بسم الله الرحمن الرحيم
اكتب هذا الموضوع حرصاً مني وغيره على أخواتنا المسلمات وحرصاً عليهن من الوقوع في ما لا يحمد عقباه .
وإليكم الموضوع :
من هنا تسقط الفتاة
المرحة الابتدائية
هلا مريم كيف حالك
الحمد لله ، تصدق احمد أنا أول مرة أكلم شاب
والله يا مريم أنتِ لفتِ نظري من أول مرة
حتى أنت ، عشان كذا أنا وثقت فيك وعطيتك الرقم
أنا معجب فيك مريم
وأنا كمان ، بس خلينا نتفق من الآن أنه لا يمكن أعطيك صورة لي ولا أقابلك في مكان ولا أي شيء من هذه الحركات ، طيب
أفااااااا عليك يامريم ، أنا أخاف عليك مثل ما أخاف على أختي
.........................
المرحة الثانية
أقول مريم ودي أشوفك أرجوك
يا احمد ويش اتفاقنا ؟
بس والله ماني قادر أصبر عن شوفتك ارحميني
لا والله أخاف أسوي كذا
يعني منت بواثقة فيني ؟
لا والله مو قصدي لكن أخاف الصورة تضيع منك ولا شي ويشوفها أحد يعرفني
أوعدك أحافظ عليها مثل ما أحافظ على صورة أختي
طيب احمد ، لكن على شرط
اشرطي يا حياتي اللي تبغين
ما تطلب مني بعدها شيء ثاني
حاضر أوعدك
.......................
المرحة المتقدمة
أنا ما شفت أجمل من عيونك يامريم انت ايش تاكلي ؟ من وين هذا الجمال
هههههه شكراً حمودي
تصدقين مريم أنا ما أنام ولا أصحى إلا على صورتك
يعني قد كذا تحبني حمودي ؟
ما حبيت شيء في حياتي مثل ما حبيتك مريم عمري وحياتي
تسلم حمودي روحي وقلبي
مريم أنا لما أشوف صورتك أقول حرام أنحرم منك
ايش نسوي يااحمد ما نقدر نتجاوز أكثر من كذا
بس حبيبتي يعني لو تخليني أشوفك مرة وحده وبس
هااااااا ويش قلنا ؟
والله نظرة وحدة ولو دقيقة بس أمتع فيها ناظري
ما أقدر يا حمودي ما أقدر أسوي كذا
يا حبيبتي تصدقين أحياناً أحس إني بموت لو ما شفتك
يا احمد خلاص أعطيتك الصورة ناظر فيها لين تشبع
ما يكفي يا حبيبتي جمالك يفوق كل صورة أبي أشوفك ولو أموت بعدها
طيب كيف حمودي أنا أخواني لو يشوفوني يذبحوني
لو تروحي يا مريم للبقالة إللي جنب بيتكم ونتقابل هناك بس أشوفك وأمر من جنبك
طيب بس تشوفني وتمر من جنبي ولا تكلمني ولا أكلمك عشان محد يشوفنا وانفضح
موافق يا حبيبتي ، وبعدين أنا ما أرضى عليك الفضيحة لأني ما أرضاها على أختي
.....................
مرحلة الخطر
مريم قسم بالله إنك أحلى من الصورة بألف مرة
هذا من ذوقك حبيبي حمودي
والله بعد ما شفتك ياريم صابني هم أكثر من الهم اللي صابني بشوفت صورتك
طيب خلاص حمودي ليش ما تجي تخطبيني وأجلس عندك على طول ؟
والله مُنى عيني حبيبتي بس ودي تطلعين معي نلف بالسيارة نص ساعة بس أتكلم معاك
أنا مستحيل أسوي كذا لو تنطبق السما على الأرض
أجل أنت ما تحبيني ولا تبيني
لا والله حبيبي ، أنا قصدي أني ما أقدر أسوي كذا
حبيبتي بس ربع ساعة أتلكم معاك وأشوفك في السيارة والله ما نروح محل ثاني
حمودي حبيبي ايش تبغاني أقول لأهلي وين رايحه ؟
قولي لهم انك بتروحي عند صاحبتك أمل ونتقابل أنا وانت في الشارع الثاني وتطلعين معي
والله هذا خطير اللي قاعد يصير يا احمد
أجل انت تحبيني على ايش يا مريم إذا منت واثقة فيني
حبيبي أنا واثقة فيك المشكلة لو أحد شافني
أفاااااااا عليك يا مريم ، أنا أراقب الطريق قبل الموعد ، تراني والله أخاف عليك مثل ما أخاف على أختي
طيب أرتب الموضوع وأرد عليك
في انتظارك حبيبتي
............................
