بنات لاتتزوجون الا يوم تعرفون اهل المعرس زين زين تعالو شوفو شو صار؟

بسم الله الرحمن الرحيم

انا سمعت عن قصة واقعة حدثت في هذا الزمان يا الله هل تتوقعون انه هناك بشر بهذه الصوره القصه جدا فظيعه

كان هناك عوائل يعرفون بعظهم زين زين اعرفهم لكم

العائله الاولى:
الاب : سالم
الام : ناظره
البنات: بسمه الكبرى متزوجه و تشتغل مدرسة و فاطمه بعد متزوجه ومدرسه و عهد طالبه تدرس في الجامعه.
الأولاد: حسن الكبير و يتغل ومعرس و علي طالب يدرس في كندا اليوم و زياد طالب


العائله الثانيه :
الاب : عمار
الام: خلود
البنات: نظره اللي اهو متزوجه سالم و فاخره متزوجه و هبه متزوجه من حمد و هيفا
الاولاد: فهد متزوج و عمر متزوج من ريم وصلاح متزوج من فاطمه و مايد متزوج من خوله
وعبد الرحمن متزوج


العائلة الثالثة :
الاب: محمد
الام: حليمه
البنات : ريم اللي اهو متزوج من عمر
فاطمه اللي متزوجه من صلاح
خوله اللي متزوجه من مايد
أميره يا ترى شو كان مصيرها ؟ هذي هي قصتنا
بشرى طالبه تدرس في الجامعه

الاولاد:حمد اللي متزوج هبه
سعيد
عبيد


أميره هذي بنت جميله طالبه جامعيه محترمه خلوقه الكل كان يمدحها علي يوم من الايام واهم

صغار شافها و كان يحبها ويوم كبر قال حق امه انا اريد اتزوج من اميره وطبعا فرحوا اهلا لانه بيتزوج

سار سالم اللي دايم هاجر البيت مع ابنه عشان يخطوبون اميره واميره استخارت ووافقت لكن كل

شي يكون بعد ما تتخرج من الجامعه ام حسن ( اللي هي ناظره) كانت دايم تردد انه علي

بيسوي بيت حق اميره وانه بيعطيها و بيسويلها طيب اميره تخرجت من الجامعه وقررو انهم

يملجون الكل استعد للملجه و كانت بشرى توها متخرجه من الثانويه وكانت يايبها 95 الله يحفظها

وتمت الملجه بس يا ترى شو استوى بالملجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

تعرفون انه حسن كان متزوج من وحده اسمها هديل و يابتله بنوته اسمها شمه وطبعا طلقها ومحد

كان يعرف السبب غير اهله و اهله يقولون نحن ما نعرف حسن مو راضي يخبرنا المهم راح خطب

