الدوله : سوريا
المكان : فيلا ببلودان (بلودان : منطقه ريفيه ذات مناخ رائع وطبيعه خلابه تجذب السياح اليها من جميع بقاع العالم )
الزمن : شهر اغسطس من عام 1991 م
الاشخاص : عايله بو يوسف وعايله بو يعقوب عوايل كويتيه
(بو يوسف : بو يوسف وزوجته وولده يوسف ) ( بو يعقوب : بو يعقوب ووزوجته وولده يعقوب وبنته ساره )
عايله بو يوسف لها الفيلا الشرقيه وبو يعقوب الفيلا الغربيه مع انهم ما يعرفون بعض بس اللي يجمعهم الصيف ببلودان والفلل بس , وكانت فيلاتهم قريبه من بعض بدرجه كبيره وكانت في بينهم بلكونات قريبه من بعض بشكل ملفت للنظر بعد , لان اصل الفيلتين لشخص واحد واهو اللي مصممهم بالشكل هذا : قاصد فيها جذب السياح والعوايل بعد , وكانت دار ساره مقابله لدار يوسف وبينهم بلكونات , بس ماعمرهم تواجدوا فيها بنفس الوقت بسبب اخلاف اوقات خروجهم ورتهم للبيت , وكان الوضع العام للعايلتين هادي لان كل عايله مالها دخل باحد , وماكان بينهم الا السلام والرد عليه , وبيوم كانت سارة تبي تقرا مجله كانت شاريتها من المكتبه القريبه لهم وحبت تقراها بالبلكونه , واول ما دخلت للبلكونه واهي تشوف هذاك الشاب اللي لابس شورت والفانيله منزلها وحاطها على صدره ويوم شافته اضحكت بقلبها وقالت وي قطع هذا شلابس ؟؟؟
ودخلت دارها وبعد شوي هم ردت للبلكونه لانها مصرة انها تقرا هالمجله بالبلكونه ويوم دخلت البلكونه لقت الولد مو في مكانه , وجلست تقرا بالمجله وتتصفح فيها , وبنفس الوقت كان يوسف قاعد من النوم يبي يشرب ماي بس بيرد هم للبلكونه ويوم رد شاف هالبنت تقرا بمجلتها وما حب يضايقها بس هم قعد يراقبها لين تخلص وتدخل دارها لانه يبي ينام بالبلكونه , واول ما شافها دخلت راح بسرعه ونام على نفس الكرسي اللي كان نايم عليه , واشوي وردت سارة واهي تتحلطم وي ما يخلون احد يقرا براحته ابد في هالبيت واول ما شافت يوسف قالت وي هذا رد مرة ثانيه ؟؟ ومن زعلها قالت خل اقعد واقرا بلكونت ابوي ؟؟
وفعلا جلست تقرا بمجلتها لين خلصتها واول ما رفعت راسها وطالعت للبلكونه اللي جدامها شافت يوسف , اخترعت وقالت حشى هالولد فيه شي مستحيل يكون انسان طبيعي وقامت من مكانها وقربت للبلكونه تبي تشوف اهو بداره ولا لا ؟ واهي تطالع وحاطه كل ثقلها على ايدينها وفجئه يفاجئها يوسف بدخلته بسرعه لبلكونته ساعتها صرخت وفقدت توازنها وطاحت ببلكونتها من الخرعه وهو هم اخترع وقال بنفسه : بل طيحتها واهي ببلكونتها وانا ببلكونتي ؟؟؟؟
يوسف : بسم الله عليج …....... ماتشوفين شر
ساره : خرعتني .......... الله ياخذك زين ؟؟
يوسف : خرعتج ؟؟ وانا شكو فيج هاااا
سارة : ايه انت اللي خرعتني
يوسف : لاتبليني انا ما قربت صوبج اصلا .......... انتي اصلا ماتعرفين تتعاملين مع البلكونات ( ويضحك بصوت عالي )
سارة : شنو ؟؟؟؟؟ شنو قاعد تقول ؟؟؟ لا اخاف صج عاد احشم نفسك ابركلك بس اوكي
يوسف : اوكي والحين لاتعطليني انزين
ساره : لاتكفى خلك وياي اشوي .......... لاتصدق عمرك يامعود روح بس روح
يوسف : روح بس روح ؟؟ اطر منج انا ؟؟ ولا قصدج روح يا حبيب الروح ؟؟
سارة : حبك مرض قول انشالله
يوسف : (بعد مابانت عليه علامات الحزن ) انشالله دام هذي رغبتج طال عمرج
ساره : ( حست بحزنه وسكتت )
يوسف : الحين استاذن واتمنى تسامحيني اذا تطاولت بالحجي وياج .......... باي
سارة : (مستغربه لانه تغير فجاه ) بايات
وانتهى هالموقف جذي وبعد يومين شافت سارة يوسف بالمزرعه واهو ماسك الكره بس ما يلعب فيها بس شايلها بيده وحبت تتحرش فيه
سارة : اعرف الناس يشوتون الكره ما يشيلونها
يوسف : وعليكم السلام ورحمه الله وبركاته
سارة : ( انحرجت منه وفشلها بعد بالسلام ) ايه صح نسيت السلام عليكم ورحمه الله وبركاته
يوسف : اشوفج تنسين السلام وما تنسين الطنازة ؟؟
سارة : اطنازة ؟؟ اي طنازة ؟؟ اي قصدك على شيلتك للكرة
يوسف :ما تعرفين تسلمين وتنسين بسرعه الله يعينج على نفسج
سارة : هيه شنو الله يعينج على نفسج هااااااا؟ على الاقل انا اذا اشتريت كره بشوتها ماني شيلتها مثل بعض الناس
يوسف : اتمنى صج انج تشترين كره وتشوتينها وما تشيلينها ………. بس اول قوليلي تعرفين تشوتينها ولا بس حجي بنات ؟
سارة : افاااا عليك ………. انا اكبر قولجي ما يقدر علي ………. لا يغرك اني بنت
يوسف : ( بضحكه ) ومنو قالج اني معتبرج بنت ؟؟
سارة : وي قطيعه ………. صج ما عندك اسلوب ابد
يوسف : عن الهذره الزايده اخذي الكره وشوفينا شطارتج يا جاسم الهويدي ولا بشار ؟؟
سارة : ( وهي معصبه ) هات وانا اوريك اللعب شلون يصير ……....
