الفرق بين العيميه والحضريه والبدويه

الفرق بين البدويه .. الحضريه .. العيميه

===============

اول شي بالنسبه للضيوف :

البدويه :

يوم ايونها زوار تضيفهم بالقهوه... وياويلك اذا شربتك قهوة و ماهزيت الفنيال

لو اتشربك عشر فناييل واييك داء الرعشة بعدها بتصب القهوه

واتقول تفضل انته غالي علينا

((ماشي عقل امبرمج ومقفول على هزة الفنيال))

+++++++++

الحضريه

يوم ايونها ضيوف اونــــّــه اتيكيت

بسكوت و بتي فور وعصير وتعطيهم من الزين الي عندها

((عشان ما يقولون بنت فلانه احسن منها))

+++++++++

وبالنسبه للعيميه مافي عاب وطاب

اول ما ايونها ضيوف تعطيهم بيبسي وميرندا

واذا كريمه حطت فيمتو>>> اونه عاد نوّعت

واتم تطالعهم (( يعني روّحوا اشتبغون يايين شرب وشربتو ))

+++++++++

البدويه لازم اتخلص الكوب عشان غيرك بيشرب (( يعني لازم تلحسه))

+++++++++

الحضرية لازم اتخلي نص العصير(( اونه اتيكيت ))

واذا شربته كله قالت في قلبها يوْ عيال فقر

+++++++++

العيميه تعطيك نص بيبسي وتحسدك عليه وفي قلبها (( زقووووووووم في جبدج ))


=============

ثاني شي العزايم :

البدويه

يوم تنعزم...تتشرط اذا عزيمه مافيها عيش ولحم وهريس ما تسيـــر

على طووول وقبل لا تاكل اتقول ... بسم الله الرحمن الرحيم .. بدينا وتعطيـــه مافــيه

عيش لحم شحم هريس

وترد مره ثانيه عيش لحم شحم هريس

المره الثالثه غيرت يعني هريس شحم لحم

مافـــيـــــــه البنيه بالخمس عاطتنه

اشويه ولا اتحس في شي يابس في حلجها ولا ماكله خاتمها

+++++++++

تعال وشوف الحضريه يوم تنعزم

عزايمها اذا في بيت لازم على قد المستوى ولا ما بتسير

واذا في فندق لازم يا كوتنيتال ولا الهوليدي يعني اماكن محدده بس

ولازم الشوكه والسكينه موجودات ..

ويوم ما يعيبها الاكل قالت .. لا انا امسويه رجيم مابا ..

يوم الثاني تنعزم في كوتنيتال مافيـــــــــــــــه تعطيه اكل

(( وين الرجيم وين الاتيكيت ))

+++++++++

اما العيميه

تحب تنعزم في اي مكان عادي عندها

المهم عندها اتشوف ربعها

(( وفي الواقع المهم عندها تمزر بطنها اونـــــــه الجذابه ههههه ))

ويوم تنزل على الاكل تعطيـــــــــه ما فيــــــه

تاكل اكل حق يومين جدام

وفيه بعض العلماء قالو تعطيـــــــه حتى العزيمه القادمه

يعني اذا كانت حق يوم الثاني تاكل مال يوم واحد جدام

اختلف العلماء ولكن تبقى الحقيقه واضحه

وفوق هذا وذاك بعدها الملعونه محافظه على رشاقتها ونحافتها

((طبعا السر يكمن في المشاوى بالمايونيز ))

=============

ثالث شي الاعراس والمناسبات :

البدويه

يوم يكون عندها مناسبه يا خطوبه يا زواج

يحليلها مسكينه بس هاي المناسبتين اتسير......

يوم الاثنين العرس .. حدث ولا حرج

تتصل بربعها قبلها بيومين وتقبض التلفون الساعه 6 الصبح (( شغل ماشي ))

وتتصل وتتصل وتتصل لين الساعه 10 فليل تراه وقت رقاد الحين...

واتكمل يوم الثاني وتتصل وتتصل وتتصل فلانه تراه فيه عرس..

فلانه تراه فيه عرس.. فلانه تراه فيه عرس..

