انا واقعه في مشكله كبيره اوي وعايزه حل ارجوكم

انا فتاه عمري 23 سنه مخطوبه من شاب في نفس عمري احنا في السنه الاخيره من الدراسه بكليه الطب اتخطبنا حوالي من سنه ونصف والصراحه هو عمره مااتخلي عني انا او اسرتي في اي شئ لما نحتاجه في اي حاجه كان دايما يسيب كل حاجه ويجي ينفذ الا احنا عايزينه وهو كان مبسوط جدا عشان هو نفسه يكون بينه وبين اهل خطيبته علاقه جامده ويعاملوه كانهم ابنهم وما يتكسفوش منه في اي حاجه لكن للاسف بعد ما احس انه واحد من البيت اصبحت زياراته كثيره يعني تقريبا مره في الاسبوع مع العلم ان مره في الاسبوع لم تكن كثيره بالرغم من هذا بداوا اهلي يتضايقوا من زياراته لكن اذا احتاجوه لم يكونوا متضايقين حتي جاء يوم اراد فيه خطيبي ان يكتب الكتاب فذهب اليهم لكي يعرض عليهم الامر اذا باخي يشتمه ويهينه اهانه شديده جدا بحجه انه لا يشتغل فكيف يطلب هذا الطلب لكن لم يرد خطيبي على اي اهانه واستعان بابي وقال له ايرضيك ما تسمعه لم يرد ابي ولم يوقف اخي واستمر اخي في الصوت العالي والاهانات الشديده وبعدها بكام شهر اراد خطيبي ان يتفق على القايمه حتي لا يحدث اي خلاف عند الجواز فللمره الثانيه الاتفاق لم يعجب اخي وادارت بينهم مشددات انتهت بان اخي طرد خطيبي بس عندها وقف ابي ولم يرض بان خطيبي يخرج من المنزل بس لم يفعل اي شئ مع اخي حتي لم يقل له عيب هذا ضيف في بيتنا كل ما فعل بان قال لخطيبي لا ما تخرجش ده بيتي وانا بس الا اقولك تخرج او لا وخطيبي للمره الثانيه لم يفعل شئ مع العلم اني خطيبي عصبي جدا ولو احد تعرض لي باي شئ حتي لو كان هين لم يكن يسكت عن حقه لكنه سكت في المرتين خشيته من ان يفقد جوازنا لانه يحبني جدا ومن ذلك الوقت وخطيبي يحمل كل الكرهه لاخي ويتوعده بانه بعد الجواز سيطرده نفس الطرد لكي يرد على كرامته ويقول ان بعد ما يطرده احتمال وقتها يصفاله ويبدا معاه حياه جديده لكن لو ما طردهوش سيظل يكرهه لاخر يوم في عمره في نفس الوقت اهلي احيانا يعاملوني معامله سيئه جدا واحيانا لا بس المعامله السيئه في اكثر الاوقات حتي تصل معاملاتهم السيئه الى بانهم يقعدوا يضربوني اكثر من ربع ساعه بايديهم وبالشبشب وبالسب كل هذا لو احسوا باني اتطاول على اخي حتي لو بالنظره يعني مثلا في يوم كنت هروح متأخره من الكليه تقريبا الساعه 7 فطلبت منه بان ياتي لياخدني عشان انا ساكنه في 6 اكتوبر واخاف اروح لوحدي في هذا الوقت فوافق بس اتي الي بعد 4 ساعات ونصف وانا منتظراه في الشارع لوحدي وقال لي بان الطريق كان زحمه علما بان الطريق لو كان كويس المشوار بياخد ساعه ونصف ولوزحمه ياخد بالكثير ساعتين ونصف لكن انا لما روحت البيت سمعت اخي يتحدث مع امي وعرفت منهم انه ذهب الي الميكانيكي قبل ان ياتي الى ولم يهمه اخته الا واقفه في