وتشوت الكره مسافه بعيده وبقوة بعد
يوسف : ما شالله عليج صج لاعب كره محترف طلعتي ( وملامح الفرحه بعيونه )
ساره : طبعا لاعبه محترفه مو لاعب .......... انا مو مثلك اشيلها بس
يوسف : ( بدت عليه ملامح الحزن بسرعه )اوكي دامج شاطره بالشوتات جذي فالكره لج تستاهلينها لانج تعرفين تلعبين فيها احسن مني
ســارة : لا اخاف صج بس ………. اتمنن علي بالكره انت وويهك ؟؟
يوسف :لا اتمنن ولا شي بس انتي صج تستاهلينها ………. وبيني وبينج انا ما اعرف العب بالكره مثلج يعني مالها داعي وياي
ساره اقول بلا حجي زايد .......... وويعه
يوسف: ويعه ؟؟ مشكوره من لطفج وذوقج ………. بس لا تدعين على واحد صج فيه ويعه
سارة : شنو قصدك هاااااااا ؟
يوسف : ابد طال عمرج لاتاخذين ببالج ………. والحين استاذن باي
سارة : بايات احد ماسكك عاد ؟
وترد الفيلا واهي حاسه انها زودتها اشوي مع يوسف ومصختعا بعد وقررت بينها و بين نفسها انها تعتذر منه ( وهم تبي تعرف شسالفه ويعته ) ثاني يوم المغرب شافت يوسف جالس ببلكونته
سارة : السلام عليكم ورحمه الله وبركاته
يوسف : وعليكم السلام ورحمه الله وبركاته
سارة : مساء النور
يوسف : مساء النوير
سارة : حبيت اعتذر لاني ضايقتك امس
يوسف : لا عادي ما حصلالا الخير .......... وبعدين اكيد بسامحج بدون لا تعتذرين
سارة : تسامحني بدون لا اعتذر ؟؟
يوسف : اكيد لانج بنت ديرتي ؟
سارة ( بضحكه) : يعني عندي واسطه ؟
يوسف : اكيد ما يبيلها حجي
سارة : الا صج انت شسمك ؟
يوسف : ( واهو يضحك )اللي يشيل الكره وما يشوتها طال عمرج
سارة : (وهم وهي تضحك ) لا صج عاد شسمك .......... لا صج عاد شسمك .......... وبعدين توك تقول سامحتني ليش تطري السالفه عيل ؟
يوسف : لا بس اتغشمر وياج ………. اسمي يوسف
سارة : عاشت الاسامي .......... انا سارة
يوسف : عاشت ايامج .......... وعاشت الاسامي سارونه
سارة : وي انت باي حق تدلعني هااااااااااااااااااا
يوسف : خلاص اسحبها ياكلمه ردي محلج
سارة : اي اسحبها لاتدلعني اوكي
يوسف : اوكي ولا يهمج
وكانت بيد سارة مجله وكان يوسف يبي يعرف شنو هالمجله
يوسف : اقول سارة شنو هذا اللي بيدج ؟؟
سارة : قصدك هذا ؟؟ هذي مجله ………. مجله فواصل
يوسف : الله الله يا عيني على المثقفه والله ؟
سارة : ( بضحكه) اي اكيد متقفه مو شي غريب
يوسف : اقول منو رئيس تحرير للمجله اللي بيدج ؟؟
سارة : ( توهقت ) هاااا شنوووو ؟؟؟ عن شنو تسئل ؟؟؟؟ عيد سؤالك ما سمعت ؟؟؟
يوسف : (والضحكه باينه بعيونه ) لا ابد كنت اقولج حلو هالعدد ولا لا لاني بشتريه ؟؟
سارة : اي والله وايد حلو كله شعر غزل يهبل ومسجات تينن بعد ؟
يوسف صج والله ………. عيل سمعيني اشوي علشان اتحمس اني اشتريها بسرعه
سارة : اوكي اسمع عيل
لا كتبت اسمك تزين لي الحروف ولا نطقته صار في لساني حلا صدق انا احبه ولكن فيني خوف , خوف نتفارق بعد ذاك الغلا لا تقابلنا يسكتنا الكسوف ضاعت الكلمات مني يا غلا كانت الكلمات في لساني الوف ويوم شفته ماتذكرت الا هلا ؟؟
يوسف : يا هلا والله فيج ………. كملي بعد
سارة : اوكي بكمل بس بقرا قسم المسجات انزين
كم تحسفنا عليك .......... مانبي غيرك نبيك .......... تونا حسينا بغلاك .......... يا تجينا يا نجيك
يوسف : اي والله يا تجينا يا نجيك .......... الا صج هذا اي عدد ؟
سارة : اخر عدد نزل بس لعلمك ماكو منه بالمكتبات القريبه لاني دورت عليه وما لقيته
يوسف : حسافه .......... عيل بتعنى للمكتبه البعيده
سارة : لا .......... وليش تتعنى انا خلصت منها تقدر تاخذها انا ما ابيها
يوسف : شنو ؟ تبين تتمننين علي بمجلتج ؟ لا مشكوووره ( والضحكه طلعن غصب عنه )
سارة :صج انك حقود للحين شايلها بقلبك
يوسف : لا وربي بس عجبني اسلوبج وانتي تتحجين
سارة : ( تحمر خدودها من الخجل ) اوكي استاذن الحين تبي شي
يوسف : بايات .......... بعض ناس قالوا يبون يعطونا مجلتهم واشوفهم غيروا رايهم ( ويختمها بضحكه )
سارة : والله ما عرفت لك مره تقول تتمننين فيها علي وساعه تبيها
يوسف : اوكي انا باخذها بس لاتحلفين علي .......... بس لو انج ماتحلفين جان زين
