جووووووووووووووووووونان

كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذنها عالصبرحلفت والله راح أصبر
أبتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
أبعرف شو السبب أرجوك وش اللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر?
عطيتك قلبي وروحي وهبتك حالي ومالي
حملت احساس هالدنيا عطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وأرد أقول لأ يمكن تذكرني وهو سالي
لأني توني مطرش مسج طرش مسج يشكر
وأرد أقول لأ أدري يبيني وحاسس بحالي
وأرد أقول لأ ما اظن على باله انا اخطر
الين اني انا تأكدت قلبه بالفعل خالي
ولا غيري انا فقلبه يحبني موت ويقدّر
لأني مرة من المرات طرت فكرة على بالي
نويت أزعل بدون اسباب واشوفه لو بيتأثر
أبعرف قدري بقلبه بيهمه وضعي الحالي
أو انه راح يطنشني ولا يسأل ويستفسر
وفعلا دق ما جاوبت حرق لي والله جوالي
3000 مرة دق وانا مطنش ولا معبّر
كتبلي بالمسج اطلع انا عند بابك الحالي
قسم بالله ما تطلع لخربها انا واحدر
ومشكلتي أعرفه زين يسويها ولا يبالي
نزلت وخاطره مكسور يقول اشفيك متغير
وقلت له بس أبتأكد اذا قدري معك عالي
ضحكلي وقال لي اتأكدت ودمعه بلل المحجر
وطارت فيني الدنيا لمكاني صاحبي جالي
تعذرلي وانا الغلطان واانا اللي لازم اتعذر
بعدها عشت انا احلى أيام في قربه هنيالي
وصلنا لمرحلة ما نفترق عن بعضنا واكثر
بعدها فجأة خلاني ولا يسأل عن احوالي
وانا في خاطري أدري محال فيوم يتغير
أدق له ما يجاوبني بديت أشك في حالي
أخاف انه حصله شي اخافه بس متكدر
لعب في قلبي الوساس خياله ما تهيالي
حوالي1000 مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت اشلون أخلي خلي الغالي
يكلمني وجت فكرة بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وش فيك ما من شر يالغالي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق أي انسان كثر ما فيك انا افكر
جاوبني وقال ارجوك أبي هالدنيا تصفا لي
انا مليت من وضعي وأشوف الكل متغير
انا ضاقت بي الدنيا وابي أبقى انا لحالي
خلاص اتركني لا تسأل وانا برجع عقب اشهر
وقلت له مو علي تكذب أعرفك تضعف قبالي
تكلم قول شالموضوع بدى قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا تطرش مسج واحد ولاتدق لي أبد تالي
واذا لي خاطر عندك لا تتكلم أبد سكر
قلت له والله ما سكر الين تقول وتصفا لي
قال لي والله ما اتكلم ولو تبكي دمع أحمر
وسكر والدمع فيني على الخدين همالي
قسم بالله ما ادري علامه قلبه تحجر
فؤادي انهار وانا حملي يهد جبال وجبالي
في لحظة صارت الدنيا في عيني هالكبر واصغر
بعدها صار لي ما صار وربي يعلم بحالي
فؤادي باقي بس شوي واحسه من الجسم يظهر
بديت اعرق مدري ليش وخابت كل آمالي
انا توقعت كل الناس ولا توقعت هو ينكر
وقلت بخاطري خله مصيره يرجع الغالي
أكيد انه سمع أي شي وجوّه صار متعكر
ولكن طول غيابه وزادت فيني علالي
مرض قلبي تعب فكري واحسه جسمي متخدر
قسم بالله لين اليوم حالي يرثي لحالي
قسم بالله لين اليوم ولا ادري ليش هو تغير
قسم بالله ما غضت عيوني ولا هدى بالي
قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي أمل يرجع ويصفالي
أقول الشوق بي رده على فرقاي ما يقدر
إلين اليوم و ضحكاته وبسماته على بالي
الين اليوم ما أرقد كثر ما فيه انا افكر
أبعرف شو السبب ارجوك وشللي بس يجرالي
اناشسويت يا ربي عشان تثور وتتفجر
انا اولله ما استاهل أبد كل اللي جرالي
أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
انا رح انتظر ردك ولو حتى بمسج خالي
واذا ما جاني منك رد حلفت والله راح اصبر
سنة سنتين اللي يهم أشوفك ثاني قبالي
3 سنين او أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني انا أسهر
كفاية صار لك شهرين غايب عني يالغالي
كفاية يا أعز الناس ترى والله ما اقدر
دخيلك لا تخيب فيك هقواتي وآمالي
واذنها عالصبرحلفت والله راح أصبر

ياحرم

مشكوره اختي ويعطيج العافيه

 

 

مشكوره بس اللون لك عليه

 

 

مانسيتك ولا 00:01<< معك حق لا تتوهقين حطي لون واضح فقعتي عيوني

 

 

روعة
ابدااااااااااااع

 

 

كلي فخر ردت على موضوعي كويتيه
مانسيتك ههههههههههههههههههههه توهقت باللون
ميروف ههه مشكوره <لبسي نضاره
همس تو ماحلى موضوعي مشكوره

 

 

اووووووووووووووووووووووووووووووووووووووف

يسلمووووووووووووووووووووووووووووووووووووووو

والله الخاطره من جد قويه

بي انتي اللي كاتبتها

مرررررررررررره حلوه سلمت اناملك

تقبلي مروري

 

 

ههههههههههههههههههههههههههه عابثه مو انا كاتبتها قصدك باين انا لاطشتها
تسلمي وحليتي الموضوع