الله يساعدكم ...ادخلو وساعدوني..؟

السلام عليكم...
اهلين بكل الاخوات.....
وكما قلت انا دخلت المنتدى عشان تكون مركز اسراري....
فأن متوقعه منكم انكم تساعدوني...
زي ماتعرفون ان الدنيا مليئه بالمصائب بلا شك....
انا اسلفت سابقا اني مخطوبه...
(نواف)ابن عمي وله اخت اسمها(ساره) وعمي متوفي(الله يرحمه)
ولدي عمه واحده(منيره)هذي عندها 3 بنات(نوره)متزوجه (رنا)اكبر مني (رهف)هذي كبري
وتحب نواف مررررره وعندهم وولد(خالد)متزوج وعنده عيال....
ولما جا نواف يخطبني...سمعت رهف هذا الخبر وخاصمتني مع انها اعز صديقاتي في البيت والمدرسه...
ولما جيت ارفض سأل ابوي عن السبب ولا خبرته وبعد اسبوع مدري وش صار ووافقت....
المهم ...
من يومها ورهف تحاول توقعني بالمشاكل...
وآخر مشكله هي الي ما قدرت احلها....
وهي..
(انا ورهف نشجع الهلال ورهف من النوع المسترجل(فكانت تحب الاولاد)وبالذات ياسر القحطاني)
اتجمعنا احنا وعمي وعمتي...
ورهف اخذت رقم نواف من غير ما اعرف واتصلت عليه وقالتله (الهنوف.......)قامت تخترع اشياء والي ما يصدقه انسان ...ومن كلامه قالت(وبعد يوم كنا بالثانويه كلمت شباب)بعد هذي الكلمه سكر نواف الخط واتصل علي وقام يهزئني ويهاوشني وانا ما اعرف وش السالفه وقال(اذا ما عقلتي بقول لأبوك وبفسخ خطوبتنا)هنا ما تمالكت اعصابي وقمت ابكي وحسيت ان رهف هي اللي قالت هالكلام..قلت(اسمع يانواف انا ماسويت ولا شي من الي قلته بس رهف هي الي تبي الشر بيني وبينك
وانا الحمدلله متربيه وما يحتاج تخبر ابوي لأن ابوي متأكد من الي رباها.)وعطيته كم كلمه وسكرت الخط...ولنا على هالسالفه اسبوع كامل ...
وانا ما قدرت اقول لأمي اخاف تقول لأبوي...
بس طلبتكم قولولي الحل...

 

 

انا بصرااحه

انصحك تخبري امك عشان يكون عندها خبر

وذا انتي ما تبغي ابوكي يعرف قولي لمك لا تقول لبوك

ونتي كلمي رهف بادب وقوليلها حرام عليك الي تسوينه

بس اول قولي لمك بعد ما تقوليلها السالفه

قولي اكلم رهف ولا ما اكلمها

بصراحه هاذي وجهت نضري

ونشالله اكون افتك

تقبلي مروري

الحزينه دائم

 

 

مشكوره حبيبتي الحزينه على اهتمامك وردك
انا اخاف اذا قلت لأمي لاتقولي لأبوي بتقول (انتي منتي واثقه بنفسك)
وطبعا امي اكثر شي تنصحني به اني اكلم ابوي اذا طحت في اي مشكله ...
ونسيت اقولكم ان انا وحيدة البنات واخواني 2 واحد كبير (محمد)وهو الاخ الي دائما(افضفضله)بس الحين في العسكريه و(الوليد)في الثانوي..
ارجو من كل ما يقرا هذا الموضوع يفيدني ولو بشي مؤقت لأن اليوم وبكره كله بنصير عندهم ومدري شلون اتصرف مع (رهف)..

