:خلاص فاتن مايستاهل أنك تتكلمين عنها عنده
خزام يفتن أمل ويقوم وهو زعلان
فاتن:مايستاهل منك هالكلام
أمل:خليه يولي اهو الغلطان
وراح خزام غرفته وجلس يفكر في حياة شوي ونام وماصحا الى أن صحته أمل يوديها السوق تكمل باقي أغراضها
أما حياة ما تحبه ولا تكرهه بس كان تحب تشوفه صحيح تكابر بسسسس..
كانت تتنفرز من حركاته يحب يغيظها وهي ماجاها فرصه تغيظها فيه بس هي عندها أمل أنه بيجيله يوووووووم..

الجزء الثاني
كان يوم الخميس يوم ملكة أمل..كا بيت عمتها ساره عندهم من الظهر يساعدونهم في الترتيبات ويجهزون معاهم لوازم الملكه..
تغدوا بعدين طلعوا البنات غرفة أمل وفاتن… وتموا يسولفون ويظحكون
هدى:ياهنيييييكم ياأمل بتعرسين أما أنا الله يقوم حظي من زمان حبايبنا لاهيييين عنا..ماعطونا وجه
أمل:وش مستعجله عليه لاحقه والله عالهم
هدى:تكفين يالهم…عادي يازينه من هم بس خله يجي بس على قولة المصاريه رضينا بالهم والهم مارضيش بينا
لمياء:الحمدلله والشكر بزر(ياهل) وتفكر في العرس
البنات قعدوا يظحكون على هدى وكلامها الخبل
أما حياة كانت تحت مع أمها وخالته ام خزام ترتب معاهم..ومن خلصت طلعت لهم فوق وكان معاها المبخر وصارت تبخر فستان أمل بعدين بخرت أمل نفسها ومررت المبخر عليهم كلهم وجلست جنب أمل ..
حياة:شوفي أمل بقولك كلمه وياويلك تغترين وتشوفين نفسك ترى بتحسف وأسحبها
أمل: قولي مابغتر ولا رح أشوف نفسي..
حياة:تصدقين راح أفقدك أموله
أمل:ليه عاد وين بروح ترى كلها ملكه
حياة:حتى انتي خلاص صرتي متزوجه مارح تفضيلي مثل أول بيصير كل وقتك مع بندر الخايس بياخذك مني
أمل: لا كلش إلا هذا أصلا محد يقدر ياخذني من حياتي حياة
حياة: إيه بس كلام أصلا أنا كذا أي واحد أحبه لازم أفقده ماحد يدوم لي .. وما تحملت وصارت تبكي ولمتها أمل وصارت تبكي معاها ..والكل قعد يبكي على حياة ..
لمياء تمسح دموعها..وتبي تلطف الجو:خلاص بنات أشوفكم قلبتوها مناحه..اليوم يوم فرح يعني نفرح قد مانقدر مو نقعد نبكي كنه صاير شي
حياة..تمسح دموع أمل: خلاص أموله اليوم يومك أفرحي وخلي الهم يولي….تراك غاليه وأفرح لفرحتك
جاء الليل وبدوا يجون المعازيم..نزلت لمياء وهدى وفاتن..وتمت حياة مع أمل تساعد الكوافيره وتعدل في مكياج أمل الى ان خلصت…ماشاء الله عليها أموله طالعه قمر 14
نزلوا تحت عند الحريم وجلست في الكرسي اللي كانوا حاطينه لهاا..والحريم يسلمون عليها ويباركون لها…
أما عيونهم كانت على لمياء وحياة وهدى كنهم أهم اللي بيعرسون كانت اشكالهم مرررررررررررررره حلوه
لمياء كانت لابسه فستان كحلي وحاطه مكياج وردي ومسويه تسريحه خفيفه طالع شكلها جنان
أما حياة كانت لابسه فستان أحمر وحاطه مكياج أحمر وكان فااااااارق عليها اللون لأنها كانت بيضاء
المهم مالكم بكثر االكلام…صورت أمل وصوروا معها البنات كلهم
في مجلس الرجال…
خزام:من قدك بندر بتعرس وبتودع العزوبيه وايام العزوبيه
بندر:لااله الا الله قول ماشاء الله ترا ان جاني شي تراه من عينك
خزام:الحمد لله عيني مب حاره وبعدين اذا حسدتك يعني بحسد اختي وانا مالي غناة عنها
بندر:يعني بس عشان اختك منت حاسدني..خلاص يالله ماني متزوجها وتعال ورني وش بتسوي
خزام:افا عليك بندر انت صدقت قاعد امزح..يعني أتغشمر يعني بهزر..فهمت
بندر:خلاص يالله قم دخلني على حرمتي
خزام:وشوا…..تموت ولا أخليك تشوفها
وتم بندر يترجى خزام عشان يدخله بس خزام راسه يابس مارضى ………………..
جاهم ابو خزام وشكا له بندر من خزام ومارضا يدخله على أمل..
أبو خزام:وأنت وش دخلك ياحظي ترضى ولا ماترضى تراني حي بعدني ما مت
خزام:الله يطول فعمرك يبه..يومي قبل يومك.. بس ماله داعي يشوفها
أنتو قلتوا أن العرس بعد شهر خلاص اللي صبره كل ذي المده يصبره شهر
ابو خزام:والله ان رايك صويب..كنت بخليه يشوفها بس وانت الصادق وش مستعجل عليه…
بندر يناظر خزام بنظرة غغغغغغل وحقد…خلاص عمه كان بيوافق بس اهو الي خرب عليه..ماشي ياخزام بيجيلك يوم..راح ابو خزام منهم وتم خزام وبندر لحالهم
بندر:متى ربي بياخذك وبيفكني منك يالثور..انت عمرك ماسويت خير في حياتك..
خزام:كيفي أختي واتحكم فيها على كيفي
بندر:أختك طططططل اهي حرمتي ألحين
خزام:حرمتك أذا خذيتها لبيتك اما الحين هي لسا فبيت أبوها يعني أتحكم فيها على كيفي
وزعل بندر وصار يدعي على خزام وكررررررهه في ذيك اللحظه
وصل الخبر لأمل ان بندر مب داخل تحطمت وتمنت انها مالبست ولا نزلت من الأساس
نادت أمل هدى وقالتلها تكلم خزام وتقنعه لأنها ماتقدر تكلمه عند الحريم.. كلمت هدى خزام وماعطاها وجه من الأساس ولا ناقشها في الموضوع.. وسكرت وردت لأمل وهي خايبه
أمل مالقت قدامها ألا حياة خزام دايم يحب رايها..وطبعا رفضت حياة هالشي معقوووووله اهي اللي تكلم خزام بس بعد إلحاح وإقناع من أمل وافقت حياة ونادت لمياء وهدى معاها يشجعونها..
رن تلفون خزام…أستغرب المتصل……الرقم أول مره يتصل عليه..
خزام:مرحبا
حياة:السلام عليكم
خزام:هلا عليكم السلام
حياة:كيفك خزام…مبروك ملكة أمل
خزام:الله يبارك فيك أختي…..من معي طال عمرك
حياة سكتت ماتبي تقول أسمها ماتبيه يحس أنه أنتصر
خزام:بغيتي خدمه أختي……….
حياة:أيه بغيت أقولك أمل تبي تشوف بندر
خزام:لا واااااااالله ومن حظرتك عشان تقوليلي هالكلام
حياة فخاطرها(مالت عليك):أنا حياة بنت عمتك ساره
خزام…عرف انها حياة من سمع صوتها..بس يكابر:وأذا ياحياة وش أسوي بك
حياة:اسمع ..اسمع..مابي أطول السالفه وهي قصيره ومابي أكثر الكلام… ترى بتسوي فيهم معروف وترى هالشي من مصلحتهم خلهم يتعودون على بعض قبل الزواج..وتراك بتكسب أجر في هالمساكين
خزام:طيب…طيب..وأنت تامرين علي ألحين..عناد مارح أدخله كيفي مواطن ماحد له حكم علي
حياة:تبيني أترجاك مارح أترجاك…تبي تدخله كيفك وماتبي هم بعد كيفك
خزام: ايه كيفي أجل على كيفك أنتي
زعلت حياة من إسلوب خزام معاها اهي مو متعوده أحد يكلمها بهالطريقه وجات بتسكر بس خزام حس بغلطته…
خزام: تعالي..تعالي خلاص على شان خاطرك بس بادخله (فكر الخبيث انه ممكن يشوف حياة لما بيدخل بس ألا ياشايف(خلاص حياة خليها تتجهز بعد خمس دقايق بندخل
حياة:الله يعطيك العافيه خزام مااااااااتقصر
راحت حياة حق أمل وقالتلها وطارت من الفرح بس كل جسمها يرجف من الخوف ووجهها صاير كنه طماطه
هدى:أأأأأأأخص على بالها مسويه مستحيه ترى والله أنت فصوب والسحا فصوب خلي منا الحركات المكشوفه
لمياء:مب وقتك هدى ألحين خليها في حالها اللي فيها مكفيها
هدى:أنا مو قاهرني إلا خزام هالخايس أقوله خل بندر يدخل وماعطاني وجه ومن كلمته حياة وهو على طووووول موافق تقولون كأنه ينتظرها
حياة:الغيره سبايب في فراق الحبايب…وبعدين من قالك انه على طول موافق أصلا طلع روحي ألين مايوافق
هدى:علينا..علينا..هالحركات..صدق لقالوا حياااااااله
حياة:خلاص يالله لاتقعدين تقرقرين على راسي..وتروح حياة حق أمل ..هاه أموله جهزتي…وظبطوها البنات زين وراحوا يلبسون عباياتهم لأن خزام بيدخل معاه…
أما في المجلس بعد مكالمة حياة…
بندر:عاااااااااااااشت بنت سعود قدرت عليك يالخايب
خزام:تخسي معاد بقا الا الحريم يقدرون على خزام..بس رحمتها شوي وتبكي
بندر:ياي يالقلب الطيب…قول ماقدرت أزعلها…قول ماحبيت أغيظها…هذا الكلام اللي نصدقه…
خزام ماعرف وش يرد لأن هذا الكلام اللي صدق حس فيه وهو يكلمها
خزام: بتقوم ولااااااااترى بغير رايي وذيك الساعه مارح تنفعك لا حياة ولا غيرها
راح خزام لأبوه ووبلغه ورضى على طول ولا طول السالفه
بعد خمس دقايق بالضبط دخل خزام وبندر ..وأول مادخل كانوا مشغلين أغنية عبد المجيد عبدالله
اليوم طالع قمر .. وبطلتك ياسلام
حلاة غير البشر .. والمشي مشي الحمام
وخزام من دخل وهو يرقص ويحاول يرقص بندر معاه بس بندر مسوي ثقل ..
ووصل بندر لأمل وجلس على طول ولا سلم ولا شي كان مرتبك ومب عارف وش يسوي …
خزام..ينغزه:فشلتنا الله يخسك عند الحريم ..قم سلم عليها..قم
وقام بندر يسلم على أمل وهو مفتشل..الكل ظحك من حركة بندر
وخزام بس طايح مطالع في ذا الحريم…عساه بس يطول نظره من حياة..
أما نايف اللي أزعج أمه يبي يدخل وأمه كل شوي ترده…ومن كثر ماحن رضت تدخله بس بعد ماقالت لخزام..
دخل نايف والكل ألتفت والبنات يصايحون..كان مره وسيم…طويل ونحيف.. على صغره بس جذاب..
جلسوا الشباب يرقصون الين ماطردوهم الحريم…من دخلوا ماخذو راحتهم..وطلعوا ودخل بندر وأمل في غرفه منعزله شوي..ودخلت حياة معاهم لأنها زي ماقلتلكم أخت بندر من الرضاعه..وكان أول مره يشوفها في حياته كان تستتحي تطلع عليه..وهذاك اليوم غصبتها أمل ألا تدخل ..
ومن دخلت وهو فاتح فمه فيها..وهي أستحت من نظراته وعاد تبي تلطف الجو وتزيل السحا اللي مسيطر على أموله:هيي.انت..وش بلاك علي..أظن أن هذي مرتك اللي جنبك لاتقعد تناظرني شوي وتاكلني…
بندر يطالع أمل وش هذي اللي تمون بقوه من تطلع…
سأل أمل عنها وقالت له أنها حياة بنت عمتها ساره وهي أخته من الرضاع..
هو كان عارف أن حياة أخته بس ماكان متوقع انها هذي..ماكان متخيل أن عنده أخت بهالحلاوه..ويقول فخاطره والله ماتنلام ياخزام يوم سحرتك…
وجلست معاهم حياة نص ساعه وطلعت..خلاص كنها عاد مصختها وطلعت بكرامتها قبل مايطردها بندر وجلس بندر وأمل الين جاء وقت صلاة الفجر… وجاء النشبه خزام ودخل عليهم…
خزام:أعنبوك من رجال أذن الفجر وماخلص كلامكم..حشا بالعيلكم مسجل
بندر:اللي مايطووووول العنب حامض عنه يقول
خزام:معليه أنتظر علي شوي والله لوريك من اللي مايطول العنب…يالله يالله برا..عز الله مانت رجال..إثقل شوي انت توك متملك وشف وش سويت اجل لاتزوجت بتم مرابط عندها24ساعه
بندر:لاإله الا الله..الله لايشغلنا الابطاعته..نفسي أعرف أنت وش عليك ألحين..
