انتقااااام الاحبه ....!

يسلمووووووووو شقرووووو

يالله التكمله

وبليييييييييز لاتطولين علينا

يسلمووووووو عالمتاااابعه وسوووري عالتأخيرر
-----------------------------------------------------------

مر اسبوعين على سفر احمد وفواز ...ويا ربعهم لأحد الدول الأوربيه ...وبالطرف الثاني هيا فاتحت أمها بالموضوع ..الي ماصدقت أخيرا أنه فواز بيتزوج وبياخذ بنتها الثانيه منار ... وبالطرف الثاني أم منار الي كانت موافقه ومستانسه بس طبعا الراي الأول والاخير لمنــار وينطرون أحمد لما يرد من السفر عشان يكلمون منــار ...
وبيوم مشرق والعائلتين مقررهم أنهم بيطلعون للشاليه بالجليعه ومقررين أنهم ينامون جم يوم هناك للترفيه عن نفسهم وكانت منار وسعاد مع هيا بالسياره ..وأبو فواز وأبو احمد مع بعض ويا حريمهم ....
وبالطريج مع هيــا كانت مشغله لهم أنشودة فرشي التراب ..لمشاري العراد
فرشي التراب يضمني ..
وهم غطــائي ..
حولي الرمال تلفني بل من ورائي...
واللحد يحكي ظلمة فيها ابتلائي...
والنور خطى كتابه أنسي لقائي....
والأهل أين حنانهم باعو وفائي ..
والصحب أين جموعهم تركوو أخائي ..
(( ماوصيكم تسمعونها ))
منار وسعاد : ترى أحنا رايحيين نستانس مو تحزنينا يالمعقده
هيا(( الي كانت متأثره ودموعها تتساقط وماحست بالسياره المسرعه الي اصدمت سيارتها بقوه ومن شدة الحادث سقطت على الرصيف ومنار وسعاد الي كان مغمى عليهم وموحاسين بحواليهم)) مرت حوالي نص ساعه وأهلهم يدقون عليهم وحسسوو بشيء صاير مو عادتهم يتأخرون ....




وبعالم المرضى والدكاتره كانت هيا بالعنايه المركزه وسعاد ومنار كان مغمى عليهم بس حالتهم مستقره وبالعالم الأسره الي انصدمت يوم درت عن الحادث ماحسوو بنفسهم الا اهم بالمستشفى وحالتهم النفسيه منهاره وخايفين على بناتهم ...وراحوو الأستعلامات يسألون عن بناتهم وعرفوو أنه هيا الي حالتها خطيره ....وانه سعاد منار بخير والحمدالله بس خدوش بسيطه ....وأم فواز الي من سمعت الخبر انهارت من البجي وكانت ام احمد تهديها بس تعرفون قلب الأم مايرتاح اذا عيالها فيهم شيء ...ومالقوو نفسهم الا عند هيا وتموو يطالعونها من الدريشه الزجاجيه ....وبالطرف الثاني منار وسعاد الي صحوو من الأغماء وعرفوو أنه هيا بغيبوبه ...وحاولوو أنهم يروحون لهيا بس أبو أحمد منعهم وخلاهم يرتاحون بعد ما عطوهم المسكن للألم .....
أم فواز: الله يعينج يابنتي ...ويقومج بالسلامه يالغاليه ...يانور البيت والله
أم سالم: أمين ان شاء الله ..والله هيا ماتستاهل
أبو فواز: هدو ياجماعه ان شاء الله كلها أزمه وبتعدي وهيا بتقوم بالسلامه((واهو من الداخل يحترق على بنته))

ومر يومين على حاله هيــا ..وللحين ما صار فيها اي تحسن وسعاد الي كانت منهاره على أختها ولا حالها ...هيا الطيبه الي عمرنا ماسمعنى منها الكلمه الشينه ولا اذت أحد يصير فيها جذي ...آآآآه يا هيا ماتدرين شنو أحبج وأغليج ولا اتصور حياتي بدونج يالله يارب تقومين بالسلامه وأشوف ضحكتج واسمع سوالفج...

