يوميات طالبه

شله النصح والفساد
المقدمة :
إحنا تسع بنوتات حلوات طيبات شاطرات مغازلجيات بالمقررات .......... بنحبكم , إحنا كلنا دفعه وحده واهي 2001 الصراحة تونا انتبهنا ان عندنا حصيلة من المراقف التي تسر وتضر والصراحة إحنا عشنا أيام وايد استحملنا الحلوة والمرة منها حاليا إحنا سنه ثالثه ثانوي للي ما يعرف مقررات واول شي كنا بس ثنتين مياسه وشوقه كانت شوقه تضحك مع الكل والثانية كل البنات على بالهم شايفه نفسها بس هي بالعكس كانت تمر بوقت حرج وهو انها عايده السنة وبعدين انضمت لشلتها بنت حلوة كان اسمها مشاكل يعني مشاعل كانت مياسة ما تحبها وماتواطنها بعيشة الله وبعدين مع مرور الأيام والشهور صارت مشاكل رفيجه مياسه المفضلة , ومياسه ومشاكل تعرفوا على ريماس واهي بدورها عرفتهم على أختها غرام كانت شوقه ماتواطن ريماس بعيشه الله ( ليش ما ادري ) .......... كانوا كل ما يمشون مياسه ومشاكل مع ريماس تعكر وجهها وتزفنا ( ما ادري ليش ) وهذا غير السب والطراقات اللي أكلناها انا ( مياسه ) ومشاكل وطبعا عشان انا ومشاعل نحب نتعرف على البنات تعرفنا على عضويين مهمين بالشله واهم : شقاوي وريانه وكانوا الصراحة حوش بنات .......... مهضومين .......... وبعد مرور سنتين كاملين يعني لما صارت بدايه هالسنه هذي جابت لنا شقاوي عضوي جديد للشله واهيا رجاوي وكانت مؤدبه وعلى كل شي تضحك طبعا يمكن عدتها مشاكل لأنها مشهورة بالمدرسة كلها مو بس بيناتنا بالضحك أخر عضو بالشله انضمت اهيا مضاوي وهذي هي شلتنا .......... انشالله تعجبكم .
( وترقبوا يوميات ومواقف هالشله )
هذيل نبذه صغيره ومختصره عن كل وحده فينا :- ( تعـاريـف )
في هوايه تجمعهم كلهم واهي المغازل والو حده فينا ما تعترف بواحد واثنين من ثلاثة وفوق
الهواية العـمــــــر الاســــــم
مغازل ونت طبعا مجد يدري بالبيت .......... والفرارة بالشوارع الفجر 18 ريـمـاس
الـشـعـــر .......... ماشيه بال18 (ليش متركضين احسن ) مــيــاســـه
هذي عاد حاله خاصة إدمان على المغازل ما قدرت تمسك نفسها حتى بالعمره الناس تدعي بالصفا والمروة واهي طايحتله تضبط 17 غـرام
المغازل بكل طرقه واساليبه ( نت- تلفون – تشيير- مقابله – كل شي ) 18 وراكبه الدتسن تباع ال19 شـقــاوي
المغازل الشريف .......... يعني هذي ارحم وحده فينا تطقطق بالمغازل ؟؟؟ 17 وقاعد تطق باب ال18 مسكينة للحين مجد بطل لها الباب ريــانـه
مغازل هم شريف بس شوي حالها على التشيير تنطر باص ال18 للحين ما وصلها مسكينة رجـاوي
تشيير الأرقام والمغازل ليل نهار 17 مـضـاوي
المغازل على ودنوا ؟ تصك من هذا وتكلم هذا ………. 16 مجلبه بذيل ال17 معرده شـوقــه
النت والفراره .......... والاستعباط هذي عاد عنونه .......... دلو عه الشلة 16 وتصعد درج ال17 لو اصنصير مو احسن ترى توصلين بسرعة مشـاكـل يعـني مشـاعـل
المواصفات :
1-ريماس .......... عرجه ما تتكلم
2- شوقه .......... حوله ما تسمع
3- مشاكل .......... شعرها كشه والاستشوار خربان
4- ريانه .......... عاد هذي وجهها حليمة بولند على فطومه وجسمها منيره عاشور على مريم الغضبان
5- شقاوي .......... ثرمه ما تشوف
6- غرام .......... هذي عاد شلون أوصف لكم ملامحها شبه أليسا واليسا تخب عليها بعد اللي ماكو عمليه تجميل بالعالم الا ومو مسويتها
7- رجاوي .......... هذي عاد الشحروره صباح وقاعدة .......... نسختها استغفر الله
8- مياسه .......... جيكره وماتنبلع وشايفه نفسها ما ادري على شنو
9- مضاوي .......... ثوله – صمخه – رقله – هبله – والله يستر لا تكفخني الحين شكله راح يجيني بكس مو طبيعي






طبعا بتقولون او تحطون في بالكم ان احنا هايتين 000000 بس لانكم ما تدرون شلي صار فينا ولا جان ما لمتونه كل وحده بالشله صارتلها قصه حب وكانت كل وحده منه تحب واحد وشنو كنه مخلصين لهم كنه بريئين صدقنه الجذابين بس طلعو صج شياطين صار شعر عقدونه من شي اسمه شبااب صح ان اصابع ايديني مو سوه بس خلاااص صار بين عيونه حقد على الشبااب واي واحد انكلمه قصدنا نتمصخر عليه وهو المسكين مصدق يعني صار العكس طبعا غير المقتلب اللي سوووها بعض الشله بربعهم الخاينين مثلا مياسه كانت تكلم واحد وحبته من كل قلبها وحسبالها مخلص لها بس طلع حقير ونذل وما يستاهل ولا يستاهل ربع الحب اللي عطته مياسه طبعا اكتشفت مياسه انه خاين بالوقت الضايع يعني بعد ما طاحت بحبه انه رقم رفيجتها وحبته وكلمته وعرفت عنه كل شي ومحد كان يدري عن الثاني لا مياسه ولا الحقير ولا رفيجتها وفجا بانت الحقيقه وطبعا مياسه انجنت الا استخفت والله الله يعينها طاحت بالمستشفى وتخطيط قلب وحاله ما سكتت كله تبجي ومصخره لما سالها الدكتور ايه فيه ايه يا00000انتي بتحبي وعرف كل شي لانه قالها انتي ما راح تصيرين زينه الا لما تفضين اللي بقلبج وطبعا اهو ولا داري الحقير وبعدين لما صحت وصارت زينه حطت الحقد بين عيونها وحقدت عليه وعلى كل لحضه كلمته فيها المهم كانت تمر بموقف حرج وكان أي شاب يبي يرقمها تقعد تزفه حتى مره كانت رايحه السووق وكان يبي يتحرش فيها صبي يبي يرقمها ولا شوي قامت تصارخ بوجهه وتبجي والصبي المسكين ما يدري شالطبخه وتاخذ منه الرقم وتقعه وتقطه بوجهه وهو من الخرعه ما يقدر يسوي شي بس يذلف ......وبعدين قالت مياسه حق الشله عن السالفه وطبعا بما انهم شله النصح والارشاد اقترحت مياسه عليهم انها تسوي فيه مقلب يكرهه حياته وطبعا هو الحين ما يبي مياسه خلاص مل منها شافله شوفه جديده وعاد هالشوفه المصيبه رفيجتها واتفقت مياسه مع غرام انها تواعده الحقيروطبعا هو للحين ما يدري شنو العلاقه بين مياسه وغراام وجا اليوم اللي غرام واعدت [img]style_images/1/p2.gif'> وين بستار بوكس وكان بالكورس الصيفي يعني هياته واول ما قعدو طقو السوالف وقهوه يعني ولا جنه صاير شي ولما قاعدين وهو طايحله جذب قاعد ويجذب عليها ومندمج ورايح بالكلام جك بم الا مياسه سوت نفسها جنها من زمان مو شايفه غرام ومرت من عندهم وصرخت اوووووووو غرام ووينج يالقاطعه مشتاقتلج شدعوه ماتسالين مادقين شاللي ماخذج مني وغرام تقول نفس الحجي وهو لا تشوفونه مخترع لو تذبحونه ماتلقون فيه نقطه دم قال شالوهقه طالعت مياسه بنظره احتقار وتقول حق غرام ماعرفتينا قالت غرام ايي هذا هذا اللي قلتلج عنه جنني هذا ( ع ) قالت مياسه هلا والله زين اللي شفناك انت صرت مثل بيض الصعو نسمع فيه ولا نشوفه وهو طبعا مايرد ولا يتكلم انطرم مالومه الصراحه موقف ماينحسد عليه وحنا كان قصدنا نخليه على اعصابه احترق المسكين وهذا اللي كانت تبيه مياسه ماطفت نار قلبها الا لما سوت الموقف هذا وبعدين خذت غرام وخلوه بروحه بين الطاولات والكراسي مع خرعته ( وي راحت عليه الحين خسر الثنتين يستاااااااااهل )



























