قالوا عنيه بويه ؟؟!!

السلام عليكم ورحمة الله وبركاته ...

هلا خواتيه اشحالكن واخباركن ؟؟

اتمنى من الله انكن اتساعدنيه ... لانيه محتااااايه هالمساعده ...
لانيه بالفعل .... نفسيتيه واااايد تعبانه ...

ومالي حد اشكيله غير الله ... وانا افتر عيبنيه منتداكم وحسيت بالراااحه وقلت اكيد رااح ايساعدونيه ... راااح اخبركم مشكلتيه ...

انا وحده حساااسه وااايد ... وحساسيتيه اتنفر من اللي حولي ... يعني اخاااف على زعلهم وااايد .. وايلس احن على روووسهم لاتزعلوون ... واذاا حد سوااا حركه ولا مزح مزح ثجيل ماروووم اتحمل على طوووول ادموعيه على خديه ... وهالشي صارليه عقب ما ضربتنيه معلمتيه يووم كنت فالابتدائيه ... والحمدالله على كل حال ياني مرض القلب من شدة الصدمه ... يعني ما روووم اتحمل صدمات

وثاني شي .... وااايد ناااس ايقوولون عنيه بووويه ... مع لاااا ... بس ما اعرف كيف اظهر انوثتيه ...

يعني ما عرف كيف اهتم بمظهريه ...

ماعرف كيف اضحك ...

ماعرف وماعرف اشياء وااايد يسونهاااا البنات ...

لانيه من يوووم كنت اصغيره اتربيت مع ولد ختيه لين احينه .... واتعرفوون كيف هالشي يأثر

والله اتمنى انيه اكون اكثر ورقه واحساس ... حتى خوانيه ايقولون حركاتها حركات شباب

في كل شي ... وشووو شعرهاا ... لان شعريه من النوع الدهني ... وما اعرف كيف اهتم فيه ...

واخر شي ... في ويهيه بقع حب ... ماعرف كيف اخوزهاااا لان قامواااا وااايد ايعبووون عليه ... وانا بشرتيه حساسه ودهنيه ...

ودخيلكن ساعدني .... اهم شي اريد اثبت لهم انيه انثى ...

قووولولي شوو اسوي .. دخيلكن ...

اختكم في الله

الدمعه

اهلان
صراحة ما تزعلي مني
ما فهمت عليكي شي
لاني فلسطينية
وانتي سععودية
اوكويتية
وةانا ما افهم عليكم
آسفة هاد الشي بيخليني ما اقدر اساعدك
لو حد قلي الشي بلهجتي بقدر

يالغاليه الواحد اذاشاف مصيبة غيرة حمد ربه على اللي هو فيه احمدي ربك مشكلتك حلها سهل مو انك مشلوله ما تقدرين تمشين وتخدمين نفسك او عميى ما تشوفين او انك مريضه مرض ما منه علاج فأنا اقوووووولك الانثى انثى مهما كان ومهما قالوا عنك خلي عندك ثقه بنفسك ولا يهمك كلام الغير اهتمي بمظهرك مثل كل البنات حطي مكياج خفيف روحي لطبيب الجلديه يشوووف حل لبشرتك وبالنسبه لشعرك استخدمي الشامبوا للي يناسب الشعر الدهني سوي فيه بعض التسريحات والحركات مثل غيرك حاولي تغيرين طريقتك مع الناس امزحي معهم تحملي اللي يسونه لك ودايم ادخلي على المواقع اللي تهتم بجمال المراة من مكياج وازياء وشعر عشااان يكون عندك خلفيه بكل شيء مو تشوووفين وبس لا حاولي تغير طريقة استايلك خلي الناس اذا شافوووك يشوفون وحده ثانيه مو الدمعة اللي يعرفونها وصدقيني أكيد فيه ناااس كثير يحبونك ويعزززونك بس انتي شيلي الاوهااام عنك



أتمنى تكووونين فاهمــــــه علي و أكـــــــون أفدتـــــــك

أختــــــكـ : دمعه سحاب

اختي العزيزه الدمعه
كونك تربيتي مع ابن اختك اكيد هذا بيأثر على سلوكك
و لكن انتي اقوى من انا مثل هذا الظرف يمنعك انك تظهرين انوثتك
لا تخلقين لنفسك اعذاااار
و انك تحسسينهم بانك انثى موبس في الشكل و بس
بتصرفاتك بطريقة كلامك حتى من نبرة صوتك حاولي انها تكون اكثر دلع و رقه
و بالنسبه لشكلك في هالايام ما عد هاذي مشكله
حاولي تحلينها بمثل ما قالت لك اختي دمعة سحاب
و ثقي بنفسك عشان ما حد يقدر يجرحك
و قوي ارادتك
ان شاء الله ربي يوفقك
يا رب
و انا في الخدمه
دائما

ماشاء الله دمعة سحاب كفت ووفت

أتمنى تاخذين بنصيحتها

السلام عليكم ورحمة الله وبركاته

تسلمووون والله ....

وان شاء الله بسوي اللي قلتوليه عنه ...

ويزاكن الله خير

ما راح ازيد على البنات شيء غير

البنات البنات اجمل الكائنات << على قولته صفاء ابو سعود

والله انا مثلك تمام حتى بنوع البشرة والشعر

والله مافهمت شي انتي من وين؟كلامك غريب على العموم الله يكون بعونك

ماازيد على كلام دمعه واحلى ضحكه