ولسه مستنية العدل .......!

اولا هذا مقال قريته حبيت انكم تشاركونى فيه

ثانيا اعتذر لانى نقلته باللهجة المصرية لانى لم ارغب بتعديله وقلت انقله هكذا افضل واذا فى شئ مو مفهوم انا بالخدمة




البداية

بيقولواعلى عانس ... نفسى اعرف يعنى ايه ؟. والله لادور على معناها...
القاموس بيقول (انها هى اللى طال مكثها فى بيت اهلها بعد ادراكها .. ولم تتزوج )
طيب ليه بتعايرونى بعدم الزواج ؟ وبطول قعادى فى الانتظار ؟ هو كان بايدى ؟ ده نصيبى .. وانا راضية بيه يا ناس
باستغرب انتم مالكم ؟!!!!!!!!!!

تفتكروا انى ما حلمتش زى البنات بدبلة الخطوبة وفستان الفرح وزفة العروسة والطرحة الطويلة ووليف يخاف على ونخلف صبييان وبنات

سيبونى فى حالى يا ناس .... وقبل ما تعايرونى بالعنوسة بصوا حواليكم .. شوفو كام واحدة ما طلهاش الزواج حتلاقوا ثلاثة ملايين و733 الف بنت زيي وده مش كلامى ده كلام بتوع الاحصاء ..
عشان كده عايزاكم دايما تفتكرواقبل ما تعايرونى بعدم الزواج اللى قالوه فى المثل ( لا تعايرنى ولا اعايرك ده الهم طايلنى وطايلك )

ليه تفتحوا الجراح واحنا صابرين وصابرين على حاجة ملناش يد فيها افهموا يا ناس ان العنوسة هى ظاهرة اجتماعية فى الاساس ..... زى ما قال علماء الاجتماع وارتفاع معدلاتها مرتبط بحاجات كتيرة والكل له يد فيها زى الوضع الاجتماعىوكمان الظروف الخاصة اللى بتسهل الزواج هى برضه مرتبطة بيكم وبالتغيرات اللى بتحصل فى مجتمعاتنا زى فرص العمل والبطالة والمهمرو توفير السكن وغيرها وغيرها كتير
ده العنوسة طالت بنات العالم كله واصبحت عالمية

بتقولوا العمر جرى اقبلى اى طارق يدق بابك ده ظل راجل ولا ظل حيطة
وانا اقول لكم ( قعاد الحزانة ولا جواز الندامة ) اسفة جدا عايزينى اتجوز اى راجل وبعدين اقف واقول اريد حلا

ياعالم يا هوو الظل الحقيقى فى هذا الزمان هو الشهادة والوظيفة وربنا يديمها نعمة

لكن بينى وبينكم انا لسة باحلم انى عروسة
وحافضل احلم ارجوكم سيبونى احلم ماتستغربوش ده انا مفقدتش الامل ولسة مستنية العدل

 

 

يسلمووو مقاال رووووووعه

 

 

المصرقعات


العفو
بس مو انا اللى كاتبته انا نقلته من الجريدة

 

 

ميرسى يا سكر

 

 

malak


نورتى يا الغلا