خزام:غثييييييتني ياخوي أبي أجلس مع أاختي أشوف وش أخبار الملكه والبنات ……….الخ
بندر:صارت زينه ألحين أختك..ويشوف ساعته ال صدق كنه الوقت تأخر… ويلتفت لأمل ..نسيت عمري معك ياعمري
خزام:ياويييييييلي بعد عمري قم بس قم
أمل :حبيبي لا تنسا تكلمني قبل ماتنام..ترى مارح أنام الا لما أسمع صوتك
بندر:أفاعليك بس وأنا أقدر…خزام قم إطلع ابي أقول لحرمتي كلمة راس
خزام:والله ماطلع لو أنك بتموت..تبي تقولها كلمة راس قولها عندي أصلا أنا أختي ماتخش عني شي
بندر:متأأأأأأأأأأكد؟؟؟؟؟
خزام:ايه متأكد وش بتسوي يعني
بندر يقرب من أمل ويبوسها على خدها…وهي بتموت من المستحا
خزام…شب حريقه: يعني كذا عيني عينك..هذا وجهي ان خليتك تشوفها مره ثانيه..أصلا الشرهه مب عليك الشرهه على اللي معطيك وجه ومدخلك
بندر مب معطيه وجه..وميت اهو وأمل عليه من الظحك وتركه بحرته وطلع…
ماتحمل خزام وراح يمه يتهاوشه..ظلوا يتهاوشون شوي بس ردوا يسولفون مره ثانيه.. وبندر يقول لخزام عن اللي صار بيناتهم..وهات ياضحك وهات يا تعليق..
راحوا المسجد وصلوا راح بندر بيتهم ورجع خزام بيتهم
وراح خزام لغرفته وطاح على سريره..اهو تعب اليوم واجد..وجات على باله حياة ومكالمتها له..وليش وافق من قالتله حياة..معقوله أنا حبيتها..لا.لا.بس تعاطفت معاها..بس البنت تنحب..وأذا حبيتها شلون أضمن أنها رح تحبني..
يااااااارب هدي سري..ودلني على طريق الخير والصواب..
وشال جواله يبي يتصل فيها..بس تذكر اهو من يكون عشان يكلمها واستحا على عمره وتراجع…
قلبي يحبه آآآآآه حبه شقاني *****غلاه ياكثر الغلا وسط عيني
مادري زماني صوب حظي رماني***ولا سراب حال بينه وبيني
أما حياة..من جات البيت وهي طالعه غرفتها بدلت ملابسها واسترخت على سريرها.. يابعد قلبي ياخزام معقوله انالي خاطر عندك…معقوله زي ماقالت هدى كنت تنتظر مكالمتي..هيي حياة وش قاعده تقولين أنت حزام يحبك..حزام مستحيل انه يحبك..خزام اللي في قلبه وحده ماغيرها..خلاص خلي منك كثر التفكير ونااامي خلي بالك يرتاح…

الجزء الثالث
بعد الملكه بيومين دفعوا المهر ومن هذاك اليوم وهم يجهزون حق أمل… والعائله حايسه في الأسواق..
قرب العرس مابقى ألا اسبوع عليه…وساره وبناتها صاروا يجونهم كل يوم..
ويتمون يرتبون من الصبح الين مايجي وقت العشا وعلى هالموال كل يوم..
وفي يوم كان ساره وحياة وأم خزام بالمطبخ وأمل وهدى ولمياء وفاتن عند أمل بغرفتها يتفرجون على أغراضها..وكانوا يسولفووون ويعلقون على كل شي يشوفونه ويضحكوون كانوا مستانسين حيييل..فجأه سكتوا على صوت حياة تصيح بأعلى صوتها تنادي لمياء أختها..لمياااااااااء..لمياااااااء.تعالي بسرعه لحقي علي..لمييييييييياء
الكل أرتعب من صوت حياة وفزو كلهم يبون يشوفون وش فيها..نزلوا بسرعه كل وحده تبي تسبق الثانيه تشوف وش حاصل..
دخلوا المطبخ لقوا حياة تصيح ومنحنيه على أحد وأم خزام معاها كاس مويه وجالسه على ركبها وتصيح..كانو مغطين على اللي طايح تحتهم..وهم زي الأطرش في الزفه..مو عارفين وش السالفه..
لمياء أول مادخلت فز قلبها موشايفه أمها..وبسررررررعه راحت حق حياة ولقت أمها طايحه مغمى عليها..
لمياء كانت قويه صحيح أهي تتقطع من الداخل بس الموقف يحتم عليها أنها تصير قويه..عشان تصبر أختها مو تزيد عليها..
حياة:لمياء أنت واقفه تتفرجين بسرعه روحي كلمي نايف خل يوديها المستشفى..لها خمس دقايق وهي مغمى عليها نحاول نصحيها بس ما صحت..
أم خزام:ياحسرة قلبي عليك ياوخيتي أنا السبب أنا اللي خليتها تتعب معي..اشوفها من جات وهي تعبانه ولا رديتها..ياويل قلبي عليك ياساره..
لمياء:خالتي لا تقولين كذا ان شاء الله مافيها الا العافيه..أنا باروح اكلم نايف
خزام كان جالس بالمجلس وفز من سمع صوت حياة تنادي على لمياء وهو حايس مو قادر يدخل ولا يسوي شي.. من سمع صوت أمه ناداها بس ماردت وراحت له أمل..وقالتله عن السالفه وأن لمياء راحت تكلم نايف ودخل على طول ماهتم لشي وشال عمته وراح اهو وبناتها وأمه وأمل ركبوا السياره كانت ساره جالسه بين بناتها كانو حاظنينها..ولمياء خلاص أنفجرت من البكي ماعاد قدرت تتحمل أكثر من كذا..وحياة ماتدري أهي تواسي نفسها ولا تواسي أختها..أم نايف قعدت تهذي من التعب وتتكلم وأهي مو حاسه في نفسها..عيالي وينكم خليكم جنبي…مابي أروح وأخليكم…الهنوف حبيبتي روحي ذاكري… وحياة ولمياء حظنوا أمهم زياده وتموا يبكون عليها..يمه أنت مارح تروحين عنا أن شاء الله ربي بيطول بعمرك ويخليك لنا..ربي رحمته واسعه ما بيخليك يمه..الكل قعد يبكي من قلبه حتى خزام ماقدر يمسك نفسه ونزلت دموعه غصب عنه..بعدها كلم خزام نايف وقاله عن السلفه وأنهم مودينها المستشفى ألحين.ونايف اللي من سمع الخبر وهو معتفس فوق حدر وسبقهم ةعالمستشفى..
كنا نسينا هدى وفاتن..هدى مارضت تروح معاهم مو متحمله تشوف أختها بهالحاله وفاتن بعد زيها ولأن البيت بيفضا لازم أحد يجلس فيه..
وصل خزام للمستشفى لقى نايف قدامه اللي كان ماسك دموعه بالعافيه مايبي يبين قدام خواته ضعيف…وكان مجهز الكرسي المتحرك حق أمه وهوا وداها للدكتور..
ودوها غرفة الفحص وصحوها وقاسوا الظغط عندها لقوه ظارب في العلالي. ودخلوها غرفة التنويم وعطوها غذايه وشوية أدويه..طمنهم الدكتور أن أرتفاع الظغط هو اللي سبب لها حالة الأغماء..ووصاهم أنها لازم ترتاح ولا تتعرض لأي ظغوطات نفسيه…وهي لازم تجلس عندهم هاليله الى ان تستقر حالتها..نايف ماتطمن لكلام الدكتور وكان قلبه يقوله غير كذا…طلع الدكتور وطلع وراه نايف وشافه خزام وراح وراه..سأل نايف الدكتور أذا كان فيه شي مخبيه عليهم بس الدكتور عادله نفس الكلام اللي قاله بس نايف ألا ياسامع هم بعد مارتاح قلبه…
نايف:خزام والله أن قلبي مب مرتاح حاس ان أمي فيها شي
خزام: لا تقعد توسوس ألحين أن شاء الله مافيها الا العافيه..يالله يالله بسرعه سولي طريق أبي أشوف عمتي…
دخل نايف وقال لخواته يتغطون.. ودخل خزام وباس راس عمته..وشوف الجو كئيب كنه عزا..وهولازم يلطف الجو..
خزام:لا….لا….ماشاء الله على عمتي تقول أحسن من الغزال
نايف: لاأله الا الله لا تحسد أمي
خزام:أصلا قلت ماشاء الله يالتافه..وعيني مهي حاره عشان أحسد أحد…الا والله يا عمتي عليك بنات كنهم بزران من ركبوا السياره وهم آآءآآآءآآآآآء (يقلدهم وهم يبكون..(
لمياء:لاوااااااااااالله لو انها أمك……………….
قطع خزام كلام لمياء وراح يم أمه وحظنها:بسم الله على أمي في روحي ان شاء الله
حياة:ايه عشان تعرف شلون تتريق
ساره:خلاص عاد تراكم أدوختوني خلوني أرتاح..
نايف:أي والله خلاص عاد اطلعوا خلو أمي ترتاح
لمياء:يالله خلاص روحوا وأنا بنام عند أمي
حياة:ياسسسسسلام وأنا ليه مانام عندها..لاكون ماني بنتها وأنا مادري
خزام:الحمدلله والشكر..لاقلتلكم بزران يعني بزران..يبيلهم تكسير روس الى من يعقلون
نايف:تخسي ماعاد بقى الا أنت تكسر روس خواتي يالخايس
لمياء وحياة:عااااااااااااااااااااااااش أبو سعود عسا الله لا يحرمنا
أم خزام:خلاص يابنات روحوا أنا اللي بتم عند أمكم أنا اللي بعرف لها
ساره:عسى الله لايخليني..وتلفت يم نايف ..نايف خذ خواتك وروحوا نامو ببيت خالكم خل البنات ينامون عندهم البيت فاضي..ورح جب الهنوف من عند بيت عمك وأذا بغت تنام خلها على راحتها..
ويروحون البنات يسلمون على أمهم ويطلعون..
خزام:صراحه مادري شلون بيجيني نوم وانتوا عندنا..شكلي باروح أنام عند الربع أبركلي منكم..
حياة:لا تكفى بنموت أحنا مانتحمل……شلون ننام وأنت مو جنبنا…
أمل :خلاص حياة ماعليك منه خليه يولي تراه ماينعطى وجه
لمياء:يالله نايف خل نروح نجيب الهنوف أبركلنا من مقابل هالتافه..
نايف كان سرحان في أمه بس صحته لمياء بكلامها..
نايف:خزام حذ خواتي وودهم معاك البيت.وأنا باروح أجيب الهنوف وبقضي بعض الأشغال….
خزام:الله يعيني عليك أنت وخواتك ..يالله قدامي ..قبل لاغير رايي وأخليكم تروحون على ليموزين..
أمل:ياربيييييييي من ذا الولد ماكثر كلامه..يالله خلصني خل نروح اليوم طوله ما كلمت بندر الا مره وكله من سبايبكم..أكيد ألحين قاعد يحاتيني..
الكل قعد يضحك على أموله وثقتها فعمرها..وكانو يضحكون من قلب كأنهم من زمان ماضحكوا…
نايف:يالله عاد خزام مابروح الين أشوفكم راكبين السياره
خزام:حلاص لاتقعد تحاتي ولاتهتم حواتك بعيوووووني…ويطالع حياة……
بس نايف مانتبه ولا كان سوا سالفه
نايف:الله لايخليني منك يالغالي
خزام:آآآآآآآآآمين
حياة تكلم لمياء:ياربي وش هالبلوه..بعد بنركب معاه…سبحان الله ذالولد ماينزلي من زور
لمياء:ياي ياربي ماينزلك من زور…وتقلد خزام وهو يناظر حياة…خواتك فعيوووووووني…تعالي حياة لايكون بينكم شي زي ماقالت هدى
حياة تلعوزت ماتدري وش تقول اهي قدام أختها كتاب مفتوح ماتخبي عليها شي بس لازم تسوي نفسهارزه:لمياء حبيبتي لايكون فرت راسك هدوه..وبعدين لو بينا شي بخبي عليك…
وتقطع كلامهم أمل اللي كانت مولعه منهم كانو بطييئين وهم يمشون ماكان وراهم شي بس أهي بتموت على حبيب القلب: بسررررعه يالسلاحف..وش عليكم ماوراكم شي قلبكم خالي….
لمياء وحياة فخطرهم…آآآآآآآآآه يالقلب الخالي..وبسرعه مشوا وركبو السياره..كانت حياة تسرع تبي تركب ورا أمل ماتبي الموقف يتكرر وبالفعل ركبت ورا أمل ولمياء ورا خزام
وخزام قاعد يتحلطم ومعقد نواظر على هالحركه…بس ماقصر كان عند حبيبته المرايه وجهها يم حياة كان يتعمد يسوي هالحركات عساه يلفت أنتباهها ..بس لأهي ولا هناااا قدامه بس ماتدرون وش اللي بقلبها..
وبعد ماحرك خزام السياره بخمس دقايق دق جواله ومن شاف الرقم وهو يتبسم ويهلي ويسهل قبل مايرد…امل تسأله مين بس ماعطاها وجه ورد على طول
خزام:هلااااااااوااااااااالله..هلا بعمري هلا بقلبي هلا براعية هالصوت هلا بزيتة البنات كلهم…
البنات كلهم حايسين من هذي اللي يكلمها خزام بهالطريقه ..معقوله خزام يكون راغي حركات..معقوله تكون صديقته..أكيد ليش لا أهو ماشاء الله عليه شاب ووسيم وكل من شافه يموت عليه..قطع تفكيرهم خزام بكلامه كان مطول صوته والكل كان يسمعه..
