الله ياني طقيته طق ... غسلت شراعه غسل ... مردغته ت

<div align="center"></div>السلا111م عليكم ورحمة الله وبركاته..
.
.
تحيآ مبخره بل الورد ودهن العود والعنبر .. ازفها لكم ..!!
.
اليوم يا جماعه جايب لكم موضوع بس يختلف اشوى عن مواضيعى الى طرحتها
موضوع عام وطرحتها لكم ابى رايكم والموضوع للحوار وفى نفس الوقت
حبيت اطرح هذا الموضوع من انتاجي وابى رايكم فيه فى النهايه بس ..!!
مش هذا موضوعى الاساسي وحبيت انه اللغه تكون محليه يعنى عاديه انتو اخونى واخوتى وما فى داعى للرسميات .. اختى العزيز واختى العزيزه وما ادرى شنو المهم نرجع
الى محور حديثنا
<< هذا المقدمه والله يعينكم على الموضوع ...!!
اليوم وانا جالس فى الدايوانية البيت مش دايوانيه الشيوخ الى بل المنتدي لاه ..!!
هذى فى بيتنا ودايما احيانا شباب الفريج يقعدون وياى
وانا اتابع الاخبار والبرامج ..و ...الخ
وانا جالس واله داش على واحد من الشباب وكشر بعمره ومتفيخر
ومعرق وجنه صاحبنا مسوى شي ...!!
جلس وبعد ما انتهينا من سوالف الترحيب
دار بينى وبينه موضوع قديم
انا : ها شو سويت بموضوع صاحبنا ..!!
هو : اسكت ما تشوف حالتى
انا : خير عسى ما شر شو سويت
هو : كفخته تكفيخ وخليته ينسى اسمه
انا : لا حول وزين عسى ما تعور
هو خله يتعور وانا مسئول عنه
انا : زين ما تخاف لو جاب لك ربعه او شي
هو: ومن ربعه تراهم كلهم ربعى ومحد يستانس يتنفس على ..
انا: لا حول يا مقوى عظامك بس ما تخاف يبلغ عليك الشرطه
هو: خله يبلغ والله يخلى الواسطه شو يعنى اذى بلغ انسجن
لاه والله اخلى هو ينسجن لا تنسى الواسطه قويه الله يخلى الاهل ..!!
انا: زين يمكن يرفع عليك قضيه ويشاكيبك عند القاضى لمه
ياخذون التحاليل انه مظروب ويغرموك او سجن
هو : أفا عليك بس ،،، ولا يقدر يسوي شي ،، لا يهمك هذا خيخة
أنا : زييييين ،،، ما تخاف تكون ظلمته وضربك له يكون ظلم ؟؟؟؟
قال : هو اللي بدا بالطق وخله يتحمل !!!
أنا : حتى اذا هو بدا ،،، شنو اللي يعفيك من حقه اذا طالبك فيه أمام الملك العلام ؟؟؟
وين بتروح من الله لا وقفك للقصاص ؟؟؟

وين بتنحاش ؟؟

وين واسطتك ؟؟

وين اهلك وين ربعك ؟؟

وين قوتك وبطشك ؟؟

سكت وطأطأ رأسه بلا جواب ...!!!

إخوتي الكرام ،،، اخواني الشباب الصغار

لا تغترون بقوتكم ولا بتجمعكم

لا تفترون على الناس ،،، لا تستضعفون البشر

لا تقولون هذا هندي طقته ببيزة !!

الله يقتص يوم القيامة من البهائم لبعضها ! فكيف البشر ؟؟؟

ان الامر جلل ،،،

ان الخطب عظيم ،،،

حقوق العباد ليست لعبة ..!!

حقوق العباد دين لا يضيع..!!

كونوا رحماء بالناس ،،، لا يستفزنكم السفهاء

تذكروا قدرة الله عليكم ،،، وتذكروا ان الله كما سلطكم على هذا فإنه قادر على

ان يسلط احدا عليكم ،،، وكما تدين تدان والجزاء من جنس العمل

*
**
*
*
*
*
ملاحظة ///

هذه قصة من خيالي ولم تحدث معي ،،، ولكنها مما يحدث عادة

وسلامتكم ...!!

