تعالو اشوى ابيكم فى سالفه صارت وياى ..!!

<div align="center"></div><div align="center"></div>سم الله الرحمن الرحيم
.
.
اجمل تحيه معطره بل الورد والعنبر لكم ..ََ!!
.
.
اليوم يا جماعة الخير جايب لكم سالفه والى ابيه منك تقولو لى رائكم
فى السالفه والموقف الى حصل وياى وابى رايكم سلبيا واجابيا
<< شكله مسوى شي كبير
لووووووووول امزح
:D _____ المهم ______
.
.
.

الله يسلمك اليوم وانا كنت ابى احلاق كنت ادور صالون لانه الصالون الى احلق فيه
كان عنده زحمه فا اضطريت انى اغير هل المره
فا شفت حلاق وعنده زبون واحد وهذا الزبون اعتقد هندي
فا كل عاده الحلاليق ما تخلى عن المجلات اوالجرائد
فا دخلت وسلمت وجلست ابتسمت للحلاق والمسكين رد بل الابتسامه عريضه
المهم ..!!
كملت 10 دقائق تقريبا واسمع صوت التلفون واله تلفون الهندي الى يحلق ..!!
وكان متخصبج ومتدهدر انه يرد على التلفون
لانه كان مشغول فى الحلاقه وحتى صاحب الحلاق كسر خاطره وعطاه فرصه انه يرد فى رد على التلفون ..!!
واله بل الغلط يرد على التلفون واصبعه افترت وضغط على المايك
تكبير الصوت
والستوت الخبصه ..!!
دارت محدثه بينه وبين زوجة معزبته (اربابها )
***
هو:سلام عليكم ماماء
هى : وين انت ياله تعال بسرعه ودينى السوق
هو: ما ماء انا فى الحلاق
هى: سواد وجهك تعال اقولك انت ما تسمع
هو: << كان خائف ومرتبك زين ما ماء خمسه دقيقه بس
هى: ايش خمسه دقيقه تعال دقيقه عندك بس..!!
هو: من الخوف قال زين ما ماء << ما قاصر غير انه يبجى
هى: يالله واله بتشوف شي ما شفته
وسكرت الخط فى وجهه :unsure:
وانتهت المحدثه بينهم ..!!
<< ما كنت اتجسس بس الصوت عالى وهوو بل الغلط ضغط على تكبير الصوت ..!!
*****
هنا وانا ما سك المجله وافكر راودتنى الافكارانه حكم القوي على الضعيف
وكيف يكون الانسان احيانا مثل الريمود كنترول لى اشباع رغبت الغير
وايش ذنبه هذا الفقير المسكين جه يترزق وهذى النتيجه..!!
<< وهو جالس يفكر واله صوت التلفون مره ثانيه واعتقد هل المره هى بس اهو عاند ما رد من الخوف
من حقه الشلون يطلع من الحلاق وهو وجه كله معجون ونص تحليقه ..!!

قلت له رد على التلفون ليش خائف .. شاف على التلفون واعتقد شاف الرقم وما رد..!!
قال با با انت ما يعرف هذا ما ماء مشكل كبير ..!!

قلت له عطنى التلفون والمسكين فرح شاف احد واقف معاه ..!!
وعلى طول مسكت التلفون واريد اسلم واله هى بصوت الله لا يسمعكم حتى انى حسيت بالم فى اذنى ..!!

قلت فى نفسى لا حووول هذى مش ادميه..!!

المهم قلت لها مساج الله بل الخير انا واحد ومعه هنديكم فى نفس الحلاق

هى: قالت من انت بعد وشو تبى وينه هذا الخسف والله اول ما يوصل اذى ما راويته شغله
ما اكون بنت ......الخ
قلت لها استهدى بالله الهندي نص وجهه معجون اشلون يترك الحلاق
وهو فى هذى الحاله قالت مب شغلك انت عطنى واله
اعرف اشلون اتعمل وياه قلت لها
هو ما باقى لين ما يخلص 10 دقائق وبيكون عندكم ان شاء الله
ردت على وقالت لا يكون انت محامى ماله اجلب وجهك
و لا تتدخل فى شي ما يعنيك
لكن الشرها على انا اعرف اشلون اتصرف معاه
سكرت الخط والله يعين الهندي بغا ينتحر من الخوف

******
وجلست انا وما بيدي اى شي اسوى
لانها فعلا كان تعاملها معاى بهذى الطريقه فا اشلون معى هذا الهندي الى ترك بلاده
من اجل يحصل لقمه يعيش فيها عائله
وانتهت القصه

والحين يا جماعه سوالى ....؟

هل يا ترى انا لمه رديت عليها او تدخل فى الخصوصيات
كان غلط منى او ....؟؟سمعونى رايكم ...!!

ملاحظه / هذى القصه صارت معاى ونفس الو قت حبيت اشوف تفاعلكم
وانا انتظر ردودكم بصدرآ رحب ...!!
.
.
.
.
مع العلم انى نشرتها فى منتديات كثيره واللقت ردود مثل الورود وانا بجرب هل المنتدي اليوم ..!!

 

 

مشكووووووور اخوي S C o r p i o o N S

على القصه
انا اقووول انت مو غلطااااااان ولا الهندي الشرها على المعزبه الي ماعندها احساس و انا لو منك على النفسيه الي تكلمني فيها جان رديت عليها و لحقت السااااااايق وسويتلها بلا وي
سوري على الاطاله ;)

 

 

لوووول

تسلم اخــووي عالقصـه ..

ويعطيك الف عــافيــه ..

 

 

مشكور اخوي ع القصة ..........


قهقهقهقه

 

 

اقتباس: Originally posted by أمــ الأخــ A ــوه ــير@Oct 6 2004, 03:53 AM مشكووووووور اخوي S C o r p i o o N S على القصه انا اقووول انت مو غلطااااااان ولا الهندي الشرها على المعزبه الي ماعندها احساس و انا لو منك على النفسيه الي تكلمني فيها جان رديت عليها و لحقت السااااااايق وسويتلها بلا وي سوري على الاطاله ;)

تسلم والله على الو قفه وعلى دعمك وياى والله لا يحرمنا من اطلالتك الكريمه وفعلا

الكل واحد منا لو كان بل الموقف هذا كان ودي يسوى كثير بس ما تقول الله الله كريم وان شاء الله
لزم يكون لنا قلبو نحس فيها مب اننا مسلمين خلاص

" المسلم من سلم من يده ولسانه "
وتحياتى لك ومشكوور على الو قفه حبيب البي ..!!

 

 

اقتباس: Originally posted by الدمعه الحايره@Oct 6 2004, 01:05 PM لوووول تسلم اخــووي عالقصـه .. ويعطيك الف عــافيــه ..

الله يسلمج ومشكوووره على الرد ...!!