 

 

انصحك يا اختي انك تحاولي تشرحي لسارة بنت عمك الي جرى
واكيد هي حتكون عارفة عمايل رهف
ده ازا كنتي بتتقي فيها طبعا
وهيا بكده حتحاول تشرح لنواف السالفة
وادا ما نفع هيك اظن لازم تخبري امك ومافي شي لو قالت لابوكي ما دمت انتي بريئة وما عملتي شي
والله المعين
طمنينا عليكي اختي

 

 

مشكوره حبيبتي على الاهتمام....
اليوم رحنا لعمتي...
واول ما دخلنا البيت وسلمنا على عمتي وبناتها وزوجة عمي وساره ماشفت رهف ولما سألت عمتي عنها..
قالت انها فوق تتعدل..وكملت (روحي لها وقوليلها تنزل اكيد بتفرح اذا شافتك)هنا وجهي صار احمر اخاف اروح لها وتصرخ علي وحاولت اجيب عذر عشان ما اروح لها لكن ساره سحبتني ورحنا لها...
ولما شافتني عبست وقامت تصارخ علي وتقول(اطلعي برى )وانا عاد من النوع الحساس..على طول نزلت دمعتي ....وتدخلت ساره(رهف وش فيك ليه تصرخين على الهنوف)وتمنيت انها ما تسأل هذا السؤال...ردت رهف (اسمعي يا ساره انصحك انك تقولين لأخوك يفسخ خطوبته من هذي الي اسمها الهنوف لأنها ....والا مو لازم اقول خليها هي تقول)وتلتفت علي ساره المسكينه(خير الهنوف شو الي صاير) وما قعدت على طول طلعت برى الغرفه ورحت للمجلس(النسائي)لأنه ما في احد فيه ...وسكرت الباب وقفلته وقمت ابكي...وبعد كم دقيقه سمعت صوت ساره(هنوف افتحي ...انا عرفت السالفه كلها )
رديت عليها(روحي خليني لحالي..)ساره(هنوف يلا بتروحون)انا المسكينه صدقت ولما فتحت الباب
سحبتني ساره وودتني للحريم وخلتني امام الامر الواقع وتنتظر ردت فعلي...انا لما شفت انظار الحريم متجهه لي ركضت لأمي وادفيت بحضنها....وكلما سألتني اقولها(مافيني شي)لكنها ما كانت تصدك بس عرفت اني ما ابي اقول قدام البنات...وكنت اشوف الشرار يطلع من اعز صديقاتي واعز اخواتي (رهف)الي الحين اشد اعدائي...ولما جينا نرجع للبيت نادتني زوجة عمي وقالت(تعالي يا الهنوف نواف يبي يسلم عليك)هنا تمنيت ان الارض تبلعني ....رديت(من الي قال )زوجة عمي(نواف الي قاله يعني من)
رديت وانا خايفه من ردت فعل نواف(طيب وينه الحين)ومشت زوجة عمي ومشت وراها...
ودخلت مجلس الرجال الي كان فيه نواف بس....نواف(هلا الهنوف ....وش اخبارك) رديت وانا منزله راسي(هلا ...انا بخير)نواف(وش فيك منزله راسك..)وحمدت ربي لأن جوالي رن وكان ابوي ورديت وقالي يلا اطلعي...نواف(خلاص مادامك بتروحين خلاص....بس ترى بتصل عليك الليله)رديت وانا طالعه(ان شالله) وركبت السياره وانا خانقتني العبره خايفه من نواف ...ومستغربه ليه كان راضي عني....
بس ماراح تكمل الفرحه لأن بكره بنروح لبيت عمي والله يستر منه لأنه عصبي ...
بس تكفون عطوني حل بسرعه...
اختكم(الهنوف

 

 

بنات اتكلم جد تكفون حطو نفسكم مكاني ....
انا ما ابي اكمل معه اذا كان عصبي كذا....
تكفون عطوني الطريق الصحيح....

 

 

هلا أختيه.........أنصحج انج تخبرين حد انه يدخل بينكم واذا انتي كنتي تبينه بتسوين المستحيل علشانه وما عليج من غيرج

 

 

مشكوره اختي على النصيحه...

بنات بليز ....جيبولي حل اقدر اسويه لأن الملكه على قول ابوي بعد بكره