الـــبـــادي اظــــــلــــم

الــــبــــادي اظــــلـــــم..!!

أيه .. انا اتعهدت اخونك مثل ما خنتي (بوقاحه)
ماهو من طبعي الخيانـه بـس بتعلـم أخـون
مقدر ارجع لك وسامح ما بقلبي لـك سماحـه
ما بقى بالقلب رحمه(يا حرم قلبـي المصـون)
طاح قدرك من عيوني و الغدر حقـق نجاحـه
دام ضيعتي الامانه صار وضعـك وضـع دون
دام ترضين الاهانه لاجـل عصـرك وانفتاحـه
عولمـة تحديـث قلبـك تطلبـك رد الديـون
كنتي في قلبي مصانه قوتـك عقـل ونصاحـه
في محياك البراءه طبـع واحسـاس وسكـون
مثل درة في بحرنـا مايهـم اوصـل سباحـه
المهم اوصل( لدرك) قبـل غيـري يوصلـون
كان حبك ممتلكنـي مـا تـرك فينـي مساحـه
كان حبك قلت كان.... و(شي لا يمكن يكـون)
كان حبك شي خيالي مقدر أوصفـه بصراحـة
بس اقول( استغفر الله ) واصل لحـد المجـون
كـان قلبـي بالمحبـة دوم غـارق بنشراحـه
لين بفعالك هدمتـي مـا بنينـا مـن حصـون
كنت مثل الطير عالي يحضـن الغيـم بجناحـه
كنت مثل الموج هايج يحضن الصخـر بجنـون
كان قلبي شبه صحرا وأنتي كنتي فيـه واحـة
لي ضمت كل المشاعر مـن قراحـك يرتـوون
كنت ارجو من وصالك قرب وأحضانٍ وراحـة
كنت اطلب من مزونك قطرةٍ تـروي الشجـون
ما حظيـت الا بطعنـه أهـدت لقلبـي نواحـه
ما حظيت الا بليـلٍ فيـه مـا تغمـض جفـون
كان لازم قبـل احبـك ادرس القلـب وكفاحـه
ادرسه احسن دراسه حب واحسـاس وظنـون
كـان لازم استحلـه واسلبـه اقـوى سلاحـه
صدق قالو (البادي اظلم) بس هيـن ياحنـون!
بقلب الاية عليك .. واغـرق القلـب بجراحـه
بتركك تشكي وتبكي ذوقي جرحـي والطعـون
قولي عني شخص فاشل ماعرف وينه صلاحـه
يوم انا..اخترتك حبيبه الله يخلف لـي عيـون
يومها ماخذت شور.... (مهر) عاجبني جماحـه
قلت اكبح..من جماحه وارتمـي بيـن المتـون
قمت اشكك بختياري هـذا ذوقـي او مزاحـه
بس هي كبـوة جـوادٍٍ (يالله هونها....تهـون)
ياحسافه وين راحت قوة العقـل ... ورجاحـه
والله ماتنفـع رجاحـه داام تجذبنـا الفـتـون
دوم افكر بالخيانه في مسـاء حبـي وصباحـه
دووم افكر (بانتقامي) لجل تـدري مـن اكـون
لين ظنيت الخيانـه فـي قواميسـي فصاحـه
مادريت اني مهلوس والهـوى لعـب وفنـون
غلطتي طِيِب وسذاجه مير غلطاتـك (بجاحـه)
غلطتي اني عشقتك والعشـق عنـدي جنـون
والله اني مـا اخونـك لـو خيانتكـم مباحـه
ماهومن طبعي الخيانه مستحيـل انـي اخـون
********

تحياتي... بــــنــــ مثل العسل ــــت

تسلمين على كلاااامج

اي والله البادي اظلم يالغاليه

 

 

يعطيج الف عافية عسووولة على الكلام الجميل او انشالله انشوف اشعارج دووم روعه او الا الامام دايما

اخوج بو علاوي

 

 

غنوله (انته بديت وانته تحمل وله نسيت ان الزمن ضدك تحول )


مشكوره على هذا الكلام الطيب
يعطيج العافيه

 

 

صح لسانج ومشكوووووووووووره اختي علي الشعر الحلووووووووووووو
ومشكوره علي الكلام الحلووووووووووووووووو
يعطيج العايفه