عاجل وخطير

منقوووووووووووووول

جائني الموضوع على البريد وعزمت على نشره لخطورته


نصيحة لكم من من اعماق قلبي ..

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<

يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3


الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك <<< الاخيرة فكرة هنود ما تلاحظون

حبيت انبهكم وبس والباقي عليكم


الله يستر على خويي يارب
الله يعدم جهاز الولد راعي البرنامج
والله يهديه او ياخذ روحه ويفك الناس من شره


قولو امييييييييين.
-----------------------------------------------------

حبيباتي موضوعي هذا منقول من شبكة انا المسلم

والحمدلله زوجي رافض تماما استخدام هذا البلاء :

الرجاء من حبيبتي الغالية قلب المحبة تثبيت الموضوع

حتى تستفيد منه جميع الاخوات اللاتي يطالعن عالم حواء باستمرار

 

 

اميييييييييييييييين
لاحول ولاقوة الا بالله

شكرا على المجهود

 

 

مشكوووووووره وما قصرتي والله يوفقج في حياتج

 

 

أمين يااارب الله ينتقم منه و لا يجعله ينشرر المقطع ياااارب


مشكوررر أخوووي ع الموووضوووع وع تحذيركــ





محبة الأنمي

 

 

سمعت قصص زي كدا كتير وحطيت على كمرتي ورقه
شكرا

 

 

انا سمعت عنها قبل كذا
بس ماتوقعت انه فيه ناس بهانذاله
حسبي الله ونعم الوكيل
ومشكوره اختي على هالموضوع المميز

 

 

لا حول ولا قوة الا بالله

اصبحت الناس لا تعرف الرحمة ولا الخوف من رب العالمين

المهم المصالح واللعب باعصاب البشر

نعم علينا الانتباه جيدا الى مثل هذه الكاميرات

ووقانا الله من كل شر----وستر على جميع امة محمد عليه الصلاة والسلام

ولكن اسمح لى اختي ام لولوة

هذا القسم مخصص فقط من كتاباتك انت ليتم النقاش بالموضوع الذي تكتبيه

ويرفض النقل فيه نهائيا

وان شاء الله سيخصص قسم يهتم بالاخبار ----لتعم الفائدة على الجميع