امثال حجازية قح ( بضم القاف)

امثال حجازية قح ( بضم القاف)



عقله زي الكيلون كلمة توديه وكلمة تجيبه (الكيلون قفل الباب يمين قفل ويسار فتح)



القدر قال للمغرفة يا سودة و معجرفة قالت كلنا أولاد مطبخ



زي بغل الطاحون لا عافية و لا نظر



سوي طيب وارميه في بحر جاري إن ضاع عند العبد ما يضيع عند الباري



لا من خيره أعطاني و لا من شره كفاني



و حياة خالقك ماني مفارقك مو محبة فيك بس عشان اضايقك



قبل ما خطب عبى الحطب وقال أحط الكوانين فين؟ (الكانون: طباخة تعمل بالفحم)



لا يتسرى ولا يبات بره (دلالة على الاستقامة)



أرسل مرسول ولا ترسل فلوس



حلم البساس كله فيران



لا قدرك يغلي ولا مقلاتك تقلي و أنا زليت (مريت) عليك من قلة عقلي



قال يا حلاق شعري ابيض ولا اسود؟ قال دحين ينزل قدامك و تشوفه



قالوا لفرعون ايش فرعنك قال ما لقيت احد يردني



خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟



بده يعرف القار و القرير والبيضة كيف تصير



مكسحة وتقول للصايغ تقل الخلخال



خاطر الأعمى قفة عيون



تفلوا ف وجه الرزيل قال دي مطرة



زي يوم الشتا قصير و نكد



ايش ينفع الظراط عند طلوع الروح غير يقرف الحاضرين و يفرق الملايكة




أعمى قال للأطرش خلينا نشوفك



الباب مفتوح و الصدر مشروح و اللي يجي يجي واللي يروح يروح



اللي عنده قرش محيره يشتري حمام و يطيره



اللي ما عنده شي يشغله يفتح الباب و يقفله



زي الحلاق يضحك على الأقرع بطقطقة المقص



زي الشيال ما يذكر ربه إلا في الحملة الثقيلة



زي القنفذ لا ينحضن و لا ينباس



زي أباريق المسجد كل واحد شكل



زي سلاقين البيض أول بأول



زي قبور اليهود بياض و قلة رحمة



زي قراية اليهود ثلثينها كذب



زي كلاب الأزقة يعضوا ع الماشي



زي مزح الحمير كله عض و رفس



زيطة و عيطة على مخيطة (المخيط: ثمرة شجر النيم) (يطلق فى الخلاف على الشئ التافه)



صباح الخير يا أعور قال دا شر بايت



ومسك الختام:



وقت الكباب صكوا الباب و وقت الملوخية اجمعوا الأهلية

الامثال0مفهومة0اغلبها
واذا0فيه0احد0مو0فاهم0اي0مثل0يقول0عشااان0افهمه0المث ل
يللا0ابغى0اشوووف0ردوووووود

 

 

استغفرك ربي واتوب اليك

 

 

لاحولا ولاقوه الابالله

 

 

تسلميــــــــــــــــن يالغاليه
الله لايحرمنا منك

 

 

مشكووووووووووووووووره
حبيبتي
على مرورك