مرحلة الانزلاق
حبيبتي مريم ، صوتك وجمالك وطريقة كلامك ما يغادرون مخيلتي
يا رب يخليك لي يا حمودي
كل ما أتذكرك وأنت معي في السيارة أحس إني بطير من الفرحة
بس ها معد في طلبات بعد كذا ، وإذا عندك شيء ثاني تعالى أخطبني وخذني عندك كلي
تصدقين حياتي ، البارح جلست أفكر في الموضوع وخلاص قررت إني أجي أخطبك
صحيح حمودي أنا ما ني مصدقة من الفرحة
بس حبيبتي باقي شيء واحد
وشهو حبيبي
أبغى أجلس معاك آخر جلسة وبعدها على طول أخطبك
أحمد ما يصير ما قلنا خلاص
بس حبيبتي ودي أكون فعلاً مقتنع فيك تماماً عشان كذا أبغى أجلس معاك ربع ساعة وبس وأحدد بعدها مصيري
وين تبغانا نجلس ؟
فيه استراحة عند واحد أعرفه نروح نجلس فيها ربع ساعة
استراحة ؟؟!!! لا مستحيل مستحيل ما أقدر ما أقدر
أجل أنت ما تحبيني ولا أنت واثقة فيني وتفكريني إني بغتصبك
لا والله ما فكرت فيك كذا حبيبي وأنت تعرف حبي لك
صحيح لكن أحتاج أجلس معاك ربع ساعة وبس نحسبها من بداية جلوسنا ولك عليَّ ما تخلص الربع ساعة إلا واحنا راكبين السيارة
لا خلاص نخليها خمس دقايق وبس وبعدها على طول تجي تخطبني
أفااااااااا عليك حبيبتي والله إني أغير عليك مثل ما أغير على أختي
..........................
مرحلة السقوط
لا احمد حرام عليك أنت وعدتني أنه ما يصير شيء
حبيبتي مو إحنا حنتزوج إيش المشكلة لو صار الآن
لا يا احمد ما أقدر ما أقدر حرام عليك تهيء تهيء تهيء
بس بلا بكبكه زايدة كل المسألة كبرت براسي
حرام عليك أنت وعدتني تهيء
أقولك يعني الموضوع يكون بالطيب أحسن لا يصير بحاجة ثانية
الله يخليك حمودي أبوس يدك وأبوس رجلك ، بس أرجوك رجعني بيتنا
مستحيل يحصل إلا بعد ما أنفذ إللي في راسي
مرحلة ما بعد السقوط
إيش فيك حبيبي أتصل عليك ما ترد علي
لا بس مشغول شوي
طيب ليش ما تتصل علي أنت بعد ما تخلص شغلك ؟
ما قلت لك مشغول ، تحسبين ما عندي شغل إلا أنتِ
معليش حبيبي لا تزعل نفسك
مهو من كثر هرجك تخلين الواحد يعصب......
طيب انت ليش ما تتصل مثل أول يااحمد
رجعنا على نفس الاسطوانة ، أنت ما تحسين ما تقدرين أنا مشغول
طيب احمد متى تجي تخطبني
طيب ، إذا فضيت جيتكم
أنا أبغى أقولك شيء حبيبي ، أنا البارح جاني عريس
طيب على البركة
هذه مواعيدك لي ، هذا كلامك المعسول لي ، كذا تكون آخرتها معاك
يا بنت الحلال تراك رجيتيني
أنت حبك لي كان كله كذبه ، لكن أبي أسألك سؤال : ترضى أحد يسوي كذا في أختك ؟
ما باقي إلا وحده مثلك تشبه نفسها بأختي
وقفل الخط احمد وانتهت حياة مريم والله المستعان
بعد هذه الحبكة المسرحية الخيالية والتي قد تحصل في الواقع أو قد حصلت نسأل الله أن يحفظ الجميع
أوجه كلامي إليك يا وردة البنات فأقول :
!
!
!
!
!
!
احذري الخديعة واحذري المرحلة الأولى حتى لا يكون هناك مرحلة سقوط
!
!
وبعدها ما يفيد الندم وتبدا مرحلة الضياع
!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!
فاحذري سيدتي من هولا الشباب
وانتم ايها الشباب الا تخافون الله عزوجل في شر فعلتم الا تفكرون ماذا سيحصل بعدها واين ستكونوا الا تعلمون ان الدنيا تدور وتأكد انه يوم لك ويوم عليك الا تعلم انك مسؤول عن بنات امة محمد السن بأخواتك لم لا تصون اعراضهن لم تفكر في نفسك ولا تفكر في مشاعرهن وحياتهن للأسف الانسان المؤمن اصبح ضعيف الايمان لم الآن قاموا بالاستهزاء من رسولكم الكريم لضعف ايمانكم والتفكير فيما لا ينفع فاستيقضوا من شهواتكم ولهوكم وسارعوا في حفظ اعراض الغير والمحافظة على عقائد دينكم الكريم فالايام تمضي والشموع تنطفي فأضيئوها
والله سيجزيكم على اعمالكم
الإهداءات
« آخـــر الـــمـــشـــاركــــات »
23rd July 2008, 03:26 PM
سقوط فتاه 
رد: سقوط فتاه 
العرض العادي
