القصيدة تفخر بك

انتشى هاجوس شعري ومن معانيه انتقي
وافرحت كل القوافي والحروف الثابتات
يا بيوت الشعر فزّي يوم انا فيك اعتزي
القصايد في هل المعروف تبقى خالدات
في بحور الشعر لازم اتهقوى وان هقيت
اتنومس بالمعزّه والمعاني الصافيات
افتخر بك يا قصيدي واشهد اني ما سليت
دام في قلبي هواجيس تطول النايفات
يشهد الله من ضميري صغتها لك بيت بيت
القصيده تفتخر بك والقصايد صادقات
يا سمو الشيخ انا والشعر لك جيت وعنيت
آتشرف بالمعنى يا سيّدي عالي الصفات
يا زعيم للزعامة كلمتك امرٍ وصيت
طايعينك في كلامك يا خطام الكايدات
انت طيّارٍ تقود السرب والله ما انثنيت
نفتخر بك يا شبيه الحر وايضا الطايرات
يا رئيس اركان جيش الدار ياللي له بنيت
المعزه والمهابه والشجاعه شامخات
في حمى داره وشعبه ما يهاب ويستميت
في لقى العدوان صامد حاميٍ كل الجهات

اشهد انه مرتوي من حكمتك ياللي رويت
كل عرقٍ في جسد جيش ٍ يحل المعضلات
لك فعول الطيب تشهد عاليه وانته عليت
بالمحبة في القلوب المخلصة لين السبات
يا نسل شيخٍ نحبه زايد ومنه خذيت
السلوم الطيّبه وافعاله اللي وافيات
حب زايد في القلوب اكبر بحجمه من حفيت
حب راسخ في القلوب من المحيط الى الفرات


الله يرحمك يا الوالد والقايد والمعلم
والله خسرت الامارات وكل البلاد العربية يوم فقتدك

 

 

الف شكر لك اخوي على الشعر والله على راسي اشعارك حبيبي والى الامام سر
والسموحه .., مـ الاخوة ـلك

 

 

يسلمو ايديك يا رب

والموضوع حلوووووو وايد

والي احلى منه صوة سنتانا
ههههههه

السموحة
خالد

 

 

الف شكر لكم على ردودكم

 

 

تسلم اخوي على الخاطره

 

 

تسلم ايدك حبيبي على هالكلمات الروعه

وعساك على القوه دايم يارب


اخوك : مينون الأخوة

 

 

حب زايد في القلوب اكبر بحجمه من حفيت
حب راسخ في القلوب من المحيط الى الفرات

الله يرحمك ويغمد روحك الجنه...مب بس الشعر يفتخر فيه ياقلب...الكل يفتخر فيه الطير الصحرا الشير كل شي في الدنيا.....

أكبر فخر للناس انك من الناس وأكبر فخر للارض ممشااك فيها

هذا زايـــــــــــــد الخير اللي عايش في قلوبنا وبيعييش للأبد وعمرنا مابننساااه وبننسى هالاب ...اللي أغلى عن ابووي وامي وروحي....
إلى جنة الخلد يا زايــــد الخير

 

 

مشكوووور على الكلمات الحلوه