مأحبها لكني مااحبها..

يسلموو ع المرور


بس كل يوم بدي لنزل بــارت

وبكره بكملهــ


يسوفـــي00

كمان مره مشكورـ ع المرور

 

 

يسلمووووووووو
القصه جنان
متى بتكملينها ؟
ابغى بسرعه ما اقدر استنى

 

 

وهذا الجزء لعيونكم حبيباتي <<<<<<<<<بس ابغى تفااعل وردود اكثر

تكمله البارت ..

خالد:يصير خير..
لين:السلام عليكم..
كلهم الا خالد:وعليكم السلام..
الجدة:هلا وغلا تو مانور البيت
((الجده تموت بشي اسمه لين..))
لين:البيت منور باهله جدتي..
الجده:هو هو هو علامك انخرطتي((العجايز عليهم لغه خخخخ ابدااع))
لين:هههه ياجدتي وربي آكل..
الجده:شووفي واهلج بالرياض بأكلج بيديني..
لين:جدتي بس انا مابتم هنا..
الجده:قالي ابوج بتجيني تنامين عندي يومين..
لين تقول بخاطرها((الله يمضي هاليومين على خير))
صقر يقول بنفسه واخيرا بتقدر تنتقم منها ياخالد..
اما خالد كان يقوول بخاطره اااه اخيرا بتكونين قدام ناظري يابعد اهلي..
لين :عن اذنكم..
الجده:وين توج جايه..
لين وهيا تناظر خالد بطرف عين:ياجدتي احس اني مكتومة بروح الحديقه..
الجده:على راحتج بس لاتطولين علشان مايدخلج برد..
لين تقول بخاطرها أي برد ياجدتي وحنا بعز الصيف خخخخخخخخخخخخخ

فيصل:والله ماادري يافارس..
((فارس صديق فيصل الروح بالروح..))

فارس:كيف ماتعرف انت مو تقول ان البنت تحبك؟؟
فيصل:الا تحبني وتموت فيني بعد..
فارس:حرام عليك يافيصل حدد مشاعرك تجاه البنت ..
فيصل:.....................................
فارس:البنت اذا حبت غير الولد..الولد يقدر ياخذها حتى لو ماتحبه لكن البنت لا لازم يحبها علشان تاخذه..
فيصل:وحتى لو اكون احبها مابوصل ربع حبي لها..
فارس:يعني انت ماتحبها؟؟!!
فيصل:وودي اوصل لها هالمعلوومية..
فارس:أي وصل لها لاتعيشها باوهاام والله كسرت خاطري..
فيصل:حتى انا كسرت خاطري..
فارس:اجل حبها وش تنتظر؟؟
فيصل:يااخوي لو الحب بكيفي كان حبيتها من زمان..
فارس:طيب كيف بتقولها؟؟
فيصل:بضيفها عالايميل..
فارس:انت عارف ايميلها؟؟
فيصل:أي خذته من ايميل حمد..

صقر:قووم ياغبي هذي فرصتك..
خالد:فرصتي!!!في شنو؟؟
صقر:ياغبي هي بروحها بالحديقه قم واغسل شراعها..
خالد:لا لا هي بنت عمي ومثل اختي..
صقر:دامها مثل اختك ليه حبيتها اجل
((جد خالد ماعنده سالفه خخخخخخخخخخ))
خالد ويقول بخاطره ببين لها حبي وشعوري تجاهها:اوك انا رايح بس لاتجي معي..
صقر:من حلاتكم عاد ..يلااا رح..
خالد:طيب

خالد وهوا طالع للحديقه..و لين بذيك اللحظة كانت تناظر صورة فيصل اللي بجوالها واللي جابتها لها لمي بالخش والدس من جوال حمد..

لين سكرت الجوال ودخلته بالشنطه وخزت خالد..
خالد:ممكن اتكلم معك؟؟
لين ماعطته وجه واكتفت بنظرة الغضب..
خالد:يابنت الناس حسي فيني انا احبك..
لين:وععع ياشينها من فمك..
خالد:اقوولك انا احبك..
لين:طيب وشسوي لك؟؟شنو المطلوب مني..
خالد:ابيك تحسي فيني..
لين:نعم نعم؟؟
خالد:ابيك تحبيني تبادليني نفس الشعوور..
لين:ياخي ماحبك الحب غصب؟؟وحتى لو كان غصب والله لانتحر قبل مايغصبوني على حبك..
تكررت الجمله الاخيرة في مسامع خالد اكثر من مرة..
لين:خلصت اللي عندك؟؟تقدر ترووح او تدري انا اللي بروح الكتمه لاحقتني من مكان لمكاان..

في بيت لمى..
سمر:لموووووووي افتحي الباب..
لمى وهيا تصارخ:سمرمر..
((علاقه سمر بلمى علاقه قوية جدا جدا واكثر من خواات لكن فرق بينهم زواج سمر..))
لمى:هلا وغلاا
سمر:هلا بك زوود
لمى:شخبارك؟؟وشخبار مشعل؟؟
سمر:تماام..
لمى:من زمان علمي فيك يالدووبة من جد وحشتيني..
سمر:انتي اكثرررر
لمى وهيا تغمز لسمر:ماكو شي بالطريق؟!!
سمر:شتقصدين..
لمى:لاتعمليلي حالك برييئة انتي فاهمه قصدي..
سمر:يمممممممه منك وش قلت انا؟؟
لمى:في وانتي ساكته ولا لسا؟؟
سمر:لا تو الناس علي اسم الله علي..
لمى:ليه اللي تزوجوا معك عيلوا لك سنه متزوجة..
سمر:بس لا انا ولا مشعل نبي..مابعد نعيش حياتنا..
لمى:الاطفال سبب استقرار وزياده حب لكلا الطرفين في اغلب الاحياان..
سمر:تكلمت الفيلسووفة اسكتي بس..