ومنار الي كانت حيل متاثره على هيا بس حاولت تبين أنها قويه ولا تنهار جدام سعاد الي تعرفها انها حساسه وماتتحمل اي انهيار من شخص ...

أبوسالم : سعاد ومنار يلا بناتي امشوو معاي للبيت أنتم من أمس وانتم عندها لازم تتراحون ...

سعاد: انا ماراح أخلي أختي بتم ويا امي

منار: سعاد أنتي جذي بتجهدين بنفسج وبتتعبين ..وان شاء الله مانرد باجر الا هيا صاحيه

سعاد: قلت لكم مابي أنا بقعد تفهمون

أبوسالم: على راحتج يابنتي...وأم فواز بتقعد معاكم

منار((الي مانامت من يومين وحاسه أنها بتنهار)) : اذا صار اي شيء دقوو علينا

أبو فواز: ان شاء الله بنتي

وغرفه منار وعلى سريرها قعدت تتذكر مواقفها ويا هيا أيام قبل وشلون كانت هيا طيبه وقمة الاخلاق وأهي تتذكر أدموعها عيت توقف وقلبها يعورها تحس أنه هيا بتودع الدنيا .....استغفرت ربها ...وراحت تتوضأ وصلت لها ركعتين وحاولت تنام

وعلى اذن الفجر دق تلفونها استغربت .... منو الي يدق عليها الحين ويوم شفته لقته رقم اخوها احمد بالكويت استغربت معقوله رد بدون لا يقول لنا

منار: الو

أحمد: نزلي يمــه انا تحت ..

وأول ما شافت منار أخوها ماحست بعمرها الا اهي تركض له وتضمه وتبجي على صدره ...وأحمد الي انصدم وحس أنه في شيء صاير

أحمد : منار حبيبتي شفيج

منار(( الي كانت مو قادره تتكلم واستمرت بالبجي حاول أحمد يهديها عشان يعرف منها شالي صاير ...وبعد ربع ساعه عرف شالي صار وطلب من منار تهدي من نفسها وتوكل أمرها لله وكل شيء بيد الله وطلب منها تصلي الفجر وتنام لها جم ساعه تريح نفسها وبعد ما تأكد أن أخته نامت على طول دق على فواز ))

أحمد:فواز أنت بالمستشفي

فواز:اي((وصوته كان مبين فيه الحزن))

أحمد: مسافه الطريج وانا عندك

وبالمستشفى وأهم ينطرون اي أمل أنه هيا تصحى وام فواز الي ماشالت عينها عن القرآن وسعاد الي كانت تدعي الله بان يقوم أختها بالسلامه ومنار الي كانت يمها وتواسيها وأبو فواز الي كان يبين أنه قوي ولا أهوو بالحقيقه ضعيف وقلبه متقطع على بنته...وفواز الي من رد من السفر مانطق بشيء وحاس بضيقه بقلبه وأحمد الي كان حاس برفيجه وعارف انه اذا فيه شيء ما يتكلم ...

وفواز طلب من الدكتور انه يدخل على أخته ولبس ملابس الوقايه ودش الغرفه الهاديه وشاف اخته واهي نايمه على السرير كأنها الأ ميرة النائمه الي تنتظر قبلة حبيب ولكن أهي لا تنتظر هذه القبلة بل تنتظر رحمه الخالق بأن يفيقها من هذه الغيبوبه ...وماهي حتى دقائق حتى فتحت هيا عيناها ببطيء ونظرت الى اخيها والى ابتسامته الحزينه وحاولت تحريك شفتاها حتى تطلب الماء

هيا: أبي ماأأأأأي

فواز: ان شاء الله ...وحاول يشربها الماي ببطيء عشان كان خايف لا تنختنق أو يصير لها شيء وبعد ماشربت ردها ببطيء على السرير وراح ينادي الدكتور ويبشر اهله...