سارة : سارة : شنووووو ؟ انا حلفت متى ؟؟؟ ( اوكي عيل انا بقطها وانت امسكها انزين )
يوسف : انزين
وتحذف المجله ويمسكها يوسف ويشكرها واهي تدخل دارها ويقعد يوسف يقرا بالمجله ويتصفحها وثاني يوم يلقاها بنفس الموعد والابتسامه تارسه وجيهم
يوسف : قوة
سارة : الله يقويك
يوسف : شلونج
ساره : زينه .......... وانت ؟
يوسف : انتي زينه وانا نحول ؟ههههههههههههههههه
سارة: ( تضحك )اوكي يانحول الا صج يوسف انت دوم جذي مرح ومستانس ؟
يوسف : ايه ………. لانه ما في شييستاهل ازعل عليه او منه ………. والدنيا ماتسوة الزعل
سارة : وانت صاج والله .......... الا صج انتو متى تردون الكويت ؟
يوسف : تو الناس يمكن بعد شهر او اقل شوي
ساره : يا حظكم ..........
يوسف : وانتم ؟ متى تردون للكويت ؟؟؟
سارة : بعد اسبوع
يوسف : ويي مسرع ردتكم .......... ليش تو الناس تو العطله حلت والله
سارة : ( نحمر من كلمه تو العطله حلت ) العطله حلت بوجودك
يوسف : توها وربي حلت يوم تعدل الجو وكثروا الناس والبنات تبون تردون ؟
سارة : ( عصبت ) هااااا جذي قصدك عيل ………. ا وانت شكو فينا اي بنرد يوم البنات كثروا عندك مانع ؟؟
يوسف : لا ما عندي مانع بس اتحجى لمصلحتكم طال عمرج ( واهو يضحك )
سارة : لا طال عمرك زين
يلف وجهه الجهه الثانيه من البلكونه ويحاول يخفي الدمعه اللي نزلت على خده
يوسف :اهو مراح يطول بدون لا تقولينها ..........
ويدخل لداره بسرعه بدون لايودعها حتى , وتحسساره انها جرحت مشاعره او انها اضغطت على جرحه بدون قصد , , وشافته ثاني يوم بس من شافها دخل دارة قبل لاتقوله اي كلمه , وتكررة هالسالفه اكثر من مره , وبمره قررت انه لازم تحاجيه مهما كانت النتيجه ويوم شافته قالت له :
سارة: يوسف
وهو يحاول يدخل بسرعه
سارة : يوسف .......... رجيتك رد علي
يوسف : هلا .......... بس لاتقولين رجيتك
سارة : انزين ؟؟ ممكن اعرف ليش زعلان مني ؟
يوسف : لا ابد طال عمرج ما فيني شي بس حبيت اتجنب دعاويج علي
ساره : ويي دعاويي ؟؟
يوسف : اي انتي بس تدعين علي ………. وما احبلج انج تتذنبين بسبتي وبسبت هالدعاوي ؟
سارة : بعرف انت خايف على نفسك ولا خايف علي
يوسف : اكيد عليج ولا انا مؤمن بالقضاء والقدر ومحد يموت الا بيومه
سارة : انا اسفه وربي ما كان قصدي ادعي عليك بس هذا طبع وخلاص بغيرعلشانك ولا يهمك ( وتنزل راسها من الحياء)
يوسف : يا قلبي والله على هالحياء منج .......... تصدقين لايق عليج اكثر من الدعاوي هههههههههههههه
سارة :يا قلبي ؟ من اللي قلبك هاااااااااا
يوسف : انتي ………. ولا لا انتي اكثر ن قلبي ………. لا تكونين زعلتي بس ؟
سارة :لا ابد ما زعلت
يوسف : ساره بقولج شي ممكن تسمعيني وتفهميني عدل واذا ضايقتج بشي تقوليلي وانا بعدله
سارة : اوكي تحجى
يوسف : سارة انا من شفتج حبيتج ولا تساليني متى ؟ وشلون ؟ الحب بدون سبب يجي وبدون ما يستاذن بعد ………. وبعرف ردج الحين منج
ساره : الحين ؟
يوسف : اي الحين ؟
ساره : بس احنا بعد يومين نرد للكويت وانت تدري تو العطله حلت والبنات كثروا
يوسف : ( واهو مبتسم ) هذا اللي ضايقج هذاك اليوم هااااا .......... وهذا اللي شجعني اني اعترف لج بحبي لج
سارة : اوكي .......... انا لازم انام الحين تامرني على شي
يوسف هيه تعالي شنو تنامين انا احاجيج .......... والله حاله انا محرق اعصابي وانتي تبين تنامين ؟
سارة : اسم الله عليك وعلى اعصابك يا قلبي
يوسف : يا قلبي ؟؟ ااااه يا قلبي انا والله
سارة: اسم الله على قلبك ………. اقدر اروح الحين عاد ؟
يوسف : نومة العوافي يا روح يوسف
وتدخل دارها واهي مستانسه وتقول ما نوى يقولها طولها واهي قصيرة الله يهداه كل هذا احراج مني .......... وبالجهه الثانيه يوسف يقول لنفسه الحمد لله انها ما عصبت يا قليبي والله على هالضحكه اللي تينن وربي هالبنت رهيبه ., يا رب تكون من نصيبي , وربي لسعدها واهنيها بس تطلع من نصيبي , وينامون على اجمل الاحلام والاماني , وثاني يوم يتعرف يوسف على يعقوب اخو ساره وياخذ رقمه ويصير اهو وويوسف ربع واكثر من ربع بعد .......... والمغرب يروح يوسف لبلكونته ويلقى ساره ناطرته هناك