صقر وهو يناظر الساعه ويكلم نفسه:ياربي له نص ساعه من دخلت لين وهوا مادخل..
قرر صقر انه يطلع للحديقه..
ولما طلع شاف منظر مؤلم حيل..اول مرة يشوف ولد خاله وخويه وهو ضعيف صارت العاطفه تغلب على دمووعه وهو معروف بالقوة بينهم وسدادة الراي وهو المستشار القانوني بالمدرسة ولما شاف على هالحال فهم السالفه من غير مايسأله..
صقر:خالد قم نروح بيتكم لاتقعد ببيت جدي وانت بهالحاله..
خالد من غير رد قام وراح البيت ومعه صقر طبعاا..

لين وهي تناظر الساعه:ابوي الساعه جات 11ونص عشا وتعشينا شنسوي بعد؟؟
فطوم:وش عندك بالبييت؟؟هااه تكلمي..
بو نورة وهوا معصب:وش عندها فطييم تكلمي..
فطوم بخوف:امززح ابوي لاتعصب..
لين:ابوي والله مانمت مييته تعب..واللي يسلمك..
بو نورة:خلاص لاتحني رووحي انتي بس الباقي يتموا مافي طلعه قبل وحده..

لين وهيا طالعه من فيلا جدتها وبحكم انهم بمجمع فلل فمعناها بتمر من فيلا عمها بو خالد..
وهيا مارة كان خالد يبكي بالبلكوونة ولما شافها همس باذنه وقال:بحبك لو شيصير وبظل احبك مهما فعلتي..هذا وعد وعدته على نفسي..

لين وصلت البيت وطبعا هي مافيها النوم اتجهت للنت وبوقتها كان فيصل عالنت..
فيصل كان توه ضايف لين..
لين فتحت الايميل وجاتها اضافه من ايميل نك نيمه((كفاني فخر اني هلالي))
لين فز قلبها لما شافت كلمه هلالي لانها تعرف ان فيصل يموت بشي اسمه هلال بس استبعدت انه يكون هو..وكان نك نيم لين((مابقلبي سوى اربع حروف:ف ي ص ل ))وهيا لما وافقت عالاضافه ماغيرت النك وش دراها المسكينه..
طلعت النافذه لفيصل اللي تخبره بتسجيل دخول لين هوا لفت انتابهه النك وجلس يقرااه كذا مررة..
مابقلبي سوى اربع حروف:ف ي ص ل :
السلام..
كفاني فخر اني هلالي:
وعليكم
مابقلبي سوى اربع حروف:ف ي ص ل :
من معي؟؟
كفاني فخر اني هلالي:
انتي حاطه نكك لشخص تحبيه صح؟؟
مابقلبي سوى اربع حروف:ف ي ص ل :
اقول من معي يقول انتي حاطه نكك لشخص تحبينه..
كفاني فخر اني هلالي:
طيب لما تعرفين اني انا هذا الشخص اللي تحبينه بيكون اسلووبك كذا؟؟
لين وقف قلبها من الوناسه ومن الخوف وش يبي؟؟معقووله بيعترف بحبه؟؟بس انا وش يضمن لي انه فيصل؟؟
مابقلبي سوى اربع حروف:ف ي ص ل :
تعرف تنكت قل بسرعه وش تبي؟؟
كفاني فخر اني هلالي:
لا مااعرف انكت وانتي تعرفي طبعي زين يالين..
لين بهاللحظة خلااص تجمدت بمكانها..لا مو معقووله يمكن لمى تجنني..
مابقلبي سوى اربع حروف:ف ي ص ل :
لمى بلا هباال مالي مزااجك..
كفاني فخر اني هلالي:
وربي انا فيصل ..طيب بدق على بيتكم الحين وردي وسمعي صوتي وسكري علشان تتاكدين..
مابقلبي سوى اربع حروف:ف ي ص ل :
خلااص صدقت ..
كفاني فخر اني هلالي:
طيب انا داخل عندي كلمتين بقولهم لك وطالع..
مابقلبي سوى اربع حروف:ف ي ص ل :
تفضل..
كفاني فخر اني هلالي:
لين انا مااحبك ولا احمل تجاهك أي مشااعر فبلييز لاتعيشين بوهم ومااحس انك اكثر من اختي ومابنتظر منك رد لاني طالع يلا سلام..

انتهى البارت الثاني..

شنو بيصير للين؟؟وهل بتنقلب مشاعرها وبتحب خالد؟؟ولا بتكرهه زياده..
لين كيف بيكون ردها القاسي على فيصل؟؟وهل بيأثر ذلك بفيصل؟؟
حمد شنو موقفه لما يعرف ان لين كلمت فيصل عالمسن؟؟


كل هذا واكثر تعرفوونه بالبااارت الثااالث..


ولاتخلون من ردوودكم وتعليقاتكم اللي تنور الصفحه..

واتمنى اشوف تفاعل بهالبارت اكثر من البارت اللي قبله..

اختكم:**(عاشقـة الجمال )**:030:

 

 

اهلين
القصه جنان بس البارت قصير مره
توني انسجم وياها الا خلص البارت
وانت تطول على ما تنزل البارتات
باموت وانت ما كملتها
بلييييييييييز نزل البارت الثالث بسرعه
عموما مشكووووووووووووور

 

 

اهلين
بليز قول لي متى بتكملها
باموت
ماني قادره اصبر

 

 

وهذا جزء من البارت وبكمله اليوم لعيوونكم..


لين:دقيقه انت يالمغروور..من شايف نفسك؟؟
لين:يوووه طلع انا اوريه من شايف نفسه؟؟اردها لك يافصيييل..

صقر:خالد طيب شنو بتسوي؟
خالد: ولاشي..
صقر:كيف ولاشي.. البنت ماتحبك ..افهم..
خالد:طيب شسوي يعني..اروح اضربها..
صقر:اجل تجلس مكتف الايدين؟؟
خالد:اتمنى ياصقر ان حبي لها يكون فترة مراهقه وبس ..اخااف يظل حبها لاخر يوم بحيااتي..
صقر:اسكت بس اسكت بتسوي لي فيها عنتر وعبله..
خالد اكتفى بنظرة غضب وجهها لصقر..

