بيت يوسف ...
وصل نواف عند الباب .. ودق على هبة وقال لها تطلع له ...
ركبت هبة السيارة: السلام عليكم
نواف: وعليكم السلاااااااام ... اهلا بالقاطعة اللي ما تسأل
هبة باستغراب: انا ما اسأل؟؟؟ حرام عليك!!!
نواف: طيب وريني ايش لابسة؟؟؟ اعرفك ما عندك ذوق ابد ولبسك كله حوسة!!!
هبة وعيونها طلعت: انا لبسي حوسة؟؟؟ وقف خلني انزل وقققققققققققققققف
نواف: هههههههههه وانتي أي شي اقوله تصدقين؟؟؟ امزح معك
هبة: وانت ما ينعرف لك مزح من جد
نواف: والله انا كذا .. وما اقدر اغير طبعي
هبة: طيب ... محد قال لك غيره
ولفت راسها لجهة الشباك ...
نواف: هبة
هبة: ........................
نواف:هبببببة
هبة ولا التفتت له: ...............
نواف: هببببببببببببببببببة ... من جدك زعلتي؟؟؟
التفتت هبة وباستهزاء: لا امزح
نواف: ههههههههههههههههههههههههههه
هبة: اضحك اضحك ... ايش وراك ... عجبتك الكلمة اشوف
نواف: تدرين ان ابوي وفواز طالعين مشوار وطلبوا مني اروح معهم
هبة: وليش ما رحت؟؟؟
نواف: وانتي من يوصلك؟؟
هبة: الحمد لله البيت فيه سواق ... واذا مشغول سواقين اخواني موجودين
نواف: افا ... وانا اللي مارحت معهم قلت زوجتي حبيبتي وحشتني ... تقولين اجي مع السواق!!!
هبة: اضحك علي بهالكلام ... ( وبدلع ) ما اصدقك
نواف: افاااااااااا
هبة: مو انت كل شي عندك مزح ... يمكن هالكلام تقوله لي بمزح ... مين يدري؟؟؟
نواف: هههههههههههههههههههههههههههههه
بيت عبدالعزيز ...
منيرة في المطبخ ومعها لينا يجهزون العشا ... تقريبا كل شي جاهز وطلعوا البنات وما بقى الا لينا
منيرة: الله يعينا على عماتك ... هم من الاساس ما يواطنون لكم كلمة ... شلون بعد اللي سواه فواز
لينا: الله يهداه ... عاد فواز ما يطلع منه ... مافي في حنيته
منيرة: اكيد في شي خلاه يسوي كذا ... بس مو راضي يتكلم
لينا: اكييييييييييييييييييييييد ... ولا انتي ما شفتي شكل بابا قبل لا يدخل المكتب شلون معصب ... وبعد ما طلع كان هادي وطلع مع فواز ... اكيد فواز قال له السالفة وبابا اقتنع بكلامه
منيرة: الله يستر بس
لينا: ماما
ماما: هلا
لينا: بقولك شي
منيرة باهتمام: خير يا لينا ... ايش صاير؟؟؟
لينا: انا حامل
منيرة: مبروووووووووووووووووووووك حبيبتي ... وليش تقولينها كذا؟؟؟
لينا: ماما انا ادري عن حملي من اسبوع ... بس انا وخالد ما قلنا لاحد
منيرة باستغراب: ليش؟؟؟ فيه مشكلة؟؟؟
لينا: لا الحمد لله ... بس فواز ورؤى
منيرة: ايش فيهم؟؟؟
لينا: رؤى ما حملت ... وهي متزوجة قبلي بشهر
منيرة: ويييييييه من جدك انتي ... شهر معتبرتها فترة ... عادي حبيبتي ... ما صار لهم سنة من زواجهم ... كلها خمس او ست شهور .. عادي اذا ما حملت!!!