اول شي كانت كل وحده تخش أسرارها عن الثانيه من الخرعه طبعا وبعدين وبعدين شوي شوي طلع السر الاول بعدين الثاني وبعدين صرنا مانخش على بعض اي شي .......... يعني بصريح العباره اللي في بطنها شي ما ترتاح الا لما تقوله حق كل الشله .......... مشاكل ومياسه وشوقه في بدايه العلاقه طلعوا بيناتهم لزمه دايم على لسانهم وهي صج .......... لا والله .......... قطيعه وكانوا كل المدرسه علامات استفهام على هاللزمه وهي طبعا مالها سالفه يعني طلعت من عدم او مثل ما تقولون عبط والله بدايه المشوار كنا نموت على الاستعباط يعني مانخلي وحده تمر الا وكرهناها عيشتها فمثلا كنا نقول حق البنات اللي تمر من عندنا قولي واحد عاد هيا هني مستغربه بس تقول واحد احنا نرد نقولها اثنين .......... هاهاهاهاهاهاي ملااااااقه
الموقف الثاني : مثلا يكون يوم الاثنين فا نقول احنا جنا ما ندري اليوم شنو السبت ولا الاحد عاد هم هني يقولون الاثنين واحنا هني نشاهق نقول سبحان الله مع بعض .......... شلون صار والصراحه اول وحده مينتنا على بعض هي شوقه وقامت كل وحده تفلص وتقول اللي جدامها واللي وراها حسينا براحه لان كل وحده مننا لقت اللي يفهمها ويراعي شعورها والحمد لله الشله مثل ما ذكرنا توسعت وصارت تسع بنات بعين العدو .
بداياتنا كنا نقص الساعات من شهر لشهر ولما صار ما يمر اسبوع الا وقاصين عشر ساعات طبعا شوي شوي قمنا نزورق في بطايق الخروج يعني نطلع بره المدرسه من غير بطايق وطبعا ولا مره حلينا واجباتنا بالبيت كلا في بدايه الساعه والمصيبه كلنا نفس الاجابه .......... طالعوا الغباء !!!
المهم مره كنا مهربين وقاعدين بالكافتيريا طالعوا الثقه .......... يعني كلش عندنا فراغ .......... جك بم .......... الا الوكيله داخله الكافتيريا .......... ياسلااااااام شهالوهقه كل وحده قام وجها يعطي الوان قوس قزح والمصيبه الوكيله ما كانت جاكه فينا بس احنا اللي على راسه بطحه يحسس عليها قامت كل وحده فينا تقوم حق الثانيه تقعد ووحده طيحت الكرسي من الخرعه ووحده راحت للوكيله تقولها ابله والله علي فراغ وبعدين شكت الوكيله فينا عادجت المصيبه .......... طلبت الوكيله البطايق اهي عاد صج وهقه اللي سوت نفسها غشيانه والثانيه ناسيه بطاقتها واللي ما تشوفون الا غبرتها وكل وحده قامت تعطي من جنبها يعني رقع يا مرقع ماكو ترقيع المهم رقعنا والوكيله الرقله صدقتنا وطبعا تبنا وبعدها باسبوع وعادت حليمه لعادتها القديمه وسوت المدرسه قرار كشف حق الطالبات اللي عندهم فراغ علشان يجكون المهربات المساكين بس طبعا احنا من يقدر علينا قمنا نهرب ونحط اسامي مزوره اللي تحط اسم امها مع اسم رفيجها يعني اسم ابوها والحلوة مره ريانه ورجاوي بنفس اليوم وحده حطت اسم الوكيله والثانيه اسم الناظره واذا كانت المناوبه قسم الاسلاميه قمنا نبدع نحط هيفاء وهبي .......... نانسي عجرم .......... البيسا .......... على كيف كيفكم طب وتخير يا كثر ما استعبطنا على المدرسات يعني مره بالجغرافيا قامت مشاكل تسال المدرسه خط الاستواء ايزي ولا اكسبرس طبعا الابله لا تشوف وجها معصبه وعيونها كلها شرار اطردت مشاكل ولا يعصبون الشله .......... وقاموا وقالو يا تقعدين مشاكل يا كلنا نطلع معاها (فزعه ) وقامت الابله تزف جان تقول مياسه لا ينط لج عرج وردت الابله دواكم عند الوكيله... برررررره ردت عليها شوقه لو سمحتي باي مستوصف وقالت و بعدين ردت ريانه ولا ابلين وطبعا طلعنا بكرامتنا مو عشانها بس خفنا لا يصير فيها شي مو هي رجل بالدنيا ورجل بالقبر.رحنا الساعه الثانيه عاد لا تشوفون الابله ريحتها فول مدمس على كيف كيفك وخيار على حيله وبس لايعه جبدها( ليش ما ادري ) وكانت عقدتها البريعصي من وين عرفنا شكينا ان الشعبه فيها بريعصي الابله قامت تركض اهااا اهني مسكنا عليها نقطة ضعفها ومن الاسبوع الجاي جابت ريماس بريعصي بعلبه وحذفته على الابله وهي قاعده تكتب على السبوره مسكينه لمسها البريعصي على ايدها انجنت وما تشوفون الا غبرتها حق قسم العربي والشعبه بس مخترعين بس احنا وشطانتنه شيشناهم قمنا نصارخ ونركض ونحذف الكرسي وسوينه لجه بالمبنى وهيصه والشعبه طلعوا وصارت وناسه وضاعت الساعه هذا اهم شي.الساعه الثالثه ساعة الاسلاميه عاد هذي الابله كل ما تسالها بنة عن شي قالت اسالو علما الدين اضبط مني لان يعني ترقع كنا ماخذين فقه السنه ومره قالت الابله عطوني قيمه على هذه التطبيق وردت مشاكل تطبيق ولا جامعه ولا الابله كل شي ماسكته علينا حرام وعاد ترد عليها مياسه ابله الدين يسر مو عسر ولا الحلوه مره شقاوي كانت رافعه قلمها تاشر حق رجاوي وحزتها الابله كانت سائله سوال ومحدكان رافع ايده وصدفت الابله طالعت شقاوي حسبالها رافعه ايدها وقومتها شهالوهقه صج توهقت شقاوي اصلا حتى السؤال ماتعرفه وبقت واقفه طول الساعه لانها بوادي والابله بوادي ثاني .
الساعه الرابعه : ساعه الانجليزي عاد هذي الساعه عمرنا ما دخلناها مبجر كلا متاخرين عاد السالفه ماتترقع قولوا وحده تتاخر ثنتين المصيبه تسعتنا .......... وكل مانتاخ او نسولف تقول مراح احاجيكم بس شوفوا الدرجات مرة مياسه ما فهمت القواعد ملات الانجليزي لانها كانت مو حاطه دهن بشعرها المهم قالت حق الابله شلون يعني ما فهمت عيدي عيدي الابله قالتلها اشتغل عندج اخاف بس قالتلها اقين اقين قالتلها هني المس شنو انتي ماتعرفين شي اسمه استاذان مثل بليييز .......... ممكن .......... لو سمحتي .......... كان يو .......... طبعن مياسه قالتها اوكي ممكن تعيدين عاد هني طلعت قلب الابله .......... لاعت جبدها الابله وهي تعيد اخر شي ملت من مياسه وما شرحتلها وقالتلها ريانه يبا انا اشرحلج ولا مياسه تقول هذا اذا فهمت اصلا انا من اول ما دخلت هالمدرسه وانا مو فاهمه شي وما ادري شلون راح انجح ( مثل الطرش بالزفه )
الحلوة عاد مرة انا (مياسه) ومشاكل علينا امتحان فرنسي وداومنا مبجر حيييل مو حبا بالمدرسه ولا علشان نلتزم بنظام المدرسه بس عشان يمدينا نبرشم على طاولاتنا بلجنه الفرنسي وداومنا مبجر ورحنا للجنه ودخلنا وللحين كل شي OK وتمام وبرشمنا على طاولاتنا واحنا قاعدن نبرشم ما حسينا الا بوحده واقفه عند الباب الا منو ابلتنا الانجليزي اللي درستنا الكورس اللي فات لانها كانت مناوبه الانجليزي فاا جايين قسم الانجليزي مبجر هذاك اليوم ومن سوء حظنا ان الابله بالذات كنت انا (مياسه ) ومشاكل ماخذين عندها ماده وكنا قد ماتقولون محترمات معاها لا وبعد شطار لان الابله الصراحه كان اسلوبها راقي شوي معانا على الاقل اشوى من غيرها والمصيبه مازفتنا ولا هددتنا ولا قالت لنا شي بس كانت تطالعنا تحرق وتنقد الواحد على نفسه واحنا ليما الحين قاعدين والمصيبه مياسه ما لاحظت الابله قاعده تكتب شغاله قالت الابله مياسه شتسوين وردت ها لابس قاعده انظف الطاوله وردت مشاكل ايه مو المدرسه ماينظفون الطاولات واحنا قلنا حرام خواتنا الطالبات ما يصير يقعدون على طاولات مغبرة او وصخه وما ردت علينا بس اشرت براسها يعني طلعوا برا واحنا سكتنا وطلعنا من غير كلام ولا ما اثر فينا الموقف قلنا خل ننتهز الوقت ونبرشم على ورق صغير قبل لا يبدي الامتحان ورحنا نبرشم على ورق ودخلنا