سارة : هلا
يوسف : هلا فيج يا روح روحي
ساره :اشوفك اليوم صاير نجوى كرم
يوسف : اه على نجوى والله .......... بس اللي وياه سارونه ما يفكر لا بنجوى ولا ديانا ولا نوال بعد
سارة : اي قص علي قص .......... المهم ليش تاخرت هااااااااااااااا
يوسف : ابد يا عمري كنت مع اخوج ؟
ساره : اخوي ؟؟؟؟؟
يوسف : اي اخوج ليش ماتدرين ان عندج اخو ؟
ساره : بلا غشمره عاد ………. شعندك مع اخوي هاااااااااااااا
يوسف : وانتي شكو .......... صج ملقوفه .......... مالج شغل هذي سوالف رياييل
سارة : سوالف رياييل علي انا بعد ؟
يوسف : ايه عليج انتي بعد بس قلبي ما يطاوعني اخش عنج شي يا قلبي
ساره : اوكي دام قلبك احن منك علي بسئل قلبك ما اسئلك يا الريال .......... يا قلب يا قلب يوسف شالسالفه قولي ؟
يوسف : لبيه يا من تنادي على القلب وانتي القلب يا قلبي
ساره : يوسفوة اسكت .......... لا عاد صج شالسالفه ؟
يوسف : ابد انا واخوج صرنا ربع وابوي هم تعرف على ابوج يا روحي
سارة : وليش كل هذا ؟
يوسف : علشانج وربي
سارة : علشاني وانا شكو بالسالفه ؟
يوسف : شنو انتي شكو هااا ………. عيل نناسب ناس مانعرفهم ولا يعرفونا ؟
سارة : تناسبون ………. تراني مو فاهمه شي وربي ؟
يوسف : انتي من صجج ؟ ………. اوكي انا بفهمج السالفه ………. شنو نهايه قصه الحب اللي نعيشها تقدر تقولين لي ؟؟
سارة : ما ادري …….... انت قول ؟
يوسف : اكو نهايه لكل شي ولكل قصه حب نهايتين ………. نهايه فراق وحزن ………. ونهايه زواج وفرح ………. وانا ابي الفرح وما ابي الحزن يا قلبي ………. فهمتي الحين
سارة : ( احمرت من الخجل ) اي فهمت
يوسف : سارة انا مو قاعد العب بمشاعرج ولا قاعد اضيع وقتي بس انا فعلا حبيتج .......... وابي انهي هالحب بالزواج .......... اي وصج باشتري هالفيلا لنا انا وانتي علشان نصيف فيها كل سنه وتكون رمز وتذكار لاحلى قصه حب ببلودان
سارة : يوسف انت من صجك .......... ولا تتغشمر بس ؟
يوسف : اتغشمر ؟ ………. شسالفتج انتي ؟؟
ساره : يوسف انا ما اعرف شنو تشتغل او جم عمرك او شنو مؤهلاتك ما اعرف اي شي عنك
يوسف : مو مشكله الحين اقولج كل شي عني .......... اسمي يوسف حمد عمري 23 سنه خريج جامعه الكويت بدرجه امتياز مع مرتبه الشرف اي صج نسيت اقولك اني مهندس بترول وصار لي سنه من توظفت ومعاشي راهي يعني بعيشج بعز ههههههههه عمري ماتعرفت على اي بنت لاني كنت مشغول بالدراسه وكانت الدراسه ماخذه كل وقتي ويوم حبيت حبيتج يا فتاة بلودان ههههههههه والحين يا قلبي عندج اي سؤال تبين له احابه ؟
سارة : فتاة بلودان هههههه لا يا قلبي وربي انت جاوبتني عن كل سؤال ببالي وريحتني بصراحتك
يوسف : والحين دورج قولي اي شي عن نفسج ؟
سارة : اوكي انا بقولك كل شي ………. ايسمي سارة سالم وعمري 20 سنه خريجه ثانويه عامه قسم ادبي وبالدز بعد يالله طلعت لاني ما احب الدراسه واكرهها وهم بيني وبينك انا مهمله وكسوله ولا اواطن الدراسه مو ليه
يوسف : يا قلبي على الكسوله احسن شي هههههههههههه
سارة : لاتقاطعني خلني اكمل عاد
يوسف : كملي يا قلبي واخذ راحتج وتخيليني مدرسه الخغرافيا لج هههههههه
ساره : ههههههههه خلاص عاد اركد .......... عمري ماحبيت ولا فكرة احب ابد ابد الين شفت ابو الكره وحبيته من اول هوشه بيني وبينه .......... وهذي كل السالفه
يوسف : يا عمر ابو الكره والله
ساره : ههههههههههههههههههه
يوسف : اقولج شفيج .......... ترا هالضحكه ماتخدعني .......... تحجي شفيج ؟؟
سارة : لا ابد بس بعد يومين بنسافر
يوسف : بهالسرعه .......... بس ولا يهمج كلها جم اسبوع ونزوركم ببيتكم انشالله ؟
سارة : جم اسبوع ؟؟؟؟ وليش جم اسبوع ؟؟
يوسف : بل عليج مستعيله ياروحي هههههههههههههههههه
سارة : ويعه مو قصدي جذي بس قصدي انكم بتقعدون كل هالمده هني ؟
يوسف : هههههههه لا وليش نقعد دام الغالين بيردون احنا بعد مالنا قعده من بعدكم يالغاليه
سارة : ( مبتسمه بسمه لعانه ) اشوه عبالي بتقعد بعد بتقعد وراي ببلودان
