لاردج الله

يبتلكم اليووم قصييده من قصاايد بو رحييمه

وقصة القصييده حقيقيه والكلمااات كلها قاسيه لأن اللي حصله من ورا هالبنيه مب شوي
واذا انتوا سمعتوا القصييده بصووته بتصيحوون ويااه وبتدعوون عالبنت بعد ...ومن كلماات القصييده بتلاحظوونه انه شااف الويل ويااها

(على فكره منعووه بو رحيمه انه ينزل هاي القصيده في الديوان ...بس احساسه وصلنا من خلال صووته)

والقصيييده ترا طويييييييييييييييييييييييييييله وتستااااهل انكم تقروونها

وفي القصيده الشاعر يبرد فواده ويعبر عن مشاااعره

اخليكم مع القصيده الحييين

لا ردج الله لا ولا طلبت تردين أدعي عليج بعثرةٍ في صلاتي
عثرة تشلج ما بعدها تقومين ياللي نقضتي عهودنا الماضياتي
كنتي مناة القلب والروح والعين واليوم عينج يالها ما تباتي
كنت أحسبج للعهد والحب توفين قلتي الغدر بالحب ما هو سواتي
وبان الغدر سمٍ جرى بالشرايين الله عسى يسقيج سم الفعاتي
كلي سقيتج حب واليوم تنسين تقولين حلم أيام واليوم فاتي
وخذتي الهوى لعبه على ما تحبين الين عصفت بالهوى عاصفاتي
وصرتي بشعر في العذارى تباهين تقولين انا شمس العصر في حلاتي
وبالشعر صورتج خزام ورياحيين وأثرج هضاب وشوك مابه هداتي
وبالشعر غيليتج على كل غالين وأثرج دنيه تتبعين الدناتي
رسمتج سحابة خير قطرٍ تنفين فزت لج الصحراء زهور ونباتي
رسمتج مهاةٍ للجميلات تقودين وأثرج خروفٍ ضيعتها الرعاتي
توسلت لج على حب عاميين عامين لكن في حسابي مئاتي
ناديت لكن لي أبد ما تسمعين عمري وروحي والفكر في شتاتي
خنتي وبعدي كل عهدٍ ويامين ماعاد يفرق بين ماضي وآتي
وصرتي مثل غيرج برخصٍ تبيعين يامرخصت لي ما بقالج غلاتي
تحسبين انج بالمهافات ترقين كيف الصعود يكون للهاوياتي
والنوق من تخرس فلا يفيد تمرين ما يفيدها قلص وضرب العصاتي
ومع ناقةٍ خرسه تكلفت سنتين فلا لانت بشده ولا بالهداتي
اسبوع في دوامي ولا أيي غير يومين ويوم أوصل الدار أتصل وأحاتي
صبري نفذ واليوم ثارت براكين مظلوم أنا وباجر تحل دعواتي
سمعي عسى من بعدها ما تسمعين سمعي دعامٍ صار قلبه حصاتي
عساج عوقٍ منه ما عاد تبرين عوقٍ تشافق له قلوب العداتي
أدعي عسى من ناظرج ما تشوفين وتطحن بج الأيام طحن الرحاتي
ويالله عسى يحتار فيج المداويين تبين الممات ولا يجيج المماتي
ويالله عسى كف الندامه تعضين تندمين يومٍ انه يفوت الفواتي
وتبكين دمي يسيل من مقلة العين ويحتار قلبج من عناج وتعاتي
وعسى ما تلاقين من له القلب تهدين وان هو حصل أدعي عساج الشتاتي
يا بلوت اللي وسط بيته تعيشين غافي وحوله شب جمر الغضاتي
عسى بعمرج ساعةٍ ما تهنين وتمضي حياتج بين هم وشقاتي
يا بنت قلبي وين مثله تلاقين قلبٍ عطاج الحب ما قال هاتي
ييتج وروحي شلتها لج بكفين وفي التاليه رمح الخيانه جزاتي
يالله عساج النار يا أم ويهين كلٍ كشف لا ما تفيد العباتي
ويالله عسى تلبسج جن وشياطين وتكونين مدعاة الحكي والشماتي
والله ماني منتظر قلبج يلين والمجبلات أكثر من الفايتاتي
وما عادتي اتبع ضعون المقفين ريحٍ تشل ضعونج المقفياتي
ياليلةٍ ظلمه على الله تزولين وتاتي ليال سعدنا مشرقاتي
ويا حية رقطه تقود الثعابين باجر تحل أيامج المعتماتي
يا ظالمة نفسج ترى الدهر يومين يوم النجاة ويوم ما به نجاتي
بيني وبينج تحكم أيام وسنين وأنا شاهدي قلبٍ من الغدر ماتي
لو كان عذرج في كفوف الموازين لكان ربح كل غدر البناتي
ويا دمعة التمساح لالا تذرفين العيون رغم دموعها كاذباتي
لا ما عرفتي الحب لا ما تحسين وغدرج تعدى غدر ذيب الفلاتي
الذيب يعوي قبل يغدر بمسكين وانتي غدرتي خافقي في سباتي
وانتي السبب سقتيه على القلب جرحين غدر الغرام وموجع الذكرياتي
وانتي السبب واليوم لالا تلومين وان ياج باجر شوفي اشلون ياتي
والله لأكتب وأفضحج في دواويين وأرزف وأغني يوم خبر الوفاتي
وارسم لأهل العشق قلب وسهمين وقصة خيانه ما روتها الرواتي
ويمين لأنشر فوق اسمج عناوين وأشهرج من قاصي اليمن للفراتي
ومن غرب هالدنيا الى قاصي الصين ديوان غدرٍ فيه كل اللغاتي
والبادي أظلم سنة العين بالعين ولا في هذي لا عادتي ولا صفاتي
ويا شبه انسانه براسٍ ورجلين أعوذ بالرحمن منج في صلاتي

***وسلامتكم****

 

 

الله يعطيك العافيه فعلن القصة مؤثره وهي كلماتها روعه بس مثل الوقت حزينه وقارىء يحس بلكلمات

مع تحياتي
***********************
&& كافي صدمات بحياتي من اعز احبائي وش بقى يا دنيا ما ذقتيني&&

 

 

ما شاء الله عليش يا وردة

 

 

مشكوووريين يا بنت البحريين ويالصاااحب عالردووود الحوله

 

 

مشكوووووره وردة على الموضوع الحلوووو
الشعر سامعنه وعندي بس يوم سمعته أستغربت من الكلمات
لانه فيها دعاوي

 

 

ياسلام عليج ورده والله خوش شعر

 

 

تسلمييين اختي على القصيده

وتسلم ايدج الي كتبته والله صج مؤثر

شمسويه فيه علشان يدعي عليها جذي والله حرام عليها

مع تحياتي

 

 

مشكوريييييييييييييين عالمروور يالتنين والملك والامير :D