 

 

اول شي حبيت اشكرك على طرحك لمواضيع من انتاجك انته وفي منتدانا وهاي شي يشرفنا,,,,

وتعليقي على الموضوع هو انك من خلال موضوعك حبيت تلخص لنا انه مهما الانسان كان عنده من سلطه وجاه ترى ربنا فوقنا كلنا,وهذا الشخص
الي كان كل ماتقوله شغله قالك انا عندي وعندي هو مادره انه ذاك الشخص لو ماعنده من الواسطات ومن الفلوس ومن السلطه ترى عنده شي اقوى
من هذا كله الي هو الله سبحانه وتعالى الي ينصر المظلوم على الظالم,,,,,,,

اتمنى من كل الناس انهم يفكرون شوي في الاعتدال ,لين متى انا بقول عندي وعندي ولين متى بشوف نفسي على الناس ولين ..الخ
ترى اخر شي اقرب الناس لك بخليك بروحك في محنتك لانه اغلب البشر الحين يفكر بنفسه وبس,,,,,,


في النهايه اشكرك على القصه القصيره الي كنت من خلالها تبي تطرح المشكله هذي بس باسلوب (العبره من القصه





تحياتي لك والى الامام سر,,,,,

 

 

مشكوووووووور على هذا الموضوع ويعطيك العافيه
الكبر لله ودوم ابنادم أصغير مهما تعلى مقامه يرجع الأصله
من طين ري خلقنا كيف نتكبر

والسموحه منكم

 

 

اقتباس: Originally posted by حيران دايم@Oct 11 2004, 04:20 AM اول شي حبيت اشكرك على طرحك لمواضيع من انتاجك انته وفي منتدانا وهاي شي يشرفنا,,,, وتعليقي على الموضوع هو انك من خلال موضوعك حبيت تلخص لنا انه مهما الانسان كان عنده من سلطه وجاه ترى ربنا فوقنا كلنا,وهذا الشخص الي كان كل ماتقوله شغله قالك انا عندي وعندي هو مادره انه ذاك الشخص لو ماعنده من الواسطات ومن الفلوس ومن السلطه ترى عنده شي اقوى من هذا كله الي هو الله سبحانه وتعالى الي ينصر المظلوم على الظالم,,,,,,, اتمنى من كل الناس انهم يفكرون شوي في الاعتدال ,لين متى انا بقول عندي وعندي ولين متى بشوف نفسي على الناس ولين ..الخ ترى اخر شي اقرب الناس لك بخليك بروحك في محنتك لانه اغلب البشر الحين يفكر بنفسه وبس,,,,,, في النهايه اشكرك على القصه القصيره الي كنت من خلالها تبي تطرح المشكله هذي بس باسلوب (العبره من القصه تحياتي لك والى الامام سر,,,,,

يعطيك العافيه اخوى حيران دائم فعلا كل كل الموضوع انه الانسان ما يكون جاحد او متسلط لى غيره الله خلقنا سواسيه ومحد احسن من احد وانا مستغرب من الناس البعض انهم اذى زادت عنده مسك لك الضعيف وهدده او انه يقوم ويهين الى اضعف منه مستواه وما يعلم انه هذا الانسان فى النهايه مقامه عالى ولو انه ربك ما عطاه نعمة المال لكن اهم شي الانسان كرامته وفعلا صدقنى هذى المواضيع تحصل مع الجميع ولكن فى ناس تستفيد كثير منها وفى ناس تاخذها على الهامش يعنى كا خلفيه وانا عن نفسى حبيت ولو بشكل بسيط انى او صل العبره للغيربو بشكل عادي اهم شي انه الانسان قدر الاستطاع انه يحس فى الناس الى عايشه فى الحرووب وكل يوم شهيد والحمد لله انه ربك اكرم علينا بنعمة الامان ولله الحمد بس من الى يستفيد يكون قد فاز فى المقام الجنه الفردوس ....!!

تسلم اخوى الغالى عن المرور ويعطيك العافيه والله لا يحرمنا من طلتك ....!!!

وتحياتى لك .........

 

 

يسلموووووووووووو على اموضوع قلب

 

 

تسلم على الموضووووووووووع

والله صج هذي الايام الكل يقووووووول عندي واسطه وانا وانا ويتكلم عن نفسه الي يقول هذا ماوراه حساب ولا عقااااااب

والي يتطنز على الناس ومايدري ان الناس هم تتكلم عليه

وانا مو كاسر خاطري الا الهنوووود علشان اهم هنود الناس كلهم طايحين فيهم زف وطق بس مثل ماقلتو كل ظالم وله يومه

سوووري على الاطاله

مع تحياتي