لمى وهي توها داخله مسن ولفت انتباهها نك نيم لين اللي يقول:مابقى بقلبي سوى خمسة حروف:ا ك ر هـ ك

قمر14:
لينوووووو شساالفه من ذا اللي تكرهينه؟؟
مابقى بقلبي سوى خمسة حروف:ا ك ر هـ ك:
مااايخصك..
قمر14:
لين شفييك؟؟لايكون تقصدين خالد ولد عمك الحبيب المتيم ههههههههههههههههههههههههههههههههههههه
مابقى بقلبي سوى خمسة حروف:ا ك ر هـ ك:
بايخه
قمر14:باايخه طيب يلا اجل باي.

لمى حست ان لين فيها شي..معقولة تقصد فيصل؟؟لا لا كيف وصلت له؟؟
ياربي يالين وين بتودينا مع حبك لفيصل..


حمد:هلااا بو الشبااب..
فيصل:هلا بك..
حمد:ويينك ياخي من وحده وحنا ننتظرك..
فيصل:مابجي الديوانيه اليووم..
حمد:لا والله لي3ساعات انتظر وبعدها تقول مابجي..
فيصل:ماحد قالك ماتكلمني قبل وتسالني..
حمد:شكلم؟؟انت كل يووم هنااك شجاك اليوم؟؟
فيصل:ولا شي بس احس اني متوتر..
حمد:خخخخ وانا اظن ان عندك سالفه..
فيصل:حموود انا ابي انااام تعباان..
حمد:اووه يعني مابتجي اليوم بيتنا؟؟
فيصل وهو يقول بخاطره مالي عين اشوفها:لااا وش يجيبني..
((فيييييصل غرررريب يقهررر مو راضي يحدد مشااعره الحين يكرهها ليه اجل مايبي يشووفها..من جد قاااااااااااهرني))
حمد:اوووه عسى مو بيتنا جايب لك جو التوتر..
فيصل:لا شدعوى..
حمد:اذا كان عاللي بتجننك بالتطلطل فانها راحت بيتهم..
فيصل يقول بخاطره عارف انها راحت:جد راحت؟عسى مو انت اللي طردتها؟؟خخخ
حمد:لا شدعووى بس بيت جدها عندهم عزيمة اليوم..
فيصل:اهااا طيب يلا تررااني نمت عالجواال ولاتقول كلمه وحده باايو..

حمد مستغرب من تصرف فيصل..ياربي فيصل اول مرة يعملها شنو الشي اللي خلاه يعمل كذاا؟؟اكيد شي مو هين..يله خبر اليوم بفلووس بكرة ببلااش..

عزيز:منوور حبي انا جايك يلا تجهزي..
مناير:اووك..
ام نورة:من تكلمين بنص اللياالي..
مناير:امي أي ليالي الحين الفجر..
ام نورة:طيب واذا الفجر ..
مناير:امي هذا عزيز رجع من الديوانبيه وبيمرني..
ام نورة:اهاا طيب انا بروح انام قبل ماتطلعين قومي اختك لين علشان تصلي..
مناير:اوك..

عزيز دق على جوال مناير بعد ماصعدت الام فووق..
مناير:حبيبي ادخل الصاله ماكو حد..
عزيز:اووك..
منااير وهي تفتح الباب:هلا وغلا..
عزيز:تعالي ليه خليتيني انزل دام مافي حد قومي نروح بيتنا..
مناير:امي قالت لي اصحي لين خفت اعطلك فقلت اخليك تدخل..
عزيز:اوك رووحي صحيهاا..
مناير:تبي الفكه مني؟؟
عزيز:لا ابيك بسررعه تروحين علشان نروح بيتنااا وانفرد فيك..
مناير:هييه هييه اصصصصصصصصص لاتنسى عمررك انت ببيت اهلي..
عزيز:ههههههه اوك يلا روحي..
مناير:طيب..

دخلت مناير الغرفه وشافت منظر عمرها ماشافته بحيااتها..لين جالسه عالارض بالبلكوونة وتبكي بس بدوون صووت..
مناير بخوف:لين شفيك حبيبتي تبكين؟؟
لين:......................................
مناير:لين وقفتي قلبي تكلمي..
لين:.....................................
مناير:دقايق بس رايحه لعزيز وراجعه لك..

مناير:عزيز انا بنام بيت اهلي اليوم..
عزيز:لييييييييييييييييييييييييييييه؟؟
مناير:اختي لين تعبت وبتم معها مابي اصحي امي..
عزيز:اووه طيب الله يشاافيها..
مناير:اووك اجل انا بصعد لها..
عزيز:وانا وش يجلسني؟؟يلا باي..

