عندك عقل سلــف

..السلامُ عليكم ورحمة الله وبركاته ..


بنات .. بقول لكم حكاية ..

كان يا ما كان .. في حاضر الوقتِ والأوان .. إحدى الصباحات الجميلة جدّاً والمتخمة بالجنون .. والذي هُو يوم الأربعاء بالتحديد لطالبات الصف الثالث ثانوي / 1
وفي مدرسة قميلة قدددددن .. بالدور الثاني .. ثاني فصل عند الدرج ..
بداخل هذا الفصل قدّااام عند الجدار فيه وحده اسمها عهد ,,
وبجنبي وحدة قميييلة قدددن .. اللي هي : اسماء ودلعها المعهود ..سمسومه أو سمسم..
وهي اللي عليها السالفة ..

يوم الأربعاء الموافق 20 / 10 / 1428 هـ
الحصة الرابعة بعد الفسحة ابتدأت سالفتنا ,,


كانْ عندنا مااادة قميييلة قدددن واللي هي : قراءات ..
الأستاذة الله يحفظها .. عطتنا 4 آيات دسمات بالأحكام ..
هُنا سمسومه بدأت تفقد صوابها .!
تقول / أستاذة . خلااص يكفي !
والأستاذة ما كأنها تسمع الاستغاثة ,,
:: أستااااذة ,, خلاااص راسي بينفجر !

ومن هُنا بدأت البنت تحول ! وتطلع منها حركات غريبة !
انتهت الحصة .. العمة واللي هي اسمسومه نقزت من مكانها وقااالت :
بناات .. ما انجنيتوا ؟ لقد أورثني هذا اليوم جنوناً فادحاً !
--> عادي البنت تشبك فصحى .. ما تفرئش عندها !

ثمّ رقينا فوق للدور الثالث .. لغرفة الاجتماعيات عشان كان عندنا تاريخ ..
البنت تهذري طول الطريق للمعمل ..
دخلنا الغرفة .. جدعتْ كتابها والدفتر بمكان المجموعة ..
وجلست ..
دخلت المعلمة : بنات .. كلكم جيتو ؟
ردت سمسم بصوت عالي . لا أستاذة .. أنا نسيتني تحت ..! عقلي بالشنطة !
.

أحم .. الفيوز عند البنت ضااربة .. وحرارتها طااقة إتش . لو أحط ماء يقول تششش

.
تنغزن سمسومه : عهد . عندتس عقل سلف ؟ أبي أحضر الحصة
عهد : لا ,, ودي أحضر الحصة !
تلتفت على نوره : نوره عندتس عقل سلف !
أجمع الفصل بأن سمسومه قد أصابها شيء ما !


تلفت فجأتن علي !
عهد .. تبيين تمر !.
وتدودل راسها بجنبي .. عهووده نااظري .. به هِنا نخل واجد

كان الدرس بدايته .. كل مجموعة تحوّر مقدمة الدرس على شكل مسرحية !
مسكت القلم والدفتر .. ويا ويل أحد يحتسي !
أنا كنتْ ضابطة الوقت .. وأقوله : خلااص ما بقى إلا دقيقتين !
:: أسكتتتي .. ولا كللمة ! .. الفيضة قارحة --> تقصد القريحة فائضة بس الظروف الهيسلوجية تلخبط الحتسي ..

.

وكتبتْ مسرحية ولا أحلى .. أهم شيء [ حاضر يا مولاي ! ]
بس وعقب كل هذا ..
ما مثّلنا المسرحية .. عاد هي عقدت حاجبيها --> عبارة متعوب عليه !
.

انتهتْ حصة التاريخ .. نزلنا تحت .. كان عندنا فرائض !
شوفوا بس الجدول الجميل .. أحد يحط فرائض الحصة السادسة ؟؟!
والبنت الفيوز عنده ضاااربة قووّوّوّة ..
والإستاذة الحصة عنده ولا نفس !
بس إنه حليله .. مب زي ما قالوا لنا بنات الثانية ...

والبنت بدأت تهتز بشدة .. وتضحك وتضحك وتضحك !
المشكلة إن كل الأدب والهدوء فيها بس إذا فقدت عقله تصير # # # #

وما غير تلمّس وجهه ,, تقيس حرارته !!
مر تجي الأستاذة وتمسكه .. وتقول ما بتس إلا العافية ..
.

الأستاذة وزعت علينا أوراق عمل .. وكل ما جينا نجتمع مع بعض .. تلف وتقول
عععننننن .. بييييييييب طاااااااااط .. كوووووووووووع !
تحسب إنه تفحط !
الأستاذة أدركت أن سمسومه تعاني من شيء ما !
والدليل / إن الأستاذة تبتسم بقووة .!
وتهاوش سمسومه : أنتِ يا ويلتس تشاركين اليوم !


أخذنا الدرس .. كان عن [ أحوال الجد ]
الجد ينقسم لـ جد صحيح ..
مر تلتفت سمسومه علي وتهمس : و.. جد سقيم !

الأستاذة بالسبورة تكتب : جدْ فاسد ..
وتشرح بعمق ..
سمسومه ما غير تهذري بينه وبين نفسه .. وتهتز بين الفينة والأخرى ..
ه

.
خلّص الدرس ..
قعدنا نآخذ مسائل .. نطبّق
الأستاذة تقول خذو هذي المسألة

3 زوجات ..
3 بنات ..
مر تلتفت سمسومه علي وتقول : 3 فلافل بالله !!
تحسبه إنه ببوفيه !

!

طيب مسألة ثانية :
بنت :
زوجة :
أب أب أب أب أم :


سمسومه تعلق على المدرسة وتقول : أستاذة ما فيه أت أت أت أت أت


طيب مسألة ثالثة :
بنت :
ابن ابن :
أم أب أب أب أب أب :

الأستاذة : يعني أربع أبّات .. كم يرث ؟
سمسومه : يعني أستاذة .. أب أس 4 --> لاتزال بقايا الرياضيات من المتوسط عالقة بذهنها !

طيب خمس أبّات كم يصير ..
سمسومه ترد : أستاذة .. الأبات نلبسها بالإبتدائي .. ما نلبسها وحنّا بثالث ثانوي !



.

وحنّا قاعدين نحل المسائل .. أقولها :
سمسومه أنا أحب الرياضيات ..
مر تقول : وأنا أحبتس ! سمايل يستحي

وعطتنا الأستاذة مسألة .. وحلتها سمسومه أول وحدة ..تسألها الأستاذة : لا ما شاء الله . عقلتس رجع ؟.
ترد : لاا أستاذة .. أصلن أنا ذكية حتى من دون عقل .. تف تف تف

...