رسايل غير !!

ياللي سكنت أجمل زوايا كياني
.ياما على نفسي لجلكـ تحاملت
مرات.. أحس إنك معي شخص ثاني
ومره.. أحس إنك حبيبي ولازلت
عشان عشرتنا الطويله وعشاني
حاول تشيل من الوفا ربع ماشلت

₪₪₪


(وياكم)
تمنيت السعاده بدنياي
وشفت السعاده تبتعد ماتبيني
(أشكي)
لربي خالق الخلق شكواي
عساه يسعد مابقى من سنيني
(أخفي)
عن الجلاس همي وبلواي
وأضحك ودمعتي وسط عيني

₪₪₪


أبي أكتب قصيدة حب
أبي جزله معانيها أريدك بين هالعالم
تفاخر يوم تقراها
أبيك لحرفها تطرب
أبي غيرك يغنيها
أبي لامن سألك إنسان
من إللي فيك سواها
تقول إللي سكن قلبي وروحه لي مهديها

₪₪₪


لاضاقت الدنيا علي قلت
وينك..؟
ياللي تسلي وحشتي
كل ماضيق
إن كان إنعقد حبل
الوصل في يمينك
من يسقي الضامي وهو
ناشف الريق
عذرك معك وإن شنت
الشين مايشينك
وإن زنت فإنت الزين من
دون تعليق

₪₪₪


أتعبت قلبي من جفاك وتغليك
وتاهت بي الشرهه ولا أحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
وروحي هوت روحك وحبك سحرها
الذنب ذنب الحب
ماهو خطا فيك
هذا خطا نفسي وهذا قدرها

₪₪₪


أسألك بالله وش مـعـنى الـصـمـود
لاغـدى (ماي البحر) جـمر بيدي
وأسألك بالله وش مـعـنى الـصدود
لاغـدى مـوتي يـساوي مـولـدي

₪₪₪


جيت أبنساك من بعد الفراق
نازعتني فيك الأشواق
حاولت النسيان
ولقيت نفسي
أشتاق وأشتاق
حاولت وإشتقت ثم حاولت وإشتقت
حاولت ونسيت
أنا فعلا نسيت أهلي ..نسيت ربعي
لكن
نسيـــــت أنسـاك

₪₪₪


مابي جرح
ولابي خوف
ولابي أحزان
أبي موقف
أبي كلمه تهز أوطان
(أبي إنسان)
إذا طحت من طولي يفز ويسند حمولي
يحس فيني قبل لاشكي
يواسيني قبل لابكي
ومن قلبه إذا حنيت ألاقي بداخله أحضان
دخيل الله أبي إنســـــــــان

₪₪₪


أبسألك ؟
لو قلت لك اشتاق لك !!
كثر الجفا وكثر السهر وأكثر من هموم البشر ...
أستاهلك ؟

₪₪₪


أدري إنك صرت ضمن المستحيل
بس قلبي رغم بعدك مانساك
وأدري إني منك ضيعت الدليل
والسبب لاشك هو كثر غلاك
وأدري إني من سبب بعدك عليل
الله وأكبر صار حبي لك هلاك
وأدري إني ممكن ألقى لك بديل
بس وين إللي يساويك بحلاك

₪₪₪


إنت تامر
ما أقدر أتأخر عليك
أطلب عيوني تجيك
روحي احطها بين إيديك
لا يردك شيء يا معنى وجودي
أعتبرني يا حبي أنا كلي لك
بألف خاطر يا عمري مشتريك

₪₪₪


حبيبي رساله أرسلها لك عبر الأثير
أبثها لك وإنت بعيد
كتبت لك فيها ما عجز عنه لساني
بانك أغلى وأروع ما في حياتي
ولو تطلب روحي
أرميها بين إيديك بثواني