طبعا فيصل مانام ولاشي بس من بعد المحادثه وهوا طوال الوقت ساكت ويفكر قطع على تفكيره جواله وهوا يرن..
فيصل رد من غير مايشوف المتصل:نعم؟؟
فارس:هلاا توقعتك مو نايم..وطلع توقعي صح..
فيصل:هلا فارس..
فارس:كلمتها عالمسن؟؟
فيصل:أي
فارس:وهذا سبب عدم جيتك للديوانيه؟؟
فيصل:وانت وش دراك عن الديوانيه؟؟
فارس:ابد حمد كلمني يسالني عنك..
فيصل وهوا معصب على حمد:وش قلت له.؟؟؟؟؟؟؟؟؟
فارس:قلت ابد مافيه شي بس تعبان من زمان مانام..
فيصل:أي تعجبني..
فارس:بس انت عارف وانا عارف ان مو هذا السبب الحقيقي..
فيصل:...........................................
فارس:ممكن اعرف السبب..
فيصل:والله مادري يافارس احس اني مخنوق..
فارس:طيب بسالك سؤال لكن بالله تجاوب..
فيصل:قوول..
فارس:الخنقه حسيت فيها بعد المحادثه؟؟
فيصل:أي
فارس:ليه طيب؟؟؟
فيصل:ماادري كسرت خاطري حسيت شعورها هاللحظة تجااهي شصاار ماادري ليتني احبها ..
فارس:لهالدرجه هي تحبك؟؟
فيصل:تدري شنو نك نيمها؟؟
فارس:شنووو
فيصل:مابقى بقلبي سوى اربع حروف:ف ي ص ل ..
فارس وهوا يقاطعه:ايا عليها والله كسرت خااطري..
فيصل:حسيت اني أذيتها بذيك اللحظة..
فارس:شفقت عليها؟؟
فيصل:اكييد ودي اعرف كيف نفسيتها الحين احسها متضايقه للي صار..
فارس:الله يسهل..
الساعه7الصباح..
مناير:لين ليا ساعتين مقابلتك ومانطقتي ولابكلمه..
لين:.............................................
مناير:ساعه وبيصحى بعدها ابوي واذا ماقلتي والله بقووله انك تبكين وبقوول لخواتي بعد..
مناير سكتت ماسمعت صوت الباب وهوا ينفتح..
فطووم:منوور نايمه هنا؟؟
مناير تقول بخاطرها أي نوم مقابله اختك:أي نمت هنااا..
فطووم:بس سريرك على ماهو عليه..
مناير:نمت بغرفة ليوون..
فطووم:ليووون شفيك؟؟؟
مناير:ابد متهاوشه مع وحده من رفيقاتها..
فطوم:مع وحده من رفيقاتها أي طيب صدقت..
مناير بعصبيه:كيفك لاتصدقين..
فطوم حست ان الوضع بدا يتكهرب :اوك انا طالعه..

ام نورة:شتسوين بغرفه اختك؟؟
فطوم:ابد اسولف مع منور ولين..
ام نورة باستغراب:مناير ماراحت؟؟
فطوم :لا..امي ترى نورة كلمت على جوالي وقالت حسبوها بالغدا هيا جايه..
ام نورة:زين قلتي لي ..

لين:مناير روحي نامي مو زين لك..
مناير:اجل زين لك انتي؟؟
لين:انا مو حاااااااااااامل..
مناير:واللي يسلمك قولي شفيك..
لين قامت من مكانها واخذت روبها وتوجهت للحمام:مافيني شي يلا انا بتروش وبروح اناام اطلللللعي من الغرفه..
مناير بتعجب:ماامدااك توك تبكين ..طيب يلا بطللع يممه منك..
لين تقول بخاطرها أي ماامداني بس اللي بقلبي خلاص محيته تحسفت على كل دمعه نزلت من عيني علشاانه ..والله مايستاهل ربع دمعه..اكرهك اكرهك يافيصل بمعنى الكلمه..

الساعه 1ظهرا:
نورة:منور وصلتي أي شهر؟؟
مناير:خلصت الخامس ودخلت السادس ..
نورة:أي يلا الله يسهل عليك..
بونورة:الا لين وينها عنكم..
نورة:نايمه ..
بونورة:روحوا صحوها..
رغد نطت مثل الجني..
رغد:اروح اصحيها جدي..
بو نورة:أي عفيه على بنيتي..
مناير:ابوي انا سهرانه امس مع لين ولانمنا الا وجه الصبح..
بونورة:قولي كذا من زمان..
فطوم:ابووي..
بونورة:نعم؟؟
فطوم:متى رايحين للرياض؟؟
بونورة:ماقالت لك امك؟؟على بكرة ماشين..
فطوم:من جد؟؟؟زييييييييييين
بونورة:اجل اكذب عليك انتي ووجهك..


فيصل اللي ماعمل حسابه بهالشي ان حمد يعرف باسوورد ايميله وهو عمل حظر للين ماحذفها..
حمد وهو عالمسن..
حمد:اووووه شهالزهق يالله ولاحد عندي بالمسن شدعووى ماحد يدخل..
لمى وهي مو جنبه:ههههههههههههههههههههههههههههههههه
حمد:انتظري ادخل ايميل فيصل وشووفي كم اون لاين عنده..
لمى:يعني مغتر بفيصل انت ويا خشتك..
حمد:حطيت الباسوورد هذا هو جالس يفتح..
لمى:.............................................
حمد:اووه ماحد عنده الاااا هذا واحد بس هو عامل له بلووك..اشيل البلوك؟؟
لمى:حمد لا مالك حق هذا ايميله..
حمد:روحي بس ابي اسولف زهق..
وهوا يشيل البلووك...
حمد:تصدقين عليه نك ...شكله يكره..
لمى:منووو؟
حمد:هذا اللي عليه بلوك..
لمى:شنو نكه؟؟
حمد:مابقى بقلبي سوى خمسة حروف:اك ر هـ ك
لمى استرجعت امس يوم دخلت وسالت لين عن منو النك؟؟معقوله عن فيصل؟؟طيب كيف جابت الايميل..اووه اخاف يدري حمد حمد لو يشوف الايميل بيعرفها..الله يستر..خل اقووم اطلع بس..
لمى:حموود جاني نوم بااي..
حمد:احلام تعيسه يارب..
رمت لمى المخده على حمد وطلعت..

لمى راحت طيران لغرفتها وكسرت جوال لين لكنها ماردت لان جوال لين كان تحت..لمى تبي تبلغ لين باي طريقه انه حمد..فقالت اشبك..وابلغها..

نجي للين..
لين استغربت يوم شافته دخل عندها معقووله ماحذفها ..
مابقى بقلبي سوى خمسة حروف :ا ك ر هـ ك:
شوف لاتظني ميته عليك انت ويا وجهك اساسا انت من حلاتك انا غبيه يوم حبيتك
كفاني فخر اني هلالي:
نععععععععععععععععععععم؟؟
حمد يقول بنفسه شكلها بنت خل اشوف الايميل..حمد لما شافه عصصصصصب..
وطلع من النت وراح لغرفه لمى..

