القهر انك على قلبي تمووووون ! ! !

راااااااائعه قرأتها واعجبت بها
وادعوا العلي القدير ان تحوز على رضاكم


كنت أظن إنك وفي مخلص حنــــــون
ما حسبت حساب غـــــــدرك أو جفاك


كنت وحدك ساكن بوســـــــط العيون
لا وربي مـــــــــــا سكن عيني سواك


كنت أبادلك المحبه والشجــــــــــــون
وقلبي بيدينه مفاتيحه عطــــــــــــاك


كنت في دنياي أجمل ما يكـــــــــــون
كنت دايم أرتجي وأطلب رضـــــــــاك


ليش كل هذا التجــــــــــــافي يا فتون
بعت من حبك وبعيــــــــــــونه شراك


كنت ما أزعلك وكلهم يزعلــــــــــون
كنت أنا بالنسبه لجروحـــــــــك دواك


يا حسافه كيف عشرتنا تهـــــــــــون
كيف تنسى اللي دقيقه مــــــــا نساك


كنت أنا ويـــــــاك صحرى مع مزون
لو عطشت القلب مــــــن دمعه رواك


وصرت أنا العطشان أطلب منك عون
ليش تحرمني في عزالضيـــــــم ماك


قلبك بكيفه يخـــــــــــون والا يصون
هذا عمرك وإنته أدرى بمستـــــــواك


بس جاوب كل منهم يسألــــــــــون
أحسن أسكت تـــــــدري الكذب يعداك


القهر إنك على قلبي تمــــــــــــــــون
لو طلبت إحســـــــاس قلبي قلت هاك


والقهر إني أحبك وبجنــــــــــــــــون
يا حسافه ضاعت أيامـــــــــــي معاك


ليش خيبت بمحبتنا الظنـــــــــــــــون
ليش ما بادلت من حبك هــــــــــــواك


ليش كنت تحلف بحبي ما تخــــــــون
وإني في عينك أنا أجمـــــــــــل ملاك


كنت أظن إنه العـــــــــــواذل يكذبون
كان قلبي وكل إحساسي فـــــــــــداك


ما هقيتك يوم يالغــــــــــــــالي تخون
ليت كل الناس خانـــــــــــــوني معاك.........

 

 

آنستي ،،

غردت حروفك على صدري وامتلئ الفؤاد من

رونق كلماتك التي عزفت سمفونية الحب البعيد

أحترم حرفك وأقدر مجاراتك بالمعاني ..

فأنتظريني ..

تحياتي ،،