صابني سهم الغرام

بسم الله الرحمن الرحيم

السلام عليكم ورحمة الله وبركاته


مجرد محاولة وهي
وللأسف وجدتها مسروقة في العديد من المنتديات






والله إني قبل اعرفك كنت مثل الغـاوي
لو يشوف الدرب قدمه جنبـه مـا دلـه
صابني سهم الغرام ولا لقيـت مـداوي
وعلة العاشق حشا علات ما هي علـه
قلت ابا اكتب فيك بيت وكنت ناوي ناوي
ناوي إنه ما يزيد البيت واصبـح فلـه
انت ملهم للشعر والشعر يمـك ضـاوي
تفتخر فيـك القصايـد دقهـا والجلـه
يا حلاة الشعر فيك الشعر لك عنقـاوي
كيف ما يحلى الشعر وانته حلاه وحلـه
قمت اكتّبْ فالقصيد وصرت كنـي راوي
يا شعوري خبرينـي يـا عسـى لعلـه
يا عسى يصله قصيدي لو شعري هاوي
يا لعله ينتبـه لـي يـا قصيـدي قلـه
قله إني من فراقـه صـرت ذاوي ذاوي
ليه ما يعطف علي اشلون ما ني خلـه
كنت افكر فالهوى والعشـق والهـواوي
وكنت اكذب كل عاشق دمعتـه تنزلـه
لين شفت ادموع عيني كالخرز مـداوي
كل ما امسح دمعه الأخرى تجي منهلّـه
السماء زرقاء وليلـي بـارد وشتّـاوي
آه ما اطول ليلة العاشق وما اكثر غلـه
رحت اردد قلت احبك آآه احبـك قـاوي
لو بها لهجة مصر والحب ما به خلـه
قلت احبك حب زايد حب ويش يسـاوي
قالت ايساوي بقامـوس المحبـه شلـه
قلت ليه اشلـون بالله فهـم العمـاوي
فهميني يا حياتي وادمحـي لـي زلـه
قالت اسمع كل منهو حب قلبـه كـاوي
إن كواه الحب وإلا جاه من يفطـن لـه
وكل منهو حب حبه في عيونه حـاوي
ينظر لغيره يقول الحـب عنـدي كلـه
قلت يا قلبي ويا عمري ترانـي شـاوي
محترق من شمس حبك قمت ادور ظلـه
انتي الأولى وغيـرك والله إنـه ثـاوي
يا الغلا اللي تـل قلبـي تلتيـن وتلـه
يا عيوني يا حياتـي حبنـا الشرقـاوي
قام يرسل بالغرام ويـا غـرام ارسلـه
ليه ما تعطف علي وترحـم الشقـاوي
وانت تدري حبنا وصل القمـر واحتلـه
كان عذرك عمك وخالك ومن لك يـاوي
وابعدوني عنك سيفي بأظهـره واسلـه
لا تحسب إني ضعيف ولا اقدر الهقاوي
ما عرفتيني اليا منـي وطيـت الملـه
انقلب من ذيب اسد واعرفـي سبعـاوي
والأسد دايم ملك والشعوب ارضـاً لـه
ما علي من القرايـب بجيـك افـداوي
دربي اللي قد رسمته عارفـه واوصلـه
انت حبي وانت روحي وارحم الغلبـاوي
عارف الحاله وعارف وش بقى بالحلـه


وسموووووووووووووووحه وكلي فخر

روعه سلمتي اختي وكلي فخر حتى هي ولو مسروقه

 

 

روعه سلمتي اختي وكلي فخر حتى هي ولو مسروقه

 

 

حلوووو تسلمي الغالية

 

 

مشكوووووووووووووووووووووووره

 

 

يسلموووووو عـ القصيده الذووق .....

 

 

مشكووره ع القصيده الحلوه متلك

ننتظر جديدك

 

 

يسلموووووووو