الظالمه لوحدها في وقت متاخر عندها انا اتنرفزت جدا وقولت له انك لو عندك نخوه ماكونتش تسيب اختك وتروح للميكانيكي علما بان العربيه جديده وكانت عند الميكانيكي للصيانه فقط لكنها ليس بها شي فاتنرفزت امي باسلوبي مع اخي علما باني لم اقل غير تلك الكلام وتوعدتني بانها تحكي لابي لانه كان مسافر ولما عاد حكت له لكن لم تحكي الحقيقه حكت له فقط باني شتمت اخي وشتمتها بدون سبب وان خطيبي هو الامقويني عليهم مع ان خطيبي لم يكن يعلم بتلك الليله ولم يكن له دخل باي شئ وزادت في كلام غير حقيقي حتي اتنرفز جدا وقعد يضرب فيه بكل الوسائل اليد والشبشب ويلعن ويسب فيه واخي وامي واقفين ينظروا لم يمنعوا عليه اي ضرب بعدها ذهبت الى الكليه فراي خطيبي وجهي به علمات الضرب حاولت اكذب عليه لكنه لم يصدق وحكي لي ما حدث كانه كان معي وقال لي باني حفظت اهلك كويس واني ايضا بحس بيكي وبعرف الا فيكي من غير ما تقولي شئ . ماذا افعل خطيبي يكرههم جدا جدا جدا ليس فقط على ما فعلوه معه لكن ايضا على ما يفعلوه معي لان ماحكيته هو ليس اول موقف لهم بل هم كثيرين الضرب والاهانات لي حتي اخي في يوم ضربني وعندما استشهت بابي قام هو ايضا وضربني كان هذا عشان اخي بيزعق فيه وبيقولي انت روحتي الكليه كثير الاسبوع ده ماتروحيش بكره فسالته ليه فقال مزاجي فقلت له وانت مالك فكيف اقول له انت مال فضربني وابي ضربني لاستنكاره باسلوبي مع اخي علما بان اخي وكيل نيابه فدايما اسلوبه معانا ومع خطيبي حتي مع ابي اسلوب اوامر وهذا الاسلوب لم يعجبني ومهما حصل مابقدرش استحمل هذا الاسلوب معايا . المشكله الان بان خطيبي دايما يقولي اني سلبيه وماعنديش كرامه عشان بسيب هذا كله يحصل واني مابردش على الاهانات الا بتحصله وبيتهمني بان كرامته مش مهمه عنده عشان سامحه بده كله يحصل فاقول له بانهم اهلي ولا استطيع ان اقول لهم افا ولا انهرهم كما امرنا الله سبحانه وتعالي فيرد عليه ويقول بانهم ليسوا اهله وانه سيرد حقه من اخي فقط بعد الجواز ولم يفعل شئ بابي وامي لانه سيراعي ربنا فيهم بس هو في الاول وفي الاخر اخي مهما عمل فيه ومارضاش باي شئ ياذيه حتي لو كان جوزي هو الااذاه مع العلم بان الاذي الذي احكي عناه هو بان خطيبي عاوز يطرده من البيت مع اول زياره ردا لكرامته وبعدها سيصبح كويس معاه ولكني اعلم ان اذا طرده فابي وامي واخي عمرهم ما هيكلموني كما علمتم فان اخي عندهم افضل منا بكثير فهذا معناه باني سافتقدهم طول العمر علما بان خطيبي محترم وطيب اوي وبيحبني اوي واخاف ان اخسره فماذاافعل ؟ المشكله الثانيه فان خطيبي عصبي جدا فلما يتحدث عن اهلي دايما يشتمهم من حرقته منهم بس مهما كان السبب فهذا لا يرضيني فماذا افعل ؟ ارجوكم ساعدوني وردوا عليه بسرعه انا محتاجه لرايكم جدا جدا جدا جدا جدا جدا.