خزام:هاه حبيبتي تعشيتي.. والله زين أجل خليني أتعشا أنا وياك سوا..بنزل عرب معي وبأجيك
*لا مو على كيفك تنامين وأنتي ماتعشيتي
* لاتحاولين بجيبلك يعني بجيب لك
نسيت أقولكم حياة ولمياء صارو يفتحون نقاباتهم عند خزام خلاص تعودوا عليه من كثر مايوديهم ويجيبهم..
المهم حياة تطالع لمياء وعيونها شوي ويطلع منها شرار..وخزام بس يراقب حياة..وفرح من شاف نظرتها…ياحليلها تغار علي..فديتها أكيد تحبني..بس يالله خل أغيظها زياده يمكن تتحرك شوي
أمل ماقدرت تصبر..فشيله قدام بنات عمتها..
أمل:هيي ولد..ترا معاك بنات استح على وجهك ..من تكلم
خزام..وهو يلتفت عليها:مالك دخل
ويرجع حق الجوال..لا حبيبتي اش دعوه مو لك الكلمه..لعرب ملاقيف عندي
أمل:زين ياخزام والله لا أوريك أنا ألحين صرت ملقوفه.مااااااااااشي
خزام:خلاص حبيبتي بأسكر منك ألحين..عارفك بكره لاأنقطع جوالك حنيتي علي لين أسدده لك..وأنا ماني على بنك كل يوم والثاني أسدد لك كفايه فاتورة جوالي اللي تجي ضربه من مكالماتي لك…يالله حبيبتي مع السلامه وياويلك تنامين الا لمن أجيك..وأنا بعد أحبك..ذكر الله عيوني..في حفظ الرحمن
حياة تقرب من لمياء:ماشاء الله بعد يسدد لها جوالها شكله الرجال رايح في خرايطها…هذا خزام العاقل يسوي كذا أجل الباقي وش يسوون..والله طاح من عيني هالولد..
لمياء:لاياحياة..لاتظلمين الولد..أن بعض الظن أثم..وش دراك يمكن بس يبي يمتحن حبك له… قصدي حبنا له..
حياة:تكفيييييين من متى وأنا أحبه عشان يمتحن حبي..أنا وش عليه حارقه نفسي خليه يولي زين…
أما في خاطرها علووووم..معقوله كلام لمياء صحيح يبي يمتحن حبي له.. وبعدين أنا أغار عليييه..أيه أكيد لازم أغار عليه أهو زي أخوي وماأرضى عليه هالحركات..
أما أمل من خلص خزام وهي ويا في هواش وخناق وسواااااالف
أمل:خزام أحسن لك قول من كنت تكلم ولا ترى والله لأعلم أبوي بسوالفك
خزام:يماما..بموت من الخوف..لا تكفين لا تقوليله اخاف يطقني
أمل:يالله عاد خزام عشان خاطر حياة قول…طلعت الكلمه منها من دون ماتحس فيها..لأن الفضول كان ذابحها وإلا تعرف..بأي وسيله من الوسائل..
الكل تلعثم..وخزام كان بيموت من الوناسه أكيد موصيتها حياة آآآآه ياحياة وين طلعتيلي منه ..أما حياة ياعمري اللي تاهت ودها انها ذابحه أمل في ذيك اللحظه…ياويل حالي وش بعد عشان خاطر حياة..لايكون الولد من جده حبني..وين طلعتلي منه ياخزام…
خزام:لاعاد كلش ألا خاطر حياة..ليه أهي موصيتك تسألين أشووووف المساسر؟؟
حياة:لا تفرح بعمرك لا وصيتها و لا شي..وبعدين أنت منو عشان أوصيها عليك.. وأصلا كنت أساسرها أبيها تقولك توقف عند مطعم ناخذ لنا عشا أكيد البيت ماسووا عشا (الله من الكذبه جاهزه(
خزام :لاوااااله حياة عادي لاتكابرين…أعترفي أنك تحبيني وتغارين علي ترا ما فيها شي ومافيه أحد غريب.بس أختي وأختك..وترا مافيه أحد بيذبحك ليقلتيها…قوليها حياة قوليها
حياة:أيييييييييييه أحبك..وأغار عليك…
الكل ألتفت صوبها وش هالشجاعه..وخزام ماحد قده كان بيسوي حادث من الوناسه
حياة:بسم الله عليكم وش فيكم.. وش فيك خزام أنا قلت شي..أيه صح قلت أني أحبك..بس اللي ماقلته أني أحبك زي نايف أخوي بس لا تفرح كثير نايف أغلا منك..يمكن أحبك زي عمي تركي يوووه بعد عمي تركي أغلا منك.. خلاص أهم شي أغليك زي أخوي وبس..وأن كان عاالغيره كل وحده تغار على أخوها وتخاف عليه من هالحركات…
خزام صدمته حياة بكلامها وده يصيح أو يقول شي بس مو قادر من الصدمه
لمياء وأمل صاروا يضحكون من قلب بس مو عاجبهم كلام حياة..أهي تكابر.. وودهم يذبحونها من كلامها..هي كانت قاسيه عليه..كل اللي في السياره هدوا..بعد الكلا م اللي صار..
حياة تحسفت على الكلام اللي قالته بس لافات الفوت ماينفع الصوت..هي جرحته بكلامها..طيب كان قلت أحبك زي أخوي وسكت..ماكان قارنته بنايف وتركي..أهو ألحين يدور على وحده تحبه وتعطيه الحنان اللي فقده وأنا أروح أخربها..بس هو يستاهل هو اللي نرفزني بغروره وطلعني من طوري..وإذا كان يحبني من صدقه بيفهم ليش قلت هالكلام..بعدين أنا وش دراني أنه يحبني يمكن بس يحاول يستفزني..بس حركاته مفهومه حتى الغبي يفهمها.
وأنقطعت أفكار حياة بصرخه طلعت من أمل…خزام وش فيك ماتشوف…
المطاعم جنبك وتروح وتخليها ألحين وش بنتعشى..اللي واخد عألك
خزام:جعله مايتهنى به..الله يخسك يالتافهه صدق ماعندك سالفه على بالي في شي طيحتي قلبي في رجولي..وبعدين مافي أحد ماخذ عقلي..أنا مخليها عمد مارح أجيب لكم عشا أحسن ناموا جواعا……
أمل:حشا كل هذا عشان كلام حياة..الله يهديك حياة ضيعتي العشا عليننا..
خزام:تخسي حياة……
حياة:مايخسي ألا أنت..طيب ياخزام هذا اللي بلقاه منك ياولد خالي..مالقيت منك ألا المسبه..ونزلت الدموع وقطعت كلامها..أهي أصلا كانت تدور لها..ما صدقت جا سبب
خزام..حاس باالذنب..بس تستاهل على الأقل رديت أعتباري.. يتمسسكن.. بس يتكلم من قلبه..مو هاينه عليه:ماعاش من يبكيك ياحياة..حتى ولو كان أنا..بس طلعت الكلمه غصب علي أنتي بعد طفرتيني..وبعدين اليوم خميس والمطاعم زحمه ومالي خلق أمسك سرا وأنا مواعد الربع وتأخرت عليهم….
حياة..ماتخلي حركاتها:مواعد الربع ولااااااااااا حبيبة القلب…..
خزام….زعلان..هالبنت مايبين بعينها:يهمك؟؟؟؟؟؟؟؟؟؟؟؟؟؟؟؟؟؟؟
حياة:طبعا لا مايهمني ..على راحتك أنا مو مرتك(تبي تغيظه)عشان أحاسبك..سو اللي تبيه..بس خل في بالك أن وراك خوات وسمعتهم من سمعتك..وبعدين مابيك تطيح من عينهم زي ماطحت من عين غيرهم… الظاهر أنك من راحت عنك ((سحر)) وأنت ظايع ماتدري وش تسوي!!!!!!!!
خزام..يصرخ صرخه هزت السياره كلها..ألا هزت الخبر كله(قويه صح)..حياااة بس عاد ماسمحلك ألزمي حدودك..من ركبتي السياره وأنت تجرحين فيني وأنا ساكت لك..مابي أجرحك مراعي مشاعرك وأنتي ولا مهتمه..وبعدين الحمد لله أنا ماسوي شي غلط..ومو خزام بن عبد الرحمن اللي يسوي غلط..فهمتي ولا لا..
لمياء فرصت حياة ففخوذها خزام صادق كنها زودتها شوي وتعدت حدودها.. بس حياة ياعمري مما فقلبها…
حياة..وهي تصيح..بس مو مبينه:خلاص..خلاص..شوي..شوي..بأسكر فمي مارح أفتحه مره ثانيه
خزام:أحسن سكوتك أبركلك..أصلا كان من زمان سكتي..أعوذ بالله ما تتكلمين ألا بشي يغث..
حياة..زعلت من جد..بس كانت عاذره خزام أهي زودتها معاه..وماكان له داعي تتكلم وتذكره بسحر أهو ألحين يحاول ينساها ويعوض حبه فيها وهي تقوله هالكلام..أكيد بيشيلها من راسه…
لمياء:يالله حياة وصلنا نزلي وش فيك ماتطالعين؟؟؟؟
حياة..كانت ضاربتلها وديان:أي والله أنك صادقه ماشفت البيت..على بالي تونا في الطريق..
خزام..حس بحياة..وعرف أنها حاسه بغلطتها:لا يماما وصلنا البيت..أكيد سرحانه فيني..أوووه معليش آسف نسيت أني زي أخوك..يالله نزلي..
نزلت لمياء وأمل..وباقي حياة منزله رجولها تبي تنزل..بس كانت تسمع كلام خزام..
حياة:أيه كنت سرحانه فيك..خزام أنا آسفه والله ماكنت أقصد أجرحك أو أقول كلمه تزعلك..بس أنت طلعتني من طوري..أسمعك تكلم بنت وأسكت..ليش ما عندي أحساس..
خزام:مو تقولين أنت زي أخوي..طيب ليش أمل ماقالتلي هالكلام اللي يجرح القلب..تعرفين ياحياة أنت صحيتي جرح كنت على وشك أني أدفنه..جيتي فلحظه وخربتي كل شي..
حياة: خزام لا تعذبني أكثر مما فيني..أرجوك خزام..قول مسموحه..تكفى خزام خل قلبي يرتاح..
خزام:مسموحه يااااااااااااااااااااحياة..يالله خلاص نزلي تأخرت..
حياة:يووووووه..نسيت الموعد..لاتنسى تسلمني عليها…
خزام..نسى السالفه..:من هي!!!!!!!!!
حياة:حبيبة القلب؟؟؟؟
خزام:أييييييييييييه..طيب أن شاء الله يوصل…شي ثاني..
حياة:سلامة قلبك..
ونزلت حياة..بس كنها تذكرت شي ورجعت طلت على خزام من قزازة السياره القداميه.
خزام:لاحوووول تراك أدوختيني..سماح وسامحناك..وش بعد تبين…
حياة:حبيت أقولك أني ماني زي أمل عشان تقارني فيها..وأن كانك فهيييم فهمت ليش كل الكلام اللي قلته بالسياره..وأنحاشت حياة بسررررعه
خزام:حياة..حياة..لحظه..أحبببببببببببببببك..أن كانك تحبيني ألتفتيلي..تكفين حياة..لاتقولينها بس ألتفتيلي..
حياة قلبها يرقص..أخيراقلتها ياخزام..أخيرا تحررت من قيودك..أخيرا ريحت قلبي…
ولما وصلت حياة الباب ألتفتت له..لقته نازل من السياره ينتظرها تلتفت كان على نار خايف أنها تدخل ولا تشوفه..بس من شافها وهو طاير ماحد قده من الفرحه كنه أول مره يجرب هالشي…ركب السياره وطاااااااار..طول ماهو في السياره يفكر فحياة..خلاص لقيت حبيبتي..لقيت ونيستي فوحدتي..ياالله ياحياتي طول عمري وأنتي معاي ولا حسييت فيك..يابعد قلبي ياحياة… خلاص ياسحر ربي عوضني في حياة..الله يقدرني وأسعدها وأعوضها عن كل اللي أفقدته فحياتها…
تعال خزام خلاص كنك نويت تتزوجها..خلاص نسيت سحر..نسيتها عشان وحده توك عارفها..لا يالخاين من أول وحده حنت عليك تروح تحبها..حتى ماقالتلك أنها تحبك بلسانها..والله أنك ماتستاهل حب سحر لك ولا حتى تستاهل ظفرها…
لا ياخزام وش فيك جنيت أنت يوم عشمت البنت بالحب وتأكدت أنها تحبك تروح تغير رايك كنك بزر ما تتحكم في نفسك..البنت ماصدقت لقت رجال يحن عليها ويعوضها الحنان اللي فقدته وتروح تغير رايك
بسسسسسس سحر..سحر خلاص راحت وخلتك..حياة أهي اللي باقيتلك..خل منك هالكلام اللي لا يودي ولا يجيب وأنس سحر وعط كل حبك حياة ..وقطع تفكير خزام صوت جواله..كانت جايته رساله..لقاها رساله جايته من أمل أخته..يقول فيها
أنت أول حب وأنت الأخير **** ياعسل لو ماأحبك ما أغير
أعشقك وأهواك من حقي أغير*** أنت أول حب وأنت الأخير
عرف خزام أن الرساله من حياة..ورجع حق نفسه مره ثانيه..وعزم أنه يعطي كل حبه لحياة…حرام البنيه تستاهل كل خير..ورد لها الرساله بأحلى منها..