الامتحان ولقينا طاولاتنا استانسنا جان نقط الاوراق اللي برشمناهم ولما كل وحده قعدت عند الطاوله اللي برشمت عليها دخلت مدام الفرنسي وقالت اللي ماتسمع اسمها الحين تقوم وتروح باللجنه الثانيه لان عدد الشعبه كبير فقسموها قسمين ...... هني عاد الوهقه عاد مياسه ومشاكل من بد البنات قاموا وهم يتحلطمون شنو هذا .. احنا ارتحنا حق هاللجنه .... لا ولا مشاكل تقول حق المدام انا احس اني راح ابدع بهاللجنه وما راح انسى ولا معلومه ومياسه تقول ايه والله انا احس اني اذا قمت الحين راح انسى كل شي جان تعصب المدام وتقول بنات وبعدين ممكن قوموا خلصوني وانتن ساكتات وقاموا وامرهم لله الحين لامن براشيم ولا طاولات ......... احسن شي لما ينادون الاسامي حق التحضير للغياب يعني عاد احنا اسامينا ورا بعض الابله ماتلحق تنادي الاسامي الا احنا رادين عليها قالت ابله العربي شوقه قالت لها هلا ووراها مشاكل قالت لبيه ووراها مضاوي قالت نعم ماكان لها خلق ..... كنت احب مياسه لما تقول بساعه الفرنسي احنا كلنا كنا نقول ويي يعني يس بالانجليزي اهي كانت غير لا ولما تقول الكلمه تقولها بدلع كان لايق عليها .....مره مضاوي حرام بنت متاخره على الساعه حييل مو شويه البنت كانت شاطره احنا علبالنا غايبه اول مادخلت وهقتها مضاوي قلت لها ليش جايه جان طاقه جم فره لما تخلص الساعه الابله اول شي ما شافتها بس مضاوي صج وهقت البنت البنيه ما تدري شتقول تتعذر ولا تقول شي لان الصراحه خايفه حنا تسع على ثنتين اهي ورفيجتها فا سكتت بعدين الابله جعمت مضاوي قالتلها وانتي شكوو لو ما تحضر الساعه الصراحه احنا بكل الساعات الابلات بس ماخذينا زف حشى عمر وحده ما قالت لنا ممتازة احسنت very good <<<<<< شرايكم لغه صح ..........ويوم من الايام كل وحده فينا اول ما يلحقها واحد او يرقمها او مثلا عاجبه اسلوبها بالنت اول ما يقولها ابي اشوفج تقوله انطرني شهر سته ولا وتحدد معاه بعد اخر سته تدترون ليش لان الشله مسويه خطه جهنميه اللي اهيه كل شي عندهم راح يسونه بالصيفي لان ماراح احد يسافر كلنا عندنا صيفي ومتاخرين بمادة الرياضيات والانجليزي الصراحه احنا كلنا اه دبي وما نفهم شي بالرياضيات اوكيه يمكن انجليزي نمشي فيه بس رياضيات اغسل ايدي بماي(صابون تايد كلوركس كل المنضفات اللي بيتنا) أي مو هذيل المواد العله عند البنات والمصكليبه ان احنا سقطنا بالانجليزي اول ما دخلنا المدرسه ااي مو ماكان قلبنا على الدراسه كنا يعنى كلش أي احد يكلمنا احنا ثانويه مقررات (جامعه وانا مادري ) نرجع حق محور حديثنا عشان جذي سقطنا كنا مغرورين أي مو اول مره نلبس نفانيف ثانويه والوحده فينا كاشخه أي من قدها لابسه لبس ثانويه ايووووووووووه يالكبيره المهم الشله كلها تكلم من ثلاث وفوق ما عدا اثنين وحده غرام تكلم بس واحد والثانيه مشاعل ما تكلم بالمره بس تواعد على الصيفي الله يستر الصيف هذا راحت فيها الكويت يوه صج لوعة جبد الحين فوف الحر دراسه بعد اف شهلوهقه بس الصراحه احنا ماخذينها حق الهياته وكل وحده من الشله تبي الصيفي بمنطقة رفيجها فمثلا مياسه تقول انا ابيه بالاندلس او بالجهرا شقاوي انا لا ابيه بالرميثيه مشاكل تقول اناو كيفهم أي منطقه لان الصراحه متعرفه على وايد ناس بالنت وتقريبا كل مناطق الكويت مضاوي ترد تقول لا عاد انا ابيه بالصباحيه أي مو تدرون الصباحيه منطقه حلوووه و امممم تعرفون يعنى ولا اناردو الشله لها أي أي رقعي أي ولا شنو لا ردت عليهم شوقه انا الصراحه عادي عندي أي منطقه لان كل مناطق الكويت متعرفه عليهم حتى الصليبيه البدون متعرفه عليهم بس المنطقه الوحيده الليما تعرفة على واحد من شبابها اهي عبدالله السالم كان ودي اني اتعرف على احد هناك بس ما حصلي الشرف وبعدين يقولون ان شايفين نفسهم وانا وحده ما احب احد شايف نفسه علىشنو كلها منطقه ( لاتزعلون حبايبنا اهل لكويت وكلهم على العين والراس والكويت كلها حلوووه مو بس عبدالله السالم
يوم من الايام قالت ابلة الحاسوب (( اللي بهالوقت ما يعرف كمبيوتر امي ))ومسكوها الشله وطبعا هذي الابله ماخذي عليها شوي لان توها ميداني كله تضحك بوجيهنا بس عاد اذا زودناها ما نلوم الا نفسنا المهم لما قالت الجمله ردت عليها ريماااس اووووه (حكم) وهني ردت حق ريماس مضاوي (عسل)بدى عاد الاستعباط ردت عليهم شوقه (درر) ردو باقي الشله ومع بعض لان هذي جملة الشله (ياللللللللللللللللللللله ) وهني كل الشعبه بدت تضحك حتى الابله لان كنه كلنا مره وحده قلناها واشوه ان الابله ما زفتنه بس قالت لنا يلا يلا خلونه نكمل الساعه قبل لا يطق الجرس ولا والمصيبه الاكبر من جذي ابلة علم النفس هذي عاد عااااااهه من امه كله تقط بدليات والبدليات اللي تقطهم وااايد شقاله بس ماكو احد جاكه الا مياسه ومشاكل والبجي طبعا نايمين والا يطالعون بس مايدرون وين الله قاطهم تدرون ليش لان الساعه الاوله تو جاين من البيت ومحد له خلقها أي اكيد نايمين لان يا يكون سهرانين بالليل على ستار اكادمي او يكلمون بالتلفون وشوفو البدليات مره كانت مندمجه بالشرح وبتقول صبيان وبنات هالوقت قالت بنات وفتيات هاالوقت واول ما قالت ما تسمع الا ضحك مياسه ومشاكل اصلا اهي لما تشرح ماتدري شقاعد تقول هالمره البنات ولا والمصيبه ان لما تقعد تشرح تتكلم لغه عربيه واذا ما عرفت تقول شي تكمل عامي يعنى على كيفها اهي يمكن تطوف على البنات بس احن لا يمكن والحين راح نتكلم عن ساعة البدنيه كانت كله لعب وضحك ووناسه والابله مصريه كل ما تكلمت كلمه او زفت بنيه قلنه لها رووحي زين سكتي لا اسفرج الحين والصراحه كانت حاااقده علينا بس يالله كله يهون عشانى الوناسه ولا والمشكله الاكبر من جذي ان كانت مضاوي جايبه معاها تلفون نقال وكانت حاطته هزاز بصدرها واول ما دق التلفون والا رجفة لان ناسيته وعاااد هني البنات سيده خزوها قالت اوووه بارده (والا ترى كان شهر خمسه على اخره جذي يعنى مو بس ميتين من الحر)راحت عند الابله ابله لو سمحتي ممكن اروح الحمام الابله لا اعودي العبي خوشي يالله ابله امانه ضروري وهني بدى عاد الترجي والابله قالتلها خلاص متحنيش روحي ولما راحت اول ما رفعت السماعه زفت اللي بالتلفون زف مو طبيعي لوووووووول (تبون تعرفون منو اهو ) أي احنه ناقصين عشان سيده ننفضح لا واحسن شي لما يقول حق مضاوي شفيج اليوم انتي اخذتيني بشراع وميداف قالتله أي مو انت داق على بساعه البدنيه المهم قالتله السالفه قال اوووله زين عيل ماعطوج تعهد على التلفون قالت الله يخليك أي تعهد قول فصل ثلاث ايام او يحرموني من الامتحان وبعدين شنو ثلاث ايام قول الكورس كله اقل شي وتصير عاد صج سالفه ايجيبون ابوي وامي وبيتنه كله اللي يقول مسويه جريمه كله تلفون حمدالله مايشوفون المدارس الثانيه يهربون ويطلعون مع ربعهم ويكلمون يمكن بالتلفون جدام المدرسه كله حتى لو كانت الناظره أي مو تعرفون اللي قاعد تتكلم بنت فلان الفلاني اللي بمجلس الامه يعنى واسطه (نقزات مو طبيعيه)عندنا رجاوي عقدتها الاغاني وكانت كله تجيب هتفون معاها وكله تسمع اغاني ولا والمشكله أي احد يكلمها ترد عليه باغنيه فمثلا اذا ما حلت الواجب تقول الابله ليش ما حليتي الواجب تقول ((اكتر من كده اهيه))ومره كانت سرحانه