لمى كانت توها داخله مسن..
قمر14:
لينوو لاتتكلمين معه تراه حمد اخووي
مابقى بقلبي سوى خمسة حروف :ا ك ر هـ ك:
منووو
قمر14:انتي عارفه ميين اقوولك حمد جاا غرفتي الله يستر بايوو

حمد وهوا معصب:بروح انام ياحمد مخليه نفسك بريئة..
لمى:شتقصد؟؟مافهمت..
حمد:كيف جابت ايميله؟؟
لمى:ماادري..
حمد:كيف ماتدرين .؟؟
لمى:يووه لاتعصب وربي ماادري..مادريت الا لما كنت جنبك وشفت النك..
حمد:ااااه يعني صديقتك اللي انتي ميته عليها خانتك سوت شي بغير علمك..
لمى:شنو شنو شنو؟؟
حمد:انا لو خويي يعمل اللي عملته لين كان انا بطريق وهو بطريق ..
طلع حمد من الغرفه بعد ماشيش لمى على لين وسوى اللي بباله..
لمى:حمد صاادق ليه ماقالت لين؟؟احسن تستاهل اللي جااهاا..

لين نزلت تحت وجابت جوالها وشافت5مكالمات من لمى
لين وهيا تتصل على لمى..
لمى:والله ماارد عليها..
لين:اووه شفيها ماترد..
لمى:برسل لها مسج..
انتظرت لين دقايق بعدها جا مسج وقالت اكيد من لموو..بس لما شافت المسج اللي يقوول:شوفي من اليوم انا بطريق وانتي بطريق..

لين:يوووووه شفيها؟؟؟اكيد حمد مشيشهاا((لين متعوده على حركات حمد))


حمد وهو معصب:الوو فيصلووه..
فيصل:هلا هلا شفيك متكهرب..
حمد:ليه ضايف لين؟؟
فيصل:انا؟؟انا مااضفتها هيا اللي اضافتني..
حمد:متاكد؟
فصل:افا يابو الشبااب..
حمد:طيب يلا بايي..

الززززفت فيصل قط كل شي بوجه لين الله يعينك يالين..


اليوم اللي بعده((الخميس))

ام نورة:لين رتبتي اغراضك؟؟
لين:وااااااااي؟؟
ام نورة:بعد شوي بنحرك الرياض وبنزلك بيت خالك..
لين تذكرت المسج اللي ارسلته لمى:امي انا بروح اليوم بيت جدتي وعلى بكرة بروح للين..
ام نورة:على راحتك بس روحي قبل مانروح وخذي كل اغراضك البيت بنقفله..
لين:امييييييي لااا ابي المفتاح..
ام نورة:شوفي بعطيك اياه بس لاتخبري ابوك ترى اروح فيها..
لين:اووك تعجبني ام الشبااب((وغمزت لامها))


لين وهيا ببيت جدتها وتوها صاحيه من النوم ..ومو عارفه ان خالد نايم هنااك ..
لين:جدتي مابقى ليا غدا؟؟
الجدة:الاا روحي للخدامه خل تنشب لج..
لين:اووك جدتوو..

لين وهيا داخله المطبخ:ناسميرا ناسميرا..
خالد:هلا وغلا..


انتهى البارت الثااالث...

شنو بيصير للين مع خالد؟؟؟
وشسالفه فيصل؟؟يحب لين ولايكرها؟؟
حمد شناوي عليه؟؟
شآخرة الزعل اللي بين لمى ولين؟؟

..


اختكم-**(اتعبتني جروحي )**

 

 

لين وهيا داخله المطبخ:ناسميرا ناسميرا..
خالد:هلا وغلا
لين باستغراب:انت هنا؟؟
خالد بابتسامه عفوية:تبيني اروح بيتنا اروح عادي..
لين:لا اساسا مايهمني وجودك وعدمه..
خالد:عارف ..على فكرة ناسميرا طالعه راحت تشتري اغراض للبيت..تبين انادي لك خدامتنا؟؟
لين:لا شكرا خلاص غيرت رايي بطلب لي من المطعم..
خالد:اروح اجيب لك؟
لين:لا شكرا السواق موجود..
خالد:طيب على راحتك..


طلع خالد من الطبخ وراح للصاله..
الجدة:حياا الله من جانا..اسفرت وانورت ((معزة خالد بقلب الجدة نفس معزة لين..))
خالد:مشكورة يمه تسلمين((خالد يسمي جدته يمه..اووه نسيت اقوولكم ام خالد متوفيه وابوه متزوج وحده ماتشتهيه علشان كذا هوا اغلب الوقت ببيت جدته..))
الجدة:تغديت يمه؟؟
خالد:لا الخدامه مو موجوده بروح اجيب لي من المطعم ..
واول ماخلص كلامه الا لين نازلة بعبايتها..
الجدة:على وين لين؟؟
لين:يووه جدتي نسيت اقولك ماشفت الخدامه عاد قلت بروح اجيب ليا اكل مع السوااق..
الجدة التفتت على خالد:خالد يمه رح بنت عمك..
لين ماقدرت تقول شي اكتفت بنظرة غضب قووية وجهتها لخالد..
خالد:من عيوني يمه..

ام حمد:لمى ترى حجزنا لنا شاليهين..
لمى:شاليهين؟؟؟ليه حنا رايحين للبحر؟؟
ام حمد:أي يمه..
لمى:وليه الشاليهين؟؟
ام حمد:لاني طلبت بنت عمتك لين معنا وابيكم تاخذون راحتكم وتكونون بغرفه وحده..
لمى تذكرت الموقف اللي صار مع لين:اهاا..اوك الله يسهل..

خالد وهوا بالسيارة:لين أي مطعم حابه تروحين؟؟
لين:كيفك..
خالد:انا اللي باكل ولا انتي؟؟
لين:عارف مشتهيه ابل بيز..
خالد:بس حلاة ابل بيز انك تاكلي بالمطعم مو بالبيت..
لين:طيب واذا وش المانع؟؟
خالد بفرحه:قاسم رووح ابل بيز شارع الكورنيش..

لمى وهيا تكلم نفسها وتقوول:لازم اراضي لين..معقولة بتك معها كذا؟؟هي ماغلطت ومعها حق انها تكتم اللي يصير هذا حب حياتها..
لمى قررت انها تشتري بوكيت ورد وترسله لبيت جدة لين..