لينا: ادري انه عادي .. والله ادري ... بس لما ربى حملت فواز تضايق بالمرة وعصب على رؤى
منيرة: ما اصدق ... فواز دكتور وعارف ان هالمواضيع يبيلها وقت
لينا: يعني نعلن عادي؟؟؟
منيرة: ايه يابنتي ... عادي ... واول وحدة بتفرح لك وتبارك هي رؤى ... وقولي امي قالت
دخلت ليان: ماما ... لينا ... هبة وصلت
منيرة: لينا ... اطلعي واستقبلي مرت اخوك على ما اخلص اللي بيدي والحقكم
لينا: ان شاء الله
بس طلعت لينا ... نزلت دموع منيرة ... وهي تقول في نفسها: كنت اتمنى اول وحدة تحمل رؤى ... وما كنت مستعجلة على زواج نواف ... عندي امل اشوف ولد فواز واعرف من اشباهه من ولدي ... بس الظاهر الله مو كاتب لي اعرف ... كان عندي امل يطلع نواف ولدي وافرح فيه مثل ما ابي ... بس كل شي ضابط معك يا عبدالعزيز ... بس بعد نعمة ... لو عرفت وكان فواز ولدي ... بقصر بحق نواف ... وانا ما ارضى عليهم اثنينهم ...
عدت العزيمة على خير ... والكل انبسط فيها ... بعد ما رجعوا فواز وعبدالعزيز من بيت العمة وطيبوا خاطرهم بكلمتين ... طبعا فوزية سمعتهم كلام يسم البدن ... بس زوجها رجال طيب ... سكتها ووقفها عند حدها ... مع انه ما يعرف ايش اللي خلى فواز يضربها ... بس هو عارف بنته ولسانها وقوتها ... وقدر عبدالعزيز وولده اللي وصلوا لبيته يعتذرون
في الليل بعد ما راحوا الناس ... صعد فواز للجناح ... ورؤى تحت ... عطاها خبر انه بيصعد واشر لها تلحقه ... بس هي ما لحقته ... انتظر وانتظر ولا لها اثر ... وكل شوي يطلع من الحجرة ويرسل فيصل او لما الجالسين في الصالة الفوقية يلعبون سوني ... وهي تقول لهم ان شاء الله ومطنشته بقوووووووة ...
منيرة: يمه رؤى ... اصعدي شوفي زوجك
رؤى: بصعد له ... بس بعد ما اخلص اللي بيدي
منيرة: الشغل ما بيخلص ... وشكلنا مطولين ... يمكن يحتاج شي ضروري
رؤى: اعرفه يمه ... ما يبي شي
منيرة: ما بيصير فيك شي لو صعدتي له
رؤى: ما يصير اتركك مع هالفوضى والشغل واصعد
منيرة: بس انا راضية
رؤى: وانا ما ارضى
منيرة: على راحتك ... الله يرضى عليك دنيا وآخرة
ابتسمت رؤى في داخلها ... طيب يا فواز ... مسامحني من زمان وتلعب في اعصابي ... خليني اعلمك لعب الاعصاب مضبوووووووووووووووووووووووووط
بعد ساعة خلصت رؤى شغلها ... غسلت يدها وصعدت فوق ... دخلت الجناح ولقت فواز معصصصصصصصصصصصصصصصصصصصصصصصصصصصب حده
رؤى فيها الضحكة بس ماسكتها: مساء الخير حبيبي
فواز قام لجهتها ومسك يدها بقوة: مساء الخير؟؟؟ قولي صباح الخير ... ما بقى عالفجر شي
رؤى بدلع: اييييييي ... فواز ... ألمتني
فواز: واكسر راسك كمان ... من متى وانا اناديك؟؟؟ ولا كأني هنا!!!
رؤى بدلع: فوااااااااااااااااااااز ... اترك يدي!!!
فواز وهو يترك يدها: طيب ليش تأخرتي؟؟
رؤى: كنت اساعد خالتي ... مسكينة المطبخ معفوس ... وتعرفها ما تحب تنام والدنيا حوسة كذا
فواز: طيب والمسكين اللي منتظرك فوق؟؟؟
رؤى باستهبال: وليش تنتظر ... كان نمت!!!