ومر أسبوع وهيــا بالمستشفى تحت الملاحظه الطبيه والأهل كانو بالأستمرار يزرونها

منار: لا لا اليوم غزال صايره تهبلين

هيــا: الله يخسج منار مره وحده غزال قويه عاد

منار: والله انتي أحلى من الغزال ولا شرايج سعاد

سعاد(( الي راحت تلم اختها )) : يخسى الغزال يجي ربع جمال هيا

هيا (( ماتت ضحك عليهم))

منار: ماصارت عاد طولتي بالمستشفى متى تطلعين نبي نحتفل بسلامتج

هيا: ان شاء الله عن جريب ونحتفل بعرسج

منار: لا توني يباا بدري علي

هيا: ليش بدري مدام العريس جدامج وميت عليج

منار(( استغربت)) :جدامي منو تقصدين

هيا: فواز اخوي

منــار(( الي كانت تكره فواز كره مو طبيعي ومهتمه فيه بنفس الوقت ((مشاعرها متناقضه )) وماحست بنفسها الا واهي تقول )): وعععععع موناقص الا فواز الشاذي

وماكانت تدري انه فواز وراها وسمع كلامها وهيا وسعاد كانوو ميتين ضحك واهي مستغربه على ضحكهم المفروض يعصبون على زلت لسانها ..وماحست الا بصوت وراها يقول

فواز: وصل المزيون الي بعض الناس ميته غيره منه

وسعاد وهيا :: انفجروو ضحك على أخوهم ومنار الي ماتتقبل اي شيء من فواز قامت من الكرسي وطلعت من الغرفه معصبه وفواز الي كان يراقبها واهي تطلع وميت ضحك عليها وبنفس الوقت ميت على حركاتها

هيا: الله يهداك بس مالقيت الا تتحرش بمنار

فواز:ماحب دلع البنات معطينها ويه اكثر من الازم(( وأهو ميت على حركاتها ))

سعاد: حدك عاااد عن حبيبتي

فواز: مالت والله هذي تنحب(( وربي مو بس تنحبين الا أتخبل عشانها))

هيا: اشوفك ميت عليهاوعيونك مانزلت عنها وتبي تتزوجها الي ماتنحب

فواز: بتذبحني هذي البنت كثر ما حبها كثر ماودي أخنقها (( تعرفون حركات المسلسلات المكسيكيه ههههههه))

يتبع ........

قررت هالمرره احط لكممممم جزء طويل شوووووي :D

=================================

وبالصبح اليوم الثاني وأم فواز وفواز الي قعدوو من الصبح عشان يروحون للمستشفى يزورون بنتهم ....وكالعاده يروحون قسم الباطنيه غرفة رقم 54 الي يم الأستعلامات ....فتحوو الباب لقوو السرير فاضي ومرتب ..استغربوو وين هيا........فواز راح الأستعلامات يسألهم عن أخته ماردت عليه السستر بشيء فطلب منها ان يشوف الدكتور وأم فواز الي كانت ميته خوف على بنتها ..

الدكتور: السلام عليكم

فواز: وعليكم السلام ..دكتور شسالفه وين هيا

الدكتور: أنتم ناس مؤمنه وعارفين أن ده قضاء وقدر من ربنا

أم فواز: شتقوووول أنت

فواز: شنو صاير

الدكتور: البقيه بحياتكم

أم فواز (( الي أغمى عليها من قوة الصدمه وتجمعوو عليها الطاقم الطبي يفحصونها ..وفواز الي انهار من هول الصدمه وقام يبجي كانه طفل ماحس بوصول احمد الي من شاف حالة رفيجه درا أنها هيا ماتت الله يرحمهــا وماحس الا بدموعه تنزل ويلم رفيجه الي كان معاه بعالم العذاب والألم ))

مرشهرين ببطيء على أيام العزاء حاملة معها الدموع والحزن ...وسعاد الي ما نطقت حرف واحد من سمعت الخبر عايشه بعالم الثاني ماتحس بالي حواليها ومنار الي كانت تحاول تطلعها من هذا الجو المؤلم بس سعاد رافضه اي شيء وماتبي تشوف احد ...وكانت دايما تحبس روحها بالدار وماتبي تشوف احد وفواز الي تقبل الوضع بمساعدة رفيجه أحمد ...وابو فواز الي كان مؤمن بقضاء ربه وساعد زوجته على تخطي الامر والتعايش مع هذا الواقع ..ومنار الي كل يوم تفكر بكلام هيا بالمستشفى ..معقوله فواز فكر أنه يتزوجني ...؟!