ومو عند الابله كلش قالتلها ابله التاريخ قومي جاوبيني على السؤال ماعرفت تجاوب قلتلها الابله تدرين ليش ما جاوبتي لانج سرحانه ( يعنى ماسكه عليه شي ) ليش سرحانه ها قولي بمنو باللي وسكتت ردت عليها رجاوي ( اللي في بالي ولا على بالو ) بس صوتها كان واطي يعنى ماكو احد اسمعه الا ريانه لانها كانت قريبه منها وقعدت بس تضحك وباجي الشله بس ساكتين لان ما كانو يدرون بالسلفه ولا جان تطنزو عليها شوي لان الابله مفرقه الشله عن بعض (( ابله العربي الرقله )) هذي عاد حاله خاصه ودايمن لايعه جبدها ( بس مادري من شنو ) يعنى مو من عندنا المهم احنا بساعتها مانسكت بس نسوالف لدرجه مره بجت قدامنه ( يعنى بتكسر خاطرنه)مره كنا نسولف والا رجاوي التفت علينا احنا طبعا قاعدين اخر الصف اخر الشعبه ( مادري يعنى اقوياء اللي يقعد اخر شي )اللي قدامنا رجاوي ولما التفتت علينا شافتها الابله ( أي ده احنا بنهزر اومي اوءفي ) يمكن يكتبونها بالعربي جذي انا ميح بالعربي ردت عليها رجاوي ( اوم اوقف وانت بتكلمني ) قالتلها الابله ليش تسولفين قالت رجاوي ( سالوني سالوني )وقالت الابله انا ماراح اشرح (عاد الشله هذا اللي يبونه) ريانه بعد احسن ولا تقوم مياسه لان قامت تبجي والشله انصدمت الصراحه حرااام كان وجها يكسر الخاطر قالت مياسه اسفين ابله والله ماكان قصدنا نضايقج احنا بقينه نضحك خلاص مسحيها بوجهي ( الحيوانه مياسه طلعة تضبط الابله لزوم الدرجات ) المهم ورضت الابله علينه لا واحلى مافي الشله النكت اللي على لسان مشاكل وكله نكت مليقه بس تضحك فمثلا (في مره وحده اكلت تفاحه طاح عليها الكبت ) شكووو مادري (في مره وحده دخلت الجامعه شرت سياره ) انا شكوو ولا والاكثر من جذي لما كان شهر 4 كانت تقول كل عام وانتو بخير واهو لا عيد ولاشي بس هذي البنت تموت على الاستعباط مثل مايقولون يمشي بدمها والا تجي عااد الاعبط منها وترد عليها تقولها ايامج سعيده احنا نعرف استعباطها ونرد عليها بس بنات المدرسه دايما يستغربون (حطو عليهم علامه تعجب )يقولولها انت صج مو صاحيه انتي شاربه شي عاد ترد تقولهم واللله العضيم شاربه (تعلقهم شوي )أي شاربه ماااي هاهاهاي ادري مليقه ترد عليها شوقه أي صج ماي اللي فيه شغله ثانيه يمكن فيه كحوووول وشكله ماثر عليج ولا والحلوه لما نشوف بعض ونكون تو شايفن اعمارنا قبل دقايق يعنى مو اكثر كنا نقول هلاااااااااااااااا وينك حدج مقبره ضربي نفسج بالطوفه عشان ينتفض الغبار وينج انتي وين رحتي طافج وهني ماكو سالفه بس جذي بنخلي العذال يشوفون وتنبط جبدهم ( تبون تعرفون منو العذال ) عاد مني قايله بخليها تحوس ببطونكم لا عشان ما نصير فضيحه وبعدين ننكشف ويقعدون الابلات ويحطون علينا ونسقط احنا بروحنه ياللله يالله مشين عمرنا
مره التوام المشاكس (( ريمااس وغرام )) ومعاهم رئيسة الشله اللي احنا مسمينها الزعيمه (( شوقه)) كانو تو نازلين من الدرج وكانت شوقه واقفه بالوسط جان تمر الوكيله زورو (مسمينها زورو لانها كلا لابسه عبايتها الراس بالمدرسه طول الدوام ماتنزعها (كل هذا ديانه يااااسااااااتر ))يبا ترى احنا بنات مو صبيان صج طلع المثل اللي يقول من فوق هالله هالله ومن تحت يعلم الله واللي تسمي الوكيله كيس زباله يمشي واللي مسميها باتمان لما تمر من يم احد يقولها طيري طيري ولا اخر لقب طلعوه عليها هو الزير سالم ونرجع حق محور حديثنا وشافتهم واهما نازلين قالتلهم الوكيله تعالو تعالو ووين رايحين اشوف بطايقكم حتى ماخلتهم يتحجون حشااااا كل هذا لسان ومن اللقافه قمنا نتلفت يمين ويسار ونقول تحاجينا قالت الوكيله لا احاجي الطوفه انتي شسمج عطيني بطاقتج نطريني بالادارة وطبعا هني الوكيله دقت على ابو شوقه ولا ما يشيله هذا من حظ شوقه ودقت البيت وطلعت الخدامه قالت انت منو يبي كلو دوام ماما بابا الوكيله تقولها ابو شوقه موجود قالت الخدامه شوقه مدرسه وسكرت بوجه الوكيله اوووووووووف برده حرة شوقه هني تقول صج كوماري خوش وحده المهم خلت شوقه تجييب ابوها ثاني يوم وتاسفت شوق للوكيله ووقع ابوها تعهد وطاح الحطب مع ان شوقه كانت خايفه تواجه ابوها بس احنا بدورنا شجعناها ولقينا لها حل قالتلها ريانه اللي هي ام الحلول قولي لابوج الصج ان ابله الفرنسي قالتلي روحي جيبي الكشاكيل وتونا نازلين من الدرج لقتج الوكيله واذا قالتلج انتي قليتي ادبج هذا مو علينا انتي قولي لاحشاا انتي مثل امي شدعوه وانا مارفع صوتي على وحده اكبر مني ( الا قولي مثل جدتي اللي ماتت من 15 سنه عشان صج فصل ) عاد انتي بطريقتج رفعيلها وصج هذا اللي صار الوكيله تفهمت الموضوع صج كانت عصبيه بس الصراحه كانت تفهم البنات شنو يبون
يوم من الايام قالو البنات في ندوة بالمدرسه قلنا احنا الشله الله من زمان ما حضرنا ندوات خلونا نحضر المهم ترجينا وبوس روس وباليالله يالله خلونا ندخل ندخل ويوم دخلنا ماتشوف الا المحاضره عن المرور واللي جايبها قسم الصناعي يعني رجاجيل اللي جايين وكانو اكثرهم شرطه كان قاعد مع الجمهور واحد مصري يضبط لهم الكمبيوتر وثلاثه ضباط شكلهم تو متخرجين من الاكاديميه كانو يتحجون عن المرور ( طبعا احنا ماندري شيقولون كلا بس نقزات شوفوا هذا وشرايكم بهذا والله هذا يهبل وصوت هذا يهبل مشاكل الله يقطع سوالفها قالت انا اللي باط جبدي وذابحني المصري شمقعده بين المقتريين و المزايين هذيل وهني رجاوي ما سكتت وقعدت تضحك بصوت عالي وطالعتها الابله قامت تضحك من قلب هني طلعتها برة تقولنا رجاوي تعالو معاي احنا شفنا ضباط ومغترين وناس لابسه بدل واللي معلق تلفونه قالتلها ريانه طيري طيري زيييين ووين نروح ونخلي هذيل هني نخليهم حق البنات عشان ياكلونهم والله كان الضابط كلا يطالع مياسه تعطونه عمر يعني بالعشرينات مو اكثر وكان حلو والصراحه راحه كان يبي يعطي مياسه الرقم بس ماعرف شلون ........ شوفو شنو النقزات اللي قالها يبي يستفسر عن شي يدق على هالارقام وبهالكلام يطالع مياسه وقامت الابله خذت الكروت وعطتهم لمضاوي وقامت مضاوي وزعت للبنات وشلتنا ماعطتهم شي ولا المصيبه الشرطي كان للحين يكمل نقزاته يقول اللي قدام ليش ساكتين شفيهم ما يشاركون مع ان كنا احنا بس نسولف ماسكتنا واحنا كنا قاعدين عند الباب وقف الشرطي عند الباب ومادري شنو قال للمصري بس قمز حق مياسه بعينه وطلع ولما خلصت المحاضره والا الشله كلها شفتوا شنو قال كلا نقزات على مياسه وهني قامو الشله يقولون شعليه شعليه الله يعيين كلا هذا انتي شسويتي حق الشرطي هني مياسه طقت صدرها وقالت شرايكم طيحته من اول مره المهم هني سالناها مياسه تبين تدقين عليه قالتها شقاوي يبه دقي اصلا انتي غبيه اذا مادقيتي وردت عليها مضاوي أي يبه دقي ضابط يا غبيه ردت مشاكل وقالت لها ومحمد (رفيجها قبل ) شتبين تسوين فيه حرام عليج والله يكسر الخاطر قالت يامعوده أي محمد من زمان ماكلمه قلتله اني انخطبت قالتلها مشاكل يعني تبين تدقين على الضابط قالت أي قالتلها انزين عندج رقمه قالت لا مضاوي هي اللي وزعت الكروت مضاوي عندج رقمه عطيني الكرت قالت مضاوي وزعت الكروت حق البنات ليش انا ما عطيتكم قالوا الشله لا ماعطيتينا الله ياخذج الحين من وين نجيبه قالت حسافه بس تدرون شلون انا اقدر اجيبه انا اذكر