فيصل:فروووس غير المطعم يااخي كله بناات..
فارس وهوا يغمز لفيصل:بالعكس هذا حلاته..
فيصل لا شعوريا:والله احسها خياانه..
فارس وهوا مستغرب:خيانه؟؟فيصل انت تحب؟؟
فيصل:اقصد خيانه تجاه الوطن ياذكي..
فارس:لسا مافهمت فهمني..
فيصل:يعني حنا كلنا وطن واحد يعني البنات خواتي والاولاد اخواني..وانت ترضى حد يغازل خواتك؟؟
فارس:أي طيب المهم وصلنا يلا انزل..

الصاعقه كانت ان مطعم ابل بيز كان جامع لين بخالد وفيصل وفارس..

لين:يوووه..خالد مابي طاولة معزولة..
خالد:كيف معزولة ؟؟
لين:يعني لها حواجز..
خالد:عسى نحصل طاولة شووفي الزحمه انتي..
لين:اذا ماحصلنا نروح لجهة الافراد عاادي ايزي..
خالد:طيب..

فارس:فصوول شووف البنت اللي معطتك ظهرها..
فيصل:شسوي يعني؟؟
فارس:ياغبي حنا بالافراد شمجيبها هنا؟؟
فيصل:معها حد؟؟
فارس:أي بس اكيد مو خويها..
فيصل:اول مرة تظن ظن حسن باحد..
فارس:لو كان خويها معقولة بتجلس معه بقسم الافراد وبامكانها تجلس معه بقسم العائلات لا وفي حوااجز كمان..
فيصل:من جد غريبه..
فارس:اكييد عندهم زحمه فوق ولا كان ماخلووها تجلس هنا..
فيصل:ماعلينا منها..وش تبي تطلب؟؟
فارس:اللي تبيه انت..

خالد بابتسامه:لين
لين:هلا
خالد:بليز مانبي نتاخر علشان امي ماتهاوش..
لين لا شعوريا :من عيوني..
خالد بتعجب:شنووو؟
لين:لا ولاشي..
خالد:تصدقي اللي يشوفنا يقول اخواان مع بعض..
لين:وشمعنى اخوان؟؟
خالد:لو بكون واحد متعرفه عليه بنلتقي هنا اكييد نووو..
لين:اهااا..
خالد:انا بنادي القرسون علشان ياخذ الطلبات وش تبغي؟؟
لين:برجر ابل بيز..
خالد:اووك..

تعشوا وخلصوا وللحين لين ماحست بوجود فيصل وكذلك فيصل ماحس بوجودها..

فيصل:شبعت..
فارس:حشاااااا ماامدى..
فيصل:الحمد لله اقوول بروح اغسل ايدي..

قام فيصل لدورة المياه لين كانت رافعه عيونها مر قدامها فيصل وشالت من بالها انه يكون فيصل قالت بخاطرها يالله نفس تفاصيل جسم فيصل كانه هو..

فيصل شاف خالد بدورة المياه وكونه يعرفه..
خالد:هلا فيصل شخبارك؟؟
فيصل:تماام..وانت شالعلووم؟؟؟
خالد:مااشي الحال..
فيصل:حيااك معنا..
خالد:مشكوور تسلم
فيصل كان ناوي يلزم على خالد بس لما تذكر كلام حمد ان لين تحب خالد اكتفى بابتسامه بوجهه وطلع..
لكن لما طلع من دورة المياه وهوا جالس يمشي طاحت عينه بعين لين..
لين خزته ولفت عينها الجهة الثانيه..اما فيصل فناظرها نظرة شفقه ..

فارس:واخييرا جيت شتسوي هناك؟؟
فيصل:شسوي يااخي زحمه..
فارس:فصول شفيك متلخبص؟؟
فيصل:سلامتك..
فارس:اقوول انا اعرفك..
فيصل:تذكر البنت اللي قلت عنها انها جالسه وراي؟؟
فارس باستغراب:ايووا شفيها؟؟
فيصل:هذي لين بنت خالتي..
فارس:لييييييييييييييييييييين؟؟؟؟؟؟؟؟
فيصل:قصر حسك لاتسمعك..
فارس:مع من جايه؟؟؟
فيصل:ماادري والله ..دقييقه اهلها راحوا الرياض وهيا تمت ببيت جدتها وانا شفت خالد بدورة الميااه اكيد جايه معه..
فارس:تصدق انها قمر تطيح الطير من السماا..
فيصل بعصبيه:اقوول استح على وجهك..
فارس:طيب لاتعصب..

خالد وهوا بالسيارة:لين..
لين:هلا..
خالد:تصدقين شفت فيصل ولد خالتك..
لين:اهاا..اي خالد نسيت اقوولك مشكور لانك طلعت معايا..
خالد:لا عاادي حنا عيال عم باي وقت تبين تطلعين انا موجود..

لمى:ياجده الظاهر لين ببتاخر المهم انا لازم اطلع جعفر برا..
الجدة:وييه تو الناس خلي جعفر يروح..
لمى:مرة ثاانيه ياجده..
الجدة:يلا بنيتي انتبهي على نفسج..لا اوصيج..
لمى: ان شاا الله..