من غلاتك صاحت جروحي غلا****ياهلا بالجرح دامه في رضاك
من سكنت القلب ماعنك سـلا***شفت أناكل السعاده في هواك
كلما تقبل أناديلك هــــــــــــلا ***وكلما ترحل رحل قلبي معاك
إعتلا حبك بقلبي إعتـــــــــــلا ***ياهلا بك قد ماتـــــاخي ثراك
أما حياة اللي من دخلت البيت وهي طايره من الفرحه ماتدري وش تسوي وماتدري وش تقول الكل لاحظ عليها عكس حياة اللي بالسياره..ويسألونها بس ماعطتهم وجه وراحت صوب شنطة أمل وخذت جوالها..
أمل:لاوااااااااالله..شين وقوة عين..تآخذين جوالي بدون ماتستأذنين..
حياة:آآآآه..لاتزعجيني أمول..خليني أرسل رساله..وبعطيك قيمتها ترا كلها نص ريال ماتسوى..
أمل:حتى ولو ربع ريال مافيه لين تقوليلنا وش فيك؟؟؟؟؟
حياة:خلاص زيين فكيني..وتحط عينها عالجوال وتكتب الرساله وترسلها وهي مانطقت ولا كلمه..ومن جاتها الرساله وهي فرحانه أكثر خلاص خزام ماعاد فقلبه شي علي..
هدى:لااااااااا..شكل البنت رايحه وطي..أنا وش علي منها مردها بتقول..
حياة:تتحدين..ترى والله ماقولك…
هدى:لا والله تكفين تسوينها..خلاص أسكتي عاد وش أخبار أمكم
لمياء:الحمد لله تمام..الدكتور قال لازم تنام عندنا الليله الين تستقر حالتها.. ونامت معاها خالتي أم خزام وبكره ان شاء الله بتطلع
هدى:صدق ذكرتيني خزام اللي جايبكم صح؟؟؟؟؟؟؟؟؟
أمل:أيه خزام
هدى:ولا جاب عشا
أمل:وش أنتي شايفه محملين أكياس يعني..داخلين عليك أيدينا فاظيه وين العشا الله يرحم والديك
هدى:شف شف الخايس..ولاتنامين لين أجيبلك عشا..وياويلك تنامين وأنت ماتعشيتي..طيب ياخزام
حياة:وششششششو أنت اللي كنت تكلمينه ذيك الحزه…ماششششي ياخزام تبي تستدرجني وتستغل الوضع في صالحك…طيب والله لاوريك
لمياء:الله يخسك ياخزام..بس ياحليله ظلمناه..
فاتن:يووووووه بنات وش السالفه؟؟؟
أمل:أنا باقولكم السالفه…وتقولهم أمل السالفه…وطول ما أمل تتكلم حياة سرحانه وتفكر شلون ترد المقلب لخزام بس مالقتلها طريقه بس اكيد بيجيله يوم…
خلصت أمل سالفتها والبنات ميتين ضحك
هدى:وأنا أقول وش هالحب اللي نزل فجأه..والولد قاضبلي ياحبيبتي وياعمري..ويقولني كلام ماقلته..أثاري الولد يلعب عليكم
حياة:وأنا المغفله صدقت السالفه وخربتها
هدى:الحححححححححب عاد وش تسوين به
حياة:لاااااااااه حلفي..ياالله يعني كنت ظالمته..وين أودي وجهي منه ألحين لازم أعتذر منه مره ثانيه…
والبنات يطالعونها وش هاالأدب اللي معذب حياة..بس أهم فاهمينها ولا يبون يحرجونها..
ويطق نايف الباب ويتادي خواته ويقولهم أن هنوف تبي تنام عند عمه عبدالله هيفاء عيت عليها وجلسوا يسولفون شوي ووصوه يجيبلهم عشا وراح يجيبلهم
تتذكرون سحر اللي مشغله خزام ومخوفته من حب حياة..وش تصير…..ومن تكون هالبنت…

الجزء الرابع
تذكرون سحر اللي توقفنا عندها..
سحر أخت بندر زوج أمل..أخته اللي أصغر منه على طول..المفروض أنها من عمر حياة وأمل وهدى..كانو كلهم خويات الروح بالروح..
بعد كانت زوجة خزام..مو زوجته زوجته..كانوا متملكين..بس زي المتزوجين مانقص ألا أنها تروح بيت خزام..تملكها بعد سنه رابع جامعه يعني قبل ثلاث سنوات من ألحين..كانت توها مخلصه ثالث ثانوي
المهم مالكم بطول الكلام..
كانوا يموتون ببعض..خزام مايشوف ألا سحر وسحر ماتشوف ألا خزام..يحبون بعض لدرجة الجنون..تملكها بدري خايف لاتطير منه البنت حلوه وطلابها واجد مع أنها صغيره بس عقلها كبيييييييير..كنها حرمه ناضجه..
كانوا متعودين يكلمون بعض كل يوم..قبل ماينامون وقبل مايروحون الدوامات
يعني كل وقت..
وفي يوم من الأيام..كانت سحر تكلم خزام..وكانت مو صاحيه من يومين.. تحس بدوخه وخمول ووجها صاير أصفر ومنسده نفسها من الأكل..بس هي كانت تفكر أنها دوخه عاديه وبتروح..
سحر:خزام…أبسألك سؤال وجاوبني عليه بصراحه..ولا تجاملني..
خزام:والله مادري على حسب السؤال..بس أوعدك أني أجاوبك قد ماأقدر بصراحه
سحر:فديتك حبيبي..أفرض مثلا يعني ..شوف أقولك مثلا..
خزام..يقطع كلامها:يوووووه ياربي جينا لسحر ومصاختها..خلصيني وش عندك
سحر:أنا ماصخه يالتافه..يالله مع السلامه بأسكر..ولا لا ليه مع السلامه بأسكر السماعه في وجهك ماتستاهل أحد يكلمك..
خزام:لا لاحول..ياكلمه ردي بمكانك..وش فيك سحوره والله ماقصد..خلاص حبيبتي..يالله عاد خلي الدلع قولي وش عندك أسمعك..
سحر:بس هذاأنت تاكل عقلي بذا الكلام..وأنا مالت علي على طول أصدق
خزام:خبله…قصدي هذا اللي محببني فيك..يالله خلصيني قولي وش عندك
سحر:خلاص ماعندي شي..أصلا نسيت
خزام:كنتي تقولين أفرض مثلا مثلا يعني أني خاصمتك يوم…….
سحر:يمه ياالذاكره..انا صاحبة السالفه نسيت وأنت اللي تذكرت..
خزام:لا اله الا الله..عين الحسود فيها عود..قولي ماشاء الله..بعدي أصلا شلون أنسا كلام قالته سحوره حبيبتي..
سحر:الله لايخليني منك يالغالي..أيه نرد لسالفتنا..كنت أقول أفرض مثلا يعني اني في يوم من الأيام مت..وش راح تسوي..بتتزوج..ولا بتم على ذكراي ولا بتحب أحد غيري..أكيد بتحب أاحد غيري..صح؟؟؟
خزام:بسم الله الرحمن الرحيم وش هالفال..يومي قبل يومك ياعمري
سحر:أنا قلت مثلا..وبعدين لاتتهرب من الأجابه مارح أخليك لين تقولي وش بتسوي
خزام:طيب خليني أفكر
سحر:مافيه وقت بسرعه قول وترا مافيه أختيارات ولا فيه أستعانه بصديق أو جمهور أنت بس اللي بتجاوب..
خزام:طيب فيه أستعانه بحبيب..
سحر:حبيب بنت أيه..بس ولد لااااا
خزام:طيب يالله مع السلامه بكلم حبيبتي وأرد عليك
سحر:لاوااااااااالله عندك حبيبه غيري
خزام: لاواااااالله أمزح عليك..بس أنتي لو سألتك هالسؤال وش بتجاوبيني
سحر:مارح أقولك وأنا اللي سألت أول يعني أنت اللي جاوب..
خزام:أممممم..طبعا مارح أنساك ومارح أحب غيرك.. القلب واحد وشلون أحب ثنيتين… بس يمكن أتزوج غيرك..مارح أظل طول عمري عازب عشان حظرتك متي..وخليتيني لحالي
سحر:لا يالخاين ماشاء الله عليك ردك جاهز..بس يالله على قولتك مارح تظل طول عمرك ترجي وحده ميته..
خزام:الحمد لله والشكر اللي يشوفك يقول أنك ألحين ميته وقدك في قبرك..أن شاء الله يومي قبل يومك يالغاليه..فديت روحك انا..أن شاء الله بتعيشين العمر كله..وبنتزوج وبتشوفين عيالنا وعيال عيالنا..بعدين خلاص سكري على الموضوع قولي كلام يوسع الخاطر..مب هالكلام اللي يغث
(كانوا يتكلمون بمزح مادروا أنه(…………………………
سحر:أي والله وش لنا بهالكلام..ورجعت الدوخه حق سحر..وطلعت آآه من صدرها كنها سكين في صدر خزام..
خزام: سلامتك حبيبتي من الآه..وش فيك عسا ماشر
سحر:لاتحاتي حبيبي مافيني ألا العافيه..بس دوخه بسيطه قدلها يومين تروح وتجي..وأحس بخمول بجسمي وأكلي ماعاد زي أول
خزام:أوووووه مبروك حامل
سحر:لاوالله..أحلف..وين أحمل منه من الهوا..لا والله من جد أحس عمري بيغمى علي
خزام:سلامة عمرك يالغاليه..ان شاء الله فيني ولا فيك..خلاص بكره بامر عليك وأوديك المستشفى
سحر:لا عيوني قلتلك دوخه بسيطه وتروح..لاتقعد تحاتيني..
خزام:لا ياسحر لازم أوديك المستشفى المرض مايتباسا به..خلاص لا تناقشين بكره بأمر عليك الصبح ونروح..خلاص..خلاص..يالله روحي أرتاحي ونامي..يالله حبيبتي مع السلامه..
سحر:الله لايحرمني منك ياغالي..مع السلامه تصبح على خير
سكرت سحر من خزام وحطت راسها عالمخده ونامت على طوووووول من التعب..
وخزام من سكر منها قاعديحاتيها..مو متخيل سحر بيصير فيها شي..ونام وهو يفكر فيها..
جا الصبح وأفطر خزام وراح هوا لبيت سحر..دق عليها مرتين ماردت أما الثالثه ردت عليه..وقالها تتجهز بسرعه وتقول لأمها وأبوها وتنزل أهو قريب من بيتهم…
نزلت سحر وقالت لأمها وأبوها اللي كانو جالسين بالصاله يفطرون وخافوا عليها لأنه مو من العاده يوديها خزام للمستشفى ألا أذا كان فيه شي كايد..بس أهي طمنتهم وهدت بالهم بس تعرفون قلب الأم مارتاحت..وطلعت سحر لخزام اللي كان ينتظرها..وركبت السياره وراحوا سيده للمستشفى..
دخلوا على الطبيب العام وسوولها فحوصات وتحليل دم..وقالولهم يراجعونهم بعد ساعه..
تكاسلو يردون البيت مره ثانيه وقرروا يجلسون ألى أن تطلع النتيجه..
بعد ساعه راحوا للطبيب وكان يشوف التقارير حقة التحليل..وأستأذنوا ودخلوا..
خزام:هاه دكتور بشر عسا كل شي زين
الدكتور:لا تطمن مافيها ألا العافيه بس تدلع عليك..أنت أخوها ولا زوجها
خزام:لا زوجها..تونا متملكين مالنا ألا 11شهر..
الدكتور:أيه الله يهنيكم ببعض..حبيت أقولك ياأخ خزام أنه لازم نعيد التحاليل من جديد ونسوي لها فحص شامل على كل جسمها
سحر:ليش دكتور فيه شي؟؟؟؟؟؟؟
الدكتور:لا تطمني مافيه شي..بس عشان نتأكد أنك سليمه من أي مرض
خزام:دكتور عادي أذا كان فيه شي قول..وبعدين ماسويتوا كل هذي التحاليل والفحوصات ألا أكيد فيه شي..
الدكتور:ياخزام لو فيه شي قلتلكم وبعدين أنا ماقدر أقرر أذا كان فيه شي ولا لا أنا مجرد طبيب عام..أنا بحولكم حق الدكتور عبد العزيز وهذا كرته وأنا بكلمه أوصيه عليكم معى أنه مايحتاج يوصى على مرضاه بس أنا حبيتكم وأرتحت لكم
ويعطي الدكتور الكرت لخزام ويمد يده وياخذه ويقرا اللي فيه..
د.عبدالعزيز بن راشد…طبيب وجراح أورام سرطانيه…………………….الخ
أنصدم خزام من شاف الكرت بس ماقال شي خايف لا تحس سحر..وخلاها تطلع برا بحجة أنه بيجلس عند الدكتور يكتبله شوية أدويه ومسكنات..طلعت سحر..وبقى خزان عند الدكتور..
خزام:دكتورأنت شاك في شي..قولي لا تلعب بأعصابي الله يرحم والديك
الدكتور:لا ياخزام تطمن..صحيح أنا شاك أن عندها ورم..بس هذا مجرد شك يعني أحتمال يكون عندها أو لا والدكتور عبد العزيز أهو اللي بيحدد هذا الشي..بس أنت أدعيلها ولا تقولها ترعب البنيه وفي النهايه مايطلع فيها شي..