فواز وهو يقرب منها: والله انا اللي انتظرت كل هالشهور ... انتظر لي ساعة كمان ... ما يضر
رؤى وهي تبعد: اذا تبي تنتظر براحتك ... انا تعبانة وابي انام
سحبها فواز لعنده: ليه هو بكيفك؟؟؟
رؤى: فواااااااااااز ... ابعد
فواز وهو يقرب اكثر: واذا ما بعدت؟؟؟
قرب منها وباسها ...
رؤى وهي تبعد: فواز ... انا محرمة عليك هالايام
فواز وهو مكشر: ايييييييش؟؟؟ من متى؟؟؟
رؤى بدلع: من اليوم
فواز: اوووووووووووووووووووووووف ... انا ما ادري ايش هالزواجة اللي الله باليني فيها
وراح للسرير وحط راسه ونام ...
رؤى وهي ماسكة ضحكتها: فواز بتنام؟؟؟
فواز بعصبية: ايه
رؤى بدلع: تصبح على خير حبيبي
فواز من غير نفس: وانتي من اهل الخير
خذت رؤى ملابسها وراحت للحمام وهي تضحك في داخلها ... طيب يا فواز ... انا تلعب علي طول هالفترة وتتلف اعصابي ... ان ما خليتك تندم ما اكون رؤى ... ما بتوصل لي بالساهل ... بس الله يستر وما يكشف اني اكذب عليه ... يذبحني على طووووووووووووووووووووول
بيت عبدالرحمن ...
عبدالرحمن وعايشة ... جالسين يفطرون ... نزل لهم خالد ...
خالد: صباااااااااااااح الخير ( وباس راس امه وابوه )
عبدالرحمن وعايشة: صباح النور
عايشة: هلا حبيبي ... تعال افطر
خالد: ان شاء الله ... ( جلس على الطاولة معهم ) بس قبل ما افطر ... ابي افتح نفسكم عالاكل
عايشة: جلستك معنا تكفي ... تفتح نفسنا على طول
عبدالرحمن: والله تكلمي عن نفسك ... انا ما تفتح نفسي
خالد: افاااااااااااااااا ... ليش يبه؟؟؟ ولا انتقلت لك عدوى عمي عبدالعزيز؟؟
عبدالرحمن: ههههههههه يذبحك لو سمعك!!
خالد: هههههههه انا كذا وكذا موعاجبه ... خلني اعبر عن اللي بداخلي
عبدالرحمن: حرام عليك ... والله عمك عبدالعزيز طيب وقلبه كبير وما في منه
خالد: والله داري ... عمي عبدالعزيز مافي ا طيب منه ... شوف ايش سوى لعمي تركي ... لو جدي عايش ماسوى له ربع اللي سواه عمي عبدالعزيز ... بس الله يهداه لو يخفف شوي من عصبيته ... وياخذ الدنيا ايزي
عبدالرحمن: كان ما قدرنا نضبطكم ... انتوا كذا ومسوين الهوايل
خالد: هههههههههههههههه طيب خلنا من عمي عبدالعزيز ... ما خليتوني اقول لكم الخبر اللي بيفتح نفسكم
عايشة: خير يمه؟؟
خالد: لينا حامل
عايشة بفرح: مبرووووووووووووووووووووووووووووك
عبدالرحمن: بالمبارك عليك يا ولدي
خالد: الله يبارك فيكم
قامت عايشة: وينها لينا؟؟
خالد: فوق يمه ... بتنزل بعد شوي
عايشة: لا لا لا ... لازم اصعد وابارك لها ... مو هي تنزل لي
خالد وعبدالرحمن: ههههههههههههههههههههههههههههه
جناح فواز ...
صحت رؤى من النوم ... راحت للحمام وغسلت وغيرت ملابسها ... وقربت من فواز ...