عطيت الكرت لبنت اعرفها اروح اجيبه منها الحين قالو الشله لا يا غبيه بعدين تشك فينا قالت لا يبا عادي اقولها انا وزعت الكروت وماخذيت كرت ورفيجتي تبي تسال عن شغله قالت مياسه أي جذي صح راحت وكلمه البنيه والبنت اول ما قالت لها مضاوي ابي رقم الضابط سيدا عطتها ياه بدون لا ليش ولا بطيخ واخذت مضاوي الرقم وعطته لمياسه دقت عليه مياسه بليل مياسه : السلااام الضابط : وعليكم السلام مياسه : لو سمحت هذا تلفون منو الضابط : اختي انتي اللي داقه مياسه : أي صح انا بغيت الضابط اللي سوا عندنا اليوم ندوة الضابط : أي هلا والله امري بغيتي شي مياسه : ها مادري ( توهقت قلنا لها دقي وراحت فيها ) الضابط : انتي حضرتي الندوة اليوم قالت : أي كانت حلووة المهم قعدو يتحجون شوي عن المحاضرة وبنص السوالف قال لها انتي أي سطر كنت قاعده قالت : انا السطر الاول عند الباب قالها : اهاا هذا اللي ابي اوصله انتي كنتي لابسه نفنوف سلفر قالت : أي شدراك قال:وانا من الصبح شغال عليج نقزات اقول بقلبي ياربي تسال عن شي او تقوم تسال او تقول أي شي والصراحه كان ودي اني اسمع صوتج طبعا مياسه هني استانست الا طارت من الفرحه عيل مدام جذي مو انا اللي لابسه سلفر قالها حلفي قالت استغفر الله يبا انا انا انزين انت شعرفك فيني قالها : أي مو انتي اللي كنتي لافته انتباهنا تسولفين وتلفتين ورا انتي كنتي مضيعه شي لا والمصيبه وغير جذي كنتي انتي الوحيده اللي لابسه نفنوف سلفر انتي واللي قاعده يمج نفس الثوب ( مضاوي هي اللي يمها ) قالت أي صح بالمدرسه ماكو الا انا ورفيجتي اللي وزعت الكروت قالها : اها اهي اللي عطتج الرقم قالت : الصراحه لا اول شي ماكان عندنا كرت بس بعدين المهم وقالتله السالفه ( النفوف السلفر لون رمادي فاتح حيل مايل للابيض ) قالها : زين شسمج قالت انا اسمي ..........طبعا قالتله اسمها الصجي بس الصراحه احب الناس تناديني مياسه لان الشله تناديني بهالاسم
قالها :لاتقوليلي الشله اللي قاعده يمج كلها شلتج قالت أي كلها احنا تسع بنات وحده طردتها الابله بره لانه كانت كله تسولف وتضحك قال أي صح انا شفت بنت من عندكم قامت وطلعت بره انا قلت يمكن ما اعجبتها الندوه مياسه لا بالعكس احنا كل الندوات حلوين عندنا حتى لو يكون هندي اللي مسوي الندوه اهم شى ما نحضر ساعات المهم طقت معاه سوالف لين الصبح يت المدرسه وقالت لنا سوالفهم وطبعا اهي اعرفت عنه كل شى واهو بعد نفس الشى عرف عنها كل شي مدرستها أي صف عمرها هوايتها بيتهم حتى مواصفاتها والصراحه ومن غير حجي زايد مياسه كانت احلى وحده بالشله هذا من وجهت نظري والباجي بعد حلوين وترى الحلى والزين مو كل شى انا عندي اهم شي الاسلوب ولا السوالف والوحده ما ترافج صديقتها على جمالها او على جسمها او على كشختها او على أي شغله ثانيه فيها مصلحه لان هذي الصداقه ما راح تدوم وطبعا اهم شى بشلتنا اللي ترافجن وتعرف عنه كل شى اخرتها مو توهقنا وتعلم على سوالفنا وطبعا هذيل شويه من سوالفنا اللي سويناهم هذا اللي متذكرينه
ريماس هذي وحده من شلتنا ما تخاف بايعتها يعنى يفصلونها يعطونها تعهد عادي متعوده والوكيله حفضت شكلها أي مو لازم كل اسبوع تزورها ( أي مو تعرفون قعده وطق سوالف وقهوه وشاي خوووش قعده لا تطوفكم ) مره كانت بساعة البدنيه أي ومن عوايد ريمااس انها كانت تاكل علك اول ما دخلت صالة البدنيه ولا الابله قالتلها ارمي اللبانه اللي بوءك ( يعني علج بالمصري مادري يمكن يكتبونه جذي ) المهم اول ما قالت حق ريماس جذي اتفلت بوجه الابله وله العلج لزق بجبهة الابله (لووووووووووووووووووووول) لا تشوفون شكلها مصخره والبنات كلهم يضحكون والابله مو بس حمر وجها وي مصخره بس اللي صج توهقت ريمااس عاد شي فكها من لساان المصريه ابيه الله يعينها ريمااس عاد مصريه وتبي تمسك على وحده شي ابله تكفين ابله اسفه ماكان قصدي الله يوفقج الله يخليج عاد شيفيد الاسف الحين والله صارو فيلم هندي ابله تكفين والله تو جايه من الوكيله قالتلها الابله روحي مش حشوف وشك تاني هنه قالتلها ريماس اسفه يالبله ما كان قصدي يمين يسار المهم ما رضت الابله وطردت ريمااس بره وطلعت ريماس بره وراحت تفتر بالمدرسه على ما تخلص الساعه ولا مشاكل قالت ابله ليش قلتي حق ريماس تطلع بره وتو بتكمل سوالفها الا والابله معصبه قالت حق مشاعل عاجبج ولا مو عاجبج اطلعي بره انتي الاوخره المهم خلصت السالفه قالت مشاكل حق الابله هذي ياابله ابوها هامووور قالت الابله يعني ايه هامور مشاكل يعني يا ابله اهو الكل بالكل بالمنطقه يعني يقدر يسوي أي شى من غير واسطه او اممممم واسكت مشاكل وبعدين قالت للابله انت طبعا فاهمتني ودير بالج منه ترى يا ابله ريماس مو هينه الابله مو بس خقت لما قالتلها مشاكل جذي الا طاح قلبها بسروالهاولا تشوفون وجها جنه فار لاحقها قطوو بعد الساعه جت ريمااس عند مكان الشله قالتلها الشله ها بشري شسويتي ولونه ما وراج بشاره قالت الله ياخذه ما كان قصدي حررام عليها بس ما دام ما رضت الا اروح الوكيله لو ادري صج تفلت بوجها المعفنه
اللي فيها وما فيها صج ما تستحي بعد المصيريه ما باجي الا الصعايده يتحجون المهم الزبده شسويتي قالت يبا خت تولي زين ماني ناقصه ملاقه الوكيله ونصايحه انا رحت فتريت بالمبنى الثاني وبس قالتلها الحين روحي حق الابله وتاسفيلها وقوليلها انا ترى ما رحت حق الوكيله وشوفيها شتقوالج ويماا منه ابلة البدنيه ماتوقعتها جذي اقلبت 160 درجه الملعونه صج ما تستحي اول ما شافت ريمااس قالتلها انا ما كنت عوزها اوءلك اخروقي وخلاص انا عرفت انك بنت كويسه والكل بيؤل كده اول ما ردت ريماس الشله ولا الابتسامه شاقه حلجها ( دووم ياربي ) ها خير ريماتاس انت كل دقيقه جايتنه بوجه جديد الخير بويهكم تخيلو تو بقولها اسفه ولا الحجي السنع اللي ما توقعت احد يقواله لي وطبعا مشاكل بالموقف هذا قعدت تتشيحط أي لو مو انا جان انتي الحين بالبيت ومن هالكلاام........لااااا واحلى موقف مر علينا لما كانت شعبه الانجليزي كانت الشله هني تطل من الدرايش ودرايش هذي الشعبه تطل على الساحه والساحه هذي 24 ساعه متروسه شباب تخيل الموقف بنات يطلون من الدرايش اووووه عاد هنى لا تشوف ما تسمع الا التصفيرااااات كلام مثل ايواااااااااا وهذا اللي يصفق وهذا اللي يرقم بالتاشير بايدينه والثاني ماسك كتبه فشله وهني جتنا ابله الانجليزي بس ما شافت اشكلنا لان معطينها ظهورنا اول ما سمعنه صوتها سيده باماكنه ولا جنه مسوين سي وبعدين الابله كانت مستعجله واللي كانو واقفين عالدرايش هم مشاكل وشوقه وقالوا للبنات والله اللي تعلم ندوس ببطنها تكفون لا تعلمون قاعدو يترجون البنات ودخلت الابله قالت من غير لف ودوران منو اللي كانت واقفه عالدريشه محد رد بس النظرات كلها حرااام على مشاكل وشوقه والابله معصبه تعترف احسن لها ( شوفو يعني شلون تبي تجكنا ) قالت حق البنات خلاص انتوا لاتقولون بس طلعو اوراق وكتبو اسامي البنات الاثنين اللي كانو واقفين بجذي انا ماعرف اللي كتب المهم لما عطو الابله الاوراق محد كاتب شي يعني الاوراق فاضيه عصبت الابله زياده قالت انتوا جبناء وقعدت تسفل فينا نادت الابله مياسه ورى الساعه قالت لها مياسه انا وحده اثق فيج قولي لي منو اللي كانو واقفين عالدريشه ويطالعون الصبيان قالت مياسه ابله انا مالي شغل قالت لها الابله انا ماقلت انتي قولي لي منو اللي كان واقف قالت مياسه الصراحه الصراحه ابله انا وحده ما شفتهم انا كنت توني جايه وانتي دخلتي وراي بدقيقه وانا ماكنت قاعده اطالع منو اللي كان موجود لاني كنت قاعده احفظ ايه الاسلاميه ( اللللللللله يالشطااااااره ) الصراحه هني البنات لا اسمع لا اتكلم لاارى وبعدين عرفنا ان مياسه خوش بنت وعجبتنا بالموقف وطلعت بنت عسل لاااا وينقط بعد والصراحه لو الابله ماخذه بنت غيرها جان رحنا وطي .