 

 

حبيبتي
والله ماادري ايش اقلك
بس انتي واقعه بين نارين
نا اهلك ونار خطيبك
طيب خليه يدو وظيفه
وبدين انتي استخيري
واتفاهمي مع خطيبك انه مايغلط على اهلك
ولا يطرد اخوك
واول واخيرا استخيري ربك..

دعوااااااااااااااااااااااتي لك

 

 

مااحنا مستنين نتخرج واحنا دكاتره ان شاء الله هنشتغل . وانا استخرت ربنا كثيرا في كل مازق اقع فيه ومش عارفه الحمد لله الموضوع ماشي وعلى طول بستريح بعد مابصلي بس برجع مع اول مشكله بخاف اوي تاني . بس الا انا بسأله المفروض اسيب خطيبي ولا هو مالوش ذنب في الا بيحصل ؟

 

 

انا شايفه
انه ماله ذنب
في الي يحصل
خلاص استنو الي ان تتخرجو
وتتوظفون...بعدين تزوجو

 

 

المشكله مش في الجواز المشكله في المشاكل الا بينه وبين اهلي بعد الجواز انا قلقانه اوي خايفه افقد اهلي وخايفه افقد خطيبي بس في نفس الوقت انا مطمئنه لخطيبي اعلم ان بالرغم من ما يقوله الا انه قلبه طيبه وما يرضاش يعمل ما يقوله لي لانه ايضا يخاف الله ويريد ان يراعي ربنا فيه وفي اهلي

 

 

أخيتي
أكثري من الدعاااااااااااااااااااااااااااااااااااااااااء والاستغفااااااااااااااااااااااار
وصلى صلاة الاستخارة
فإن الله لا يضيع من يلتجأ إليه سبحانه

أكثري من قول لا إله إلا انت سبحانك إني كنت من الظالمين
والاستغفار بشكل عام
وأنا بنظري أنك تهتمي بدراستك اكثر وتحاولي تتفهمي اخيك يعني أيش سبب الخلاف من أصله ومن خطيبك عشان يتحل ولا يكون بالقلوب شيء
وأحتسبي ذلك عند الله أنك تصلحين بين أثنين
حبيبتي
أنتبهي على نفسك
والله يحفظك ويختار لك الخير ويطمئن قلبك ويسعدك في الدارين
اللهم آآآآآآآآمين
وجميع المسلمين

 

 

ربنا يخليكي بجد انتي عندك حق من الافضل ان احاول اصلح بينهم لكن بالنسبه لمعرفه سبب الخلاف فانا عارفه ان ما فيش سبب كل ماهنالك ان اخويا وكيل نيابه واتعود على اسلوب الامر والنهي والشخط وما بيعرفش يفصل بين اهله وبين شغله
بجد لو حد عنده راي تاني ياريت يقولي عليه
وعايزه اسال سؤال هي معامله اهلي ليه صحيحه ولا فيها حاجه مش صح ؟
ولو مش صحيحه المفروض اني اتعود عليها وارضي بيها ولا احاول اغيرها ؟

 

 

اسمحيلى ابدا من سؤالك الاخير

اقتباس: ولو مش صحيحه المفروض اني اتعود عليها وارضي بيها ولا احاول اغيرها ؟

انا شايفة انك تحاولى متعمليش اى حاجة تزعلهم حتى لو كانت من وجهة نظرك صح
مهما كان دول اهلك
استحملى مهما قال لك اخوك او اهلك متحاوليش تضايقى نفسك عدى الكلام وخلاص وامسكى نفسك على قد ما تقدرى ومترديش على اخوكى ومتخليهوش يستفزك خدى الامور ببساطة واصبرى واكيد ربنا هيجزيكى خيرا عن صبرك دايما فكرى فى جزاءك عند الله واستحملى وربنا معاكى
اما بالنسبة لخطيبك فمفيش اى سبب او خطأ ارتكبه يستاهل انك تسيبيه بل على العكس هو اللى واقف جمبك ويخفف عنك وعايز يحميك
بس زى ماقالوا البنات حاولى توفقى بينهم
ويمكن اخوكى مش مرتاح لخطبيك عشان كدة قال لك متروحيش الكلية على اساس انك اكيد هتقابليه
لو اتكررت تانى قوليله عن محاضراتك والغياب اللى عليه درجات والحاجات دى وبلاش تردى على ان خروجك ودخولك مش من اختصاصه
وكمان انتى بتحكى من وجهة نظرك متعرفيش اخوكى واهلك يقصدوا ايه

لكن الشئ المهم هو انك تحاولى تهدى خطيبك جدا ودايما تفهميه انه لازم يسامحه ويحب اهلك عشانك لان هما الاصل ودايما فكريه بالثواب اللى هتحصلوا عليه انتى و هو لما تراعى اهلك واهله وتتحملوهم مهما حصل

الشئ التانى هو انك على قدر المستطاع متحكيش لخطيبك عن اللى بيحصل عندكم فى البيت عشان ما يكرهم اكتر

وان شاء الله مشكلة تنحل
لكن الصبر


انا اصغر منك لكن كان ده رايي مش عارفة اذا كان صح ولا خطا
ربنا يوفقك
ومتنسيش اهم حاجة الصبر ودايما هدى اعصابك ومتفكريش فى اللى فات كتير
وضورى على اى حاجة تخليكى سعيدة ولو بسيطة مثلا العصافير الشجر بيتكم بصى لكل حاجة بنظرة تانيه قولى انا سعيدة و ان شاء الله هتلاقى السعادة جواكى ومع خطيبك واخوكى واهلك وفى كل شئ




سلام