:::::::::::::::::::::::::::::::::::::::::::::::::: ::::::::::::::

وبالفجر يوم الأثنين وفواز راد من الصلاة وتعبان حده ويبي يروح ينام واهو بالطريج لغرفته سمع صوت أحد يبجي وعرف أنها سعاد الي للحين مو متقبلة الأمر ..فواز الي قعد يقول لنفسه لمتى أهي جذي شالحالة مو ناقص أنه أمي تتعذب لما تشوفها ..شالأنانيه الي فيها ماتفكر بأبوي ولا بأمي ماتراعي مشاعرهم ولا تفكر بمعانتهم أدري انهم مهما ابتسمو يظل في قلوبهم جرح كبير ماراح يداويه اي شيء ...فقد فلذه الكبد شيء صعب ...أنا لازم أصحيها من الي فيه ..وأهو يدق الباب على سعاد سمع صياحها أكثر فقرر أنه يدخل عليها..

فواز: سعاد بس خلاص لمتى أنتي جذي

وسعاد الي كانت بعالمها وعلى سريرها رافضه تسمع أي شيء وزادت من صياحها

فواز هني فقد اعصابه ومل من دلعها ..ما حس بنفسه الا أهو جارها من جتفها ويصايح عليها

فواز: جـــــــــــاب بس خـــلاص شالأنانيه سكتنا عليج شهرين وخلينج على كيفج قلنا يمكن تحسين بنفسج وتراعين أمي وأبوي ..بس الظاهر ماتفيد معاج الطيبه لأنج أنانيه وعمرج ماراح تحسين بغيرج للاسف ماتوقعتج جذي ...((ماحس بنفسه الا وأهو يحذفها بقوة بالسرير وطلع معصب من دارها ))

سعاد ..الي انصدمت من كلام أخوها ومن صراحته معقوله أنا جذي وأمي وأبوي الي مافكرت فيهم ولا أهتميت فيهم شنو راح يقولون عني ..آآآه يا هيا شسويتي فيني ...رحلتي وخليتي خيالج حواليني ..رحلتي وخذيتي كل ضحكه ببيتنا معاج ..رحلتي وتركتي حوالينج أهل ماتو من فراقج ...ماقول الا الله يرحمج يالغاليه...وتمت تبجي لين حست براحه وقررت أنها تتوضأ وتصلي وتستغفر ربها ودعت ربها أنه يثبتها بكل خطوه ويعينها على القادم ..ونزلت الصبح وسلمت على أمها وابوها الي حست بنظرات الفرح بعيونهم يوم شافوها طلعت من الي فيه ...وعاهدت نفسها أنها بتبدأ حياة جديده عنوانها الأمل ..
ومنار وأهي بغرفتها تسمع لمادونا ..أغنية the bower of good bye

your heart is not open so I must go

the spell has been broken >>I love you so

freedom comes when you learn to let go

creation comes when you learn to say no

walk away

you were my lesson I had to learn

I was your fortess you had to burn

pain is awarning that something's wrong

I pray to god that it won't be long

(( خوش أغنيه تعجبكم ))

ومنار واهي مندمجه مع الأغنيه ومتأثرها حدها .. وصورة فواز ماتفارق خيالها ماتدري ليش دايما تفكر فيه مع انها ماشافت منه الا التجريح والزف ...ماحست بالي داش دارها ويصورها ...ولما لفت ويها لقت أخوها أحمد ميت ضحك على الصوره ..