رؤى: فواز
فواز نايم ولا بحولها: ....................
رؤى وهي تهمس في اذنه: حبيبي
فتح فواز عين وحدة وابتسم: فيني نوم
رؤى بابتسامة: يالله ما تشبع نوم انت؟؟؟ نايم قبلي وصحيت قبلك
فواز بقهر واضح: من قهري امس ما عرفت كيف نمت
مسكت رؤى ضحكتها ... وبينت انها زعلانة: طيب ايش ذنبي؟؟؟ مو بيدي؟؟؟
فواز وهو يلعب بشعرها: ادري انه مو ذنبك ... بس ابببببببببببد مو وقته
رؤى: طيب موناوي تصحى؟؟؟
فواز: صحيت خلاص ... بعدي خليني اروح الحمام
رؤى: فواز
فواز: هلا
رؤى: اممممممممممممممممممممم
فواز: ايش عندك؟؟؟
رؤى: ممكن اطلب طلب؟؟
فواز وهو يسحب خشمها: انتي تامرين ... مو تطلبين!!!
رؤى: ممكن نفطر لوحدنا؟؟؟ يعني اعمل لك فطور خفيف هنا ... ما ودي ننزل معهم ... من تزوجنا وانا ما فطرت معك لوحدنا؟؟
فواز: بس كذا؟؟؟ قومي غيري ملابسك بسرررررررررررررعة
رؤى بزعل ... على بالها انه ما وافق: طيب ... اغير وننزل
فواز: لا ما ننزل ... تغيرين ملابسك وتلبسين عبايتك
رؤى: ليش؟؟؟
فواز: عازمك على احلى فطور لاحلى رؤى
رؤى بزعل: احلى رؤى بس؟؟؟ يعني في بنات احلى مني!!!
فواز: هههههههههههههههههههههه خلاص ... لاحلى وحدة في العالم كله
رؤى: ههههههههههههههه دقايق واكون جاهزة
باقي يومين على زواج تركي ... الوضع مستقر ...
رؤى وفواز علاقتهم من اروع ما يكون ... يحاول قد ما يقدر يعوضها عن العذاب اللي كانت عايشته معه
نواف وهبة ... حبها وحبته ... وارتاحوا لبعض لدرجة كبيرة ... طبعا مجننها ومأذيها بمزحه وهي تعودت عليه وعلى طريقته
سمر وامها مالهم حس من بعد العزيمة ... وهذا شي غريب واكيد وراهم مصيبة
شهد ... لسه خايفة من التجربة الجديدة ... ومترددة لاقصى درجة ... بس اللي مطمنها فرحت الناس بالخطبة هذه ... بندر ولا حاول يتصل فيها ... وهالشي زعلها بقوة ... صح هي مو ناوية ترجع له ... بس هو ولا سأل فيها ولا انها بتتزوج وبتكون لغيره ... الحمد لله خلصت منه والله يعوضني بتركي ويطلع ولد ناس يارب
تركي ... ماعنده صبر يملك ويتزوج ... وفي نفس الوقت خايف من العجلة هذه ... خصوصا ان البنت توها طالعة من تجربة قاسية ... واكيد بتكون متخوفة من التجربة الجديدة
جناح فواز ...
فواز بيطلع مع تركي ... مواعده يطلعون ويشترون كم غرض يحتاجه تركي قبل السفر ...
فواز: يالله بسرعة رؤى ... تركي بيوصل وانا ما جهزت
رؤى وهي تحاتي صلاة العصر اللي اخرتها ... هي تصلي مع طلعة فواز للمسجد حتى ما يحس فيها ... بس اليوم كانت تحت مع خالتها ولما خلصت منها فواز رجع من المسجد ... ولسه ما صلت العصر: يالله فواز ... هذا بنطلونك ... تحتاج شي بعد؟؟
فواز: سلامتك ... غير ملابسه ورن جواله: يالله تركي ... نازل لك
باس رؤى على خدها وطلع ...