₪₪₪


ليتك
بحلم الروح ليله تجيني.
وأقول:
ياحلـمي أنا أطلبك تزداد
حلمي في حلمن
‎بين روحك وبيني
ليت الحلوم تصيرللوصل ميعاد..
تعــــــــبــت
وأتعبت
الهوى من حنيني
وأتعبت قلبك
بالهوى يابن"الأجـــواد" ‏

₪₪₪


كيف أصبر و أتصبر في غياب أغلى الحبايب
وكيف أداري دمعتي وحسرة الروح وقهرها
آه يانفسي وياجرحي ويادنيا الغرايب
جمعتي لي سحاب الهم لين أغرقني مطرها
ياحبيبي ياحياتي يابعد كل القرايب
لاتخليني وترحل ياعيوني ويانظرها

₪₪₪


خذني جريح شعور يعشق وصالك
ينزف جروح العشق وأيامه شهود
خذني غريق أحلام عانق خيالك
يرجي سحاب إيديك والشوق موجود
خذني بقايا إنسان كلي حلالك
وأسكن عروق القلب والعشق موجود

₪₪₪


لا تعاتب من جفاك ...!
من زهد في عشرتك
خله يروووووح

أخطيت ... وعذرناك
وقلت لك ياصاحبي
مسموووووح

لكن اليوم .. وش بلاك
تراك زودت علي
الجروووووح

₪₪₪


يمرالليل في وقتي وشوقي كسر الأضلاع
وعيني ساهره تبكي وكل الناس هجاعه
ألا ياشوقي السامر تطوع وإرسل الأوجاع
إلا من هو برمش العين ساكن الحاله
أنا مليت من فرقا حبايب ذكرهم ماضاع
وشوفتهم بتشفي قلب ضامي زادت أوجاعه

₪₪₪


مهما تصد
أعشقك .. وأهواك .. وأغليك
ماهمني رفضك ولاأبغى ردودك
كيفك إذا بتحن في حال هاويك
وكيفك إذا تبغاني أعاني صدودك
تصد تبعد تبيع شاريك شاريك
أصلا حياتي بس مجرد وجودك

₪₪₪


أحبك عدد طلات القمر
أحبك عدد حبات المطر
أحبك عدد ليال السحر
أحبك عدد أوراق الشجر
أحبك عدد أيام الدهر
أحبك عدد أسماك البحر
أحبك عدد أنفاس البشر
أحبك عدد شعرات الوبر
أحبك

₪₪₪


يارب .. هوّنها عليّ ..
و إغسل روحي بماء رحمتك ..
و عطرها بغفرانك .. و قوّيها بإرادتك ..
فقد بت " هشه " ..
و قابله للكسر .. عند أول عصفٍ للريح !

₪₪₪


لا تســــــــــافر ..
والمطـــــر بين الأصابع ..
من يـــزف الرمل .. ؟
في عرس السحابه ..
بـــالثرى .. يبني مـــدن ..
يبنـــي شـــوارع ..
بينها بيـــت صغير .. ودق بابـــــهــ .. !!
مـــن يرتب فوضتي وأوراق ضــــــايع ..
بين نـــار الأسئلهــ .. وسيــف الإجـآبهــ ..
لآ تســــــافر والقلم بين الأصـــابع ..
تــــــــدري أنك .. / من ضلوعي .. للكتـــــــــابه .. !!


₪₪₪


ألف مرّه قلت لك .!
خل العذر ../.. خل العذر
لا تعتذر لو بسإلك
ليه الغياب المستمر
من ثلاث أيام
و
الدنيا سواد
و
المشاعر
صابها ضعف الجماد
و
الليالي تمر بسهوله
وإنت .!
أكذب عليك إن قلت لك
إنت ./. إنت


₪₪₪




ياصاحبي مثلي عن ألـوان العمـر .. لا تسألـهـ
أنا تساوت عندي ألـوان .. السعـادهـ والعـذاب
أنا حياتـي مالهـا إلا لـون .. واحـد وأجهلـهـ
خليط من لون الهواء .. والنار .. والماء .. والتـراب
طرد السراب لمن يحسبهـ ماء .. ماهـي مشكلـهـ
المشكلهـ ( طرد السراب ) للي يعرف إنهـ ( ســ ــ ــ ــراب ) !!