يوسف : عاد بخاطري اقعد اشوف منو بيسكن بفيلاتكم يمكن تكون عندهم بنت حلوة ولا حليوة اي شي قابل فيها ترا
سارة : شنوووووووووووووووووووووو بنت حلوة او حليوة ؟
يوسف : هههههههههه يا عيني على اللي يغارون والله
وقعدوا يسولفون للفجر لين ماغلبهم النوم ودخلوا ينامون وما قعدوا للعصر ومن قعدوا واهم ويا بعض بس كان يلف جوهم شي من الحزن والاحساس بالفرقا وخوف من البعاد وليله السفر ساره سهرانه مع يوسف اجمل سهره بحياتهم واهم يخططون ليوم الخطوبه وشنو راح تلبس وشنو راح تقول واهو شنو راح يقول لها وشنو راح يلبس يوم الخطوبه
يوسف : سارونتي .......... باجر الساعه جم تسافرون ؟
سارة : ما ادري يمكن العصر ………. ليش تسئل ؟
يوسف : شنو ليش ؟ لازم اعرف زوجه المستقبل متى بترد لديره بخير وسلامه
ساره : الله يسلمك يا روحي
يوسف : بس لازم اودعج قبل لاتسافرين يا حياتي ؟
سارة: انشالله ………. وانا هم ما يطاوعني قلبي اسافر بدون لا اودعك
يوسف : اوكي : عيل يا قلبي لازم تنامين الحين علشان تقعدين وانتي مصحصحه واقدر اشوفج واودعج
ساره : اوكي انت تامر امر يا عيون ساره
ودخلو ينامون وما حسوا لين العصر واللي قعد سارة هي امها بعد ما شالوا كل شي من الفيلا مو ناقصهم الا انهم يركبون السيارة .......... سارة انصدمت من سرعه اهلها وشلون توهم يالله يقعدونها .......... وقعدت تدور على الف عذر وعذر علشان تاجل السفر جم ساعه بس .......... بس بدون فايده .......... وكانت تطالع لدريشه دار يوسف واهو كان نايم وماتقدر تناديه لان امها واخوها اقريبين من دارها .......... وطلعوا من الفيلا وتركت اجمل تذكرياتها فيها وخانتها دموعها مع انها مواعده ومعاهده نفسها انها ما تبجي يوم السفر بس دموعها خانت فيها .......... لان الفرقا صعبه وانها ما قدرت تودع يوسف او حتى تشوفه .......... ومرت الايام ثقيله وبطيئه وكان اليوم عن الف سنه مو سنه وحده .......... لين وصل اليوم الموعد اللي دقوا فيه اهل يوسف على اهلسارة وقالو لهم انهم يزورونهم بعد صلاه المغرب لسالفه خاصه اشوي .......... طارت سارة من الفرحه لان يوسف وفا بوعده لها وانه ما نساها وان حبه لها ما نقص والدليل مكالمه اهله لاهلها وفعلا بعد صلاه المغرب وصلو اهل يوسف وتمت الخطبه واهل سارة وافقوا على يوسف .......... وكانت فرحه الاثنين ماتنوصف .......... وطول فترة الخطوبه كانوا يقضونها سوالف وضحك ومكالمات تكلموا في كل شي وعن كل شي حتى عن اسامي عيالهم ولون غرف البيت .......... لدرجه انهم كتبوا قائمه بالطلبات اللي يبونها من الجمعيه براس كل شهر .......... وكانهم فعلا متزوجين وعايشين ببيت واحد وكل هالحجي صار قبل الملجه ( الملكه) ويوم الملجه الفرحه ما وسعتهم هم الاثنين وحس كل واحد فيهم انه ملك للثاني حسوا ان الدنيا حلوة وانها بتكون احلى وصاروا مع بعض اربع وعشرين ساعه وارتبطوا ببعض بشكل غريب وما عاد نا قصهم الا يوم العرس
يوسف : الوووووووووووووووو
ساره : الووووووووووو
يوسف : قوة
سارة : الله يقويك يا قلبي
يوسف : شلونج
ساره : زينه وانت نحول هههههههههههههههههههههه
يوسف : وربي يروح نحول فدوة لزينه يا روحي
سارة : سلامة روحك يا روح روحي انت
يوسف : اقول يازوجه المستقبل والغد القريب
ساره : قول يا زوج الغد الغريب ويا فارس الاحلام
يوسف : الحين البيت كمل من كل شي صح .......... ولا في شي ناقصنا ؟
سارة : والله يا حبيبي حسب علمي ………. ( يقاطعها يوسف )
يوسف : حسب علمي ؟؟؟؟؟؟؟؟؟ وانتي قاصه على تقولين لي انج ادبي ؟؟
سارة : هههههههههه الله لا يقطع سوالفك الحلوة …....... اقولك ماظنتي شي ناقصنا
يوسف : امبلى اكو شي ناقصنا
ساره : شنو ؟
يوسف : دار اليهال مو ملاحظه انها ناقصه العاب ؟
سارة : العاب ؟؟؟؟ انت من صجك اهم خل يجون اول بعدين فكر بالعابهم ؟
يوسف : لا من الحين بفكر فيهم وبالعابهم وبفكر بعد بامهم قبل لا افكر فيهم
سارة : يا روح امهم انت منو اللي مينن هالام الا الابو ؟
يوسف : عاد المهم امرج العصر نروح لمحل الالعاب اوكي
سارة : شورتك وهداية الله يا قلبي