خزام:خلا ص دكتور أنا بأكلم الدكتور عبد العزيز وأحجز عنده بكره خل نشوف وش فيها..الله يعطيك العافيه ولا يهينك..
وطلع خزام وخذا سحر وراحوا الصيدليه وخذوا الأدويه وراحوا وأتفقوا ما يقولون لأحد عن اللي صار عند الدكتور لين يتأكدون من حالتها..وصل خزام سحر للبيت وعلى طول راح مانزل معاها..أهي أستغربت مو من عوايد خزام..بس عذرته لأنه قايم من بدري وتعب معاها وأكيد أنه راح ينام..قابلتها أمها عند الباب وسألتها وش سوت وطمنتها سحر أن الدكتور بس يقولها دوخه بسيطه وبتروح وعطاني موعد عند دكتور ثاني يقول هو اللي بيحكم على حالتي..ممكن أمها تطمنت جزئيا بس أكيد مارتاحت من جوابها لأن سحر مبين عليها التعب..البنت مررره نحفانه ووجها مصفر..بس أمها تقول أكيد أذا فيها شي بتقولي مارح تخبي علي
أما خزام من نزلت سحر..كلم الدكتور عبد العزيز وحجز عنده موعد في اليوم الثاني ووصاه يجيب التقارير معاه..
راح خزام البيت وتغدا طلع يبي ينام بس ماقدر ينام أهو تعبااااان كثير بس من مجرد التفكير في أنه بيوديها طبيب أورام…وتم يفكر في سحر الين نام وهو يفكر فيها
قام على صلاة العصر وصلى وتغدى وكلم سحر وقالها عن الموعد ووقته الساعه 5 العصر..
مر اليوم عليهم كنه سنه..جاء وقت موعد سحر مرها خزام وخذاها عند الدكتور..جاو قبل الموعد بربع ساعه أنتظروا لين جاء موعدهم..
ودخلوا على الدكتور عبدالعزيز..وقام الدكتور يسلم على خزام ويسأل سحر عن صحتها ويسألها وش تشكي منه وياخذ التقارير من يد خزام ويقراها.. وقالهم لازم يروحون يسوون تحليل دم من جديد..لأنه شاك في مرض عندها..
وخزام…يتقطع من داخل ياالله حتى أنت يعني أكيد فيها شي..
وطلع خزام سحر وراحوا يسوون تحليل وأشعه حق سحر وقالولهم يرجعون في اليوم الثاني لما تطلع نتيجة التحاليل..
وبالفعل طلعوا ورجعوا اليوم الثاني..ودخلوا على الدكتور ولقوه قاعد ينتظرهم وبأيده تقارير سحر..
الدكتور:ياهلا ومرحبا فيكم تفضلوا
خزام:الله يبقيك ويخليك..بشر دكتور عسا مافيه شي كايد
الدكتور يطالع سحر:لا أن شاء الله مافيها ألا كل خير بس كنا خايفين من شي والحمد لله تأكدنا..
سحر:الحمد لله يعني ماعاد فيني شي..طيب ليه كل هالمرمطه وروحه ورده وتحاليل وفحوصات
الدكتور:يعني ماتعرفين حركات المستشفيات لازم يسوون كذا..وأنا ألحين بكتب لك شوية أدويه ولازم تنتظمين عليها بأستمرار..وراجعينا بعد أسبوعين
وطول مالدكتور يتكلم خزام ساكت أهو عارف أن فيه شي بس مايبي يسأل خايف من الصدمه..وخذا الروشيته حقت الأدويه..وطلع ويا سحر..وقعد يقرا في االروشيته..شاف دوا مب مكتوب عليه كم مره تاخذه في اليوم.. وقال لسحر أنه بيرجع للدكتور يسأله عن الدوا..طق خزام الباب على الدكتور عبد العزيز..
د.عبد العزيز:تعال ياخزام حياك
خزام:بسم الله وش دراك أنه آنا..
د.عبد العزيز:أدري لأني ماكتبت وصفة الدوا أبيك تجيني
خزام:يعني عمد..دكتور تكفى قولي هذا أحنا جينا لوحدنا قولي وش فيها.. ولا تقولي ممافيها ألا العافيه تراي مب بزر تقص عليه بكلمتين..وترا كنت ساكت أبي أجيك لحالي مابيها تعرف أن فيها شي..
د.عبد العزيز:أسمع ياخزام مارح أقص عليك وأصلا لازم أقولك..وأنت رجال مؤمن بقضاء الله وقدره وأنه مانزل داء ألا وجعل له دواء
خزام:تكفى دكتور لاتلعب بأعصابي أكثر إدخل بالموضوع على طول..
د.عبد العزيز:سحر مريضه بالسرطان………………………….
خزام:أييييييييييييييييييش..وش تقول أنت..وصار يبكي من دون مايدري..ياقوة قلبك شلون تقولها..ليش سحر..ليش ياربي…….أستغفر الله العظيم..ربنا لاتؤاخذنا أن نسينا أو أخطأنا..يارب سامحني يارب..الحمد والشكر لك يارب.. يارب قويني..يارب مالي غيرك ألهمنبي الصبر يارب..يارب عافيها وشافيها.. يارب عطني القوه عشان أقولها..يارب لا تحرمني منها..يارب ماأرجي غيرك.. رحمتك يارب..أرحم بأمتك المسكينه..أرحمها برحمتك يارب
د.عبد العزيز..يتقطع قلبه على خزام..ياالله وش كثر يحبها..ويروح جنبه ويحط أيده على كتفه..ياخزام الحمد لله على كل حال..ربي مايبلي أل عباده المؤمنين وهذا أمتحان من عند الله يشوف أنت بتصبر وتشكر ولا بتتذمر على حكمه ياخزام أمسح دموعك وخل البكي للحريم..رح لزوجتك أهي محتاجتلك أكثر من أي وقت ثاني..وقف جنبها ياخزام لا تخليها…
يقطع كلامه خزام:أخلي البكي للحريم!!!!!!!!!!والرجاجيل ماعندهم أحساس يعني مايبكون..ماتبيني أبكي زوجتي اللي مابعد صارت زوجتي..ماتبيني أبكي حبيبتي اللي مالي غيرها ونيس…بس أنت صادق أهي محتاجتلي ألحين لازم أوقف جنبها…لازم ماتخلى عنها..
د.عبد العزيز:ايه هذي فعايل الرجاجيل..وبعدين إحمد ربك أنها مابعد صارت زوجتك ولا لو عندكم عيال ألحين كان وش رح تسوون..يالله روح لها ألحين وفهمها زين أن الله مايبلي ألا عباده المؤمنين
خزام:طيب يادكتور…مافيه حل…مافهي علاج..لو تبيني أسفرها أي مكان أنا حاظر..بس أهم شي ترجعلي سحر
د.عبد العزيز:شوف خزام أنا مابيك تفقد الأمل كلش بس مرضها ليش سموه بالخبيث لأنهم مابعد توصلوا لعلاجه..وبعدين مرتك خلاص أنتشر في دمها لو أنكم بدرتوا بحالتها كان يمكن نستأصل الورم وأن شاء الله بيروح..بس جيتوا متأخرين ومتأخرين كثير
خزام:بس أهي ماكانت تحس بأي تعب
د.عبد العزيز:هذا أنتوا ماتجون ألا أذا تعبتوا….ليش ماتسوون كل شهر فحص شامل على جسمكم..بس وش نقول لافات الفوت ماينفع الصوت..وخلي أملك بالله كبير..وترى رحمة الله واسعه..أنتوا ماعاد عليكم الا الدعاء وربي مايخلي عبده
خزام:ونعم بالله..ونعم بالله..يالله تعبناك معانا دكتور..الله يعطيك العافيه ولا يهينك..
د.عبد العزيز:لا أش دعوه..هذا واجبنا طال عمرك ولا تنسى موعدنا بعد أسبوعين..وخلها تنتظم على الدوا وتتجنب أي شي يزعلها..وأنتبهوا أذا أرتفعت حرارتها جيبوها عندنا على طول
خزام:ولا يهمك دكتور..في عيونا..بس لا تنساها من دعواتك..مع السلامه
وطلع خزام وراح حق سحر اللي كانت تنتظره وقاعده تحاتيه أهو طول عليها..وحاتته زياده من شافت وجهه كان منقلب وكأن ميت له ميت..بس ما سألته عارفه خزام مصيره راح يقولها وهي ماتبي تعرف ألحين تبي ترتاح من الهم اللي شافته طول هاليومين اللي راحوا..
سحر رقيقه..حساسه..تزعل على طول..دمعتها في جيبها زي مايقولون..
وطول الطريق وخزام يفكر شلون يقول لها..وكيف بيفتح معاها الموضوع..قرر أنه لازم يقول لها اليوم قبل بكره تدري منه أحسن ماتدري من غيره..
خزام يحط أيده على أيد سحر وتكلم بعد الهدوء اللي شوي ويقتلهم ثنيناتهم
خزام:هاه سحوره وش رايك ناخذ شاينا ونروح الكورنيش..خاطري أشوف البحر..
سحر:خلاص حبيبي أوكيه بس نروح البيت أبي أصلي المغرب ماصليت وأبدل ملابسي وناخذ معانا عزبتنا ونطلع..
خزام:على راحتك عيوني..
ووصلوا البيت دخلت سحر البيت وخزام راح المجلس ينتظرها فيه..ويلقى فيه بندر جالس يتفرج على التلفزيون..دخل خزام وسلم وجلس..بس كان مو على بعضه سرحان ومهموم..حس فيه بندر..في البدايه قال أنه متهاوش هو وسحر زي عوايدهم وبيردون يتصافون..بس شاف خويه مب اللي متعود عليه يضحك ويسولف منقلب 180درجه..وقرر أنه يسأله..
بندر:خزام وش فيك..عسى ماشر ياخوي..
خزام: أبد والله سلامتك مافيني شي
بندر:لا والله أن فيك.. مبين عليك..يالله عاد قول تخش على بندر
خزام:والله مادري وش أقولك..أنا بروحي مب عارف وش أقول حق نفسي
بندر:قول اللي في خاطرك ولا تخبي شي
خزام:أنت عارف أن سحر مريضه ووديتها المستشفى وسوولها أشعه وفحوصات وتحاليل….واليوم كان موعدنا عند الطبيب المختص..وقالي أن سحر مريضه بال……………………………….مريضه بالسرطان
بندر..يفز من مكانه..أنا أخوك ياسحر..يارجال قول كلام غير ذا..أكيد مقلب من مقالبك ياخزام صح
خزام:الحمد لله يابندر الأمور ذي فيها مقالب..وأنا قلتلك أبيك تساعدني عشان نقول لأهلك..
بندر..ماتحمل..وصار يبكي…ياحسرتي عليك ياسحر…يانفاذ أخوك من بعدك… خلاص خزام أنا مستعد أوديها أي مكان..بوديها أمريكا..ولا أقول بريطانيا..أي مكان أهم شي تتعافى
خزام:لا يابندر أمسح دموعك..أهي محتاجتنا أقوياء مب نقعد نتبكبك عندها محتاجه اللي يقويها ويصبرها مب اللي يزيد عليها..وبعدين أنا قلت للدكتور أني أسفرها بس قال تسفرونها ولا تخلونها النتيجه وحده..ومايشيله ألا اللي حطه..أدعي ربك يعافيها ويشفيها ويخليها لي ولك..ولنا كلنا..خلاص يابندر أتفقنا تراك بتساعدني مو متحمل أقولها لحالي
وأنقع كلامهم بدخلة سحر عليهم..وشافت بندر يمسح دموعه..وخافت على أخوها..
سحر:بندر وش فيك
بندر:لاحبيبتي مافيني شي
خزام:لا تقول حبيبتك أهي حبيبتي لحالي
ويطلع بندر ماتحمل يشوف أخته وكل الكلام اللي قاله خزام طار في الهوا وطلع وخلا خزام لحاله…….وتروح سحر تجلس جنب خزام..
سحر:خزام..أنا فيني شي صح..عادي قول..تعرفني أنا مؤمنه بربي وما يصيبني الا اللي ربي كاتبه لي….وربي مايبتلي العبد ال أذاحبه.وهذا يكفيني أن ربي يحبني..خزام لاتخاف قول أوعدك ماأبكي ولا أندب حظي بس أنت قول وريحني..
خزام..يحظن أيد سحر..:سحر عيوني أسمعيني أنت زي ماقلت ربي مايبتلي من عباده ألا اللي يحبهم..يبي يشوف كيف بيصبرون على بلواهم..وبعد حطي في بالك أن المرض تخفيف ذنوب عنك..أسمعي ياسحر أنا ماكنت أبي أكون اللي أقولك هالخبر.بس وش أسوي مصيرك راح تدرين مني أومن غيري..
