احبه والله احبه وابا حل

السلام عليكم والرحمه
عندي مشكله وابا حل الصراحه انا تعبانه وايد من التفكير

حبيت رجل من سبع سنوات وطول هالفتره كنت عايشه بوهم
ويوم عن يوم حبي له يزيد لكن انا ما صارحته بحبي له
احتفظت به لنفسي لان عاداتنا وتقاليدنا ماتسمح اني اخبره
وواعتمدت على نظرات عيونه لي كنت مخدوعه فيها
ع بالي يبادلني المشاعر لانه دايما كنت اسمع ان العيون
ممكن تعبر عن مشاعر الشخص حتى لو ماتكلم فدايما
اذا تواجدنا بمكان واحد تكون نظراته لي غريبه
انا فسرتها على انها حب لكن للاسف بعد هالسبع
السنوات من الحلم والوهم اكتشفت انه ما يحبني
ولا يفكر فيني ابداا..

المهم بعده بفتره تعرفت على شخص من الانترنت
وكان هالشخص ضايفني على المسن لكي
ينصحني ويبعدني عن الشباب المستهترين
والحمدلله بسببه تحولت حياتي فوق تحت
وصرت انسانه ثانيه احاسب على كل
افعالي ودايما احط فبالي قبل لا اسوي شي
انه ربي فوق يراقبني...
وهالشخص انقني من لسان الناس وكلامهم
الحمدلله ... رب العالمين ارسله لكي تكون هدايتي على ايده
تقريبا كانت علاقتي ويا هذا الشخص علاقة اخوه فقط
وانا اعرف هالشخص واعرف من اهله وهو شخص ولله الحمد
ملتزم بدينه وخلوق والكل يشهد له ...
المهم بعد شهر فاتحني هالشخص بموضوع
وطلب ايدي للزواج طبعا هو اخذ رايي انا بالاول
قبل لا يتقدم لاهلي وانا عطيته رايي بالموافقه
وانا لمحت لاهلي بانه في شخص يريد الارتباط بي
لكن للاسف اهلي صدموني برفضهم واكتشفت اني
مخطوبه لشخص ما اعرفه ولا اعرف عنه شي سوا اسمه
لان اهلي مايخبروني عنه شي...
وبصراحه انا ماقدرت افاتح اللي احبه بالموضوع واقول له
ان اهلي رفضو ولاسباب سخيفه من هالاسباب
انه امه انسان تحب المشاكل - ولان هالشخص يكبرني 14 سنه
لكن انا احبه والله احبه حتى اكثر من الحب الاولي
وما اتخيل حياتي بدونه او مع غيره...
وانا اللي مخرب علي شخصيتي انا ماقدر ادافع
عن الشي اللي ابيه ينربط لساني وما اعرف اتكلم اذا اهلي معصبين
واهلي من النوع اللي ما ياخذون راي البنت في مسائل من هالنوع...
وهالشخص اخبرني بانه ناوي يتقدم لي رسمي بعد عيد الفطر مباشرة
وبصراحه انا مب عارفه شو اسوي انا ابيه زوج لي وبنفس الوقت ابي ارضي
اهلي

اباكم تسااااااااااااااااااااعدوني شو اسوي؟؟

انا ما بعرف شو احكيلك ما مريت بيهك موقف من قبل
طيب انتي حاولي خدي امك على جنب واحكيلها اللي بقلبك وشوعمل معاك وانو ساعدك وشوفي بلكي بتساعدك وان ما حصل اعملي استخارة وانشاءالله بسرك الجواب

أختي الغالية
أهم شيء الاستخارة
لأننا أحنا ما نعرف وين الخير فية لذلك لابد من الالتجاء إلى الله
وايضا
انصحك استمعي
إلى شريط للشيخ خالد الصقعبي (كيف ينظرون إليك ؟ ) وراح تلقينه على النت في موقع أنا مسلمة
وبعد كذا راح بإذن الله تقررين اللي فيه خير لك
وانصحك نصيحة أخت لأختها
ترى أي شاب تتعرف عليه البنت سواء على قولتك علاقة أخوية ومحترمة لازم يشك فيها لأنه مع استمرار العشرة إذا كان صادقامعك راح يبدأ الشك والله أعلم لأنه راح يفكر يوم كنتي تكلمينه وأهلك ما يدرون والشيطان يصور لكم أنكم تحبون بعض ويمكن في الحقيقة أنكم لا تستطيعون الاجتماع لأنك فقط عن طريق المسن لكن بالعشرة راح يتبين كل شيء
وعليك بالدعااااااااااااااااء وقفي وقفة جادة مع مشاعرك ومع دينك وحاسبي نفسك غاليتي وهل ما فعلتي صح أو خطأ
ترى الحياة الزوجية حلو تجي من الباب وبإذن الله لها أمل بالاستمرار
وأحنا ما ندري كل يوم وشاب جايب لنا حيله يصداد فيها البنات والله يستر علينااااااااااااااااااااااا
اللهم آآآآآآآآآمين الله يوفقك ياأختي
وأتمنى أني ما جرحتك لكن هذا ما أرى من كثر ما اسمع القصص والله أعلم بالخفيات
وأكثري الاستغفار والدعاء وبارك الله فيك وكتب لك ما فيه خييييييييير لك في الدنيا ولآخرة
لن أنساك من دعاااائي

الله يهديك ويصلح بالك

واقول لك ترا الصراح راحه ولا في شى احسن من الصراحه

وانا اقول واحط رئى مع رئى الاخت منور

بارك الله فيك

ودنا بردك لنا

[عزيزي الزائر / عزيزتي الزائره يتوجب عليك التسجيل لمشاهدة الرابط للتسجيل اضغط هنا]

مشكوره الغاليه ع النصيحه

يزاج الله خير