₪₪₪



تروح شلون عَنْ عيني .. وتبدِّل قوِّتي بـــ ضعفي !!
ولا بـــ/هـ/ شي يستاهل عشانـ/هـ/ .. تبـدا إيذائـي ..
غيابك ما رحَـم حالـي وحرفـي آهـ .. يـا حرفـي
تلعثمت ,, وعجزت آخذ في وقـت البُعـد إجرائـي
أحبك يا [ وَطَنْ ] غالي عَليْ وحَضْرتِي " منفي " ..!
كفايـ/هـ/ لا تِشتِّتْنِـي تعـال .. وجَمِّـعْ أشيائـي !!
( ثلاثْ أيَّامْـ ) ما نامَت عيوني وما قِدَرتْ أغفـى !!
لي الله كِلْ ما حُولـي غريـبْ وعَالَمِـي .. نائـي
تِصَدِّق حتَّـى بسماتـي .. أهَلِّـي فِيهـا وتِقفِّـي !
تعال ولَمْلِـمْ جُروحـي ورَتِّـبْ فُوضَـة " أحزانـي " ..


₪₪₪


ألا يا صبر قلي دخيلك ...
لي متى بتقوى ؟!
فراق إللي نقش إسمه داخل أعماقي !!
أقول: يا قلبي لا تبكيه..
ويقول لي : "يسوى" ..
أبذرف الدمع لعيونه ...
لو تذبل أحداقي!!
يا خسارة ذاك الجنــون
وقلبٍ يعشق ويهوى
يبي قربي ولو ساعه
يبي يحس .....
بعناقـــي !!
أنا أدري إنك يا زمن
أغبـــر
ذبحت الحب وهو توّه
دخيــــلك يا زمن
إذبحني أنـــــــا وكمّــل الباقي

₪₪₪


ويعني لي متى بسهر عليك .....
وأتأملك ؟!
ويصدني سكوتك .....
وأتحملك ؟!
هو الحكي واقف على طرف فمّك ؟!
وإلا ماعادك تبيني ولا عدت أهمك ؟!
ياعمري الصبر ملّك ...........
إختار لك وحده من الثنتين ..
إن هي الأولى ..........
أبيها إلحيــــن !!
وإن هي الثانيه.........
"أقسم لك" أختفي بغمضة عين !!


₪₪₪


توادعنا وودعنا المكان وحارت الأقدام
ولا ملت شفاه أفواهنا ترديد أسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا!!!


₪₪₪



عــتب ..
ولا ســوالف خـاثرهـ ..
أو همـس .. أو مــوال ..
حـروفكـ لبجديـــهـ دغدغت سمعي بمظنونكـ ..
شعــر ..
ولا نثــر .. ولا خـواطر ليـتها تنقــال ..
تبعثـر فالمســا حبـكـ وتعـلن خـافي إفنـونكـ ..
حديثــكـ ..
مطلعــهـ شهـر لفـى تـوهـ علي بهـــلال ..
حـلاتهـ .. لكتمــل و أرخــت ..ليـــالي بـــدرهـ جفـــــونكـ ..


₪₪₪



لاصار عقلك ثقيل.. وصار قلبك خفيف
عزالله إبتبتلـش ...وإتضيع فالمعمعـه
ولاصار صاحبكْ.. دلوع.. وجميل.. وعفيف
خل العقل يسكت وقلبك .. تفاهـم معـه!