سحر وعيونها مليانه دموع..يالله عاد خزام قول عادي لاتخاف من شي
خزام:سحر أنت مريضه بسرطان في الدم..وان شاء الله ربي بيشفيك ويعافيك..وخلي أملك بالله قوي..ولا تقطعين الرجابه
سحر من سمعت الخبر بلمت..تبلد الإحساس عندها..ماتدري وش تسوي تبكي ولا تضحك..كذا على طول بدون أي مقدمات قالوا فيني هالمرض…يارب صبرني يارب
خزام شاف سحر كذا خاف عليها لا يصيرلها شي..ويروح يخظنها..سحر حبيبتي تكلمي قولي شي..أبكي..عادي حبيبتي سامحلك..طلعي اللي في خاطرك عيوني لاتمين ساكته بعدين تتعبين علينا..ويبعد خزام سحر من حظنه الا يشوفها غايبه عن الوعي..شوي وينجن..ياربي لاتموت مارح أسامح نفسي.. ويشيلها خزام ويقابل أبو بندر وأم بندر اللي كانوا جايين يمهم..أهم الثانيين قلوبهم تتقطع على بنتهم مايدرون وش فيها..ويشيلها خزام ويركب معاه عمه وعمته وبندر لحقهم بسيارته ودوها المستشفى ودخلوها العنايه المركزه حالتها مره خطيره الدكتور قال لخزام يبعدها عن الزعل لأنه يأثر عليها على طول..وقال بندر لأبوه ولأمه ومايحتاج أقولكم عن موقفهم..أنتوا أدرى شلون بتكون حالتهم..المهم جاء الدكتور عبد العزيز ويدخل على سحر..وأهلها يطلون عليها من القزاز اللي برا..يحاتونها ويدعولهامن كل قلبهم..
وجلست في العنايه يومين ويومين وهي ماتاكل ولاتتكلم..ولاتنطق بأي حرف..والكل مو مقصر معاها..طبعا دروا العائله كلها..وأكثر من تأثر ربعها(أمل وحياة وهدى)..وطبعا ماقصروا كل يوم والثاني يزورونها..بس هي حالتها من أسوأ لأسوأ..
تمت أسبوع بالمستشفى..ويوم الجمعه أذن لها الدكتور بالخروج..لأنه شاف أن جلستها مالها أية لزمه..وصرف لها أدويه غيرالدويه اللي من قبل لأن حالتها تطورت…ووصاهم يحرصون عليها وينتبهون عليها من الزعل وبعد ينتبهون لا ترتفع حرارتها لأن أرتفاعها خطر عليها…
وطلعت سحر للبيت..البيت الكئيب اللي غابت عنه الضحكه..
وكان خزام من طلعت من المستشفى وهو كل يوم يجيها..يواسيها ويسولف معاها..كانت ترتاح إذا شافته..وأحينا يجيب معاه خواته وبنات عمته لأنها تستانس معاهم…
وفي يوم من الأيام..أرتفعت حرارة سحر كثير وماكان عندها أحد لأن أمها طلعت تجيب لها عشا..رجعت لها أمها لقتها تسبح من العرق وتلمس جبينها لقتها نااااااااااااااار..نادت أبوها بسرعه وودوها المستشفى..
ودخل عليها الدكتور..وشاف حالتها شاف أنها تطور معاها المرض كثير..
الدكتور:الله يهديك يابو بندر ماقلت لك إنتبهوا لا ترتفع حرارتها..
أبو بندر:والله يادكتور أهي أرتفعت فجأه ومادرينا عنها..ليه صار شي كايد
الدكتور: والله مادري وش أقولك..وماحبيت أنا نستعمل هالعلاج..بس حالة البنت من سيء لأسوأ..خلاص ماقدامنا ألا الكيميائي….ولازم نبدا فيه من ألحين
ابو بندر:لاحول ولا قوة ألا بالله..خلاص يادكتور سو اللي تشوفه في مصلحة البنت
الدكتور:على بركة الله..
وكلم أبو بندر بمندر وخزام وقالهم وجاووهم هواااعالمستشفى..
خزام من دخل المستشفى وهو رايح الدكتور..وسأله عن حالة سحر وقاله نفس الكلام اللي قاله لعمه..تقبل خزام الوضع بس اللي بقلبه غييييييييييير
وبدت سحر تاخذ الكيماوي(وما أدراك مالكيماوي) وكل يوم حالتها تسوء من القبله..شعرها وحواجبها بدت تنحت..وحالها ماعاد تشوفون منها شي نحفت مرررررره..
وكله كوم والنفسيه كوووووووم..كانت ماتكلم أحد ألا بالعافيه..حتى خزام اللي كانت ماترتاح ألا معه صار زي الباقي عندها..ماتكلمهم ألا كلمه ورد غطاها..
خزام تعب كثير من هالشي…سحر ماعاد صارت سحر الأوليه..بس هو عاذرها وعارف أن هالشي غصب عنها مب فيدها ولا فيده..
وكل يوم على نفس الحال..سحر تطيب يوم وتمرض عشره…
بدت دراسة خزام (بداية سنه خامس)..وبدت حوسته على الجداول وعلى الدكاتره..تعرفون هالأشياء..كان مايرجع ألا ثلاث العصر يتغدى ويصلي وينام.وأذا صحا راح لسحر جلس عندها ساعه بالكثير وطلع يقضي مشاويره…سحر حاز في خاطرها هالشي..خزام ماعاد زي أول..ماعاد يهتم فيني..طيب يتجمل شوي لين أموت ويسوي اللي يبي..المهم الوساويس صارت تلعب بسحر..قررت ترسله مسج تطلع اللي فخاطرها فيه…تقول بهالمسج…
تذكر صاحبك وإرجع******تقرب له ولو بالصوت
على آخر نفس واقف******تجيه ولا يجيه الموت
وأشوف الموت أحرص منك*****وأشوف أنك تبي موته
وأخاف أنك بعد موته**********تحن وتفتح التابوت
وأخاف من القهر*******يقفل بوجهك باب تابوته
(((((خـــــــــاص((((
أرتاحت بعد هالرساله طلعت شي من اللي فخاطرها…وصل المسج حق خزام زعل من جد على سحر..وش هالتفكير..أنا اللي صرت ألحين أبي موتها..بس يالله هي بعد معذوره أنشغلت عنها هاليومين..وراح رد لها مسج يقول فيه…
ياصاحبي يكفي هموم ومآسي*****قرب وخل القلب ينسى التعاسه
لا تشغلك دنياك ياأعز ناسي*****عن واحد يفداك بروحه وناسه
في غيبتك عيني جفاها النعاسي وحظي غدا من نكسه في أنتكاسه
عود علي ياغايتي وتاج راسي**بعدك يعذبني وقربك وناسه
فرحت سحر بهالمسج كتير كتير..عرفت أن خزام مو ناسيها وهو بعد حاس أنها أبعدت عنه شوي..
وبعدها على طول كلمها وقاله عن اللي مشغله..وحتى لو كان مشغول أهي معاه بقلبه..وأعتذرت له لأنها عارفه أنه مب مشغله عنا ألا شي أقوى منه..
نسيت أقولكم أن سحر تروح كل شهر للمستشفى تاخذ الكيماوي…
وبعد هالمكالمه كذا بيومين كان موعد سحر بالمستشفى واللي وداها خزام..راحوا وخذت العلاج وردوا البيت كان خزام بيروح بس سحر لزمت عليه ألا ينزل تبي تكلمه بموضوع..
نزل خزام وراحت سحر تجيب له عصير ورجعت له قدمت له العصير وجلسوا يسولفون…..وفجأه سكتوا..بعدين ردت سحر تتكلم..
سحر:خزام أبي أطلب منك طلب بس تكفى لا تردني
خزام:أفا عليك بس أنتي تامرين ماتطلبين..أنت تامرين على العين وراعيها
سحر:تسلم العين وراعيها..أنا بأتكلم بس لا تقاطعني الى أن أخلص كلامي..أوكيه..أوكيه..أسمع حبيبي أنت داري أني مريضه بالسرطان وهذا المرض على أسمه نهايته خبيثه يغني أنا تاليتي الموت اليوم أوبكره..ممكن وأنا جالسه قدامك ألحين أموت أو بكره تجي ولا عاد تشوفني..
يقطع كلامها خزام..بسم الله عليك حبيبتي لاتقولين هالكلام
وتقطعه سحر..أنا ماقلتلك لا تقطع كلامي..ايه ممكن بكره تجي ماتلقاني ..يعني ممكن أي لحظه يكلمونك يقولون لك سحر تطلبك الحل..أبيك ياخزام تنساني بعد ما موت..موألحين ياويلك..يالله أنا مسامحتك بعد ماموت..والله ياخزا أنا بايحه منك ومحللتك..تزوج وعيش حياتك..أنسى سحوره وأيام سحوره…بس أبيك أول بنت تسميها علي..تكفى خزام حب زوجتك زي ما حبيتني وأكثر أهي اللي بتبقالك..أنا خلاص باروح عنك..عطها كل الحب والحنان..عطها كل شي فحياتك لا تحرمها من شي..وبعد أمي وأبوي لا تقطع فيهم من بعدي تراهم يحبونك..وأمي ياخزام تكفى لاتخليها تزعل علي بعد موتي قولها سحر بترتاح بموتها أحسن لها من العذاب اللي هي فيه..أعرفها أمي بتقعد تبكي علي كل دقيقه وكل ساعه..صبرها ياخزام قولها بتشوفني أن شاء الله في الجنه..وعمتك ساره وبناتها ماأوصيك عليهم خلك دايم جنبهم ..أذاغاب نايف خلك عندهم لاتخليهم يحتاجون شي..قولهم يدعون لي مع كل دعوه يدعونها لأبوهم..كلكم ياخزا أدعولي تكفون أنسوووني في كل شي ألا الدعوه لاتنسونها..تكفى ياخزام بيح مني أذا كنت زعلتك أو سويت شي مايرضيك..تكفى ياخزام أوعدني أنك تسوي كل شي قلتلك عليه..
وقطعها خزام..وكان شوي ويموت من البكي:خلاص سحر…كفايه..كفايه..الله يرحمك برحمته ولا يخليني منك يالغاليه..أن شاء ربي بيعافيك ويشافيك ونتزوج..وتشوفين عيالنا وعيال عيالنا..
سحر:لا ياخزام أنت تلعب علي ولا تلعب على عمرك..أنا مابيك تقول لي هالكلام..أبيك توعدني أنك تنفذ الكلام اللي قلته..وعد ياخزام
خزام:وعد ياروووووووووووح خزام..بس أن شاء الله ماتموتين ولا أسوي كل ذا..
وماعاد قدر خزام بتحمل وأستأذن وطلع…وراح سيده لبيتهم..وطول الليل وهو يفكر لو صار فيها يشي وش راح يصير فيه..كان حاس أنه بيصير فيها شي..بس خايف يكلمها…وطول الليل ماذاقت عيونه النوم…جاء وقت صلاة الفجر وصلا بالبيت ماراح للمسجد..
خلص صلاته ألا ويدق جواله….شاف الرقم وإرتاح كثير..الحمد لله ماصار فيها شي..أكيد مكلمه تبي تقومني للصلاه..مسكينه ماتدري أني مانمت أصلا…
خزام:صحيت..صحيت..من قبل ماتكلمين
ماحد رد عليه……….اللي متصل ساكت..وعنده صوت أزعاج
خزام:ألو..ألو..ألو
طلع بندر اللي عالخط….هلا خزام كيفك
خزام:حياك الله بندر خير عسا ماشر
بندر..بعد مارد………………………..
خزام:بندر عطني سحر بسرعه ألحين أبي أسمع صوتها…
بندر:سحر ماتت ياخزام..سحوره خلاص راحت…
خزام:لاوااااااااالله بندر أكيد مقلب صح مقلب تكفى قولي أنك تبي تمتحني..
بندر:الله يهديك الموت فيه مقالب…..وصار يبكي بندر…
بعدها خذا أبو بندر التلفون من بندر لأنه ماعاد قدر يتكلم:ياخزام وش فيك أنت خلك رجال سحر ماااااااااااااتت..ماتت يابوك..راحت وخلتنا كلنا..
صدق خزام أن سحر..خلاص..راحت..ماتت..
لا مستحيل سحر تموت..مستحيل تروح وتخليني.وسكر الخط بسرعه ونزل زي المجنون…وكان أهله كلهم جالسين في الصاله يفطرون وقالهم عن الخبر اللي صار عنهم زي الزلزال اللي رجهم..كلهم طلعوا مع خزام وراحوا بيت بو بندر…..من وصل خزام…
طلع غرفة سحر ولقا الإسعاف عندها يبون يشيلونها..دخل عليهم وقعد يهاوشهم…وين مودينها وين مودين مرتي..ويفتح وجه سحر ولقاها زي الملاك نايمه..ياسحر قومي لاتروحين وتخليني لحالي ماقدر أعيش من دونك..تكفين ياسحر قومي..لاتموتين.. وجلس يبكي على صدرها..ويروح يمه أبوه وعمه أبو أبو بندر ويقومونه منها..وهو يصيح أبعدوا عني خلوني أروح معها..أذبحوني وخلوني أموت أنا مالي حياه من بعدها..ياقلبي عليك يا سحر..كانت تحاتي الكل يبه..تخاتيني وتحاتي أمها وأبوها حتى بنات عمتي ساره تحاتيهم..كانت حاسه أنها بتموت…تكفى يبه أذبخني وخلني أروح معاها مابي أجلس من بعدها…
أبو خزام يطق ولده كف على وجهه يصحيه من اللي هو فيه..بعدها حظنه لصدره..ياولدي أذكر ربك..أهي في ذالوقت ماتبي منك الا الدعوه ماتبي منك هالكلام اللي مايودي ولايجيب…ماتنفعها ألا دعواتك..يابوك أصبر أن الله مع الصابرين..يابوك هذا عمك سعود مات وقلت زيك وسويت زيك ومالي حيه من بعده..وهذا أنا الحمد لله عشت ومفي أحسن مايكون ولا نسيته وكل صلاة ادعيله..وأذكره بالخير..ياوليدي ترى ماتنفعها دموعك ماتنفعها ألا دعوتك..ترى الرسول صلى الله عليه وسلم يقول(من ماتت وزوجها راض عنها دخلت الجنه) أرضى عليها الله يرضى عليك..يابوك أرحم نفسك وأرحمنا معك..أنا ما قلتلك لاتبكيها..بس الرجال يقول كلام رجاجيل..أبوها وأخوها محتاجين من يصبرهم وأنت تجي وتزيد عليهم..أبكي ياوليدي طلع اللي في خاطرك بس لاتقول ذا الكلام مره ثانيه أنا من لي غيرك ياخزام..انت سندي وعضيدي..أمك وخواتك محتاجين لك..لاتعذب أمك ياخزام تراها أن شافتك بذا الحال بتموت من الهم..