ولين ما يخلصون ربعها الي اتعرفهم... والي ما اتعرفهم بعد تعزمهم

+++++++++

اما الحضريه

لازم تكون مناسبتها عيد ميلاد ولا عيد زوااج ولا فلنتاين دايز

تعزم ربعها كلــهم ما عدا اهلها

السؤال ليش؟؟

(اتفق العلماء انه اهلها يفضحون )

+++++++++

والعيميه

عمرها ما رفضت طلب

كل المناسبات افا عليكم انا يايه وليش ما ايي

ويوم اتسير ما تعزم الا وحده من ربعها بــــــس

السؤال ليـــــش؟؟

(( اتفق العلماء وقالو لو عزمت اكثر من وحده يمكن ياكلون اكلها))

فـ مافي داعي وعلى قولتها انا اولى وانا وراي درب لين العزيمه الثانيه


=============

ورابع شي السوالف :

البدويه

يوم يسولفن البدويات كل سوالفهم عباره عن

الحش والقليل من التقطيع ويفضلن التعييب في محاسن الشباب (( يحليلهم والله ))

الا فلان يشرب وفلان زخوه ويا لبنانيه خايسه (( يعني منقهره ههههه ))

وشفتي بنت فلان شو لابسه (( ما اتروم تلبس مثلها وييييييو ))

+++++++++

والحضريات

ما عندهم سوالف الا شفتي شنطتي تراها ماركة (( هههه جذابه مال بانكوك))

شفتي ساعتي تراها ماركه هههههه بعد جذابه

لا القهر وين؟؟

يوم يقولن انا بـــابـــاه (( بغله واشمتنها واتقول باباه ))

انا باباه يابلي هدية ساعه من لندن ومناك ابوها امطيّح في بتايا ههههه

+++++++++

والعيميه يوم اتسولف

يسولفن عن فتح محل حنا ...محل خياطه

في كيف اييب بيزات

(( اتفق العلماء ان اساس اقتصاد الامارات هم العيّم ))


===============

وخامس شي الترقيم :

البدويه

يوم تترقم تفضحه واتزاعق من بلعومها

يا الخايس يا اللي ما تستحي يا قليل الادب يا يا يا...........

وما اتسويله كاني ماني بالنعال على راسه هوه واربيعه

وما ترتاح لين ما يشهد بالشهادتين ويخاف ربه ويخطبها غصب

(( والله خطه حلوه هههه صدق ان كيدهن لعظيم ))

+++++++++

والحضريات

فيه منهم والنعم

وفيه منهم يقولون عادي(انا خلقناكم شعوبا وقبائل لتعارفوا)

يعني نوبربلم

+++++++++

والعيميه هم كذلك فيه منهم والنعم

وفيه منهم مب اي شاب يمزر العين لاااااا والف لا

لازم لابس نعال بشوتي وكندوره امرتبه (( يعني مب ماكلتنها العنزه ))

والغتره والنعال وموضه السنه بي ام اكس فايف او بودمعه

===============

سادس شي اللبس :

البدويه

غير العبايه والشيله والغشوه العاكس 100% حتى هيه نفسها مااتعرف وين سايره

الا اتدعم يمين ويسار

+++++++++

الحضريه

عبايه وشيله آخر موديل الي الي يوم يسير يفصلونها المفصل يذلهم عليها هههه

ما يعطيهم الا ما يوقع فيها ...

لااااا وفوق هذا كله شو يلبسن تحت العبايه

عااااادي جنز ولا ستريج ((عبايه امستره وسترج كيـــــــــــــف ماادري))

+++++++++

اما العيمية الشيله على الكتف ودايما اتكون امطرزه والعبايه مخصره فرنسيه

(افهمها رقمني يالله)

لا وتقولك


ويـــــــــــــــه شوفيهم الشباب عمى بس يغازلوني انا جنه مافيه وحده حلوه غيري ..

هذا وانا لابسه العبايه كيف لو اعق العبايه شو بيسوون ؟؟


===============

وسابع شي الزواج :

البدويه

يوم حد يخطبها لازم يكون ولد عمها

مافيـــــــه عقل امقفل امبرمج على هذا الشي وبس

+++++++++

الحضريه

لازم يكون وسيم وحليو وغاوي عشان تتفشخر فيه جدام ربعها

+++++++++

اما العيميه

اهم شيء عندها الطيبه والاخلاق والفلووووس قبل كل شيء

وتطلب كل شي ما اتخلي شي في قلبها حقها وحق امها واهلها

(( ولو كتب روحه حتى بأسمها ماتقول لا)) حشى بيتزّوج حياة ديانا


===============

واخر شي يقولكم :

البدويه احلى من الحضريه والحضريه احلى من العيميه

اتفق العلماء بأن العيميه احلاهن كلهن بس قبل الزواج

اما بعد الزواج ينجلب الويه ليش ما ادري؟؟

 

 

هههههههه

يسلمووووووووووو

 

 

ههههههههههههههه

مشكوره