من طلع ركضضضضضت رؤى لسجادتها تصلي العصر اللي بتفوتها ... لبست جلال الصلاة وجت بتكبر للصلاة
: رؤى ويـ ........
قطع كلامه وهو يشوفها بجلالها وعلى سجادتها
رؤى ارتبكت وما عرفت ايش تسوي ... كشفها
قرب منها فواز: ايش هذا؟؟؟ ( وهو يأشر عالسجادة )
رؤى باستهبال: بصلي
فواز: مو انتي قايلة لي انك ما تصلين؟؟؟
نزلت رؤى راسها وهي ميتة ضحك ... بس ماسكة ضحكتها لانها عارفة ان نهايتها اليوم
سحبها فواز من يدها: انتي متى بتبطلين حركاتك؟؟؟
رؤى: ايييييييييييييييييييييييي فوااااااااااااز
فواز: وتقول لي أي ... لو اقدر كان ذبحتك ... ليش تكذبين علي؟؟؟
رؤى بقوة وهي تطالع في عينه: وانت ليش تكذب علي وتقول لي زعلان وانت مسامحني من زمان!!!
فواز: شوووووووووووووووووووف ... يعني وحدة بوحدة
رؤى بدلع: وحدة بوحدتين
فواز وهو يفر اذنها: متى بتبطلين عنادك؟؟؟
رؤى: متى ما بطلت انت عنادك
رن جوال فواز مرة ثانية ... وتركها
فواز: برجع لك ... تركي مستعجل وما ابي اتاخر عليه ... وان رجعت وما شفتك في الحجرة ياويلك
تركها وطلع ... شوي ورجع وقفل الباب وترك المفتاح في الباب
رؤى: هههههههههههههههههههههههههههههههههههههههههههههههههه هههههههههههههه
دخل مرة ثانية: وين جوالك؟؟؟
رؤى: ليش؟؟؟
فواز: مو شغلك !!! وييييييييييييييينه؟؟؟
اشرت له: هنا
اخذه معه وقفل الباب ...
رؤى: هههههههههههههههههههههههههههههههههههههههههههههههههه هههههههههههههه
دخل مرة ثالثة ... وسحب سلك التلفون الثابت وخذه معه: اشوفك تتصلين في احد ... وريني شطارتك ... طلع وقفل الباب
رؤى: هههههههههههههههههههههههههههههههههههههههههههههههههه هههههههههههههه
نزل فواز ... وشاف البنات تحت ...
ليان: فواز وينها رؤى؟؟؟
فواز: نايمة
لينا: شلووووووون؟؟؟ متواعدين نطلع السوق مع بعض؟؟
فواز: تعبانة وقالت لي اقول لكم ما تقدر تنزل معكم للسوق
ليان: يووووووووووووه
فواز: لا تقعدين تقلبين لي اياها مناحة ... البنت تعبانة ونايمة وما تبي احد يزعجها ... حتى جوالها قفلته ... ما يصير؟؟
لينا: على راحتها يا فواز ... ماقلنا شي
ليان: لا هو قايل لك هالموال عشان ما تفكرين تقولين
فواز وهو يرميها بعلبة الكلينكس اللي جنبه: بلا كثرة حكي لا اذبحك
نزل نواف وسماعة الجوال على اذنه ...