₪₪₪



صبحيّة البرد .. شينـه .. وإنت بلحالك
كــنّـك على كثر ناسك عايـش بمنفى

بالذات لا جـف دمــع .. وســال في بالــك
والله لـ تبطي تبي تدفـــا ولا تدفــا


₪₪₪



بعض الفرح يا صاحبي باطنه هم..
وبعض الهموم أفراح لو هي حزينه...



₪₪₪



.. " مشكلتي إنـّي " ..

أتظاهر بالفّـرح
ثم أتظاهر .. وأتظاهر
ليـيـيـن أتعب
ثم أطيح

.. وقتها ..
كـل شي ظاهر


₪₪₪



الله عـطـاك ( الـمـوهـبـه ) .. والله عـطـاك الإنـفـصـام
الأولـى والثـانـيـه // ماجـتـك مـن غـيــرك .. " هـبـه "
وأنـا أتـنـهـد كــل ماشـفـتـك .. وأردد : [ ياحـرام ] ..
مسكيـن " كـائن حي " عـايش ، بإنفصام .. ومـوهـبه !!

₪₪₪



رجع بعد الندم يسأل .. ويستفسر عن جروحي ..؟!
ضحكت وقلت له : طااااابت / أغيظ بضحكتي روحه
أرد بكبريــا : طـاااابت وتفضح كذبتـي روحي
أنا أضحك له وهي تحلف : قسم بالله مجروحه


₪₪₪



" لحظهـٍ " ما تمنّت عيني حضــورها !!

منّــها العـين صارت بـ الدمــع غارقهـ !!

" كـــلمهـٍ " ما تمنّــت إذني مــرورها !!

يوم قالت وأنا أسمع كلمة " مفارقهـ " !!


₪₪₪



ثلاث وخمس ...!!!
مدرى وش صاير الليله
تأخر حيــــل .... طلوع الشمس
أحس بخرفشت رجلين
ولالي بهالظلام عيون
ثلاث أصوات تتشابه
مدرى ناس ..... مدرى جنون
كوابيس
كوابيس
كوابيس
أحس الليله متسلط علي .... إبليس

₪₪₪


قد دعا لي إني أنساهـ لكن مانسيت ..
يمكن إنهـ كان يدعي بـ غير إللي نوى ..
.. أو ..
يمكن يقصد إنهـ دعا علي أموت ..
لكن أنا لا يمكن أنساهـ وبـ روحي ضوى ....!


₪₪₪



يا غالي ليه تِطْعَنِّي .. وأنا إللِّي لدنيتِكْ شفقان
( أفــا ) وشلونْ تتْرِكْهَا .. عُيوني تِنامْ زعلانه
تِخيِّلْ ما قِدَرْ يِمْسَحْ دُموعِي مِعْطَفْ النسيان
تِطِيحْ الدَّمْعَه مِنْ عِيني على طاريكْ ولهانه

₪₪₪



كـنت أحسـب إن المـسـا هـذا
؛؛ ظـلام بـ ظـلام ؛؛
لقـيت هـذا ’ المـسـا , ما فيـه مثـله [ مـسـا ] ... !!
السـاعه الأولـّى ؛؛ فيـها نسيـت الكـلام ... !
والسـاعه ~ الثـانيـه ~ فيـها الكـلام إنسـّى ... !!

₪₪₪



دورت لي شي أحبه وقلت في بالي "..أحب همي.."
وقال القلب: روقنا!!
قلت ".. إنت وش دخلك بحب غربالي..؟؟
أقل حاجـــه نمــوت ماتــفــــارقــنـــــا.."


₪₪₪

 

 

ما شاء الله عليج حبيبتي مسجات في غاية الروعه
بانتظار جديدك و الله يعطيج العافية

 

 

WoOoOoOoOoW
تسلميــــــــــــن يالغاليه
الله لايحرمنا منك

 

 

تسلميـــــــــن يالغلا عالمسجات الرووعه

 

 

مسجات روعة شكرا

 

 

thank you
يسلمووو حبيبتي على المسجات الروعه
سي يو