الصراحة راحة

الصراحة راحة

الحريم عليهم شغلات وسوالف مادري شلون صايره .. واغلبها خراب .. حطوا ايدهم ودخلوا بسالفة قرقيعان .. صار قرقيعان نسائي اكثر من اطفالي .. الكاكاو متزّين .. وكروت .. وافخر انواع الكاكاو بالماركات .. ولازم ينحط بفازه زجاج ويستحسن تكون كريستال وملفوف بقطعه حرير .. و .. و .. و .. الخ .. انزين ليش كل هذا؟
ماعلينا .. هذا مو موضوعنا .. موضوعي عن إستقبالات الحريم
بالاول كنت اعرف إستقبالين فقط لاغير .. اول واحد وهو: ليمن تنتقل الزوجة الى شقتها في بداية حياتها الزوجية .. وثاني استقبال هو: عندما يرزقهم الله اهيا وزوجها بمنزل جديد .. وكانت الفترات بعيده تقريبا عن بعض والهديه لها معنى .. اما الحين عدوا معاي
تتخرج من الثانوية: استقبال تخرج
تتخرج من الجامعة: استقبال تخرج
تتزوج: استقبال
تروح شقتها: استقبال شقة
تولد: استقبال .. يرجى العلم مع كل مولود جديد لازم يكون فيه استقبال
تروح بيتها: استقبال بيت
يعني مايصير شي بحياتهم إلا وصار له استقبال .. وشرط اساسي لكل استقبال لبس يديد + هدية
وهالأيام في حركة يديدة طالعين فيها يعني بتوفر على ريلها اول ماتتزوج .. تقوله "انا مابي اسوي عرس خل نسافر وليمن ارجع بسوي استقبال صغير حق الاقارب" طبعا كلمة "الاقارب" عند المرأه يعني (كل صديقاتي اللي اعرفهم من الروضه وعلى مجرى حياتي ليلحين بالإضافه الى الاهل) يقوم المسكين ويستانس ويتشقق زوجته بتريحه ومايدري شنو ناطره .. يسافرون ويرجعون ويكون استقبالها كالآتي
اولا: تبي تسويه بفندق او بصاله
ثانيا: تبي تلبس فيه شي مميز ويكون قرييييييييب من ثوب العرس او ثوب العرس ان امكن
ثالثا: لازم بطاقات دعوه
رابعا: لازم بوفيه عشا
خامسا: لازم مصوره
سادسا: لازم المعرس ايلها بالأخير ويدخل عندهم ويقعد شوي وبعدين ياخذها
سابعا: لازم ياخذها بلموزين
شنو باقي؟ .. شنو الفرق بينه وبين العرس؟
طبعا هني المسكين شاف كل هذا .. ووقلبه احترق على كل اللي صرفه ليلحين .. يعني قط على "حفل زفاف كامل" لكن تحت اسم مسمى آخر .. يقعد بينه وبين نفسه شلون يحرق دمها .. تلاقيه من كثر ما انثول .. قالها: خلاص اذا انتي بتسوين حفل استقبال .. انا بسوي عشا حق الريايل .. وهني
اولا: صالة ثانية
ثانيا: بوفيه ثاني
ثالثا: بشت
رابعا: كروت دعوه ثانيه
انزين هل هذي الاستقبالات لها داعي بحياتنا اليوميه؟ .. اذا كانت على التجمعات .. فعليكم بالعافيه .. روحوا حق بعض .. تجمعوا عند بعض .. قعدوا مع بعض .. بس خلوها ابلاش .. مو كل شي بفلوس وفلوس وفلوس .. والله كل هذا حرام ناس مو لاقيه تاكل
والحين باقي شغلتين ليلحين ماصارلها إستقبال
استقبال ......
استقبال عزاء

 

 

مشكوره حبيبة قلبي والله معاك حق

وازيدك من الشعر بيت الناس قامت تسوي استقبال حق عيالها لما يدخلون الروضه
وبنهاية كل مرحله
والله دنيا غريبه

 

 

فعلا أنا بعد لاحظت هى المسائلة مسرفة بس بصراحة ممتعة حلو الواحد يبسط نفسة في زمن أنتهى فية كل شئ سعيد

 

 

تسلميــــــــــــــــــن يالغاليه
الله لايحرمنا منك

 

 

مشكوووووووووووره على الموضوع الرائع
وافولج الناس اللي يسون جذي ناس تحب المظاهر

 

 

يسلموووووووووووووو