والله إنك أغلى إنسان بحياتي

ودي أحكي عن شعوري له وأقوله
وإنه أول من عرفته في حيـاتي

كيف أبوصف له وأنا منه خجوله
خايفه ظلمه وتكذيبه ....وأحـاتي

في حياتي صار له دور البطولة
وكان أجمل حلم عاش بذكريـاتي

قبل أعرفه عايشه عمري طفوله
ولاهي تعنيني سواليـف البناتــي

ومن عرفته صرت أنا أشتاق وأوله
امتلك روحي وتفكـيري وذاتـــي

والغريبه ...صوّب القلب بســــهوله
وهو محصّن في دروع وحامياتــي

قلبي اللي انتفض من شاف زوله
وكل أحاسيسي صحت بعد السباتي

وإلا غيره... مـايدلّه ولايطولــه
ولاحشى ماطاع شيطـان وعصاتــي

لاني بسهلة... ولانفسي عجوله
مبدإي راسـخ.... ويحكمي ثباتــي

والكرامة راس مالي والسيوله
والوفا والصدق هــم أبرز صفاتـــي

بنت قوم وبنت عز ومن حمولة
مارخيت الطــرف ولاطاحت عباتـــي

هو لخبط في الوضع عرضه وطوله
وأمنيات الأمـس ماعاد أمنياتــــي

ياحروف الشعر جودوا واكتبوله
لايضيع العمر من ظلــمه فواتـــي

وأسألوه إن كان يطريني ويوله
وبلغوه بحالـي وهمـي وسكاتــي

ربما ماصابني منه.. يــهوله
وعلــها تبين بعيــنه تضحياتــي

لاذكرته.. والمسا أعلن حلوله
انحدر دمــع العيـون الباكياتــي

لو توارى نجمه وأعلن فلوله
علموه إن ذيك هي ساعة وفاتي

لو يدوّر من بعيد ومنهو حوله
مايلاقي من يسـوي له سواتــي

صاحبي بالله صدّق هالمقوله:
"والله إنك أغلى إنسان بحياتي
"

 

 

رووعة مشكورة

 

 

أكثر من راااااااااااااااااااائعه

بصراحه جنااااااااااااااااان

بس تري كتبتها......

لأنها أعجبتني ......

إذا ماكان يزعلك؟؟؟؟

مشكوووووووووووره..

 

 

يسلمووووو على الكلمات الحلوهـ
تقبلي مروريـ

 

 

يسلموووووووووووووووو
حباااااااااااايبي

 

 

يسلممممممممممممممو


ويعطيكي الف عافية