وحده اسمها اماني وهذي البنت متوسطه الجمال وطبعا كان عرس علي و حسن في نفس اليوم


بس ياترى شو صار في الملجه وشو اللي حصل بعد العرس؟ شو تتوقعون ؟

بنزل البارت الثاني اذا حصلت تفاعل

ننتظر البارت الثاني عشان يتم تقييم القصة كاملة باين قصة روعه حبيبتي

الجزء الثاني :
وصلنا ليوم الملجه طبعا الكل فرحان و مستانس و اميره راحت الصالون و طبعا الملجه كانت في بيت العروس و بدت الحفله و اهل المعرس و صلو المهم يوم يأ وقت دخول المعرس طبعا الام رفضت انه ابنها يدخل لانه عندهم عيب الريال يدخل عند الحريم ودخل عندها الحجره بس يوم دخل عندها حست بأن كهربا مسكتها و صدت راسها عنه ( سبحان الله ما ارتاحت له) واهو دخل عليها مبوز حتى ما مدحها مثل ريياييل العالم لانه اهم عندهم اللي يمدح حرمته يعني مو ريال المهم هذي اميره كان عندها موبايل خط وكانت دوم تتكلم مع ريلها من تلفونها بس امه ما كانت تعرف عن الموبايل ويوم عرفت تخيلو شحنت راسه و قالت انه ممنوع و سار عند حرمته و قاللها انه ودري التلفون الحين و بعد العرس بييبلج تلفون واهي يحليلها على عنيتها ما تعرف اللي مندس اهي اهي كانت دوم ما ترتاح له بس تقول يمكن هذا خوف واتى يوم العرس و كان الكل فرحان و مستانس وتم يوم العرس وطبعا اهي ما عاشت في الامارات غير 3 أشهر و الباقي في كندا مع ريلها بس شافت الويل منه تخيلو طلعت تحت السواهي دواهي تخيلو لو تعامل مع حرمته نفس العالم و الناس يعني مو ريال
باختصار بققلكم بعد العرس شو طلع تدريجيا :
موبايل ممنوع لانه بيخسرهم فواتير و فلوس
لبس تختاره ممنوع مالها حق تختار
مصروف ممنوع يقوللها انتي خدامه عشان تبين مصروف اساسا راتبه ينزل في حساب ابوه و ابوه يعطيه مصروف
قالت بما ان ممنوع المصروف خلاص خلني اشتغل عشان اصرف على نفسي طبعا ام زوجها قالت ممنوع عشان ما تلبس و تكشخ مثل بناتها ما تبي حد مثل بناتها وحتى ممنوع تروح بيت اهلها الا بإستذان من ام زوجها وممنوع تلبس الا باختيار من ام زوجها وحتى ملابس لابنها ام زوجها تختار و ووممنوع تدخل و تطلع من حجرتها الا بأمر من ام زوجها وحتى تلفون حجره خاص مافي اذا حد اتصل يرن في حجره ام الزوج وبعدين اهي تحول على الغرف وتبيها تطبخ و تييب عيال و بس و مالا حق انها تطلب حقوقها ممنوع تاكل مع زوجها الرياييل مع الريياييل و الحريم مع الحريم ودوم يسدون النفس و قت الاكل خايفين على اللقمه وممنوع تلبس اصلا كيف تلبس و اهو ما يعطيها شي وممنوع تطلع مع زوجها منعا باتا لازم ام الزوج وخواته معاهم ممنوع تستخدم كمبيوتر و لا انترنت اونه عندهم عيب و اهو لاعيب و لاهم يحزنون لانه خواته يدشون بس خايفيين عاى الفواتيير عندهم فلوس و يتحرون محد عنده فلوس غيرهم وممنوع تجلس اهي و زوجها مع بعض وممنوع تتعدل حق زوجها وحتى الحليب ما يعرفونه وحتى اهو استغرب في اول يوم زواجهم انه امه حاطه حليب في الثلاجه طبعا ( تتظاهر ) ممنوع حتى تقول رايها في شي وممنوع وممنوع وحتى كان يضربها ويوم ربت في كندا تركها في الغربه 3 ايام و لا يدري عنها وومممنوع ومممنوع وومنوع وهذا اشويه اللي قلتلكم اياه نقطه من بحر يالله

ويحليلها اميره استوت جلد على عظم وكأنها متزوجه ام زوجها الحمد لله و الشكر وطبعا في النهاية اميره اتطلقت

حبيبتي هذه الامور تحدث باستمرار وقت الخطوبة الرجل يمدح نفسه ويتظاهر
بانه افضل رجل بالعالم وبعد الزواج تطلع عيوبه
علشان جذيه يقولون الزواج قسمة ونصيب يا تصيب يا تخيب
اتحدى اي بنت تضمن زوجها بعد الزواج لو مهما سوت وسالت وتحرت
يبقى الرجل له اسراره وغامض فا بالنهاية بعد الزواج يا يطلع
رقية حمره او بيضة
شكرا على القصة والله يوفق الجميع

الغلط على أهل أميره ...
وينهم من قبل ما يسألوا...
الله يعينها .. لا هى أول وحده ولا أخر وحده ... وهذا حالنا

المشاركة الأصلية كتبت بواسطة حنـــــ الروووح ـــــين

الغلط على أهل أميره ...
وينهم من قبل ما يسألوا...
الله يعينها .. لا هى أول وحده ولا أخر وحده ... وهذا حالنا

لا غلط ولاشي اهم دخلو بالخداع و الغموض وكل الناس تعرف انهم ناس زينيين واوكي وحتى ايام الملكه كان اوكي بس تغير 2 يوم من الزواج وياليت تغير اهو لا طبعا العايله كامل مليون درجه تغيرت ولا تلومين اميره لانها ما تعلم الغيب وانتي لو كنتي مكانه و سالتي وقالو زينيين و 2 يوم العرس تغيرت العايله و غير الممنوعات الاهانات و التتحقير بلاه عليج انتي بتعلمين الغيب محد عالم غير الله سبحان الله الله طرش اميره لهاي العايله عشان تفضحهم

حبيت اوضح انها اهي اللي طلقته يعني خلعته و اهو اصلا يباها بس كيف من دون حقوق عافانا الله

مشكوره
الله يكفينا انشاء لله

مشكوره حبيتي

شكراً لك اختي الكريمة