وفعلا مرها العصر وراحو لافخم محل لبيع لعب الاطفال .......... علشان يشترون العاب لعيالهم اللي للحين ما وصلوا .......... واهم بالمحل شافت ساره كره قدم وامسكتها وقالت ؟
سارة : اقول بعض الناس يشيلون الكره وما يعرفون يشوتونها هههههههههههههه
يوسف : ايه صح وبعض ناس يعرفون يشوتونها .......... بس اول ما شاتوا شاتوا قلبي والله ههههههههههههه
سارة : يوسف اشتر هالكره تكفى يا قلبي انت
يوسف : اوكي انتي تامريني امر ماتطلبيني يا قلبي اروح لج فدوة عاد على كره مقدور عليها ويوم طلعوا من المحل قرروا يمرون مزرعتهم علشان يلعبون بالكره طبعا هالحجي صار لان ساره اهي اللي طلبت انها تلعببالكره قبل عيالها .......... ووافق عليه يوسف من دون تردد وراحوا يلعبون ويركضون بكل مكان .......... واشوي وطاح يوسف وصار ما يقدر يتحرك وقعدت ساره تصيح وتناديه بس ماكو فايده لانه فاقد الوعي واتصلت بالاسعاف ووصلوا الاسعاف ونقلوه لمستشفى الهادي ومن المستشفى اتصلت ساره باهلها وباهل يوسف علشان يجون وبعد ما طلع الدكتور من يوسف بعد ما حوله لغرفه العنايه المركزه قال لهم :
سارة : بشر يا دكتور يوسف مافيه شي صح .......... صح رد علي يوسف بيطلع الحين صح ارجوك قولي صح ( وتبجي )
الدكتور : هدي اعصابج يا بنتي .......... هو حالته حاليا حرجه لانه مصاب بمرض القلب وانا قلتله انه لازم يسافر برا علشان يركب له قلب صناعي بس هو طلب انه ياجل السفر شهر لانه يبي يتزوج .......... مع اني قلت له وشرحتله ان كل ثانيه تمر اهي مو من صالحه والحين لازم يسافر باسرع وقت ممكن .......... خاصتا انا اتصلنا بلندن من مده وارسلنا لهم كل اوراق يوسف وملفه الطبي وردوا علينا انهم مستعدين يستقبلون حالته وان عندهم قلب يوافق جيناته الوراثيه ليوسف ....... بس هو الليبب كان يطالب بالتاجيل
سارة : الحين بيسافر .......... باقرب فرصه .......... وعلى اول طياره _( وتبجي ) يا حبيبي كل هذا فيك وانا ما ادري
الدكتور : خل حالته تستقر الحين بعدين نقرر سفره
وبعد مرور اسبوع من المعاناة والمرض والمستشفيات استقرت حالته الصحيه
سارة : يوسف حبيبي شلونك الحين ( وبسمه ملفوفه بحزن ودموع )
يوسف : الحمد لله وانتيشلونج يا زينه ( وبتسامه مرهقه على شفاتيه )
ساره : ( واهي تبتسم ) زينه زينه دام نحول بخير ويمها
يوسف : الا الدكتور شقال عني.؟
سارة : قال ان قلبك تعبان وان انا السبب
يوسف : انتي ؟
سارة : ايه لان قلبك ما يتحمل كل هذا الحب ( وتنزل راسها بخجل وابتسامه ودمعه من عينها تنزل )
يوسف : وانا اقول شنو سبب هالمرض طلعتي انتي السبب .......... عيل دامه منج عساني دوم مريض
سارة : فال الله ولا فالك .......... انشالله تقوملي بخير وسلامه
ويقاطعهم الدكنور بدخوله المفاجئ وبيدينه اوراق وملفات
الدكتور : يوسف انت رفيجي قبل لاتكون مريضي علشان جذي بصارحك بكل شي انت لازم تسافر والحين وصلتني برقيه من مستشفى بلندن انهم يخافون لايفقدون القلب اللي عندهم اذا ما سافرت حالا لهم
يوسف : مستحيل اسافر الحين عرسي بعد اسبوع شلون اسافر ؟؟
سارة : شنو عرسك ؟؟ صحتك اهم من كل هالدنيا والعرس ينتظر ويتاجل بس القلب ما ينطر
الدكتور : واهي صاجه العرس يتاجل عادي اجله كلها شهر ونص وتقدر تعرس وتاخذ اربعه بدل الوحده ههههههههههههه
ساره : اربعه عاد لا انا رضيه فيه مسكرب ولا ابيه متعافي ولغيري ههههه
يوسف : شفت شلون تبيني مريض وراضيه فيني انت شكو هااااا صج دكتور ملقوف ويطلع الدكتور وهو يقول
الدكتور : عاد انا برسلك للندن وانت بكيفك عاد هناك بس لعلمك السفر باجر انزين
يوسف :تعال اهني يا دكتور دكتور .......... اهو بكيفك ترسلني ؟
طبعا الدكتور ما رد عليه لانه يعرف حب يوسف لسارة وانه راح يضحي بعمره علشان ما ياجل العرس
ساره : يوسف رجيتك يا قلبي تسافر وتسوي العمليه انا هم بسافر وياك ترى منها سياحه ومنها علاج ( واهي تضحك والدموع تنزل من عينها )
يوسف : يا قلبي انتي اذا تبينها سياحه انزين بس علاج مستحيل ما اعالج الا بعد العرس وبعد ما يجيني اول ولد بعد اوكي