(تونه .) ........لا ولما كانت ابله الاسلاميه تشرح درس والدرس فيه جمله الناس سواسيها كانت الابله قاعده عالطاوله قامت مشاكل وقعدت عالطاوله قالت لها الابله شفيج قالت انتي مو تقولين الناس سواسيه انتي قاعده عالطاوله البنات هني ماقدور يمسكون نفسهم من الضحك كلا يضحكون الابله تفشلت تبي ترقعها قالت لا الناس سواسيه عند الله طبعا قعدت تتفلسف شويه وتقول لا فرق بين اعجمي وعربي طبعا هي كملت الحديث اللي سمعتها اخر شي الا بالتقوى هني الشله مو فاهمين بس معطينها طاف ............ عندنا ابله الفرنسي لبسها اغراء عاد حق منو حق البنات الله يخسها قولو امين بس واللله طيبه حيل اهيه سوريه علشان جذي فري مو ماخذه على جو الكويت كانت لابسه تنوره والفتحه لي فوق الركبه اصلا البنات يقولون ليش لابسه تنوره ما له داعي ( عاد انتو فاهمين هني شنو اقصد ) وهني مياسه اشتغلت نقزات الستر زين لا واحس موقف لما كانت واقفه بالطابور وكانت الاذاعه مسوين برنامج عن الحجاب وكانت اهي ما تلبس ومعطيه الاذاعه طاف ترد مياسه تقول حق مشاكل طالعي ابلة الفرنسي معطيه الاذاعه طاف لا تقول عمك اصمخ ابلة الفرنسي كانت بهالحزه كانت تطالع فوق لووووووووووول الصراحه موقف تنحسد عليه ( فشله ) قالت الابله للشعبه منو عندها كتاب قواعد ردت عليها مشاكا ما نستعمل ( شكو ما دري ) لا ومره كان درسنا بالعربي اسمه (( انا سعيد في زواجي )) كان الدرس الصراحه حلو وكل الشعبه محظرته المهم الابله سالت سوال قالت هو ليه الشركه او المصنع بيفظلو المتزوق على الاعزب ردت مشاكل أي مو لان المتزوج ماشي سيده ستريت من غير لف ودوران اما الاعزب على قولتج شغال ليل نهار مايهمه احد الا لبسه شعره كشخته وتلفونه وين قضي وقت فراغه صج كان اصلا الدرس يتكلم مثل ما قالت مشاكل بس الابله قالتلها ابي عربي قالت ليش انا كنت اتكلم هندي انا تكلمت عربي الابله لا انا عوزه عربي فصحه انتي بتهزري ( ترى ما اعرف اكتبها ) مش تتكلمي بالعامي طبعا ساكتين ما تحجينه لانه هني كانت معجبه حيل ما نقدر نتفاهم معاها او نرد عليها والصراحه خفنا لا تنقصنا درجات عاد احنا مو ناقصين احنا على الله وعلى الشفوي بعد انزفت فيه ....... مره ريماس راحت للوكيله لان عندها امتحان مؤجل والوكيله طالبه البنات اللي ما متحنوا قالت حق الوكيله السلام الوكيله نعم انتي منو قالتلها انا عندي اربع متحانات مؤجله الوكيله اولله اربع متحانات انتي شنو ممتحنه قالتلها أي مو كنت تعبانه اسابيع الامتحانات قالتلها الوكيله وليش ماجاني ابوج ولا امج قالت الصراحه اهلي ما يهتمون بهالسوالف قامت تضحك الوكيله الصراحه ريماس تقول انا اول مره اشوف الوكيله تضحك انا قمت اضحك قلت بقلبي أي مو شقه دعاره ما يهتمون ولا شالسالفه قالت الوكيله شنو ما يهمتون هذي دراسه تقول هني قمت اضحك قالت وهي تاكل ماشوفج انتي وشلتكم دايمه تضحكون قالتلها أي مو يمكن مرتخي العصب .....ز عرفت الوكيله ان احنا شله كلا تقط نكت لاا والمصيبه كل النكت عليها واحنا اللي مطلعين عليها الالقاب .......... امتحان الفرنسي اول امتحان وكل الشله ودها تداوم بس عشان نشوف اخر اخبارهم لان تعرفون مواضيع مثل مواقفنا ما تنقال بالتلفون اللي كان عليهم فرنسي بذيج الساعه ( مشاكل-مياسه-مضاوي-غرام-ريانه)ومشاكل ومياسه كالعاده مو دارسين البراشيم بمخابيهم ومياسه ماشالله عليها البرشامه شطولها وصيه مو برشامه يعني اللي ما يطالع يطالع ومشاكل مبرشمه الارقام من 1 الين الالف وطبعا مع الكلمات الفرنسيه اللي مالـها خلق تحفظهم والمصيبه مشاكل كانت كاتبه برشامهبس ما لقتها بمخباتها وكتبت وحده ثانيه ولما دخلت الامتحان طلعت من مخباها كلينكس ولقت البرشامه القديمه قالت هذا وقتها هذي من وين طلعت والابله بهالحزة كانت تمشي يم مشاكل بس الله ستر وما شافت لانها كانت واهي تمشي فيها نومه والصراحه هذي الابله ماتخوف وكلا تعطي البنات على كيفهم وبعدين درستنا انا (مياسه)ومشاكل الابله كانت تحب مياسه لانها كانت مشتركه بالشعر مع قسم العربي وكانو كل قسم العربي يعرفها لان كان القاها بالشعر روعه وكانت الابله اسمها بديعه صج اسم على مسمى وكانت كلا تفتش البنات واللي تطالع ورقه رفيجتها والابله لما تشوفها جنها ما شافتها المهم الصراحه مثل ما قلتلكم خوش ابله ولا المصيبه الاكبر انها كانت الكورس الثاني تعبانه وكلا كانت راقده بالمستشفى ولما كانت تراقب الشعبه كانت تغمض عيونها من عوار بطنها مياسه هني اول مادخلت قالت اللللللله اليوم الغش ماله والي ابله بديعه اللي تراقبنا لا وبعد نايمه قالت حق بنات الشعبه بناات غشوا والله عادي ماتقول شي والبنات كل وحده تطالع ورقه رفيجتها الثانيه ومشاكل تطلع البراشيم اللي كتبتها ترى هي مو اسمها براشيم لاااااااااااهي اسمها مساعده للامتحان
(انا مشاكل) بهذا اليوم طردونا المدرسه لان كان اخر يوم بس اللي عندهم متحان عملي يداومون وكان هذا اليوم كل المدرسه مستنفره الصراحه جنه جيش بس يزفونا انتو ليش جايين مادخلونا المدرسه موقفينا بالساحه والمدرسات جنهم حرس علينا شدعوة عاد من قال ان احنا ميتين على مدرستكم لالا الصراحه ببجي اذا ماداومت اصلا انا لو ادري مافي دوام ماداومت وبعدين منو له خلق قعدت الصبح وطبعا بهذا اليوم ما شفت الشله كامله ولا ودعتهم صج ان كلمه الوداع قويه ما شفت الا ريانه لانها معاي بالباص وشفت بعد مضاوي ورجاوي بس من بعيد سلمت عليهم اول مره مانسولف ويا بعض كلا من الوكيله الله يسامحها صدق من سماها حقيره صج حقيره يااااااااااي لو عندي صورتها جان راح تقول هذي وكيله عما بعينها الله لايوفقها ياريت تقرا الي انا كاتبته بس علشان تشوف شكثر انا حاقده عليها ياااي كنت حيل مشتاقه لمياسه وريماس وشوقهوبعد حق غرام وشقاوي بس ما شفتهم وانشالله اشوفهم بالامتحانات لان الصراحه للحين مابدو الامتحانات ونشالله بالصيف واقولكم مواقفنا والله العظيم الناظرة كانت بهذا اليوم مثل الطرطور واقفه بس جنها مو واقفه ماعندها شي تقوله مثل اللي مستغربه والوكيله بس تحوس وبس تطرد ورانا ورانا جنها دوريه واهي تدور عالمجرم يمكن الدوريه تتعب وتوقف هي لا قالوا يالله اللي باصها موجود تروح وطبعا مثل ما قلتلكم الساعه 8.30الصبح ويين نروح انا وحده بيتنا فاضي مافيه احد فلازم نقز شوي ولو ان منطقتنا مو مال هالسوالف بس رحنا انا وريانه والباص حق مطعم قالت بنت خلونا نروح السوق بس مارضينا واللكل عارضها سوق ومن الصبح وبملابس المدرسه بعد لاااا والمصيبه وجيهنا ما فيها نقطه مكياج على الاقل مسكره مرطب كحل أي شي نقزر فيه ماكووو