خزام هدى بعد كلام أبوه..وتذكر وصاة سحر له انه يصبر أمها وأبوها..ويقوم من حظن أبوه ويلتفت لخاله اللي كان جالس على ركبته ماقدر يتحمل كلام خزام..طاح من التعب..وراح يمه وقومه وقعد يصبره ويذكره بالله ألين ما هدى..
أما أمها الله يصبرها من درت ببنتها وهي طايحه في الفراش..ماتقدر تتكلم ولا تتحرك جابولها الدكتور بس طمنهم أنها بس من أثر الصدمه وشوي شوي بترد زي أول
**مر شهر والعائله أهي أهي الهم والحزن مازال بالبيت..وفي قلب خزام.. ويوم ورا يوم الحمد لله تعودوا على كل شي..بس طبعا الهم بقلوبهم…
******بعد مرور سنتين ونص تقريبا..يعني خزام بالترم الأخير من الجامعه… خطب بندر أمل وصارت السوالف اللي قلناها…

الفصل الثالث
الجزء الأول
تتذكرون سالفة حياة وخزام اللي قلناها قبل سالفة سحر…سالفة المكالمه والحب وغيرها… الحين بنكمل السالفة …
بعد ماطلع نايف يجيب عشا بنص ساعه جا خزام وبإيده أكياس..وقابلته هدى..
هدى..تقلد خزام:هلا بعمري هلا بقلبي هلا بزينة الرجاجيل كلهم
خزام درى أنها فهمت السالفه:هلا فيك حبيبتي
هدى:لا تقول حبيبتك حبتك القراده..فشلتني عند البنات على بالي مب جايب عشا..بس أحسن راح نايف يجيب عشا وخل عشاك لك
خزام:أصلا نايف توه مسكر مني وقلت له لاعاد تجيب عشا..هدى..دروا البنات أني كنت أكلمك بالسياره..
هدى:أيه أحسن قلتلهم..يوم ماشفت معاهم عشا قلت خلني أنتقم منه
خزام:مالت عليك يالدبه..ماهمها شي غير بطنها..والله صدق لسموك منخل ما تحفظين شي في بطنك..طيب حياة درت
هدى:أيه درت..وبعدين وش معنى حياة
خزام:هاه ولا شي..خذي العشا وديه قبل مايبرد..
وتروح هدى بتطلع………
خزام:عمه هدى……………………
وتلتفت يمه هدى: اوووووووه وش هالأدب عمه هدى وحركات..قول قول وش تبي خلصني(دايم تكشفه(
خزام:قولي لحياة تحطلي عشا
هدى:لاولللللللللللللله..أحلف..لاتكون خلفتك ونستك ولا وحده من خواتك…
خزام:ايه هي قالت أنا زي أخوها..قوليلها تتحمل ماجاها من هالكلمه..
هدى:طيب الله يعيني عليك..على آخر الزمن ياهدى صرت مرسالة حب حق خزام وحياة….
وراحت هدى لحياة وقالتلها..
هدى:حياة قومي بسرعه رجلك قصدي خزام يقولك عطيني عشا
حياة:والله..أهو جاء
هدى..تقلدها:أيه جاء ومن اللي جايب العشا..
أمل:فديته أخوي مب هاينين عليه..حركاته مايخليها يحب ينرفز الواحد
لمياء:لاواللللللللللللله والعشا اللي وصينا نايف فيه..
هدى:يقول خزام أنه كلمه وقاله لايجيب أهو بيجيب معاه.. وتطالع حياة..شف البنت مابعد قامت الولد بيموت من الجوع وأنت جالسه…
وتفز حياة وتاخذ الأكياس من هدى وتروح المطبخ.وتقطع له سلطه وتسويله شاي (كانت مشهوره بالشاي كانوا يقولون أحلى من يسوي الشاي حياة).. المهم قدمتله صينيه تفتح النفس..وخلصت ونادت هدى توديها…
هدى:آآآآآآآه الله لنا..لوأني قيله لك سويلي كذا كان والله ماتسويلي..بس خبيثه تطبقين المثل (أسهل طريق للوصول ألى الرجل هي معدته)..وبعدين وش دراك أن خزام يحب الشاي مع العشا..لاتقولين قلبك حس مارح أصدقك
حياة:يوووه ياهدى عن الهذره وروحي وديله العشا…ياعمري عليه أكيييييد ميت من الجوع..وقوليله أن حياة بعظمتها وجبروتها سوت لك العشا..بس لعيونك تخلت عن كل شي
هدى:قالولك مسويه العشا أنت ترى كلها تبعدين القصدير منه وتحطينه في الصينيه..بس يالله أنا عندي أمانه بوصله كل الكلام اللي قلتيه…وتروح هدى لخزام وتعطيه العشا وتقوله الكلام اللي قالت لها حياة..وجلس يضحك وخذ الصينيه من يدها وجلس يتعشا..ويلتفت وراه وياخذ شماغه ويعطيه هدى تعطيه حياة تغسله لها بس هدى أعجبتكم قطته في وجهه وقالت له حياة مب شغالة أبوه عشان يمون كل هالمونه..يتحمد ربه بعد جهزت له عشا..
بعدها حس أنه مزودها شوي وقالها تشكرها وتقولها الله يعطيها العافيه أحلى عشا وأحلى شاي ذاقه في حياته
ودخل عليهم نايف وطلعت هدى لحياة وقالت لها…وفرحت لهالكلمتين اللي قالهم خزام..فرحت من قلبها لأنها طالعه من خزام مو من غيره..
أما نايف جلس مع خزام يتعشى معاه..وبعدها شربو الشاي…
نايف:خزام تتحدى أن اللي مسوي الشاي حياة أختي…
خزام:بسم الله الرحمن الرحيم وش دراك؟؟؟
نايف:أعرفه ياخي غير شايها فيه طعم غريب مو زي أي شاي أشربه
يطالعه خزام ويتفنن بشربه للشاي..فعلا غير..مو زي أي شاي
نايف:خزام والله قلبي معورني على أمي أحس فيها شي
خزام:تفاول خير نايف..أن شاء الله ماعليها ألا العافيه..وكانك تبي تطمن عليها أكثر ودها الرياض أحسن لك عشان ماتقعد كل يوم والثاني تحاتيها..
نايف:على قولتك هي بكره بتطلع من المستشفى..وبعده نروح الرياض..ويطلع نايف جواله يبي يكلم الحجوزات…
خزام:والله أنك بطران يذا الولد ألحين الثابت قدام عينك وتكلم بالجوال…
ويضحك نايف وياخذ الثابت ويكلم الخطوط..ويحجز مقعدين له ولأمه..يوم الأربعاء..الساعه 7 المغرب..
ونادى خواته في المجلس الثاني يستشيرهم..فرحوا كثير لها الخبر عشان أمهم وعلى بالهم أهم بعد بيروحون..
لمياء:ومتى أن شاء الله بنروح ترى خلاص مافيه وقت اللعرس مابقى عليه ألا أسبوع بس
نايف:ومن قال أنكم بتروحون أنا وأمي بس اللي بنروح أنتوا بتجلسون هنا بالخبر
حياة:لاوالللللللللله تروحون لحالكم..مابي أبي أمي مارح أخليها تروح لحالها
نايف:ياويل حالي على أختي تبي ماما..تبين ننه ولا تغيرلك حفاظتك..وين تروحين أنت ووجهك أحنا رايحين نتمشى..
لمياء:وهي صادقه نايف خلنا نتفق كلنا ونروح..أحنا وخزام وخته أمل..منها أمي تشوف نفسها ومنها أمل تكمل باقي أغراضها تراهم يمدحونها أسواق الرياض…
نايف أعجبته الفكره…حلوه اللمه…خلاص بقول لخزام ونشوف وش رايه…
حياة:أكيد موافق..
نايف:لااااااااه وش دراك أنه موافق..
حياة:لا بس أقول يمكن لأنه يحب الرياض دايم ينزلها ولقلت له مب قايل لا.. وبعدين أنتوا ألحين تحلون وتربطون وأمي ماعندها خبر..أصبروا لين نشوف راي أمي بالأول..
نايف:ايه والله على قولتك..
طلعوا لمياء وحياة وراحوا مكان ماكانوا البنات جالسين..ونايف رجع لخزام.. وماقدر يصبر أنه مايقوله..وراح قاله عن اللي دار بينه وبين خواته..
خزام ماصدق خبر معقوله بيسافر أهو وحياة لمكان واحد..ياربي متى يجي هاليوم..
وخطط أهو ونايف ورتبوا أمورهم..بس ينتظرون موافقة أم نايف..
وفي اليوم الثاني طلعت ساره وقالولها في البدايه مارضت بس من قالوا عشان أمل تقضي باقي أغراضها..على طول وافقت..
طار الكل من الفرحه..وفنفس الوقت كلم خزام الخطوط يحجزلهم (خزام،أمل،لمياء،حياة،هدى،الهنوف)..بس للأسف مالقى حجز لأنه يبي الحجز يوم الأربعاء والطياره فهاليوم..لأنه يوم أجازه..وهو ماشاء الله حموله اللي معاه..وفي النهايه قرروا يروحون على السياره..كانت الخبر ثلاث ساعات من الرياض بالسياره..ونص ساعه بالطياره..
حياة وخزام ماحد قدهم بيجلسون مع بعض ثلاث ساعات على بعضها مو مصدقين وش هالوناسه..الله يتمها علينا يارب..
جاء يوم الأربعاء…كانت طيارة نايف وأمه 7 المغرب..وخزام بياخذ البنات ويمشون 4العصر..جاء العصر وراح خزام وأمل لبيت عمتهم..
نزل خزام يناديهم وينزلون الشناط..أمل كان حاطه شنطه على قدها ماكثرت من الملابس لأنهم مب مطولين لأن الزواج باقي عليه 6أيام بس..
أما بنات سعودوخالتهم هدىالله لايوريكم حطولهم شنطه وش كبرها.. تقولون رايحين يصيفون..بس يفكرون أنهم بيروحون بيشترون أغراض كثيره ولازم يكبرون الشنطه عشان يحطونها فيها مب خلق الكراتين..
المهم ناداهم نايف يخلصون وينزلزن شنطتهم…وتأخروا مانزلوا..وشغل نايف المنبه حقه..خلصونااااااااااااااااا..تأخرتوا على الرجال فشلتونا فيه..هذا اللي بنلقاه منكم يالحريم…
وأخيرا نزلوا البنات..ووراهم الشغاله بالشنطه..نايف شاف الشنطه شوي ويغمى عليه..وش هالكبر اللي يشوفكم مسافرين لندن..بس مو مهتمين… سلموا على أمهم وطلعوا..ساره كانت خايفه على بناتها وعيال أخوها ماتحب السفر بالسياره تعقدت بعد سعود..خايفه لايصير فيهم شي..
طلعوا البنات..كان خزام جايهم بسيارته الجيب لكزس بيضاء ومغيم القزاز كله بأسود كان شكلها روووووعه
ركبوا البنات وكالعاده أمل قدام ولمياء ورا أمل وهدى ورا خزام والهنوف ركبت في المرتبه الأخيره بس خياة اللي تورطت ركبت في الوسط بين لمياء وهدى.. خلاص حملوا كل شي..وركب خزام..حرك السياره يبون يمشون..ألا صرخت حياة..لحظه..لحظه
خزام:بسم الله عليك حبيبتي وش فيك…طلعت الكلمه عفويه من خزام بدون مايدري أنحرج كثير من كلمته مايبيها تطلع قدام الشباب كلهم ألخين وش بيفكه منهم..
حياة كانت حاطه أيدها على لمياء..جمدت في مكانها أول مره يقولها يا حبيبتي…فرحت لها من الخاطر..
أمل تبي تغير السالفه:هاه حياة وش تذكرتي؟؟؟؟؟؟؟؟
حياة:سلة القهوه والشاي والشبس والمعمول..ماجبتها..
خزام:الله يهديك ياحياة بغيتي تضيعين علينا أحلى شي في الرحله..لو أنك ما تذكرتي وش كان بنسوي..قولي لي وينه فيه وبأروح أجيبه..
وقالت له حياة عالمكان ونزل وراح يجيبه..بس ماجاب أحلى شي الشبسسس…يقول ماعرف مكانه..بس عيار عجز يدور له..
بدت الرحله اللي سجلت في تاريخ حياة وخزام..كان أاحسن سفره سافروها البنات..خزام كان مره روعه في السفر دمه خفيف وسوالفه حلوه..كان كثير مرتاح..لأن حياة معه من زمان مارتاح هالراحه ألا على أيام سحر..
مروا من عند محطه وخذوا منها بعض الأغراض..وركب خزام وأول ماركب دق جوال حياة..ألا تشوف الرقم رقم أخوها نايف..دق على لمياء بس جوالها خارج النطاق..راح دق على حياة..وعاد حبيبتكم حياة تبي ترد سالفة خزام له..يعني وحده بوحده…
حياة:هلا بعمري..هلا بقلبي هلا براعي هالصوت..