ساره : ( واهي تبجي ) رجيتك يوسف سافر علشاني تكفى ابوس ايدك سافر .......... سافر .......... سافر
يوسف : خلاص لاتبجين بسافر .......... خلاص عاد وقفي دموعج ترى دموعج غاليه يالغاليه وشوفتها تزيدني مرض وربي .......... ترى دموعج تذبحني خلاص عاد لاتبجين
سارة : سلامتك يا قلبي خلاص ما راح ابجي انزين ( وتبتسم )
يوسف : ايه جذي يا حلات ابتسامتج .......... والحين اوعديني انج ماتبجين مره ثانيه
سارة : اوعدك يا روحي
وثاني يوم اللي هو يوم السفر رفض يوسف انه ياخذ ساره معاه واخذ معاه يعقوب اخوها بحجه ان ساره راح تتوهق فيه .......... ولازم تجهز نفسها للعرس .......... وسافر يوسف واهي تودعه بابتسامات ودموع .......... وقرروا يسون له العمليه بعد اسبوع من اجراء الفحوصات الازمه له .......... وفعلا تمت العمليه وبنجاح ساحق ماله مثيل .......... ورجع يوسف للكويت وكانت سارة بنتظاره بالمطار وكلها امل بشوفته .......... وفعلا شافت فارس احلامها اللي تعرفه واحسن من اول بعد .......... وبعد جم يوم كان لازم يراجع المستشفى علشان يتاكدون من حالته ويتابعون عمل القلب لانهم يخافون من انه ينكس في اي لحظه وبعد اجراء الفحوصات المختلفه راح للدكتور علشان يقوله شنو النتيجه اللي كشفت عنها التحاليل
الدكتور : (والحزن باين بكلامه وصوته وعيونه ) يوسف ما ادري شنو اقولك يا اخوي ( وتنزل دموعه ويسكت شوي ) اعذرني ما اقدر اتحجى
يوسف: شالسالفه يا خالد تحجى شنو طلع وياك بالتحليل .......... بشر طلعت حامل ههههههههههههههه
الدكتور : يوسف اتمنى انك تحافظ على هالروح العاليه وتكون مؤمن مثل ما عرفك ويعرفك الكل
يوسف : اقول خويلد بلا مقدمات عاد شالسالفه ؟؟………. القلب مو عاجبه جسمي ولا صاحب القلب يبيه مره ثانيه
الدكتور : لا بس ………. الدم اللي نقلوة ما كان نظيف
يوسف : خلاص ارجعه لهم .......... وينظفونه طال عمرك
الدكتور : يوسف انت مقدر وعارف اللي اقوله لك .......... ولا لا ؟
يوسف : ( بان عليه الحزن وسرعان ما اختفت البسمه من وجهه ) شنو المرض اللي بالدم مالاريا ………. طاعون ………. الجمرة الخبيثه ………. ايدز ………. شنو بالضبط
الدكتور : (واهو يبجي ) الاخيره يا خوي ( ويقوم يعانق يوسف )
يوسف : ( واهو مبتسم ودموع من عينه تنزل مثل الشلال ) مسكينه يا سارة شنو بيكون ردة فعلج
الدكتور : الحين فكرت بساره وما فكرت بنفسك
يوسف : خالد ساره هي نفسي رجيتك لاتقول لاي شخص بهالموضوع
الدكتور : لا بس لازم تدخل الحجر الصحي بمستشفى الامراض الساريه
يوسف : (واهو يبجي ) ادري وعارف هالشي بس عطني مهله جم يوم لين اخلي ساره اهي اللي تطلب الطلاق مني وتكرهني وساعتها انا بروح بنفسي للحجر الصحي
الدكتور : اوكي براحتك بس جم يوم لاتطول لان كل دقيقه تمر فيها خطر على حياتك
يوسف : حياتي ؟؟ ليش اهي بقت لي حياة واللي يرحم والديك لاتجيب طاري الحياة جدامي
ويطلع من المستشفى واهي صاكه بوجهه الدنيا ويروح للبحر ويجلس هناك من العصر لين الليل وتدق عليه ساره
يوسف : الووووووووو
سارة : الوووووووووو
يوسف : هلا امري
ساره : امر انك تجيني اشتقت لك من امس مو شايفتك ولا تتغلى علينا ولا اخاف قلبك ما يبينا
يوسف : اقول انتي داقه هالحزة علشان هالخرابيط ؟؟
ساره : اي خرابيط ………. اشفيك انت
يوسف : مو فاضيلج الحين ولا تدقين مره ثانيه علي انا لو اشتقتلج بدق اوكي ولا اقولج لو تعرفين لو
ويصك التلفون بوجهه ساره .......... وتقعد تبجي من كلام يوسف لها جم مره يتكرر هالشي منه واخيرا قررت انها تروح لطبيبه خالد وتساله ليش يوسف تغير عليها ؟ يمكن يكون تغير عليها بسبب القلب الجديد واهي هناك سمعت صوت يوسف عند الدكتور واهي بصاله الانتظار وتسمع كل اللي يدور بينهم وقامت وقربت من الباب تبي تعرف شالسالفه
الكتور : شلونك الحين
يوسف :زفت شلون بكون
الدكتور : وشلون سارة
يوسف :قاعد اعذبها وياي ليل نهار بس بدون فايده لا هي راضيه تكرهني ولا اني قادر اصارحها .......... وربي اني اموت باليوم ميه مره بسبتها يا خالد ( ويبجي )
الدكتور : صارحها بالمرض اللي فيك خلها توقف وياك ..........