فطوم وجوالها يرن:الو..
محمد:هلا وغلا..
فطوم بحياا:هلا فيك..
محمد:مشغولة؟؟
فطوم:لا حبيبي بس ..
محمد قاطعها:جالسه تجهزين لزواجنا صح؟؟
فطوم:اكيد..
محمد:طيب مااطول عليك متى مافضيتي اتصلي..
فطوم:تصبح على خير..
محمد:وانت من اهله..
((محمد خطيب فطووم..وهوا يحبها من زماااااااااان ))

لين وهيا داخله البيت:السلام عليكم..
الجدة:وعليكم السلام..سمه لين ترى لمى بنت خالك جت هنا وراحت غرفتك وطلعت من البيت..
لين باستغراب:من زمان؟؟
الجدة:يعني لها ربع ساعه من طلعت..
لين:اوك جدتي انا رايحه لغرفتي..
الجدة وهيا لافه وجهها على خالد وكلا على بالها ان لين صعدت ووصلت غرفتها:يمه ماعليك من ابوك ومرته..
خالد فجأه دمعت عينه:ااه وين رحتي يايمه وخليتيني..
الجدة:لاتقطع قلبي عليك زياده..
خالد:................................
الجدة:خالد يمه لين ماسالتني عن سبب رقدتك هنا بس لو تسالني بقولها ان اهلك مسافرين..
خالد:اللي قاهرني يايمه ان ابوي مايرفض لها طلب..
الجدة:اخرته بيعرف انه غلط وانك ولد حشاشه جوفه..وبكره..((البكر:اول مولود))..
لين ظلت بالصاله اللي فوق وسمعت اللي صار..وهيا تقول بخاطرها ..ياربي خالد شسالفته مع عمي وحرمته؟؟اياا عليك ياخالد متحمل كل ذا ومن غير ماحد يدري..معقولة في انسان كذا؟؟وانا اللي اذيته كثير..مو كفايه انه متأذي من عمي وحرمته..لازم اغير اسلوبي مع خالد

--------------------------------------------------------------------------------

لين ظلت بالصاله اللي فوق وسمعت اللي صار..وهيا تقول بخاطرها ..ياربي خالد شسالفته مع عمي وحرمته؟؟اياا عليك ياخالد متحمل كل ذا ومن غير ماحد يدري..معقولة في انسان كذا؟؟وانا اللي اذيته كثير..مو كفايه انه متأذي من عمي وحرمته..لازم اغير اسلوبي مع خالد..
قطع حبل افكار لين لما دخلت للغرفه وشافت بوكيت ورد على السرير..
قربت من السرير:وشافت بطاقه مكتوب عليها بالانجليش
SORY…LEEN
LAMA..

لين:بعد قلبي يالمى ماتقدري على زعلي..
لين وهيا تتصل على لمى:هلا وغلا..حيا الله هالصوت..
لمى:من جد سووري ليوونة بس انتي عارفه حمد حشى راسي بهالافكاار..
لين:لا عاادي متعوده عليكم خخخخخخخخخخخ
لمى:شسالفتك مع فيصل؟؟
لين:لمووي مابطول عليك بهالسالفه وبختصرها لك بكم من كلمه..كل شي انتهى حبي له اكتشفت انه اضحووكة كنت اضحك بها على نفسي..
لمى:اللللللللللله المسن سوى فيك كل ذا؟؟
لين:وش تبغي بحد مايبغاك؟؟
لمى:اهااا..

حمد قطع على لمى المكالمه فاضطرت انها تنهيها :فطوم بعدين اكلمك..
لين فهمت ان حمد جاا جنبها:اوك تشااو
حمد:منو تكلمين؟؟
لمى:رفيقتي فطووم..
حمد:ظنييت..
لمى:حمد لازم علاقتنا ترجع لبعض ..
حمد:أي علاقه؟؟
لمى:انا مع لين..
حمد:ليه انتوا متهاوشين؟؟
لمى:يااي يالبريء يعني انت ماتدري..
حمد:انتي قلتي لي انك متهاوشة مع لين؟
لمى:نوو
حمد:كيف بعرف اجل.؟
لمى:المهم انا براضيها وبيرجع كل شي..
حمد:ترى والله العظيم ان رجعتي لها بتشوف شي عمرها ماحلمت فيه..
لمى:وهيا شنو ذنبها؟؟
حمد:شنو ذنبها؟؟طيب رجعي علاقتك معها بس تشووفين وش يصير..

حمد عارف ان خالد ولد عم لين يموت بلين ويعرف ان لين ماتشتهيه وفووق ذا كله تطنشه وماتعطيه وجه..
خذ حمد جواله وارسل مسج..

خالد كان جالس بالبلكونة مع لين..
لين:كمل ..
خالد:اقوولك انا احب الدراسة كثيير..
لين:يوووووه بعكسي..
خالد:لين متى راجعين اهلك من الرياض؟؟
لين:بعد اسبووع لكن انا بكرة رايحه لبيت خالي..
خالد بحزن:وبتمي الى رجعتهم هناك؟؟
لين:ايووا..
خالد:..............
لين:فيك شي؟؟
خالد فرح من تغير اسلوب لين معه وتخيل ان لين حبته :يهمك؟؟
لين:شنوو اللي يهمني؟؟
خالد:يهمك يكون فيني شي ولا لأ؟؟
لين:اكيد..
خالد:ليه يهمك طيب؟؟
لين: اذا كنت متضايق فاكيد مني لانك طوال اليوم معي..وانا مااحب حد يضايق مني..
خالد:حاشااك..
لين:يعني مو مني؟؟
خالد هز راسه بعلامه النفي واكتفى بابتسامه وجهها للين..
خالد حس بفرحه عمره ماحسها بحيااته اللي يشوف لين قدامه الحين يقول هذي مو لين اللي كانت تطنش خالد..
قطع جوهم الحلو الخدامه..
ناسميرا:خالد جوال انت في رني..
خالد:جبتيه..
ناسميرا:هزا جوال انت..
خالد:ثاانكيو..

لين جلست تناظر خالد وعرفت منه ان اللي جايه مسج..ووعدها انه يقرا لها المسج اذا كان حلوو..لين وهيا تراقب حركات وجه خالد..
خالد فجأة كشر وعصب وناظرها من طرف عين ودمعت عينه وقام من الكرسي اللي طيحه على الارض وراح غرفته..
لين استغربت من تصرفه..ياربي انا شسويت له؟؟

خالد بغرفته وعينه غرقانه دمووع..قطع عليه الحفله اللي عاملها بنفسه صووت البااب..
خالد:تفضل..
لين:خالد...
خالد لما شاف ان اللي دخل لين لف وجهه الجهة الثانية..
لين:ممكن اعرف شنو فيك؟؟
خالد:شووفي انا مو محتاج شفقه منك ... وانا تعودت على حركاتك فرجااء شيلي هالقناع اللي بوجهك..
لين انصعقت من كلام خالد وطلعت من الغرفه اللي خلت بابها مفتووح..
لاتلومون خالد على اللي سوواه حمد ماقصر ارسله مسج وقال فيه:اقوول خالد لاتستانس ترا لين كانت تحب فيصل ولما شافته ماعطاها وجه جااتك يعني هي تمووت بفيصل وانت كسرت خااطرها اساسا فيصل هو اللي قالها تعطيك وجه..ههههههه يالبزر .. لين لو الود ودها ماجات بيت جدتك بس انت كسرت خاطرها وقالت خل اعتبره مثل اخوي ..اسمح لي خالد انت مانت محتاج لشفقتها..