فواز: وانت الثاني ... تركي حرق تلفوني اتصالات ... وحضرتك جالس تتغزل في زوجتك
نواف ولا كأنه سمع فواز: ايوه حبيبتي ... معك معك
اخذ منه الجوال بقوة: هلا هبة
هبة انصدمت من الصوت اللي سمعته: هلا
فواز: معك فواز
هبة: هلا فواز ... كيفك ؟؟؟ وكيف رؤى؟؟؟
فواز: بخير الحمد لله ... بس الله لا يهينك ... بناخذ منك نواف ساعة بالكثير ساعتين ... ممكن؟؟؟
هبة: ههههههههههههههههه
فواز: ادري والله انك تبين الفكة منه ... بس هذا نصيبك ايش تسوين
هبة: هههههه حرام عليك فواز
فواز: منك الصبر يا هبة ... الدنيا هذه مو كل شي ... ان شاء الله الجنة بيتك
اخذ منه نواف السماعة: ايش تقولين له؟؟؟
هبة: ههههههههههههههههههههههههههههه
نواف: وتضحكين بعد؟؟؟ ايش تشتكين منه؟؟؟
هبة: هههههههههههههه والله ما تكلمت ... من اخذ السماعة وانا اضحك بس ... ولا هو يكلم نفسه
نواف: تضحكين؟؟؟ يعني مبسوطة عالكلام اللي انقال!!!
هبة: امممممممممم شي زي كذا
نواف: طيب يا هبة ... اشوفك بس
دخل تركي عليهم: يا سلاااااااااااااااااااااااااااااااااااااااااام
التفتوا عليه نواف وفواز وهم يضحكون ....
تركي: والله ما ينلام ابوكم فيكم ... صار لي ساعة انتظركم في الشمس وحضرتكم جالسين هنا؟؟؟
فواز: صار لي ساعة نازل ... نواف اللي مأخرنا
نواف: انا صار لي ساعة جاهز فوق وانتظره ينزل
تركي: اصلا ما باخذ منكم حق ولا باطل ... قدامي اشوووووووووووف بسرررررررررعة
نواف وفواز: ههههههههههههههههههههههههههههههههههههههههه
ليان: ايش نسوي؟؟؟ نروح من غير لينا؟؟؟
لينا: اممممممم ما ادري ... بس مافي وقت
ليان: المشكلة حتى جوالها مقفل
لينا: انا اقول ننزل ونخلص اللي نقدر عليه ... واللي نحتاج فيه رؤى نخليه لبكرة
ليان: احسن ... ما نبي الشغل يتراكم على اخر يوم
لينا: قومي البسي عبايتك واتصلي في السواق
بعد ساعة ... خلصوا فواز ونواف من تركي ورجعهم للبيت ... اول ما وصل فواز البيت صعد للجناح على طول وهو متحلف في رؤى ... الحماااااااااااارة تكذب علي ... طييييييييييييب ... دخل الجناح وراح للغرفة ... لقى المفتاح مثل ما هو ... يعني ما طلعت ... بس النور مطفى ... غرييييييييييييبة ... يمكن نامت؟؟؟ يمكن!!! فتح الباب ودخل ...
اتفاجئ من اللي شافه ...
النور طافي ... والغرفة كلها شموع ... وريحة العطر مالية المكان ... انبهر فواز من اللي يشوفه ... جلس يدور بعينه عليها ... بس ما شافها ...
حس باحد يقفل عينه من وراه ... مسك يدها بيده ... ونزل يدها وسحبها لصدره ... التقت عينهم ببعض ... واقفة بقميص النوم الناعم ... اللي من النوادر اللي شافها فواز بمثل هاللبس ...
فواز: ليش يا رؤى؟؟؟
رؤى وهي تحط يدها على فمه: اشششششششششششش ... ممكن ننسى؟؟؟
فواز: ننسى؟؟
رؤى: ايوه ... ننسى ... عاندنا بعض بما فيه الكفاية ... واظن من حقنا نعيش ونفرح
حضنها فواز لصدره بقوة ... وتعلقت هي فيه ... ثواني وحملها فواز بين يده ... وتوجه فيها للسرير ... وبينه وبين نفسه ... من اليوم ورايح ما بيضيق صدرها اببببببببببد ... ويعيشها عيشة ما حلمت فيها اببببببببببببد
الإهداءات
« آخـــر الـــمـــشـــاركــــات »
2nd July 2008, 07:49 AM
رد: (يارب تخليه وتبقيه لعينين ترجيه)قصه رائعه... 
