شاركوني مشكلتي

السلام عليكم ورحمة الله وبركاته

شوي سالفتي معقده واتمنى توصلكم
أنا فتاة عمري 25 سنه وقبل أكثر من خمس سنوات وأنا بثاني ثانوي تعرفت على شاب وتميت معاه حول السنه او سنه ونص وتركته لأن أهلي عرفوا من بنات خالتي بعلاقتي فيه وهو بعد تزوج لكن بعد هذا كله كان يحاول نرد نكلم بعض وانا ارده لان اهلي عرفوا وهو متزوج ، حاول يهددني إنه يشوه سمعتي ويتكلم علي عند اقاربي بس انا ما اهتميت لكلامه واستبعدت انه يسوي هالشي والحين بعد ما مر على هالموضوع اكثر من خمس سنوات وصلني من بنات خالتي إن هالشخص سأل عني اولاد عم بنات خالتي وطلب منهم رقمي الخاص وقالهم إني على علاقه فيه وهو يعرف إن اللي سألهم يبي يوصلون الكلام لولد خالتي وكل هذا عشان يشوه سمعتي عند أولاد خالتي وغيرهم
بنت خالتي اللي قالت لي هالسالفة قالتها لي في وقت ولد عمي خطبني فيه وانا رديته ( هي قالتها عشان أقبل بولد عمي وهالانسان يبعد عن طريقي كان كلامها لي قوي تقولي استري نفسك بولد عمك لا تقعدي عانس عند أهلك لدرجه أنا بكيت وقلت لها أنا ماراح أغصب نفسي على إنسان أنا ما ابيه عشان واحد تكلم علي بالكذب )
كل اللي حولي راضين فيه بس أنا ما ابيه مو عشان الولد فيه عيب بس أنا وبنت عمي اللي هي أخت الولد كنا دايم نطلع ونروح ونجي مع بعض ومع ولد عمي هذا يعني أنا أحس إنه حسبت أخوي وما أحس إن لي أي رغبه فيه حتى أخته لما قلت لها السبب مالامتني وقالت لي توقعت إنك ترفضين لانها هي مرت بنفس الموقف حاولت أقنع نفسي بس ما قدرت
أحس إني خايفه من الايام الجايه ردي علي
أنا صح والا خطأ
وش اسوي بكلام الناس وقريباتي
افكر انا ممكن اتزوج والا الانسان قطع رزقي بكلامه عني

 

 

بصراحه يااوسه انت غلطانه من البدايه


واذا تبين المشكله تنحل وافقي على ولد عمك وانا مقدره الموقف


انك تعتبرينه مثل اخوك بس فكري في سمعتك اول


وحاول انك تقنعين نفسك بولد عمك وبعدين ليمتى بتقعدين كذا


انتي عمرك25 يعني مو صغيره وسنك حلو للزواج


وانشاءالله خير واتكلي على الله