خزام عرف أنها تبي ترد له السالفه..تبي تشوف أنا اغار عليها ولا لا..طيب ياحياتي تبيني أغار ولا يهمك بأغار وبموووووت غيره.
حياة:لا يابعدهم كلهم..طونا في الطريق..باقي لنا حوالي ساعتين أو ساعه ونص
**ههههههههههههههههههههه..الله يقطع أبليسك..ماتخلي سوالفك
**وأنت ألحين وينك فيه
**يابعد قلبي أبيك تستقبلني..خلاص يالله توصي شي
**لا إله ألا الله
**مع السلامه..في حفظ الرحمن
سكرت حياة من نايف..وسألتها لمياء عن اللي يكلمها قالتلها بصوت مو مسموع أنه نايف بس خزام مساء الله عليه أذنيه ردارات..سمعت أنه نايف..
ويسوي نفسه زعلان..حياة أنت جايبه القهوه والشاي زينه
حياة:لاتكون تبيني أصبلك..هذي أختك جنبك خلها تصب لك
خزام:لا..من يدك غيييييييييييييييييييييير
حياة:إيه أكل عقلي بالكلام الزين..بس تمووووووووت مامديتلك شي
خزام:وأهون عليك؟؟؟؟
حياة..يتقطع قلبها..لا ياعمري ماتهون علي..بس لازم أثقل شوي..إيه عادي تهون علي..خذي هدى صبي له
خزام":شفتي ماهنت عليك
حياة:عاد اللي هو أهم شي مب صابه لك
خزام:هدى لاتعبين نفسك والله ماشرب ولاآكل شي ألا من يد حياة
لمياء:حياة صبي له فكينا من هذرته
حياة:لاواللللللللللللللللللللله على كيفه..يبي يتحكم فيني..
وسكتوا شوي الاطلع صوت بطن خزام يقرقر جوعاااااااان..الكل رحمه.. وحياة حست بالذنب..وتاخذ القهوه وتصبله وتمد له معمول:شفت أن قلبي طيب وحنونه ماقدرت أخليك جوعان
خزام:وش اللي محببني فيك ألا هالقلب الطيب..ويمد أيده يبي ياخذ القهوه..وتجي على أيد حياة..الرجال ضاعت علومه جاء مطب ولا حس فيه وتنكب القهوه على أيده
حياة:بسم الله على عمرك الغالي
ألحين جاء دور حياة..طلعت الكلمه عفويه..ماتدري وش قالت:بس يالله مب حسافه في الزين..
خزام..يالله تحبني من جد التافهه تكابر..يابعد قلبي ياحياة..فديت هالعيووون
وتمد له حياة منديل يمسح القهوه اللي أنكبت على أيده..ثاني مره أنتبه على عمرك..قلبي طاح في رجولي..
هدى:ترارا..ترارا..الله..الله..كذا عيني عينك..قصة حب قدام عيونكم يا بنات..تفرجوا ببلاش..مو ناقص ألا شموع وموسيقى كلاسيك
لمياء:خزاموه..أحسن لك أبعد عن أختي ترا أغار عليها..على الأقل مو قدامي..بعدين تتبادلون العشق والغرام..أنتبه للطريق ترانا في سفر
أمل:عااااااااااشت حياة..طيحت أخوي في هواها..وأخيرا تحرر العاشق الولهان
خزام:أنا قلت وش اللي بيفكني من حشرة البنات ألحين..يالله عاد لاتحرجون البنيه..أعرفها أكيد الحين شوي وتصيح..ويطالع بالمرايه ويشوف حياة..بس كان منزله عيونها بتموت من الحيا..
بعدها هدت السياره وخذت أمل ترمس القهوه وصبت للكل..شوي وجات لحياة مسج..(بسم الله على قلبك يالغاليه..كله من أيدك ضيعت علومي..وبعدين لا تخافين مافيني ألا العافيه..ومن هذا اللي كلمك حبيبك وبعد قلبك..لا وبعد تكلمينه عندي..ماقالولك أني أغااااااااااااارعليك وماأرضى أن هالكلام ينقال لغيري..أحبك ياحياتي)…
وطول ماحياة تقراها خزام يناظرها بالمرايه يشوف تعابير عيونها..وخلصت وناظرته نظره ذوبته..بس ماردت عليه..مستحيه البنيه ماتدري وش تقول..
وبعد ساعه باضبط وصلوا الرياض..الساعه8المغرب خذوا الرحله في أربع ساعات كانوا يمشون على راحتهم..مرت أربع ساعات كأنها أربع دقايق عند حياة وخزام خلصت ماحسوا فيها
أول ماوصلوا الرياض دقت لمياء على عمها تركي…هلا بالغالي هلا بتروك
أول ماسمعت هدى الأسم فز القلب..أيه مو هذا حبيب القلب اللي ماعنت الرياض ألا على شانه
تركي:هلا واللله بلومه.هلا بنظر عين عمها
لمياء:يعني أنت مصدق ألحين أنك عمنا.تراه بس أسم..منظر تمنظر به قدام الناس..تفتخر به أنك عم بنات سعود
تركي:مالت عليك..تكفين يالشخصيات..ألا أنتوا اللي لكم الفخر أن تركي بن نايف عمكم
لمياء:أيه والله وأنت الصادق لنا كل الفخر أنكم كلكم عمانا…
تركي..يسوي نفسه يكح…ماعليك زود طال عمرك هذا منطيب أصلك…….ويضحك….هاه يازين وينكم ألحين
لمياء:نحن الآن على مشارف عاصمتنا الحبيبه…وتغني
قلب مولع بالرياض*****حب ورثته من الجدود…أيه تركي تونا دخلنا الرياض تركي:طيب بشري الغلا معكم
لمياء:لا والله ماعندنا غلا.عندنا حب بس تبيه ولا نرجعه
هدى درت أنه يتكلم عنها..قلبها يرقص من الوناسه لو الود ودها خذت الجوال من أيد لمياء بس ماتقدر…
تركي:يوووووه يالمياء.غلا حب..كله واحد أهم شي جات ولا لا
لمياء:طبعا..معنا وأحنا نقدر نروح ولا نجي وهي مو معانا
تركي:أشوا طمنتيني..خلاص أجل على طول تعالوا لبيت عمكم فهد لا تروحون لا يمين ولا يسار وترى نايف وأمكم قدهم عندنا..يالله باي ننتظركم
لمياء:تعال..تعال..مالي دخل كلم خزام وقوله يجيبنا عندكم..خذه هذا هو معك
خزام:هلا والله بالنسيب..وش حالك
تركي:هلا وغلا..بالغالي ولد أخو الغاليه
خزام:والله أنك فله يذا الرجال..عرفنا أن أنل غالي وش دخل ولد أخو الغاليه بالموضوع..يالله عادي ماعليك شرهه الحب مضيع دروبك
تركي:آآآآآآآآآآه..أيه والله أنه مضيع دروبي مدري متى بتزوج وأرتاح
خزام:والله ماحد قالك أجلس لألحين..بس وش مستعجل عليه لاحق على الهم..خلنا من ذا الموضوع ألحين..علمني وش أخبارك..ووش علومك
تركي:أخباري وعلومي بقولها لك لما تجينا في البيت..ألحين تعالوا سييييده لبيت فهد أخوي..ترا عاملين حسابكم على العشا
خزام:على خير أن شاء الله..ربع ساعه ونكون عندكم..
تركي عم عيال سعود..أكبر من لمياء بسنتين متخرج من كلية الملك فيصل الجويه..يشتغل في الدفاع الجوي..حالته الحمد لله زينه ومرتاح..وسيم مررررره..طويل وعريض..متكلم على هدى من تخرجت من الثنوي بس ما تكلم رسمي..يبي يكون نفسه بالأول..أهو قرر يتكلم خلاص بس ينتظر ينتهون من حوسة زواج أمل ويرتاحون وكلم أبوه…
وصل خزام واحموله اللي معاه بيت فهد بن نايف..ومشاء الله رحبوا فيهم ترحيب حاااااااار..وأبسطوا عندهم..وجلسوا معاهم لآخر الليل..
جاء وقت الطلعه..نادا نايف وخزام أهلهم..بس حلف فهد أنهم يرتاحون عندهم الليله..وناموا كلهم عند فهد وفي اليوم الثاني أتفقوا أن نايف وأمه يروحون للمستشفى وخزام وتركي ياخذون البنات للسوق..
وبالفعل صار زي هالكلام وطلعوا البنات يتقظون ونايف وأمه راحوا للمستشفى..
طلعوا من عصر..وتموا يتقظوون لليل لأن مالهم الا هاليوم بيرجعون في اليوم اللي بعده..وخزام وتركي يفرفرون معاهم..طايحين مطالع في هالبنات وحياة وهدى مولعين بس مايقدرون يتكلمون
وقبل مايطلعون راح تركي يقرب السياره وتم خزام مع البنات..وهم يمشون شافت حياة محل بودي شوب..كانت مولعه بهالمحل مستحيل تدخله ولا تطلع منه بشي..قالتلهم بتدخله تتفرج لين مايجي تركي ودخلوا البنات معاها وخزام تم واقف عند الباب..شافت حياة عطر بتموت عليه هي تدوره من زمان بس مالقته لا بالخبر ولا بالدمام..طلعت بوكها تبي تعطي البايع الفلوس مالقت ألا خمس ريال مقشطه..قالت للمياء..بعد لمياء زيها..وقالت لأمل وهدى كلهم مقشطيييييييييين..قالت لأمل تروح لخزام تعطيه صرافتها يصرفلها 200ريال..بس طبعا حبيبكم لازم يسوي فيها كريم..ومارضى يصرف لها..ودخل لها وسألها عن العطر اللي تبيه..وقالتله عنه بس قالت مارح يشتريه لها ألا إذا خذا قيمته..
وسأل البايع عن قيمته وقاله ب100ريال..وطلع بوكه يبي يدفعهم..
حياة:لا ياأمل خلاص مابي شي قوليله لا يجيب شي
أمل:خلاص ياخزام لاتجيب شي ..تقول ماتبي شي
خزام:قوليلها مب على كيفك والله ماتروحين وخاطرك فيه…
أمل راحت لحياة وقالت لها بس حياة مارضت ألا لزم ترد له الفلوس..
وطلعوا ركبوا السياره..وكان الكيس مع خزام ومده لورى يبي حياة تاخذه وخذته هدى وقالت له مشكور الله يعطيك العافيه
خزام:وأنت وش دخلك يالملقوفه أنا شاريه لك.
هدى:عادي أنا وبنت أختي واحد..هي أصلا كانت ناويه تقوله بس أنا قلته بالنيابه عنها..
تركي:فديييييتها..وش بلاك عليها خزام خلها تقول اللي فخاطرها..
خزام:مالك دخل أهم شي أبي أسمع الكلمه من حياة
حياة:مشكور..الله يعطيك العافيه..بس ترى مب ماخذته الا أذا عطيتك فلوسه..
خزام..بزعل:لا والله..حلفي..أسكتي بس ترا والله أزعل من جد..ماشريته عشان تعطيني فلوسه..ولا تخلين بينا هالكلام..وأعتبريه هديه..
تركي:صددددق..أحلف..ياناس يغازل بنت أخوي وأنا جنبه على الأقل أحترمني..أو أنتظري لين أنزل..
خزام:على تبن بس ماغازلتها..بعدين أهي بنت عمتي..بعد أنا مارضا عليها..
لمياء:وأنتوا بس طايحيلي مطالع في ذا البنات أعنبوكم تقول مب شايفين خير..
خزام:آآآآآه والله مب شايفين خير…بنات الرياض غير أشكالهم تجنن..
تركي:أنا أشهد أنهم غير.. أسألني أنا..
هدى وحياة..ساكتين ماقالوا شي..على عكس ماتوقعوا أهم تكلموا بهالكلام يبون يغيظونهم بس كانوا هاديات ولا كأن الأمر يخصهم..
ووصلوا البيت ونزل معاهم تركي..دخلوا البنات داخل..وتموا العيال بالمجلس.
لقوا أمهم ونايف رجعوا من المستشفى الحمد لله طمنهم الدكتور وقال أنه مجرد هبوط في الضغط أهو اللي سبب لها كل هذا ولازم تبتعد عن الأشياء اللي تزعلها وبعض الأكل اللي يضرها..
**في المجلس…عند الشباب……..
نايف:وش رايكم نروح الفيصليه ولا المملكه خاطري أروح لها..
خزام:لاوالله يانايف ماعاد فيني من مشى..دوخوني ذا البنات معاهم..
تركي:والله أنك صادق خزام..أعوذ بالله ماخلوا ولا محل ألا ودخلوه..قشوا السوق كله
نايف:يالله عاد ماعلينا منهم بتروحون وبتنسون من تدخلونها..
دخل نايف لأمه يقولها أنهم طالعين وهدى كانت عندها..طبعا الليدي ماقصرت راحت لحياة ولمياء عشان ينشبون في نايف وهي وأمل في خزام..وماقصروا حنوا لين رضوا يودونهم..
ونشبو للعيال وراحوا أول شي للفيصليه جلسوا فيه ساعه وبعدها راحوا للملكه وهم بعد جلسوا فيها ساعه ولا خذوا راحتهم طبعا ورجعوا على طول ماطولوا..
يوم الجمعه خلاص رجعوا الخبر بعدما