*شقاوي : هذي وحده مجنونه دايم تالف كلا مالها خلق المدرسه مره جت يوم السبت قولولي عظم الله اجرج قلنا عسى ماشر خير شنو صاير قالت : أي تعرفون مو اليوم السبت ووراه الاحد ووراه الاثنين يعني كلا دراسه ومدرسه وقعده الصبح ويوم الاربعاء تقول قولولي عيدج مبارك اليوم اربعاء يعني دوجه وفراره وهياته ولا دراسه ولا خرابيط وطبعا عمرها ماركبت بحياتها جمله سنعه كلا كلامها مقطع وماتقوم وتقعد الا وقاطه عشر بدليات
**مشاعل: عبارتها لما احد يقولها شلونج كانت تقول عال العال ومو لابسه نعال واذا سالت وحده شلونج قالت لها البنت زينه تقولها زينه ولا نحووول لا واحسن موقف لما قالت حق وحده عطيني صورتج مالت الكرنيه لان عندي بحث اسمه الشيفه شيفه لو تفرك بليفه البنت منصدمه هذيل طبعا كلهم مسجات بالتلفون تجي تطبقهم عالبنات
***مضاوي : هذي وحده من الشله فيها مرض تقليد تموووت عالتقليد ويا كثر ماقلدت بنات المدرسه والمغنيات ابله العربي اللي تشبه احمد بدير والثانيه ابله البدنيه اللي شعرها يقول طاق فيه جراخي عاد نسخه عبدالناصر درويش اربع وعشرين ساعه شغغاله تقليد عالوكيله تلبس عبايه أي بنت وتطير فيها بالمدرسه لا واكثر وحده قلدتها صج هي ابله الفرنسي لانها كانت ماتدانيها
****ريانه : عاد هذي دعواتها غير الناس مثلا تقول اذا وحده حاشتها بدون لا تدري تقولها ياربي يعضج جلب اجرب يارب تطيحين بمصيبه ماتطلعين منها وطبعا ورى كل دعوة اميين لان محد يرد عليها تقول قولو امييين واهي تقول اميين محد يرد
*****مياسه : اول ما يبي يتعرف عليها صبي بدون مقدمات قالتله تف عليك الصبي اول شي يحقد عليها انتي ماعنج اسلوب وبعدين ترد تقول تف عليك يا زمن (مقوووله خطيييييرة ) ماتشوف وجه الصبي اصلا ماتدري ووين راح لان ماتشوف الا غبرته اعتقد يقول بقلبه انا راح اتعرف على مينونه زين لما قالت له تف عليك ما عطاها كف على وييها
****رجاوي : هذي اربع وعشرين ساعه اغاني
***ريمااس : هذي مقزره السنه كلها عند الوكيله ياتعهد يا فصل يا حرمان
** شوقه : هذي عاد زعيمه الشله محد يقدر يتحجى عنها
*غرام : هذي تحس انها مادري تستعبط او هي صج غبيه نص السالفه تقول شلوون يعني ما يصير محد يرد عليها ولما نخلص السالفه تقول ايييييييي عشان جذيي