يوسف : انت شقاعد تقول هااااااااااا .......... تبيها توقف وياي ساره تخاف علي من الهوى الطاير لا ماني قايلها خلها تعيش حياتها بسعاده دوني
الدكتور : يوسف صارحها وريح عمرك وريحها معاك يا خوي
يوسف : انت من صجك شنو تبيني اقولها هاا تبيني اقولها ان العمليه انجحت بس الدم كان ملوث وفيه ايدز واني بعد جم شهر بودعج هاااا ؟؟؟ تبيني اقولها البيت اللي اثثنا ما راح نعيش فيه ………. وثوب العرس ما راح تتهنين بلبسه ………. شنو اقولها تحجى شقول ( واهو يبجي والدكتور هم يبجي معاه )
وكانت سارة تسمع هالحجي واهي برا الغرفه ساعتها صرخت واغمى عليها وراحوا يركضون يسعفونها الدكتور ويوسف ويوم صحت وشافت يوسف بجت وقالت له طلقني انصدم يوسف من كلامها وسرعه طلبها للطلاق
يوسف : انا كنت ابيج تطلبين هالطلب من عرفت بمرضي وانا ما الومج لان مافي وحده ترضا تعيش مع واحد بيموت
سارة : امبلى اكو وحده اسمها سارة ترضى تعيش باقي العمر مع شخص مريض بس ماترضى تعيش باقي العمر مع واحد يخش مرضه عليها .......... يوسف انا احبك واموووووت فيك وما راح اتخلى عنك مهما صار
يوسف : بس انا بدخل الحجر الصحي وما راح تشوفيني وكلها جم شهر واودع هالعالم كله
ساره : بدخل الحجر الصحي وياك واذا مت قلبيبيعيش على ذكراك بس وعد اني بموت وياك
( ساعتها ضمها يوسف لصدره وقالها )
يوسف :ساره انتي ما تستاهلين كل هالعذاب انا ابي اشوفج دوم مرتاحه
ساره : عذابك راحه ونارك جنه وقربك اهو مطلبي من دنياي وربي
وشافت بيد يوسف مغذي ومتسرب منه دم
ساره : هذا دمك ولا دم المستشفى ؟
يوسف : لا دمي ………. او قصدي الدم الملوث
وقعدت تلهيه وتشغل باله لين طيحت قلاص القزاز من الطاوله وتكسر ساعتها قامت تلملمه وجرحت وريدها بالقزاز وخلت جرحها ينزف وبسرعه امسكت سلك المغذي وسحبته وخلت دم يوسف يسيل وحطت ايدها على ايد يوسف والجرح على الجرح حاول يوسف سحب ايدها بس كان الوقت طاف عليه
يوسف : اشويتي يالمينونه ؟
ساره : ايه مينونه بحبك بعيش وياك وهم بموت وياك
يوسف : لازم نشوف الدكتور عشان ينقذج
ساره : لا ما ابي .......... بدخل وياك الحجر الصحي وهم بموت وياك ( وهي تبتسم وتنزل دموعها )
يوسف : انتي بتموتيني تراج ( ويضمها لصدره ويمسح دموعها )
وبسرعه دروا اهلهم بالسالفه ونقلوهم للحجر الصحي وبناء على طلبهم خلوهم بغرفتين يم بعض وقرروا يتزوجون واهم بالحجر الصحي وليله العرس وقبل الزفه زاد المرض على يوسف بس قاوم المرض لين وصل الكوشه اللي حطوها بصاله الاستقبال بالمستشفى وكانت ساره اجمل عروس واول ما قرروا يزفونهم طاح يوسف على الارض ( ويودع الدنيا الفانيه الي الدنيا الباقيه – رحل يوسف من دنيا ظالمه لم تعطه ما اراد وبخلت عليه حتى بلحظات سعيده ومن طاح يوسف على الارض قالت ساره
ساره : يوسف حبيبي يوسف .......... مو الحين تموت اصحى رجيتك
ساره : يوسف قوم تراني شريت الكره وهم ابي منك مجلتي اللي عطيتك ياها ببلودان تتذكر ؟؟؟
ساره : يوسف قوم عاد لا تخرعني عليك قوم يا قلبي قوم
لكن هالمره ما قدر يوسف يسمعها او يرد عليها .......... اصابت ساره بنهيار عصبي حاد لحظه موته .......... ويوم قرروا يحطون الثمان بالثلاجه اطلبت انها تشوفه لاخر مره وفعلا وافقوا على طلبها
ساره : قوة يا نحول شلونك الحين ؟؟ دريت بيحطونك بالثلاجه يقولون …. بس هم مراح اتركك لاني بدخل وياك بنفس الثلاجه
وانتظرها الدكتور تطلع من الغرفه وما طلعت فقرر انه يدخل ويطلعها وياخذ الجثمان بس يوم دخل تهول من اللي شافه ………. شاف ساره جثه هامده يم جثة يوسف ومتماسكين بقوة رهيبه وكانت سارة مبتسمه ويوسف هم مبتسم وكانت ساره لابسه ثوب عرسها ويوسف متغطي ببشته وكانهم ينزفون ما كانهم يدخلون ثلاجه الموتى
ماتوا اجمل محبين انهوا قصتهم بالمرض والوباء والتعب والمشقه لكن رغم كل هذا انتصر الحب اخيرا على كل مواجهه فالموت ليس عقبه في وجه المحبين
11-11-2004, 03:56 AM
العرض العادي