منار: انت مينون الظاهر شتصور

أحمد: والله كاميرا توني شاريها ((الكاميرا الي تطلع الصوره معاها فوريه مثل الي بالحديقة الحيوان هههه)) واستفتحت على ويهج النكته يعني شاعريه ويا وجهج

منار: ههههههههههههه خلني اشوفها

أحمد: قلبي ويهج بس بروح أوري كل البيت...((وانحاش منها))

ومنار وراه ركض قبل لا تصير مصخره بالبيت وطبعا اهوو سبقها وعطاها أخوه سالم ومرته الي شافوها وماتوو ضحك على منار ..ومنار عصبت حدها وتحاول تاخذها منهم بس موقادره صارت طماشه وماحست بنفسها الا واهي تبجي وتركض لدارها ..وأخوانها ماتو ضحك على دلعها وطنشوها لأنهم عارفين منار دموعها بجيبها ((أم دمعه))

سالم : الا صج احمد شخبار رفيجك فواز ان شاء الله بخير

أحمد: لا أبشرك بخير وبصراحه الولد يبي القرب منا

سالم: بمنو منار الياهل

أحمد: الله يهداك بس منار بتروح ثانيه جامعه وماهي ياهل

سالم: بس الي اعرفه من كلامك أنه راعي بنات ومغازلجي درجة أولى

أحمد: لا والله الولد من قبل وفاة أخته واهو معاد يكلم بنات وبيني وبينك بصراحه ماراح ألاقي احسن منه يحفظ أختي ويراعيها

سالم: والله الولد مايعيبه شيء بس مانبي نتسرع على شيء نندم عليه بعدين

أحمد: والله الراي راي منار واهي حره أحنا مالنا كلمه عليها بهذا الموضوع

سالم : على خيرة الله والي كاتبه ربي بصير ..

وبنفس الوقت أم سالم قررت أنها تفاتح منــار بموضوع الخطبه وكانت تتمنى أنه منار توافق عشان أم سالم رفيجتها الي فارقتها الابتسامه من وفاة الغاليه هيا .. ان شاء الله ربي يهديج يابنتي وتوافقين على فواز...ومنار واهي بدارها تقرا مجله وسمعت صوت أحد بدارها ..

منار: هلا والله بالغاليه

أم سالم : هلا حبيبتي

منار: ماشاء الله شالنور داشه داري شصاير يأم سويلم

أم سالم : ههههههه الله يقطع أبليسج ابيج بسالفه يمــه

منار : امري كلي لج يالغاليه

أم سالم : يابنتي أنتي كبرتي وألف واحد يتمناج وبصراحه في واحد يبيج على سنة الله ورسوله

منار(( كانت ساكته ولا نطقت بشيء))

أم سالم : يابنتي فواز أخو هيا المرحومه يبيج زوجه له ..هذا الأمر خاص فيج وما أقدرج أجبرج على شيء بس فكري أنج بموافقتج بتربطين بينا أكثر وفوق هذا بتردين الفرح بعايلة أم سالم الي للحين عايشين بحزن على فرقا الغاليه هيا وأنا يابنتي قبل كل شيء ما اتمنى لج الا السعادة وبصراحه ماراح ألاقي رجال يحفظ عليج كثر فواز الي نعرفه وخبز ايدنا بخليج الحين تفكرين على راحتج ومتى ما قررتي بشيء تعالي وقولي لي ..

وطلعت أم سالم من الدار ..ومنار الي استغربت من فواز ..معقوله يبي يتزوجني ..ياربي مو راضيه افهم هذا الرجال يشك فيني وبنفس الوقت يبي يرتبط فيني ..بس انا مستحيل اوافق عليه انا ماحبه ..ما اقدر اتزوج رجال ماحبه ..

((للاسف منار مو راضيه تفهم مشاعرها ))

وفواز الي كان قاعد عند البحر وخيال منار مايفارقه ...وينطر اليوم الي يجمعه معاها ويكون بقربها (( آآآه يامنار شسويتي فيني خليتيني مراهق اركض وراج وبضحكه منج اذوب بس وربي عهد بيني وبين نفسي والله لخليج تموتين فيني وراح أرتبط فيج))


يتبع ............ :D

شو وين التكملة بليييييييييييييييييييييييييييييييز كمليها

شكرا حلوة اتمنى المزيد

يسلموووووووووو على القصه

ييييييييييييييييييييييييييييييييييي
وين البائي حبيبتي انتي بسرعه كمليها