كانت احلى ايام ايام الثانويه والصراحه الشله هاذي عسل وينحطون على الجرح يبرى لان كانت الصراحه نكته تونس يعني مثل ماتقولون مع الخيل يا شقرا مع المطوعه مطوعه ومع المغازلجيه هياته مع الهاديه هاديين يعني شله ننحسد عليها البنات كلهم ودهم يتعرفون عليها (امبين من نظراتهم كلامهم مع الشله جان ماصرنا تسعه والعاشره بالطريج ) والقصه هذي اقصد اليوميات بالثانويه الخايسه اللي مافيها شي صاحي كلها المبنى الاول والثاني اللي مسمينه سكراب صج سكراب مالوم شقاوي لما سمته كله مكسر حتى الدرج اللي يمشي عليه لازم يتشهد قبل لا يمشي لان راح يروح فيها او انه يزور الرازي لا عظامه راح يصيرون كل عظم بصوب وحتى الساحه الخلفيه الله بالخير والله كلها مكسره واحنا قاعدين فيها شنسوي بعد حظنا اللي قطنا فيها اصلا انا لو مو فيها رفيجاتي جان ماقعدت ولا دقيقه وحده انا ماسكه نفسي لا تطيح الطوفه بحظني ولا الطاولات والكراسي حدث ولا حرج مادري انا اتوقع ان البنات لاجاعو يمكن مايروحون الكافتيريا لااا ياكلون الطاولات من قريب يعني لا عود فيه ولا رجل بالكرسي لااا والمصيبه اذا قعدت على الكرسي يطقطق طق طاا انا اتوقع يمكن انه سلاح للهوشات الصراحه هذي مدرسه ما انصح احد يقعد فيها لان لا وكيله ولا اخصائيه سنعين ولا الناظره اردى منهم ما يفهمون شي شنو تبي الا اذا حطيت بصندوق الاقتراحات ........ز اووووووووه مسمينه صندوق أي صندوق تحط الورقه من فوق تطيح من تحت لااا ويقولون حطوا فيه الله وكيلكم صارلنا شهر نحط ورقه نكت ونحط وماكو فايده يعني مثل ما يقولون اكتب ليما تمل وما يطبقون بس نكت احنا نكتب ومحد راد علينا المدرسه هذيسجن والسجن ارحم يمكن يطلعون المساجيين الحديقه او يحققون رغبات اللي بيعدمونه او يخففون المراقبه عنهم احنا ماكو الشرطه ثلاث بره واحد عند الحارس وواحد بالاداره حشى شنووووو والوكيله 24 ساعه اقصد 6 ساعات تفتر انزين ابي افهم شي واحد المكتب شكووو حاطينه مو علشان تقعدين فيه يبا والله محد يقدر يهرب بس ما اقول الا الله يهديج واووووو جيت الحين للناظره هذي مالها شخصيه بس اسم عالطل قال ناظره قال وكله بس تسمع كلام الوكيله واحنا مدرستنا الوكيله الكل بالكل والناظره طرطور واقف الوكيله هذي لاحد يشوف شكلها راح ينتحر او ينعمي (لاسمح الله) اصلا الحين انا قاعده اكتب لكم وانا لابسه نظاره أي مو تعرفون انا من جمالها نعميت انا الصراحه اول مره اشوف بنت سحت جيكره شنو بنت عجووز وتخب عليها بعد بس اخاف لا تصدق انها بنت (استغفر الله خلقت ربي حراام اعيب )الكافتيريا مادري ليش مسمينها كافتيريا كشخه الي يسمع يقول اووة ستار بوكس ما يدري انها مكسرة كبت مافيه شي غير صمون يابس يكسر الضروس وعصير برتقال بايت الله يستر ببطونا انا خايفه لا يتسممون البنات انا اسمع بكافتيريا فيها كافي عصير انواع واشكال همبرجر جكن بس يالله الحمد لله على النعمه عادي راضيين الصراحه مانقدر نقول اسامينا لان بس نقول اسم وحده راح ننفضح كلنا اصلا احنا كلنا من سوالفنا ومواقفنا مفضوحيين بس مراح ننشر هاليوميات الا لما نطلع من المدرسه ونفتك لان الحين احنا نكتب خايفين بعد ماكتبنا عن الوكيله اللي ماخينا شي ما قلناه فضفضنا بالاوراق والناظره اللي جنها طوفه لاتحل ولا تربط بس حاطينها جذي ...طبعا هذي مو اسامينا الصجيه هاذي بس
نك نيمات Nick name
ولا مواصفات بس اخاف هذي مواصفاتنا والصراحه شلتنا احلى البنات والله واللي مو مصدق يسال بنات المدرسه وكانو اكثر بنات المدرسه معجبين فينا طبعا مو كلنا شويه منا هاذي اللي تعجب بشكلها واللي بوجها واللي باسوبها واللي بكشختها (طبعا مو مدح بنفسنا ) بس الصراحه تنقال مداح نفسه شيبيله
(بوسه طبعا)

 

 

ماشالله عليك اخوي كريزي مواضيع واااايد حلوة انشالله نشوف يديدك قلب

 

 

مشكووور كريزي لوف على الموضوع

 

 

مشكككوور اخوي على القصه والله ذكرتني بشلتنا بالمدرسه الله يذكرهااا بالخير من كثر ماطقووونا عين تفارقناااااا

الله يخليهم حق بعض ولا يفرقهم

 

 

قصه طوييييله ... بس حلوه و مواصيعك كلها حلوه عزيزي

مشكور ويعطيك العافيه ;)