اما لين فهي عارفه مشاعر خالد الحساسه والمرهفة وعارفه ان خالد ماسوى كذا الا بسبب وتيقنت بان السر موجود بالمسج..لكن كيف توصله؟؟

لين:هلا ابووي..
بو نورة:زين تذكرتي ان عندك اب..
لين:ههههه شدعوى..
بونورة:ضحكتي من سرك بلاا..
لين:..................
بونورة:جدتك تقول ماشبعت منك تمي عندها يوم زيااده..
لين:يووم واحد بس..
بونورة:اكيد يوم واحد بس لان اليوم اللي بعده بتروحي الشاليهات..
لين:اناا؟؟
بونورة:أي مع خالك وخالتك ولاماقالت لك امك؟؟
لين:لا ماقالت..
بونورة:وهذا انتي عرفتي..
لين:اووك ابوي سلم عليهم كلللهم يلا بااي..

لين وهيا تتصل على لمى:لمووو
لمى:هلااا..
لين:بتروحون الشاليهات؟؟
لمى:بالله مو عارفه؟؟
لين:لا والله تو ابوي يقولي ان خالك وخالتك رايحين..
لمىعمتي كمان رايحة؟؟
لين:هذا اللي فهمته من كلام ابوي..
لمى:اهاااا..بيبني وبينك احسن علشان افتك من حموود هنااك..
لين:خخخخخخخخخ ناوية توسعين صدرك..
لمى:اكييد..


مناير:هلا فطووم..
فطوم:هلا فيك
مناير:شخبار التجهيز؟؟
فطووم:مااشي الحال..شخبار نورة؟؟
مناير..هذا هي جنبي تبي تكلمك..
نورة:هلا وغلا بعروستنا
فطوم:هو هو هو ماامدى تووني لسا ماملكت..
نورة:ههههههههههه بس بتملكين المهم شخباركم؟؟
فطووم:تماام..وين لينوو؟؟
نورة:تبينها ضرووري؟؟
فطوم:لا بس سؤاال..
نورة:لانها ببيت جدتي وماقلت لها اني بروح بيت منوور..
فطووم:اهااا..

لين وهيا منسدحه عالسرير وتفكر بطريقه تدخل فيها لغرفة خالد وهوا مايحس..
لين جات ببالها فكرة لكنها ناظرت الساعه وشافتها11ونص..:يووه اكيد جدتي نامت..برووح اشوف يمكن صااحيه..

لين راحت لغرفه جدتها ..
لين بخووف:جدتي نمتي؟؟
الجدة:لا يمه بغيتي شي؟؟
لين وهيا تمثل البكااء:جدتي شفت حد داخل بيتنا خاايفه واللي يسلمك خلي خالد يروح يشوف..
الجدة:هو هو بيت بو نورة..الحين اروح لخالد..

الجدة:خالد يمه بسرعه رح مع قاسم وادخل بيت عمك هذا مفتااحهم شف في هناك حد..
خالد باستغراب:طيب
الجدة:بسررعه..
خالد:يمه بس بروح اخذ جوالي فووق..
الجدة:الجوال ماهو بطاير بسررعه رح..

وطلع خالد من البيت لين طاارت لغرفه خالد وشافت المسج ودمعت عينها..تقوول بخااطرها لازم اشووف حل ..قطع عليها حبل افكارها وهيا تتخيل ان خالد يدخل غرفته ويشوفها فبسرررعه طلعت..
سمعت صوت خالد وهوا يطمئن جدته بان البيت باماان فدخلت الجده غرفتها اللي هيا تحت..
لين لقت لها حل وخلت نفسها تكلم بالصاله وهيا تمثل وطبعا كانت معطيه الدرج ظهرها..
لين تكلمت لما سمعت خطوات خالد قربا:لمى ماادري شسوي..خالد يقول اني انا اشفق عليه والله ظالمني بس انا عارفه انها حركة من فيصؤلووه علشان يخليني احبه ..بس بجد خالد مرة معصب علي وماابي اطلع من بيت جدتي وهوا معصب..((طبعا لين ماكانت تكلم ولاشي كانت حاطه الجوال على اذنها))
خالد ارتاح بعد ماسمع كلام لين ..وطلع صوت وقال:هلا..
لين:لمو اكلمك بعدين ..باي..
لين:هلا فيك..
خالد:من جد انتي خواافه بزياده..بيتكم مافيه الا العافية..
لين:زيين..
خالد وهوا ماشي لغرفته وتذكر حركته وصرخته على لين:لين انا اسف ماكنت اقصد بس كانت ضغوط نفسيه..
لين ابتسمت بوجهه وقالت:من غير ماتعلل انا مسامحتك..
خالد:اوك تامريني على شي يابنت العم؟؟
لين:سلامتك..
خالد:احلام سعيده..
لين:لك كمان..
انتهى البارت الراابع..


شنو بيصير باللقااء الاخير اللي بين لين وخالد ببيت جدتها؟؟
شنوو حركات لين اللي بتعملها بالشاليهاات علشان تقهر فيصل؟؟
لمى بيصير لها موقف بالشاليهات بيقلب حياتها وكيانها180درجه شنو الموقف؟؟

كل هذا واكثر نعرفه بالبارت الخامس..

ولاتخلون من تعليقااتكم الحلوة وردوودكم

 

 

اهلين
يلا كملها
ترى زهقنا