اكتب عن ظاهره سيئه تتمنى زوالها....

اتمنى ان الموضوع يعجبكم و تشاركون فيه...
في كل مجتمع في ظواهر سلبيه و من الظواهر الي اتمنى زوالها المعاكسات في الاسواق والاماكن العامه و الاستخدام السيئ للتكنولوجيا...
ماهي الظاهره اللي تتمنى زوالها ؟

انتظر مشاركاتكم...

 

 

اشكرك على الموضوع,,
اتمنى زوال ظاهرة تمرد الفتيات وانفتاحهم وتخليهم عن العادات والتقاليد بشكل فاضح بحجة الانفتاح,,
واتمنى المشاركه في الموضوع من الاعضاء لانه يستاهل الردود عليه,,


اشكر ك ياصاحب القيتار الملكيى على المواضيع الجريئه والحلوه منك,,




يعجبني نشاطك انت والاعضاء الي بالي بالك واتمنى من الاعضاء الاخريين ازدياد نشاطهم لانه هاي في صالح المنتدى اكيييييد



الف شكر لك

 

 

اتمنااااااااااااااااااااااااا
ان ظاهره السرعه الزايده اللي عندناااااا تقل وبعد اكيد في اي دوله اسلاميه
تعرفون انه اكثر الدول الخليج عدد الوفيات بسبب السرعه الزايده هي الامارات
مع انه عندناااا احسن الشوارع و احسن اشارات المروريه

وشوفو السرعه الزايده شو سوت في هاي العائله
عائله تتكون من اب و ام وولد و بنتيت
الاب و الام: كبار في السن
الولد: يشتغل في الجيش وهو اللي يصرف على عائلته
البنت الاولى: مخلصه الثانويه وهي مخطوبه
البنت الثانيه: بعدها تدرس

المهم الولد سوى حادث في دبي ويتله ضربه قويه في الراس ولين الحين هو في غرفة الانعاش وكل يوم اهله و اخواته يسيرون المستشفى علشان يغشلونه و ياكلونه وهالسوالف.....
والنتيجه انه البنت الاولى اللي كانت مخطوبه تطلقت لانه اللي ما خذنها مل من هالسالفه كل يوم سايره دبي وما يردون البيت الا الساعه 12 بالليل لانهم كانوا ساكنين في راس الخيمه
والبنت الثانيه ما تسير المدرسه وانتهاااااا مستقبلهاااااا
والولد ما له امل انه يرد الى حالته الطبيعيه

الله يهديم شبابنا

 

 

شكرا اخوي على هالموضوع الحلو

و بالنسبه حق موضوع الاخ حيران
ان يتمنى زوال ظاهرة تمرد الفتيات
ان الفتيات و الفتيان اول ما دخل عليهم مجال الغرب و هو عن طريق الغزو بالنسبه حق دولتنا الكويت
تعلمو وايد من الاجانب بعد الغزو و من هاذي اللحظه بدا التفتح عند الفتيان و الفتيات لا كن من بدا
في هاذي الظاهره هم الشباب في طريقت لبسهم و طبعا البنات بيقولون اشمعنا الشباب و مب ساكتين
على هالحال و صارو يقلدون الغرب في اللبس و طريقت التصرفات و كل شي و حتى الشباب نفس الشي
لاكن انا جايفه في هاذي الايام لما اروح المجمعات الصراحه انصدم من البنات صكو على الشباب في كل شي
ولبسهم الله لا يراويكم عليه و طبعا البنات مستانسين من هالشي ليش ما ادري حتى الاجانب صارو محترمين
اكثر من بنات ديرتنا والله
لاكن العيب مب من البنات و لا من الشباب العيب من الاهل اهما الي عطوهم المجال انهم ينظمون حق هالظاهره
عطوهم المجال في انهم يدخلون الطريق الخطاء و للاسف صار كل شي عادي في هالديره ما ادري ليش
و جان زين عادي بحدود بالعكس صار مافي حدود كل شي راح و الله يستر من الي ياي
ما بقى شي على البنات
الله كريم
و مسامحه على الاطاله

 

 

و بالنسبه حق موضوع اخ سالين
انا ما اقدر اقول فيه الا ان الانسان الي حاط السرعه في باله انه بتوصله حق الي يبي في وقت
قصير هذا يكون انسان غلطان لانه السرعه بالعكس اتوصلع الي نهاية وايد الشياء في وقت اقصر
لاكن من الي يقدر انه يوعي الشباب في هالدنيا الشباب صارو متمردين يعشقون شي اسمه سرعه
و همن البنات نفس الشي ماتجوف وحده بالخط السريع الا العداد طايح في الارض من كثر ما ريلها
ثقيله على البترول لاكن انا ابي اعرف الدوله هني شنو يكون موقفها لما اتشوف هالاشياء اتصير
في عيالنا كل يوم عايله ميته في حادث من السرعه ولا واحد منقلبه في السياره في العنايه المركزه
لا قالو شفي دش المستشفى ولدكم يقولون وعليا عليه ادعمو و اهوا اساسا كان قاعد يخمس في
الفريج ولا قاعد مادري شيسوي في الرابطه مع الربع و هذا حال الدنيا كل يوم حوادث و كل يوم
اعيالنا يروحون ضحيت هالسرعه مادري ليش محد يتعض من الي قاعد يصير في هالدنيا من هالحوادث
و الله كريم
"""""""""""""""""""""""""""""""""""""

و انا اتمنى زول ظاهرة التسول في الشوارع

 

 

اقتباس: Originally posted by الخبلة@Sep 14 2004, 06:12 PM لاكن انا ابي اعرف الدوله هني شنو يكون موقفها لما اتشوف هالاشياء اتصير """"""""""""""""""""""""""""""""""""" و انا اتمنى زول ظاهرة التسول في الشوارع

الدوله والشيوخ ما قصروا خلوا شوارعناااااا من احسن شوارع في العالم
وحطوا رادارات في كل مكان وفي شوارع السرعه القانونيه تصل 80 بس وماها منهم يسيرون يدفعون المخالفات و اللي عنه واسطه يلغونه(يكنسلون) المخالفات
والحين شرطة دبي واااااااااااااااااااااايد مشدده على السيارات و مواصفاتها مب اي سياره الحين تسجل في دبي
واخر قرار منزلينه في كل الامارات انه اي سياره موديلها اقل عن 99 و سكانها يمين ما تسجل لانه وايد سيارات سبورت شبابنا يطلبونه من اليابان لانها رخيصه و قويه وما هامنهم السلامه.
.................................................. ...................
وعن ظاهرة التسول ما اعتقد انه في دوله تقدر تتحكم في هاي الظاهر
سو جمعيات خيريه و بعد هاي الظاهره في ارتفاع
سووو اماكن لي تقديم الطعام بالبلاش وخاصه في شهر الرمضان ومثل ما هي
القاء القبظ على المتسولين و تسفيرهم و بعد شهر يرجعون لنفس الدوله
وما تقدر تميز بين هذا صدق فقير و لا لا

والسموحه